越男仔 (Moved) New Location

相約好友來到旺角既越男仔食lunch, 來到門口所見，門面既顏色，設計都好有朝氣，入到店內地方唔算大，但頗有特色，全部單邊座位，咁同好友坐埋食飯傾計就更親密啦😊睇下個manu,嘩好多款式喎，好友都知我有選擇困難症😅所以由他來發板吧，但呢度既店員very nice最後都經由店員介紹及推介招牌手撕雞拼扎肉椰汁酸湯湯檬粉手撕雞用上雞肶肉夠滑，啲湯散發著好香既椰汁味，味道略帶點微酸，開胃醒神煙三文魚拼燒牛肉沙律，拼得幾特別，好新鮮，味道又清新法式芝士蝦多士,面層十分香脆，蝦肉彈牙，加上芝士味道，十二分滋味啊，這個必食皇牌拼盤(越式素春卷、酸辣無骨鳳爪、蒜香牛油脆雞翼)，雞翼皮好脆，肉汁鎖在雞翼裡面，好juicy 招牌椒鹽軟殼蟹，外脆內軟，面頭好多香蒜辣椒蔥，十分香口惹味秘制醬料~蒜蓉魚露，自家制的，用來點小食，更加好味香茅生薑茶~茶味芳香濃郁越南咖啡~不過不失這個越南菜甚有驚喜，店員又nice又好傾下次再來可試下其他款式

今晚去同事屋企玩，去之前我哋去醫肚先，搵咗呢間越南湯麵店，地方細，除開放式廚房之外，客人坐吧枱位，用色彩繽紛瓷磚裝飾，座位都唔迫，麵食同平時見嘅越南粉有啲唔同！好多款都想試！招牌生蠔椰汁酸湯湯檬粉（$108）賣相好靚，蠔嫩滑蠔味濃，河粉滑，配菜有乾蒜片同紫洋蔥，幾香口，湯底幾特別，酸酸地開胃，比雲南米線啲酸更清爽，加上椰汁香滑，好味（平時我唔喜歡椰汁🥥味的都覺好味）越南滴漏咖啡🇻🇳（$23） 夠熱，咖啡香濃，加上練奶後有拖肥糖嘅味！好味！法式芝心蝦多士（跟餐$45）上菜仲冒住熱氣，一開四件，炸得金黃，芝麻面香，炸完外脆內彈牙，蝦膠🦐打得彈又厚，入面芝士半溶鹹香，好味！喜歡拌碟嘅酸蘿蔔絲，剛好可以緩和炸物嘅油膩手撕雞檬紙卷（跟餐$39）賣相幾好，但手撕雞絲球只係放在米紙卷上，好易掉落，雞絲球略乾，米紙卷包蔬菜清爽！ok朋友食：招牌椰汁酸湯滑雞湯檬粉（$79）越式生牛肉河牛骨湯河粉（$62）三檸七喜（$23）凍香茅薑蜜（$29）食物好味有特式，店員有禮斯文，睇住佢哋煮麵手勢利落，上菜收碟勤快！有特色嘅越南粉！

最近愛吃東南亞食物，這次來到越南餐廳吃越南菜。這間餐廳有多間分店，選了近友人工作的區。沙嗲烤牛撈檬($59)。沙嗲醬汁多，不怕撈檬乾身。烤肉外層烤香，牛肉滑而多汁，不會被烤得乾癟。旁邊拌着大量蔬菜，當中蘿蔔絲爽口又帶嚼勁，非常好吃。最喜愛中間的蒜醬，鹹香味非常濃，與撈檬攪拌剕常惹味。招牌手撕雞拼扎肉椰汁酸湯檬粉($69)。椰汁酸湯非常好喝，完全不覺油膩，而且愈喝愈想喝。手撕雞細滑，個人覺得比牛肉好吃。法式芝心蝦多士(套餐+$45)，單點$59。蝦肉多而爽，芝士量足。建議剛上桌時即吃，芝士有流心，冷卻後會慢慢凝固，但仍不失芝士味。厚身麵包烘得很好，與大件蝦肉搭配，增添嚼感。麵包軟，蝦肉爽，也為這道小食帶出不同層次的口感。四色檬紙卷($72)，有手撕雞、三文魚、海膽及炸醬共四款，最喜歡海膽，入口即溶，原來與檬紙卷甚為配合。其次是手撕雞與上面提及的手撕雞湯檬粉，做得很細滑，再次推介這個手撕雞。炸醬有點像罐頭肉醬，淡一點會較好。雙檸紅茶(套餐+$15)，單點$24。檸茶是常見飲品，但雙檸紅茶是第一次見。檸檬和青檸混合，比檸檬茶少了一點酸澀，多了一份青檸的青新。凍香茅薑蜜(套餐+$29)，單點$

