DAY22 STEAK

Open Now

Now Closed

今日又黎到荃灣搵食！經過呢間餐廳聞到好香燒肉味，睇睇menu原來佢地係主打自助石燒牛扒，有好多款唔同肉質選擇，價錢唔貴，就比佢引左入去🤣美國安格斯牛柳8安士🥩($198 + 38跟套餐) - 我揀左信心保證嘅安格斯，配黑松路牛油。黎到嘅時候表面已經煎香左，但切開入面係生嘅，大概得2，3成熟，牛扒放上有火嘅熱石，你可以自己慢慢燒至你鐘意嘅程度😊 我自己就燒至大概medium，加少少鹽就食得，有牛油香同好多肉汁流出黎。厚切美國平鐵牛扒🥩($158 + 58跟升級套餐) - 朋友係食肉獸，呢款啱哂佢，大件夾扺食🤣 牛扒係厚切，咬落去比安格斯實d，啖啖肉，鐘意肉肉有咬口嘅朋友不能錯過。每款牛扒都可以加錢配套餐，會包左餐湯，主食同飲品，200零蚊就有咁多野同高質牛扒，物超所值😁

Ooo高質鐵板牛扒小店ooO經常看到此家荃灣的新店排了長長的人龍。人氣鐵板牛扒🥩此店的牛扒以致配菜飲品、甜品及服務都是有心的店不過提提大家 要食此家要有排隊的準備💕🌟OooooO🔸美國prime 肉眼 (8安士) $238可以選香草牛油/黑松露牛油/ 蒜蓉牛油火山石牛扒上檯連Rosemary 帶點香味加上牛油迷迭香煎 味道香氣一流最後加埋少少海鹽 RIB EYE 肉質軟淋 味道及多生熟可以自行調配 最岩我想食熟D 而朋友仔就一定要半熟都可以shareOooooO🔸鵝肝配厚切美國平鐵牛扒 (12安士) $198真正的厚切牛肉 份量十足石燒可以自行每邊都燒一下 唔會怕太厚中間唔熟肉質比RIB EYE 有咬口 牛味重少少如果喜歡有牛味及有咬口的就選呢款店員服務非常好👍🏻 會幫我們燒又指引我們最佳食法最後加少少海鹽調味OooooO🔸套餐餐湯、意粉/薯條、特大飲品及甜品 $58酥皮湯—酥皮層層酥脆意粉-— 意粉加入香草認真製作, 軟硬適中, 睇得出認真💘特大飲品-— 真係好開心, 了解到有時一杯加左冰2啖就無, 呢杯可以盡情飲🌟🌟甜品-—我唔想要奶, 小店有另外給一款無奶的甜品🍮我。細

收咗工同朋友落咗去荃灣食飯，佢成日都話呢間餐廳嘅牛扒Cᴘ值好高，佢話要帶我去試試佢🤣🤣入去睇到餐牌的確係好多選擇，最平98蚊已經有交易，而最特別嘅係有牛油揀😍 一共有三款牛油，有原味，香草同埋黑松露😋鵝肝配美國安格斯牛柳（8安士） $238呢到係用石燒原理上菜，所以啲牛都係比較生，可以根據自己喜好去睇吓食幾成熟，呢款我哋揀咗配香草牛油，鵝肝肥大，油脂充足，牛柳嘅牛味都頗香濃，而肉質當然係嫩滑喇🤩美國Pʀɪᴍᴇ肉眼（8安士） $238呢款配黑松露牛油，黑松露味好香濃，而肉眼油脂分佈都好平均，有靚靚嘅雪花，而且有一定嘅厚度，食落都好滿足，肉味比牛柳再濃多少少，牛味同黑松露味互相襯托，非常惹味🤤我哋仲加咗$58，有酥皮湯、意粉同一杯特大裝嘅雜果賓治，酥皮湯都算係中上水準，唔錯，意粉係有啲驚喜嘅，係好食嘅，而果杯雜果賓治係用H牌生啤杯裝，真係兩個人都夠哂飲🤣🤣好老實咁講，雖然呢間餐廳開係一條主要做車房，收五金為主嘅小街入面，但完全無影響到佢嘅人氣，因為當日去到，前面都仲有8個人等緊枱😏 都知佢有返咁上下料到，所以真係值得嚟試一試佢🤓

