米亭 (Closed)

講起深水埗，大家通常只會想起高登電腦同鴨寮街。其實深水埗講飲講食一樣好聞名，深水埗福榮街一帶食肆林立，亦是香港其中一條人氣食街。小弟通常逛完電腦商場，都會係深水埗福榮街食番餐，今日亦都唔例外。今日想吃餃子，於是就幫襯在福榮街的米亭，米亭主打用高質本地黑毛豬泡製的多款豚肉餃子，還有酸辣米線/上海麵和多款小食等。米亭店內佈置簡潔，環境舒適，牆上一幅大卡通圖畫很搶眼。這裡餃子套餐都配靚湯、涼菜、醬菜和飲品，真係一門五傑，非常豐富。餃子加錢可轉煎餃或炸餃，叫了炸韭菜黑豚肉淨餃套餐，一客有6隻餃子，炸餃隻隻飽滿，外層香脆，饀料豚肉韭菜味美。特濃雞湯，色澤金黃，雞味很濃郁，而且非常熱燙，有水準。再撈埋涼拌雲耳、米亭菜甫和惹味蝦醬一起吃，份外滿足。全日套餐叫了脆汁豬扒配豆乳豚骨湯米線，豬扒賣相不錯，肉質又腍又滑，米線滲透滿滿豆乳豚骨湯鮮味。跟餐麻醬蓮藕很入味，蓮藕夠爽口。秘製醬脆手撕雞都好夠份量，除手撕雞外，材料還有青瓜絲和蓮藕片，惹味開胃。追加油菜承惠$10一碟，好抵食。黑白豆漿豆味豐富，潤喉好味。

天氣炎熱，唔係好想食飯！去掃下街搵下特色小食！朋友話想去行下深水埗睇吓野，就佢去到深水埗，點知行到橫街就見到有好多間餐廳。二話不說就變咗搵野食，食飽左個肚子先😅見到間餐廳名叫米亭，點知就停咗喺度食，因為見佢有餃子🥟食，我哋都鐘意食。仲有套餐叫，包杯飲品及小食，我叫左個目前大熱的芫茜黑豚肉餃子，跟套餐加8蚊就可以試到，如果唔要麵配搭就有6粒，咬落去啖啖肉汁鮮嫩，喜歡芫茜就會覺得好滿足，重點係佢個湯，特濃雞湯，豆乳豚骨湯，好濃的湯汁！朋友就試左個韮菜黑豚肉餃，絕配的味道！我哋都覺得要試埋佢個炸餃子🥟先滿足！真係皮薄餡靚！正！

路過米亭，店員積極宣傳，又見肚餓，就行入去試下。第一次食，隨便地oder，叫咗秘製醬脆手撕雞上海麵(雞湯) ＋牛蒡絲＋石斛竹蔗茅根水。石斛竹蔗茅根水大至上係預期嘅味道，一般，無特別好味。响食麵同手撕雞之前，先食牛蒡絲，事關牛蒡絲唔係咁常見，碟嘢食無乜味道嘅，以為米亭係走清新路線。跟住就試咗一啖上海麵雞湯嘅湯底。嘩....油到儍咗，係好有雞味同雞油味，成碗嘢油淋淋。最後試埋個秘製醬脆手撕雞啦。一般預計，手撕雞應該要有啲清新嘅感覺，涼快啲，無咁heavy嘅。可能係因為有落埋雞皮嘅關係，呢碟手撕雞食落有啲半凝固嘅脂肪，換句話說食落會肥肥地，果啲脂肪味令到成碟嘢個味都好奇怪，令碟嘢啲青瓜嘅清爽感大打折扣。仲有果啲脆脆，其實夾唔到個手撕雞，係多餘咗。我都感覺到米亭好有心機，但進步嘅空間係比較大。希望以後會好啲。