新派越南菜*****************一直都好想試下食越男仔，知道佢銅鑼灣有間旗艦店但係 位置比較遠 😞所以就嚟到旺角呢一度一嚐風味通過手機apps訂咗有折，所以今餐食得好盡興😆😆😆嗌咗個招牌手撕雞配扎肉椰汁酸辣湯通粉，越式窩蛋火車頭河粉。個法式蝦多士同甜酸鳳爪😍😍😍首先講下個鳳爪先😋鳳爪味道酸酸甜甜😋最適合做前菜好開胃㗎🤣🤣雖然份量唔多但係重質不重量令人食完一啖又一啖然後就係火車頭河粉， 佢嘅份量比較多，不過味道個人覺得比較清淡所以就冇乜點食，都係畀我男友食曬啦。我自己就最鍾意食嗰個招牌椰汁手撕雞檬粉，個人 超鍾意有椰汁味嘅食物，呢一道 真係開正我嗰飯😍😍淡淡嘅椰香同時又有一種酸甜嘅感覺， 飲落口入有一種好幸福嘅感覺。手撕雞都好幼嫩唔會話好厚好大舊，最後就要介紹重頭戲法式蝦多士，聽聞呢一個係越男仔嘅 (招牌菜)有雜誌報道，上菜時熱辣辣，望見已經口水直流三千尺。當你咬第一彈嘅時候，多士入面嘅 (蟹將 )慢慢滲出嚟， 你絕對會係想食完再食， 第一道菜真係名不虛傳。#越男仔

一早見銅鑼灣開咗呢間以「越南仔」為名的越南菜，可惜我地呢啲九龍人，好少過海吃東西，所以一直都沒有拜訪。現在「越南仔」開多間分店起旺角啦，又多個選擇又方便我地呢D九龍人旺角正正開咗起廣華街嘅美食圈度, 好方便, 食完仲可以過對面食糖水添唔知點解, 今日放工後非常餓, 所以都點了好幾款食物試試旺角店無銅鑼灣咁寬倘, 不過食粉麵都唔會霸住人地舖頭坐好耐嘅開放式廚房, 幾乎沒有油煙味道, 食完唔會痴到成身味室內裝修用咗好多真實食家POST上MEDIA嘅相片, 喂呀, 搞到人地越黎越餓呢度嘅menu係一大張, 但其實都多野食, 都唔知揀咩好所以偷聽到人地點嘅食物, 我地又試下: 2+3撈檬入面有5款肉: 越式札肉, 烤脆豬肉, 古法烤牛肉, 豬頸肉絲, 手撕雞超多種類, 一次過滿足食肉嘅朋友撈檬入面除咗肉之外, 仲有好多蔬菜, 所以越南人唔會太肥, 每餐都食得很均衡仲要加埋特製的酸汁, 咁多肉食完唔會漏而當中既烤肉又唔dry, 最正係牛肉, 好juicy一份撈, 一份湯, 試d唔同種類嘅野嘛本身呢個係配蕃茄湯, 但我想要招牌椰汁酸湯, +$5就轉到啦椰汁酸湯四寶湯檬粉勁大碗呀四寶嘅內容同2+3差

在旺角油麻地附近, 近MTR出口, 好快就搵到,餐廳是朋友推介, 我很喜歡吃越南河,環境比我想像中細, 坐得不舒服,河粉,撈檬有很多選擇,跟餐加小食會便宜一點.招牌椰汁酸湯滑雞湯檬粉$79椰汁同雞嘅比例剛剛好,湯底好香,以為很濃味,原來是清清地的味道份量很大,很飽,雞有很多,很軟,招牌古法窩蛋生牛肉生菜包撈檬$88好多牛肉,比檬粉還要多,吃不下整個, 生牛肉沒有怪味,吃得放心, 有點像韓國的生牛肉味道芝士多士很香脆,沒有令我失望早前見到instagram的海膽米紙卷的海膽很大舊, 但事實卻令我失望