🎀荃灣。貼心服務.即燒即食厚切牛扒🥩🎀🪄店名* #DAY22STEAK🔮地址* 荃灣聯仁街28號康睦庭園2座地下3號舖🔮🗾分店地區🗾 沒有分店💰價錢$561 已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_荃灣剩系食呢一類👉食物類型搜尋🔍🍜#pickyme_西餐➖➖➖➖➖➖➖➖➖➖➖➖➖🎵餐廳環境🎵最近見到呢一間燒牛扒超多人介紹 所以忍唔住搵左一日去試下 晚餐時間都見到爆曬場 出面仲有好多人等位添 所以都令我地相當期待😆餐廳整體都幾寬敞 有沙發位及普通座位 不過繁忙時間都無得自行選擇😫入到舖頭就聞到好香既燒肉味 肚仔即刻打鼓🤓餐廳服務好貼心 見到我地有袋都幫我地用紙巾蓋住防止油汁飛濺🤗🍽️食物質素🍽️見到餐牌都有幾多款肉選擇 主要都係食牛肉為主 有肉眼,西冷,牛仔骨等 另外仲有羊架,三文魚及海鮮 滿足唔同人口味 之後仲可以加套餐 配湯及主食 份量感滿滿😇👀評分💖💖💖💖🪄厚切美國平鐵牛扒配黑松露牛油 +58配酥皮湯/薯條/大杯飲品 $216我就試左呢款店鋪出名既平鐵牛扒 第一次食呢一款牛 我覺得比較適合唔中意肥膩既人士食用 因為佢脂肪含量比較少 肉質

食到一肚火嘅鐵板"話係牛扒"喎！！！行過見到荃灣開咗這間牛扒餐廳 打電話book位話要成個星期前book好！ 就提前一星期book 以為會吃一個好味牛扒餐平均每人收費 $280這個價錢 食呢啲質量嘅牛扒 不能用失望來形容 直頭有被騙嘅感覺 已經不期望好高既質素 但係普通餐廳牛扒都比佢好食完全沒有牛扒味道不只牛扒嘅質素一食就知係劣質肉唔講都唔知係牛扒而且 mustard有冇人會用這隻用熱狗嘅醬呀大佬講真做得餐飲業畀多少少誠意啦!!$800+ 一餐 倒不如加多少少去荃灣Feather and Bone食好過!!只能說這種質量適合一些完全對牛扒沒有要求的人

忙得偷閒，最重要是注重二人世界，時刻保持渴望爭取與心愛的人共聚歡樂時光，重溫與老婆初相識時的煮飯仔樂趣。網上報料在荃灣聯仁街有一間出名的石燒牛扒專門店~Day 22 Steak，除了有一般西餐廳的扒類供應外，還為食客提供石燒板器材，讓客人親自在餐桌上炮製自己喜愛的不同熟度及味道的扒類。我與老婆放工後就一起去探店，真的名不虛傳，店外已有一隊等候入座的顧客。幸好，我有致電留座，但都要在門外等候幾分鐘才可進店。我們點了：紐西蘭羊架 $178、美國牛柳(8安士)~$148、加$48 轉套餐選意粉及特大飲品~雜果賓冶，另追加小食花密雞翼~$48。兩份石燒扒都揀選黑松露牛油來烹調，我們用店提供的煎鉗再自主加玫瑰海鹽及黑胡椒。兩公婆，你幫下我鉗，我幫下你加鹽落黑胡椒，大約在10數分鐘後，香噴噴的羊架及牛柳已可上碟。既享用美食又能重溫煮飯仔樂趣，真是愉快滿足的一餐！

Book 左2000/2位，1930已去到只見左手邊已有大約十人排隊，見狀都照排。點知等咗成半個鐘頭都未入得，裏面又冇人出嚟。於是問裏面侍應佢先至話book咗位排去右邊。點解佢唔貼張紙出嚟講，要問佢先講呢？搞到嘥咗半個鐘頭排。佢仲話左手邊係排Walk in右手邊先係排Booking咁樣搞法咪有排都唔使入？咁整Booking嚟做乜呢？我唔知佢點樣分先後次序安排啲人入囉。於是冇等放棄走。希望佢呢間嘢嘅安排一係Booking就唔好有Walk in是但一樣你咁搞法唔知你比邊啲人入。

在荃灣西商場行過少少，有一間新開的西餐店，叫做DAY22 STEAK。我點了兩款主食，美國安格斯牛柳（8安士）配蒜蓉牛油和美國牛柳配黑松露牛油，跟餐包兩杯飲品，我揀了兩杯雀巢檸檬茶。牛柳的分量很足，內裡鮮紅，肉汁豐富，口感很嫩。牛肉熟成度由自己決定，煎到差唔多就可以食。蒜蓉牛油和黑松露牛油都很濃郁，增加了牛柳的香氣和風味，也不會蓋過牛肉的本身味道。店員仲好有禮貌同細心，主動幫我地煎牛扒，同提醒我哋黑松露牛油好彈油.牛扒質素很高，價錢都合理，可以根據自己需要去選擇。餐廳氣氛也很舒適。如果你在荃灣附近，想吃一頓好的西餐，不妨去試試看。👍🏻