上星期放工同朋友行街買野之後，就去左附近嘅茶餐廳食野。我地去左「米亭」，聽人講嗰到既野大件夾抵食，我地都想去大食一餐 😆「米亭」環境寬闊，我地大約7 點去到，係食飯時間，所以入面已經有幾枱食客，大家都點左店內既招牌菜，例如花膠雞湯米線、手撕雞等等～餐牌有大量美食任君選擇，我地一時間都下唔到決定，每一樣野都想試 😍餐牌簡潔俐落，主食、湯底，涼菜、飲品等等都包括在內。不過由於係地道港式餐廳，佢地既餐牌只有中文，如果有外國遊客黎到可能會有少少唔方便～白菜黑豚肉餃子配米線 $58我就點左白菜黑豚肉餃子配米線，湯底方面就揀左特濃雞湯。湯底較清新唔太膩，白菜餃子亦都食到白菜嘅香味同黑豚肉嘅鮮味。拌菜方面就揀左涼拌青瓜絲，本來以為係辣味或者蒜茸味嘅涼拌青瓜，但原來係原味清新嘅青瓜絲，食落好健康，唔會油膩 🥒另外點左豆漿作為餐飲。都有一段時間冇飲豆漿，以前屋企人會自己磨豆漿，但出黎工作之後就好少機會再飲到自製天然豆漿。米亭嘅豆漿飲落似係自家製豆漿，而且冇乜糖份，飲完都唔怕肥～花膠雞湯米線配米亭炸豬排 $63朋友點左呢到嘅招牌湯底—花膠雞湯，最估唔到係見到有雞腳同花膠喺入面。呢種花膠唔係食開黏黏地滑溜嘅

又係一間收藏咗好耐嘅店 由佢開將已經想去今日特登黎深水埗食門口黃色咁 非常吸睛 入面多數2人枱 不過係可以調到變4人嘅餐牌簡單 得2款套餐一款餸+上海麵/米缐 $48餃子(6隻)/ 餃子(5隻)+上海麵/米缐 $58兩個都仲包一款涼菜 醬菜 飲品然後自己用筆落單我揀餃子(5隻)+上海麵+涼拌青瓜+米亭菜甫+ 凍黑豆槳 ($58)賣相好唔錯 每人一個盤咁 然後又好似好豐富咁上菜速度都相當快 先講涼菜🥒涼拌青瓜 基本上係一條條好幼嘅青瓜絲 味道少少酸 用嚟開胃 唔算好清新醬菜係菜甫 佢再加咗少少芝麻粒 食落味道比較鹹 但係質感唔錯 可能係預你落入麵食？但係我就咁食😂之後講餃子 咁佢都算係一間餃子專門店 餃子選擇多 只不過係多數要加錢我就叫最基本嘅 白菜黑豚肉餃🥟有5隻 size正常 唔特別大我反而覺得餃子麻麻哋 未食已經知 因為一夾起 個皮已經爆開咗 並非因為餡多 而係佢個皮太薄或者佢煮得太耐 個皮已經爛咗🙁食落個餡還可以嘅 肉算淋同有肉汁 亦食到新鮮豬肉味 有趣哋個肉係粉紅色嘅 又唔代表佢唔熟 可能依個就係黑豚肉嘅特別之處🐷白菜就真係冇味 冇質感🥬味道就ok嘅 唔太濃味至於麵 佢嘅上海麵

今日超忙, 3點先食午飯, 好想食好DD. 呢間零負評, 坐MTR幾個站都要黎食呀!  食完即加入我既 encore list!呢個配搭我超中意.1. 花膠雞湯底 配 和牛餃2. 醬油牛蒡3. 蝦醬4. 零系 Coke5. 另加 麻辣手撕雞花膠雞湯: 真材實料. 面層雞油超香, 濃湯充滿花膠質. 再加兩隻幾大隻下既雞腳. 和牛餃: 皮薄煙-un, 入面有滿滿既牛肉.  呢個餃+湯配搭真係好正. 我清晒成碗湯. 食飽後完全無口渴! 證明堅係真材實料.醬油牛蒡: 脆口. 味道帶甘. 正好中和下濃味既湯+餃.蝦醬: 真係要一提, 微辣但超香. 如果有得外賣我肯定跌$!  麻辣手撕雞唔係套餐, 係另外叫. 每口都混合 麻辣+雞肉+青瓜. 麻辣野味之餘, 青瓜又帶來一種 fresh 既感覺. 底層墊有好爽脆入味既蓮藕 (完全唔覺係配角囉 @.@) 

