大丼屋 (Closed)

之前帶媽媽同老豆去日本,由原先唔鐘意食刺食到左喜歡上..所以返到香港佢地都成日話要再食,而今次正正係由媽媽帶路,..因為佢去荃灣街市買餸個陣發現呢間日本丼,話價錢唔貴,可以試下.芝士蟹籽厚燒玉子$26:玉子厚身香甜,入口熱辣又軟綿,芝士味突出,配上卜卜脆既蟹籽,口感更豐富.炸三文魚骨腩$20:老豆最鐘意食脆口野,所以特別點左呢個俾佢食...三文魚骨腩被炸至金黃香脆得連骨也能食,伴上沙律醬一齊更加滋味,用來送酒更是不錯既選擇.原條海鰻野菜天丼定食$139:天婦羅鋪滿飯面上,睇落好大一碗,原條海鰻最吸睛.脆漿適中,不會太油膩.海鰻魚鮮較淡,蕃薯,冬菇及茄子等野菜都幾大件,而米飯中既醬汁鹹中有甜,一口飯一口天婦羅,味道剛剛平衡.定食配上既沙律菜清新爽脆,味增湯就偏鹹.北海道丼$139:刺身份量及種類都好多,有三文魚,油甘魚,甜蝦,海膽,帶子,蟹籽,一次過滿足貪心既我..三文魚夠肥美,厚薄均勻;油甘魚油脂香氣十足,滑嫩鮮甜;甜蝦蝦肉晶瑩剔透,鮮甜爽口;海膽甘腴鮮甜,入口即溶;帶子豐厚既肉身極富彈性,味道鮮味甘甜;蟹籽多到滿瀉,更令整個飯增添口感.

前排見有限定的巨型富士山丼，已經想黎食，但無奈安排唔到，今次終於可以食到，不過無左富士山丼，反而有另外兩款新出限定丼。就係以蟹爲主的蟹道樂丼，真係唔駛飛去大阪，都可以食到蟹，止住癮先啦。另一款係海鰻加野菜天婦羅放在飯上，即天丼。我同友人點了刺身、小食、啤酒及兩款丼飯定食，超值大滿足，新鮮好味仲夠哂飽肚。帆立貝刺身 $48，嫩滑細緻，沾帶微甜的刺身醬油，味道不錯，我留左兩塊配刺身丼飯，配蟹肉更鮮甜。樽裝麒麟啤酒（大）$38，由於點了炸小食，所以叫返個啤酒黎爽下，夏天岩哂，啤酒清爽又夠凍，夠哂兩人分享。炸魷魚鬚 $38，即點即炸熱辣辣上菜，估唔到魷魚肉好彈好柔軟，極易咬斷，而肉質炸得不乾，香口美味，配啤酒一流。牛肉丼定食 $99，有沙律、麵豉湯及丼飯，價錢吸引抵食。沙律用柚子醋，味道清新，麵豉沙亦不太咸，有油豆腐及海帶，味道幾好。牛肉份量滿滿，有4-5大塊，不像連鎖店的肥牛，呢度牛肉不肥膩，肉味重有咬感，嫩而無渣，經帶甜味醬油調味，更令人食慾大增，拌勻蛋黃後，蛋汁令牛肉更滑更香。蟹道樂丼 $149，主角出場，材料滿滿好豐富，仲放左蟹蓋，賣相立即升級，好華麗豐盛。材料有蟹肉、蟹鉗、蟹腳、蟹膏

原來楊屋道附近開了一個新商場，百悅坊，整個商場都係以食為主。又是選了日本餐廳大丼屋，我們太喜歡日本菜了。大丼屋有魚生飯，牛肉丼，咖哩飯，小食，大人小朋友都適合，而且環境寬敞，坐得舒適。北海道丼（$139）人氣推介魚生有兩大片三文魚，兩大片油甘魚，海膽，蟹籽，仲有兩大隻甜蝦，賣相好吸引，魚生新鮮，都幾大碗飯，原來會送一份沙律同麵豉湯，真係好抵食呢。築地自選丼$118 兩款自選丼我又想食魚生，小朋友又唔食得，所以選擇以個自選丼就適合不過啦。油甘魚丼&牛丼牛丼，細細碗，但小朋友一夠食，牛肉份量都唔少，都幾大塊幾厚，肉質唔錯。油甘魚丼，有4大塊，厚薄適中，油甘魚肉質嫩滑，夠鮮。豬肉餃子$22餃子炸得好香脆，餡料肉嫩多汁，好好味章魚小丸子（$28）小丸子細細粒， 外脆內嫩的麵糰， 每粒入面都有粒八爪魚粒，好彈牙，配上紫菜，燒汁，多黃醬，木魚碎，非常美味甘海老刺身（$48）大大隻，味道鮮甜甘香。