成日搭巴士都會經過餐廳，每日都見到好多人排隊。今晚收工一於黎試下！餐廳係小店黎，全場樓面得一個弟弟，廚房就有2個staff目測全店應該得4個人！但服務一d都唔馬虎！（弟弟會細心教你燒牛排）Menu以唔同牛的部位為主，另外都有羊扒+三文魚+蝦牛扒價錢由最平的$98 去到$238！另外分別加唔同價錢可以變成套餐，有餐湯+ 沙律/意粉/波浪薯條 + 餐飲（本身想要酥皮湯，可惜當日賣sai⋯）🌟美國安格斯牛柳（8安士）$198 （前者）牛柳整塊上，配以3種牛油（香草牛油/黑松露牛油/蒜蓉牛油）一d都唔「鞋」，即使係雪藏，都好牛味！讚！🌟美國平貼牛扒（ 12安士）（$158）（後者）這個會切塊上，非常方便。相比上面牛柳，這塊會比較有「咬口」所以喜歡食軟d就最好要牛柳啦！🌟波浪薯條 （跟餐）🌟 茄汁磨菇意粉 （跟餐）🌟 甜品：芒果布甸 （意想不到好味）🌟 羅宋湯（餐湯：好足料）🌟 忌廉湯 （餐湯）Note：留意，當日夜晚7點已經有4-5個人排隊，所以要預d時間啊

係荃灣行街行到攰攰哋，又係時候食dinner，竟然意外地搵到呢間平靚正的扒房😆安格斯牛仔骨(黑松露牛油) $98牛肉好軟腍，薄身的肉好快就燒起，油脂位好香，仲有淡淡的黑松露味，近骨的位置好好食😋美國牛柳(鵝肝牛油) $148牛柳厚身又大塊，大約燒到五成熟，肉都好鬆軟，少少血水，好易咀嚼。食落牛味濃郁，加少少胡椒好好食。呢間餐廳的扒會燒住上，幾成熟可以自己控制。想講店員服務好好，見我哋燒到手忙腳亂就幫我哋燒🤣另外再叫咗小食同飲品：花蜜雞翼 $48雞肉好嫩滑，外皮脆脆哋，不過鹹咗dd 🤏凱撒沙律 $38無諗過凱撒沙律會有煙三文魚，都幾驚喜，個sauce都幾甜。青檸梳打 $38超大杯，飲落唔太甜，唔係現成汽水溝出嚟，好啱我口味👍🏻DAY22 STEAK (荃灣)荃灣聯仁街28號康睦庭園2座地下3號舖*上述文章只供參考及以當時價格為準

之前有一段時間好興石燒牛，都開咗好多新嘅石燒牛店，但試過幾間質素都一般，今日試呢間個人覺得幾唔錯，介紹俾大家🤓▫️鵝肝配厚切美國平鐵牛扒 ($198 跟餐+$38）跟餐加$38可以加配意粉/沙律/薯條、湯、飲品同甜品，意粉係普通茄汁意粉，味道有啲淡唔太入味，建議大家可以揀返沙律或者薯條。牛扒中間有條厚筋，避開嚟食就唔會驚韌咬唔開，口感豐富肉質爽口🤪鵝肝大大塊，用石板煎到外脆內軟，好香口！▫️安格斯牛柳配黑松露牛油 ($198 跟餐+$58）因為我係酥皮湯嘅超級fans，所以就加咗$58升級酥皮湯同特大杯裝飲品😆今日嘅餐湯係忌廉湯，酥皮薄脆鬆化不過就冇咩牛油香，而飲品叫咗雜果賓治，真係超級大杯！同普通size嗰杯相比好似胖虎同大雄咁🤣飲落個味有啲似IKEA嗰隻紅桑子汽水，唔太甜幾好飲。牛柳肉質嫩滑，配埋黑松露牛油令牛肉增添咗一陣香味，可惜我哋掛住傾偈所以煎熟咗啲🥹不過口感仍然柔軟唔會韌🧏🏻‍♀️店內職員服務都好好，見到我哋掛住傾偈會過嚟幫我哋反面同埋調味，又提我哋夾起先唔好煮到咁熟，好貼心🫶🏻