#fafafoodblog深水埗 #fafafoodblog粉麵 🍴金絲蜜椒雞翼 3 隻18 蚊🐥上面點左香甜既蜜糖醬🍯 雞翼炸得好香脆 食得出用左少油 雞翼咬開皮後熱辣辣 雞肉嫩滑 好食 🍴米亭麻辣手撕雞 24 蚊🐥🌶️用左花生 青瓜 蓮藕 做配菜 麻辣汁幾香 🌶️ 雞肉雞絲夠幼 口感唔錯 而且夠嫩滑 十分唔錯既凍食小食 🍴韭菜豚肉餃 上海麵 豆乳豚骨湯 58 蚊🍜個湯底豆乳味香 上海麵比較粗身飽肚 水餃應該係自家包 皮薄 而入面既豬肉韭菜新鮮🌿🐽 十分唔錯涼菜要 涼拌青瓜 🥒 夠爽口醬菜 米亭菜甫 惹味蝦醬 🦐 要黎撈麵唔錯 凍黑豆漿 黑豆味香比較低糖 🍴秘製脆汁豬扒 米線 配特濃雞湯 48 蚊🐷🐥豬扒大大隻厚度適中 外皮香脆 豬肉保留應有既水份 點 d 沙律醬好味 米線比較幼身爽口 雞湯飲得出全雞味 無落味精 雞味香濃 同米線好夾 而涼菜要麻醬蓮藕 都幾爽口惹味 醬菜 米亭菜甫 惹味蝦醬 🦐夠哂香辣 要黎撈麵食好正 凍黑豆漿 低糖而且充滿豆味#豆漿 #豬扒 #蝦醬 #菜莆 #豚肉餃 #手撕雞 #上海麵 #水餃 #雞翼 #蜜糖 Score 平均分 <7.9/10>T

晚上唔知食咩好，有時都會四圍搵野食😍今日禁岩去到深水埗，都知呢到好多好野食!而且抵食又吸引呢!🔖行過禁岩見到呢間「米亭」💡，俾個名吸引左呢!而且入面裝潢都好精緻，所以入去一試!🎈-原來「米亭」係主要食餃子🥟呢!好多唔同選擇，所以我地分別叫左2個唔同既餐~當然先點了餃子🥟套餐，我點了芫荽黑豚肉餃米線現上香辣濃湯🌶🌶小菜則點了涼拌雲耳，配上米亭菜甫同惹味蝦醬‼️仲有一杯凍豆醬，一個餐布好豐富的選擇，價錢仲好相宜💰-我自己覺得湯底好有驚喜!😍香辣有口感，唔會過份辣呢! 好岩如果太熱無咩胃口時試下!而芫荽黑豚肉餃，好紮實的餃子🥟配上厚厚的肉同芫荽，好香口✅我覺得值待試下!而且整個套餐的小食同配菜都好用心🟢絕對配得上價錢!✔️✔️-另一個套餐我們選了全日套餐🥰點了醬脆手撕雞米線配豆乳豚骨湯🍜小食點了醬油醃漬牛旁配上米亭菜甫🍖🍗又是另一選擇! 醬脆手撕雞好大份，上桌時好驚喜😌😊而且小小涼伴感覺，好夠味道，手撕雞口感嫩滑，食落好滿足!🥳🤩-2個餐價錢都好相宜抵食✅一個餐有齊主食，小食同配菜，而且服務好好，店員好用心介紹❤️💛❤️💛絕對係值得支持的小店!💖❣️

日日經過見到都有些人氣，今日捉老佛爺來品嚐一下，內裏坐位濶落乾淨，冷氣充足。點餐只需tick好交單就可，好方便，主食有手撕雞，豬扒，餃子，我最著眼係湯頭選擇，有雞湯，豆乳豬骨湯，酸湯，花膠湯，真係湯多眼亂，未食口水流。套餐還可選一款小食，两款醬菜和飲品，花多眼亂下點了手撕雞配雞湯/涼伴青瓜/蝦醬/菜脯/茅根水，老佛爺就點了脆汁豬扒米線配豆乳雞湯/雲耳/六花茶，加小食油茶/炸餃子，糖心蛋。美食上枱，第一時間飲啖湯，嘩，好濃雞湯味，再飲啖老佛爺的豆乳豬骨湯，同樣有驚喜，好香豆香骨香。手撕雞好滑，豬扒肉冧多汁，真係外脆內軟，無得頂。醬菜一定要點蝦醬，配小食或放湯，只有把美食昇華，炸餃子比較乾，灼菜時間過冧，涼茶清潤涼快，炎夏恩物。人均不用80元，有如此高質用心制作食品，算是超值。