又到週末, 逛過商場後, 來到位於鄰近街市的日式丼飯餐廳。店舖內坐位寬敞, 就坐後職員熱情地推介兩款丼飯, 於是一試。兩款丼飯均配上沙律和味噌湯, 沙律汁以柚子醋汁作伴, 帶點清新的感覺,非常配襯。第一款是原條鰻魚天婦羅配野菜天婦羅丼。剛上枱時熱呼呼, 鰻魚炸得剛好而不乾, 炸漿又不會過厚, 再鋪上一層天婦羅碎作伴飯。不得不讚此舉的確將白飯的整體口感大大提升, 如果再配以天婦羅汁會更佳。第二款是蟹道樂丼飯。松葉蟹蓋放在飯上霸氣十足,  以往多是以雜綿刺身作丼飯食材, 而他們則以蟹膏、蟹籽、蟹柳和刺身蟹腳來增加新鮮感。蟹膏味道濃郁, 蟹籽卜脆又帶有鹹香, 最好用作伴飯。除了蟹以外, 還有小量海膽和一隻牡丹蝦。我們還額外加了油甘魚和牡丹蝦刺身。油甘魚每塊厚切, 非常滿足。兩款刺身算起來都不用過百元, 而最值一讚的是他們全日免加一, 食客在點餐時的預算可更鬆動。

今日諗住落荃灣街市買送，但可能太晏好多都閂左門，唯有拖住男朋友去四圍揾食，見到一個商場外面有廣告，上面d丼飯好似好吸引，咁啱想食少少魚生，就上左去試下大丼屋啦~原條海鰻 - 野菜天丼定食份量十分之大，原原條海鰻成個碗都放唔哂，同圖片中既一模一樣，口感十分鬆脆可口，好有海鰻既鮮味，麵粉吾會好厚身，配菜都十分出色，可以再試！黃金蟹丼定食同埋份量十足，海膽新鮮美味，無一仲放左好耐既"壓"味，蝦同蟹鉗都好新鮮好甜，蟹子份量十足，丼飯里面原來仲隱藏裡左一大陀蟹羔，口內鮮味十足，絕對抵食！油甘魚刺身咁即價錢食到咁既質素真係正，唔貴既刺身我每一次都好擔心用章紅黎扮油甘，但呢條絕對係正宗油甘魚，一食落好鮮甜好有油甘魚既味道，超級抵，下次一定要再叫多次！煎餃子皮脆肉嫩，外皮炸得恰到好處，唔會太乾又唔會太硬，但保留左咬口，裡面既肉汁足份，十分開胃，做頭盤一流！

放工之後同同事經荃灣楊屋道街市的百悅坊，見到2樓開左間大丼屋就上左去醫肚。鋪面裝潢日系，乾淨企理，座位寬敞，坐得舒服，環境唔錯。丼飯選擇多，每款丼飯套餐都附送野菜沙律同味增湯我同同事點左兩個期間限定的套餐同一個築地自選丼 套餐(有9款丼飯，可自選2款或3款丼飯) ：蟹道樂丼 (黃金蟹丼定食) - 蟹丼用料豐富，有黃金蟹膏、蟹肉、蝦、三文魚籽及海膽。黃金蟹膏入口味道濃郁且軟滑，蝦肉、蟹肉甘甜有鮮味，海膽口感豐腴，三文魚籽夠爽脆。穴子天丼 (原條海饅野菜天丼定食) - 天婦羅鋪滿飯面：南瓜、蕃薯、冬菇、茄子同原條海饅，有滿瀉感，近 6 吋原條海鰻最為搶眼。天婦羅入口香脆鬆化唔油膩，脆皮厚薄適中。白飯有米香，質感軟滑。蔥免治吞拿魚丼 - 吞拿魚鮮甜軟腍，魚香味濃，將吞拿魚同鵪鶉蛋米飯伴勻一齊食，口感綿蓉，味道一流。鰻魚丼-鰻魚厚肉少骨且香口，肉質嫩滑，醬汁甜度適中。三個餐連野飲埋單只係$430免加一，以呢個質素同份量的晚餐黎講，絕對係性價比高。