｛食盡荃灣之西式 —DAY22 STEAK｝————————————————今日又嚟荃灣搵嘢食喇！ 因為中午食得飽所以夜晚又唔想食澱粉質類嘅食物，見到呢一間專食鐵板牛扒嘅舖頭好似幾好， 就入去試下先！ 每款牛扒都可以揀想食嘅牛油，包括有香草牛油，黑松露牛油同蒜蓉牛油😆🔸 美國安格斯牛柳 （8安士） $198牛柳原來8安士好大份😮， 店員會拎一個鐵板爐過嚟，等你可以自己控制想要既生熟程度，個人覺得呢點相當好😆， 不過唔使擔心唔識燒，因為佢會教你同埋會幫你睇住，確保你唔會燒得過熟👍 呢個安格斯牛柳大份得嚟好juicy，而且食落一啲都唔會難咬，推薦！🔸 美國prime西冷 （8安士） $228店員話西冷同肉眼嘅主要分別在於西冷脂肪比較少， 亦都係因為咁所以唔建議煎得太耐哦，最好就3-5成熟！👍🔸 芝士薯條 （跟餐）只要加多48蚊就可以有餐湯，薯條，同埋特大杯裝飲品啦！ 薯條份量適中佢嘅芝士醬好好食，而佢嘅特大飲品超大一杯，啱啱好兩個人share就已經好足夠😊Overall comment: 今日假日大概七點左右都已經見到唔少人入店， 相信喺荃灣區都算係受歡迎嘅舖頭👍 店員態度有禮，食到最後仲

熱石上的牛排，飛舞的油花，牛味彌漫著每處角落，即席煎熟🔥的風味更勝排房牛排。貓太太當晚點了美國Prime級牛柳和西冷。牛柳厚身，肉味濃郁。西冷則較清淡平衡。個人認為一濃一淡的配搭很不錯。牛或羊 加 酥皮忌廉湯🥘、一份量大的蕃茄磨菇義麵🍝/薯菜🍟、黑松露/蒜香/原味牛油，再配一杯巨型飲料，整個套餐也不過$200多塊，性價比太高了☺️❤️❤️❤️桌面上有海鹽、胡椒可以按自己口味調味，如果手忙腳亂，待應哥哥也很樂意幫一把哦🤭

屋企附近新開嘅石燒牛扒，前排終於試咗~叫咗美國西冷同牛柳，牛油四揀一，揀咗蒜蓉牛油同鵝肝牛油，燒到兩邊少少焦香，充滿牛油香味，切開每片再燒幾下就食得，兩款牛扒質素都唔錯，加少少玫瑰鹽已經好好食，牛柳比起西冷肉質更加軟熟，自己燒又可以揀自己鍾意嘅生熟程度，即燒即食熱辣辣~追加$38跟餐會有意粉或者芝士醬薯條、湯、飲品同甜品，波浪紋粗薯條幾好食，意粉就係普通嘅茄汁意粉，其他嘢食都發揮正常水準，最緊要牛扒好食~另外店員服務都唔錯，有幫手用紙巾遮住啲袋同教大家點食，又幫手反轉塊牛扒~街坊生意，想食牛扒嘅時候會再嚟幫襯~

今日去左荃灣行街，朋友帶左我去「DAY22 STEAK 」石燒牛食晚飯。餐牌有多款不同牛肉部位選擇，由$148-$238不等，以到最特別就係有3款牛油選擇，而且仲可以加$轉套餐，另可追加小食。厚切平鐵牛扒（12安士）配香草牛油$158牛扒份量十足，牛扒非常厚身，上枱已切成7件，，牛肉上枱時只有一成熟，根據自己喜愛既生熟程度燒來食，我地燒至5成熟，肉汁豐富，牛味濃郁，口感比較實在，只需加少許鹽或黑椒，肉味更提升。美國安格斯牛柳（8安士）配黑松露牛油$198 安格斯牛柳份量十足，厚身又無筋，比起平鐵牛扒口感會比較軟嫩，加上黑松露牛油，散發出黑松露香氣，又不會蓋過牛柳的味道，口感味道亦相當唔錯。加$38蘑菇忌廉湯、薯條、餐飲加$58酥皮蘑菇忌廉湯、意粉、特大杯裝飲品酥皮酥皮蘑菇忌廉湯即點即焗，新鮮熱辣辣焗起，焗得鬆脆可口，把酥皮粘着蘑菇忌廉湯，酥皮滿滿也是湯汁，好美味。薯條新鮮熱辣辣炸起，炸得金黃香脆，擺耐左薯條依然仲好脆口。意粉意粉非常有誠意，用蕃茄醬炒意粉，份量都幾多。特大花蜜水&熱柚子蜜特大飲品實係超級超級大杯。甜品芒果布甸