前排做野做到無停手，做到周身骨痛餐餐食埋不知所謂既飯盒，終於忙完了，要比我自己嘆返餐，一來老婆今日約左人，所以我可以順便接埋佢一齊返屋企。近排好想食生牛河，又要搵到間好食既真係好難，我係旺角好景商場後面行行下見到好多間食店，之後發現見到有間食越南野既舖頭，睇到店內裝修都幾時尚，於是入去試下啦，橫惦又有我喜歡食既生牛河。入到去睇下餐牌，原來有分3個STEP可以選擇1係湯麵2係小食3係飲品，可以比我地選擇任何一個STEP都得，或者STEP1/2、STEP1/3、STEP2/3或者STEP1/2/3選哂都得，視乎我地選擇，STEP1就係湯麵(用正價價錢，沒有跟餐價)，STEP2、3就係小食同飲品(假如有叫一個湯麵的話，小食或飲品可以用跟餐價錢)，我之前做得咁辛苦緊係選擇哂3個STEP啦。【越式生牛肉牛骨湯河粉】$62一來到個湯底非常清甜，河粉又好幼滑，見到牛肉不是全熟(我真係比個讚佢，有好多地方既生牛河D牛多數係全熟同好"鞋")，但佢地既牛肉非常嫩滑。值得推介!!!【法式芝心蝦多士】跟餐價$45蝦多士炸麵包皮，唔好睇佢外表咁普通，實際上食落去比想像中好，表面又夠香脆內裡蝦膠又夠彈牙，最重要係

有一次男朋友揸電單車咁啱就係拍在越南仔門口，所以諗住方便就行咗入去食， 佢食完就話下次一定要帶我嚟試， 適逢今日出開嚟旺角，男朋友就帶咗我地去試， 我哋三個人嗌咗 三碗粉 加兩個小食， 我叫咗生牛肉湯河 嗰個生牛肉真係好出色 好香口好有牛味， 真係大啖大啖咁食呀， 而我男朋友就叫咗 窩蛋牛肉撈檬 真係好特別， 窩蛋牛肉飯就聽得多 估唔到呢個窩蛋牛肉撈檬 咁好食， 佢仲送埋 生菜畀你包 可以夾啲牛肉蘿蔔絲青瓜絲 捲埋一齊食， 真係好出色， 將隻窩蛋 搞埋落啲矇粉度 好香蛋漿味 配埋酸汁 好開胃， 而我朋友就叫咗 酸奶 椰湯雞河粉， 呢種味道好特別 第一次 試， 都不過不失， 我哋仲追加咗 三味雞翼， 一邊係泰式酸辣一邊係 蒜蓉牛油 另一邊係 鹽酥， 我自己最欣賞就係泰式酸辣， 真係好開胃， 一人得兩隻色實在太少 最後上埋 四色紙米卷有海膽 雞肉牛肉同煙三文魚 真係樣樣都想試， 下次要再嗌多啲人嚟一齊食嗌多啲 唔同嘅款， 不過呢度唯一美中不足 就係太少位置， 旦食物質素完全可以彌補

抵食飽肚又有特式＠越男仔 早幾日到廣華街那邊買玩具，順便食埋晚飯才回家，路過越男仔門口被門口的餐牌和相片吸引便入去試試看 食物都是幾十蚊有交易，糧尾呀，就正岩我心水 食物款式非常之多，有一般大路越南食物例如春卷呀，火車頭等，也有很多新式ＦＵＳＨＩＯＮ越式食物 小店位置不太多，７點左右已經坐滿人，店員非常友善，一一為我們推介食物 招牌椒鹽軟殼蟹＄９８是店員推介的 即點即炸，非常新鮮 外脆內軟，味道帶點咸蛋的香氣，加上椒鹽和辣椒，非常惹味 越南餐館必備的牛油雞翼（跟餐＄２９） 嘩非常好食，外面的皮激脆，皮薄如薯片，雞翼多汁又嫩滑 青檸梳打味道很清新，我不喜歡甜味，這裡的可以走甜！ 朋友點的柑桔檸檬梳打，好足料，用上完極一顆的咸檸檬 魚露，青檸和辣椒是越南菜的靈魂吧 食越南野必點之東西包括了火車頭＄８８ 一大碗包括了生牛肉片，牛丸，燒牛肉和多款香菜 上面還加了一只雞蛋，好看之餘也令口感更滑 份量也很大方，我很喜歡他們的河粉，夠幼又不油膩 手撕雞檬紙卷＄５２ 很有美感，口感清爽，上面的雞是用人手一條一條撕下來的，入面還有粉絲，生菜和紅羅白絲等，是健康之選 古法烤牛