荃灣區內的食店越開越多，百花齊放，有時更讓人心大心細，難於選擇什麼菜系。最近來到百悅坊二樓一間以日式丼飯為主打的日本料理，丼飯款式多樣，尤其不只是一般的魚生丼，連熟食丼飯的選擇也不少，而且定價亦頗為貼地，筆者遂決定入內一試虛實。店內裝潢簡潔，座位整齊舒適，木系餐桌椅平實中帶著淡淡的日式風情，仿似置身於日本街坊小店般。現時潮興的丼飯，大都以爆丼滿瀉作招徠，這裡的丼飯也算是堆得滿滿的，除了魚生丼外，還有天婦羅、燒肉和咖喱丼，另外亦有一些日式小食和飲品供應，選擇較一般的丼飯店為豐富。先點來一些小食，雜錦天婦羅，炸蝦大大隻件頭十足，其他還有炸茄子、南瓜和番薯，份量和款式算很合理，天婦羅的炸皮不會太厚，酥脆鬆化，食材的水份完全被鎖緊，軟嫩多汁，浸上放滿蘿蔔薑蓉的天婦羅汁，吸收了醬汁的鹹甜味道後，脆中有軟，帶點蘿蔔清香，亦減少了炸物的油膩感，嫩彈香口，做得不錯。炸豆腐，新鮮即炸熱辣辣，外脆內嫩，豆腐十分滑溜，佐上醬汁、青蔥和木魚乾，味道清淡中見濃香，很有日式地道的簡約美。章魚小丸子，Size細細粒，外面微脆，內裡綿密，章魚肉大小尚算正常，沾上甜酸照燒醬汁和沙律醬，佐上紫菜和木魚絲，味道香濃，雖不未

燒牛肉爆丼：牛肉嘅份量唔呃人！唔會呃人一塊切開當兩塊。夠Juicy夠淋！初初擔心會唔會食落好Dry，但啲汁加埋隻蛋撈飯又幾唔錯，唔會太鹹，所有野都好適中！海老天丼：食天婦羅最緊要係個炸粉，好彩依個都唔差，炸粉唔算厚，而且夠脆。最欣賞嘅地方係啲飯另外有一啲天婦羅炸粉咁撈住食，口感夠特別！總結：不過不失，份量夠多，而且同參考圖片都幾似！

之前經過百悅坊原來新開左間丼飯舖頭，價錢又唔算好貴，我地揀左第二日就上去試下啦！我地上去都算早，所以不算好多人，都算有好多丼飯既選擇。【燒豚丼】$69原來個丼飯包埋個沙律及味噌湯，咁又真係幾抵食喎，一來到個丼飯賣相都唔錯，叉燒也不少，用料十足， 叉燒肉質入口軟淋，連埋個飯同D蛋撈埋一齊食認真不錯。【章魚小丸子】6粒小丸子不算大粒，但勝在皮脆內軟，章魚粒又夠彈牙。【甜蝦刺身】2份甜蝦夠晒大隻，咬落有口感，爽口又夠鮮甜。

近排荃灣開咗好多新餐廳，見近近地咁方便一於去試一試先。百悅坊係荃灣新食廈，位置近楊屋道街市，都算方便。餐廳感覺乾淨企理，開揚光猛。餐牌選擇唔算太多，但亦有期間限定特別餐牌。燒肉丼燒牛肉鋪滿整碗丼飯面，中間加上蛋黃，見到都覺得好吸引，牛肉厚身又夠多，肉味濃郁，沾上蛋汁同吃更添滋味。豚肉餃子外皮炸到金黃酥脆，入口脆卜卜，肉裏肉餡鮮味多汁，好好食😋炸魷魚鬚炸漿香脆可口，魷魚鬚鮮甜美味，沾上蛋黃醬更加惹味。整體食物都算唔錯，而且份量十足，非常飽肚。