前日早左收工諗住同同事落深水埗買啲嘢兼係福榮街食個lunch, 太耐冇黎見到有間新餐廳食餃子同米線嗰啲, 裏面裝修都唔錯就入去試吓餐牌上有好幾樣野推介, 其中一樣係麻辣手撕雞, 我諗都唔諗就tick左☺️仲加多$15要個特濃花膠雞湯底米線,跟餐仲有一款涼菜同兩款醬菜揀, 仲要送埋豆漿都幾抵。米線份量唔少，”真”花膠之餘仲有兩隻雞腳，手撕雞混埋青瓜絲一齊口感非常清新同事叫左個炸豬扒豆乳豚骨湯米線，我試左個湯底都幾濃郁，店員有介紹係用高質本地黑毛豬去熬，炸豬扒就乾身左少少，但整體黎講都唔錯值得一提係兩款菜甫，有辣有唔辣，撈埋碗米線食好惹味🤤我地仲叫左兩款小食，炸韭菜黑豚肉餃非！常！出！色！餃子皮熱辣辣又脆口，另外仲叫左金絲蜜椒雞奕，甜甜地又香口好味！有下次！

今日同朋友去完黃金，經過福榮街見到間小店裝修幾精緻，冷氣又唔錯，入咗食佢個晚餐。朋友點左一個餃子套餐，套餐有很多選擇，你可以選擇不同嘅餃子有七種味道，有部份特色餃子好似松露雞肉及和牛，佢哋湯底都有五個選擇，你可以選擇正常嘅特濃雞湯，豆乳豬骨湯或者加錢叫花膠雞湯，秘製濃湯及秘製酸湯。你仲可以揀一個涼菜，醬菜及豆漿飲品。套餐上菜好精緻有個木盤載着，有少少和風嘅味道，松露雞肉餃子味道幾清甜，松露味唔會太過分，少少菇香點綴，非常唔錯。個花膠湯底好香濃又足料，有兩隻雞腳同埋三塊花膠，非常之豐富，雞湯絕對值得一讚，超級濃郁，入口有少少黏口，感覺完全係一碗老火湯，配埋花膠非常之好味，醬油腌漬牛蒡，好清爽，食嘅時候加埋佢哋嘅菜甫，非常之開胃。我就揀咗上海面嘅套餐，可以選擇有四個嘅主食，湯底，前菜，醬菜及飲品都可以自由配搭。主食嘅秘製醬脆手撕雞，非常之大碟，面頭有炸脆了嘅雞皮，非常之驚喜，手撕雞加上秘製醬汁非常之惹味，手撕雞下面仲有少少蓮藕及青瓜絲，可以清一清個口腔，中和下濃味感，估唔到小店嘅手撕雞都做得咁出色。上海麵我配上雞湯，同朋友個湯底係一樣，都係非常之香濃，加埋香辣醬甫，食下食下我哋兩個說整個湯

作為米線關注組嘅我，一聽到深水埗有間米線以靚湯同水餃為主打，即狗衝啦~深水埗福榮街101地舖入到去就見到一幅大嘅漫畫風嘅畫，令成間餐廳都好生動活潑😆餐廳主打水餃同靚湯底，推出『全日供應套餐』$58就可以食到水餃同米線，非常化算！✨ 韭菜黑豚肉水餃配米線湯底當然揀特濃雞湯啦，如果想食埋花膠可以+$15 轉特濃花膠雞湯😄水餃有5 隻，每隻都大大隻飽滿， 內餡韭菜同黑豚肉比例平均，一咬開入面肉汁爆出嚟，韭菜味較重最岩配濃雞湯，咁先真係食到韭菜嘅香濃✨ 白菜黑豚肉水餃同樣都係揀特濃雞湯做湯底，因為真係好飲到成碗飲曬白菜黑豚肉水餃味道較韭菜黑豚肉水餃清，食到黑豚肉啲肉味同白菜嘅爽口，個人就鐘意放香辣菜脯配食，帶爽口微辣，非常正！✨小食-米亭炸豬扒套餐加追小食有優惠，炸豬扒只加$24餐廳仲要切好曬，同朋友分最岩，份量有成隻手掌咁大，炸得香脆而香嫩✨飲品飲品當然揀豆槳，夠健康，帶微甜香滑整體：最鐘意係個湯底健康冇味精，真係成碗飲曬，如果可以都想再refill，$58 個套餐好抵食，值得 再去試埋佢哋嘅麻辣湯，睇吓有幾狠辣！