同同事一行二人黎食晚飯 呢到d坐座既鋪排好似日本d拉麵店咁 對牆並排而坐 比較適合兩個人 多人聚餐就唔太岩喇 我地叫左手撕雞扎肉酸湯湯檬粉 XO醬生牛肉湯河同一個小食拼盤 兩個麵都好好食 個湯好味到可以飲晒 小食拼盤有無骨鳳爪 蒜蓉牛油雞翼 素春卷 雞翼最好食 炸到脆卜卜而且有好濃既牛油香 鳳爪都好爽脆 除左主菜同小食好味之外 調味料都落足心思 個蒜蓉魚露好好味 落落麵到同撈菜食一流 仲有好多野想試 一定會再幫襯

<好有特色既越南菜😃>喺廣華街開左間好正既越南野 坐位雖少， 以綠白黑色做主題 白色既磚牆身放住唔同人食完食店既 ig post都幾有創意👍🏻 牆身掛住越南樵夫帽 壁畫等等 都幾有越南風格😃 menu都幾多選擇 河粉 小食 蝦多士 沙律 各具特色 👍🏻 仲有一 d用三文魚同海膽整既 fusion菜 👍🏻夠哂特色🍴三色雞翼拼盤 98 蚊勁正既雞翼拼盤 一上枱香噴噴 😄1.火辣蒜椒脆雞翼🐤紅色醬汁既雞翼醬汁甜酸辣都有 密度偏高 雞翼好香脆 大大隻 好惹味🌶2.金蒜脆雞翼🐤蒜香味好濃既雞翼 出面鋪滿蒜片 😍 雞翼個皮炸得勁香脆 入面雞肉嫩滑 好味3.蒜香牛油雞翼🐤牛油味勁香濃 一咬落去 d牛油咇出黎又不失炸既香脆 好味 邪惡😈🍴法式芝心蝦多士59 蚊🦐🍞法式多士好少機會試👍🏻 呢個法式蝦多士外面包皮好香脆 唔會太厚 帶 d芝麻增加香味😍 入面既芝士唔係好濃味嗰 d個人覺得有 d似卡夫芝士🧀 帶 d黏稠 入面既蝦肉彈牙🦐 外面香脆 入面彈牙 加上芝士既軟林口感 好正😆 🍴招牌手撕雞拼扎肉 椰汁酸湯金邊粉 69 蚊🐤🍜🥥 一上枱就聞到好香既椰汁味 見到個湯充滿椰汁 但又好多酸

越男仔喺正旺角廣華街，綠色牌匾，都算幾顯眼。舖位唔大，繁忙時間會坐得迫啲，但味道確係唔錯。睇睇餐牌，叫主菜可以跟餐價叫小食同飲品，不過一個主菜只可以配一個小食一個飲品，叫多就要用正價喇。【越式窩蛋火車頭河粉$88】牛丸、牛筋、牛栢葉、窩蛋、生牛肉、烤牛肉，材料十足。烤牛肉醃得幾入味，厚身。生牛肉牛肉味唔錯，大大塊。【招牌椰汁酸湯滑雞湯檬粉$79】湯底唔會太酸，上枱好香椰香味，但我鍾意多椰奶，再落多啲會更好。滑雞係雞扒咁厚，朋友話好食。注意返啲粉嘅份量係好多，足夠壯年男士。以我一個普通女仔嘅食量，粉會剩好多，如果唔想浪費食物，其實可以叫「少粉」。除左越南粉，仲有好多特色嘅fusion小食。【法式芝心蝦多士 +$45】呢個真係十級推薦！！！芝麻香、多士脆、蝦膠彈牙、芝士半溶，絕對係不容錯過。【海膽春卷 +$72】腐皮炸到香脆半透明，入面係啲爽口嘅素菜絲，面頭再加左海膽，滋味~【青檸梳打 +$23】原枝越南製梳打水，大枝又抵飲，朋友話係低甜添。【越式咖啡 +$23】因為越式咖啡係用煉奶做底，一般會偏甜，所以我叫左少煉奶，甜度啱啱好，咖啡味更濃。