<大丼屋 抵食好味日本野>😍🇯🇵呢間喺近荃灣西站既大丼屋 雖然叫丼 甘一定有唔同既丼飯 刺身 豬雞牛 等等🍚 但仲會有餃子 小丸子 刺身壽司天婦羅等 味道唔錯。價錢經濟 鍾意日本野既朋友可以試下😍🍴日式咖哩吉列豬扒丼定食 79 蚊🐖🍱豬扒飯大大份 吉列粉炸得好香脆 入面既豬肉比較煙靭豬味都夠 咖哩偏甜 帶有薯仔同蘿白🥕🥔 連埋軟白飯一齊食 撈埋都幾好味 以79 蚊黎講好高質 正😃每個飯餐仲配有沙律同麵豉湯 🥗沙律有粟米生菜蕃茄 🍅 麵豉湯都落足豆腐同昆布 正！🍴炸魷魚鬚 38 蚊🔥🦑38 蚊勁多料 d魷魚鬚每一條都連住幾條鬚 食落好有口感 出面既麵粉炸得幾香脆 點埋沙律醬十分唔錯😃🍴明太子手羽先 18 蚊1 隻(我點左兩隻) 🐤雖然雞翼唔大隻 但都炸得幾香脆 🔥入面既明太子係做正肉蓉甘 子味香濃 同有d 彈牙感 幾好味 🐟🍴章魚小丸子 28 蚊 6粒🐙6 粒小丸子 28 蚊真係好抵 一上枱熱辣辣 d木耳郁郁下 仲有紫菜😍 小丸子既麵粉幾鬆軟 入面嗰粒章魚彈牙唔細 抵食 正！！🍴豚肉餃子22 蚊 🐖🥟煎得好香脆既豚肉餃子 餃子皮夠香脆。入面好鍾意佢險左肥豬肉仲有韭菜 🌿

地方環境不錯，不算多人，8點鐘左右黎食飯，兩公婆一入去就可以坐底，不用等位。兩口子超肚餓，望落餐牌又好多好想試，呢个時間天枰座嘅選擇困難症性格就出曬黎，經過一番掙扎，終於叫咗2个丼，燒牛肉丼同一个時令魚生丼，上菜時間還可以吧，大約5-10分鐘內，而份量起碼你食完都會好飽，但跟餐个沙拉就真係比較差少少，同齋食生菜差唔多，冇汁又有d苦，敗筆，但埋單$260左右，感覺還可以，起碼感覺物有所值，仲要冇加一添，下次會再幫襯。

今天朋友生日, 想搵一到地方好好的大吃一頓.上網睇呢間日本餐廳唔錯, 所以就襯機會試吓呢到地方幾大, 座位好闊 都坐得舒服但是D野黎得好慢 我見到隔離張台埋單埋了10分鐘至於壽司是好食的 

今天午餐，打算對自己好D，諗住食好少少，所以揾左間食丼飯的地方諗住食個刺身飯。之前經過，見幾新下，所以入去試下，可能接近他們落場時間，所以沒有人。枱面已放了Menu,我同朋友睇左陣，之後有侍應再給我們下午Menu。真心款式不多，但下午Menu價錢都叫平，有湯有沙律送。咁話左對自己好D，我就叫Alacarte餐牌的剌身飯。。。。怎料那只是晚餐餐牌。那只好吃午餐了。。。我還多口問句牆上圖畫的北海道東幾靚，夜晚有冇得叫？？？但他們說沒有，轉了新餐牌。。。講返食物。最後決定叫牛肉丼和咖哩丼。午餐份量都可以，湯好熱味道ok。牛肉質數幾好，但太老。味道都幾好，中間有隻蛋伴飯冇咁乾。朋友給我試了一口咖哩，偏鹹，味道過不失。整體來說味道、價錢還可以，但選擇款式太少。選擇少但賣相、味道不夠特出。地址也不易揾，可以一試、但荃灣有很多選擇。

係荃灣想食日本野，但又唔想食放題，又想食平啲，就搵到呢間「大丼屋」！親民既價錢，但可以食到新鮮既食材。唔講咁多，馬上介紹！鮭親子丼 $89呢個丼會配埋沙律同味噌湯，所有食材都鋪滿左係面。鮭魚親子丼係有蟹子、三文魚子、三文魚。碗飯望落唔大，但實際啲飯係壓到好實，好飽肚好夠份量，所有食材都算係叫多！三文魚都有4-5塊，鮮甜！每啖飯都食到蟹子同三文魚子，口感一流確係滿足！最重要既係，係好新鮮！無腥臭，確係好食既！沙律略嫌有點乾身，有返啲汁就最好啦！味噌湯唔會好咸，味道岩岩好！整體感覺好好，好值得再食！