你到深水埗飲食街 每一間 都係各具水準 各有特色。今次我哋就試下呢一間米亭， 呢間新開的米線 舖。 主打都係 米線 同 餃子。 佢哋的手 餃子用心製作。我就叫咗餃子米線， 一碗總共有五粒餃子大大粒 的餃子用上新鮮豬肉。新鮮豬肉 咬落去 彈牙 豬肉味濃。米線米麥味龍，配上清鷄湯，清甜可口。之後叫多一客小雞翼，一客有3隻雞中翼，炸到香脆可口， 食落去 唔覺油膩。 咬甘香， 雞肉肉質鮮嫩。最後叫花杯凍豆漿清清 腸胃。豆漿豆味濃沃， 呢度坐位 幾好坐 設計 別樹一格。

食餃子麵都可以食得豪，呢間餃子麵有女生們養顏恩物，就係滋補花膠雞湯底，唔係講笑真係唔好停。位置好近深水埗地鐵站，門面大大個招牌好易認，好彩多得小鬼食家指導。店員超有禮貌喎！對一碗餃子都有詳細介紹，教我如何點餐真係比個 Like 你👍。🥢黑松露雞肉餃子上海麵。當然湯底必試花膠雞湯，嘩😍係真正花膠啊！唔好怪我大鄉里，有好多寫花膠的都是比較差魚肚，見到真係花膠仲要有數量的難怪我😍眼，講咁耐先呷一啖品嘗味道，味道不是太濃，恰到好處有雞湯味，口感有骨膠黏口，餃子🥟改用另一種包法樣子特別，比慣常食到餃子小了摺疊位却多了餡位，雞肉配松露味道好夾，我認為這碗餃子麵湯底是靈魂所在。我點了上海幼麵，麵條彈牙有糯香，雞湯汁掛麵大口大口米停。🥢真材實料雞腳我都唔放過。🤤🥢醬油醃漬牛蒡夏日開胃健康涼拌菜。👍🥢秘製醬脆手撕雞見到餐牌推介係米亭麻辣手撕雞，我卻想試試秘製醬脆手撕雞，因為我想食有香烤過的脆雞皮，卜卜脆配同清爽青瓜夾雞絲，又一次叫米停。😂😂🥤六花茶由五花茶多添加補眼杞子，升級六花茶味濃可口，清熱解毒又解暑。嘆完六花茶再細心觀察環境，啊又幾舒服喎！

有冇朋友仔係餃子控呢？最近小編喺深水埗見到一間主打餃子嘅專賣店，望落去環境幾光猛乾淨，所以就決定入去試吓，估唔到味道都有驚喜！_小店有提供煎餃/湯餃，亦有豬扒、雞翼、手撕雞等小食，今次同朋友都係叫咗佢嘅餃子套餐，可以自選餃子、靚湯、涼菜、醬菜同飲品，價錢係$58起，CP值相當高😊🥟韮菜黑豚肉餃 香辣濃湯 +$8麻醬蓮藕 香辣菜莆 惹味蝦醬熱豆漿辣湯可以自選辣度，味道濃郁亦帶花生香，餃子嘅餡料非常充足，配上帶有鮮味嘅蝦醬同菜莆一齊食更惹味香口，另外蓮藕亦夠爽脆，作為前菜食非常開胃🥟芫荽黑豚肉餃 +$8香濃辣湯 +$8涼拌青瓜 米亭菜莆 香辣菜莆杞子六花茶+$8鍾意食芫荽嘅朋友仔絕對唔可以錯過呢個芫荽黑豚肉餃，配埋濃湯一齊食更重口味，另外涼拌青瓜酸酸地有助解膩，杞子六花茶有助清熱，夏日炎炎飲番杯透心涼另外據聞餐廳嘅特濃花膠雞湯湯底非常出名，下次有機會再同朋友嚟試吓先🤍