儘管餐廳面積不大，所謂麻雀雖小，五臟俱全。一進去整個餐廳的座位及開放式廚房經已一覽無遺，兩邊兩排的單邊座位各自對著牆壁／bar位，裝潢有風格，甫進去不似是越南餐廳，牆壁上貼滿店內食物照片及網上打卡照片食評及特色掛畫／標語，可邊吃邊看閱；旁邊有部大電視播映著老闆與名人等的訪問、飲食節目，包保食客不會有悶場。小食之選：海膽手撕雞檬紙卷：這個fusion米紙卷有特色，十分清新。卷上鋪滿肥美橘色的海膽，鮮味濃味非常，而卷內夾著入味的雞絲、檬粉及生菜，以越南米紙包裹著滿滿的材料，蘸上甜酸汁 ，為味蕾帶來衝擊。主食：招牌手撕雞拼扎肉椰汁酸湯湯檬粉：湯底以椰汁酸辣湯而成，椰汁味道濃郁，挺喜歡湯底帶酸甜，加入湯粉，待麵條、手撕雞浸在湯底一會，更加入味；雞絲、越南扎肉先略略煎香才放入湯，所以表面少許脆且香口，表面加上炸蒜粒、炒香的紅蔥頭及蔥花，拼湊酸甜湯底，很開胃。飲品：青檸梳打：熱騰騰的湯麵，怎會少得冰冷飲品～叫個清新、特色越南飲品吧，這個青檸梳打造型夠與別不同，整枝泰國街頭常見的梳打水倒插，其實味道無差，純粹很過癮兼有gimmick。這間絕對是新派的fusion越南菜，味道創新特別，fusion得不

天時暑熱 ,想食啲越南嘢清清 腸胃 估唔到俾我搵下搵下,搵到呢一間新派越南菜,食物同服務 仲令我喜出望外添就咁睇張餐單已經好顏色鮮豔, 入面仲有好多款得意新奇嘢食 ,唔覺唔覺又叫多咗幾款😂😂😂😂!其實我係一個蕃茄迷不論咩形式嘅蕃茄都非常之鍾意,大熱天時食過酸酸甜 涼涼哋嘅番茄, 即刻胃口大開 !!!賣相都好吸引 ,但係有少少難切開因為有個"掟"😂😂😂!都話咗我係蕃茄迷所以呢個自選粉麵我都叫咗番茄湯底 !黎到越南餐廳梗係要食金邊粉啦!我覺得呢個餐設計得好好,自由度好大,令客人可以選擇多款自己鍾意嘅配搭 而且份量都好大,男仔一定夠食不過我覺得個蕃茄湯有少少太濃味, 可能我唔配芝士就會好啲( 我選擇嘅配料有雙層芝士,芽菜, 窩蛋等等)嘢飲都值得一讚呢杯係香茅薑蜜上圖係凍下圖係熱,各有千秋,我就比較鍾意飲凍, 可以令味蕾刺激啲 好多人都抗拒香茅味 但係呢一杯個香茅剛剛好,容易接受,飲完喉嚨的確幾舒服越式春捲亦都可以加日式元素! 你睇下幾大舊海膽!😍你冇睇錯蝦多士都有得食 面頭加咗芝麻增強口感同香味,但係稍嫌入面嘅芝士唔係好夠流心,但係蝦膠夠曬紮實豐富最抵讚係呢個自家製醃菜,日日新鮮即製 ,除

招牌生蠔椰汁酸湯檬88生蠔肥美，酸辣胃口大增，大量芽菜很爽口，粉索盡椰汁，十分讚。軟殻蟹98好有風味，炸得金黃可口。香茅凍薑蜜38薑蜜味香醇，有淡淡香茅味。熱咸檸柚子蜜34對於喉嚨不適的我飲用更合心水，柚甜中和了咸檸的咸，使其溫和。香茅豬扒古法脆豬肉撈檬61撈起前，我加了蒜蓉魚露，青檸仔同辣椒在本來已好多菜絲青瓜的檬粉上，令有咬口的豬扒不油膩，脆豬肉相對下比較鬆軟，整碗份量超多的。食後感：價錢合理，越式味道新體會。P.S. 蒜蓉魚露記得試😉