鼎泰豐 (Closed)

今日全職湊B，等到老婆收工，即時交比佢，自己蛇出去食餐好，叉足電再幫手，由於想食小籠包，所以選擇鼎泰豐。去左叫左半打小籠包、1碗清湯牛肉麵。碗清湯麵，中間有舊薑，但一啲都唔辣，而且好無根，煮到淋晒，再吸埋啲湯，真係連舊薑都好食過人。牛肉就唔洗講啦，係牛展，有牛味、夠淋，加上清湯，一啲都唔膩，麵質清爽，唔痴口，食得出係自家制、新鮮拉，雖然$85/碗，但好食。講返主角小籠包，食完再追加半打，前後食左1打，佢皮薄，但唔會穿，多汁，但點上自家制醋後唔膩再加上薑絲，直頭係不能代替既美味。其實佢啲茶都幾好飲，雖然要收茶錢，但都值得。

突然想食素餃，就拉埋媽媽嚟食清淡一點的蒸點。鼎泰豐出名食小籠包，但我地今次偏偏叫了其他食物，試一試其他食物會唔會都係咁出色當然唔少得我最想食嘅香茹素餃啦，一如既往嘅好食餡料夠多，味道剛剛好唔會過咸至於絲瓜蝦仁小籠包餡料無驚喜，但一定要讚揚一下小籠包的皮真係做得好薄，都會比坊間的好吃炸醬拌麵，麵質爽滑彈牙之後媽媽就點了赤豆鬆糕，媽媽話好味嘅鬆糕會係煙煙韌韌。一開頭我都唔信，因為平時喺酒樓食嘅鬆糕都係比較實淨。點知鼎泰豐嘅鬆糕真係令我喜出望外赤豆餡不會過甜之餘，鬆糕口感超煙韌，除了有赤豆蓉，仲有完粒赤豆

是日同內子Ｏ係美麗華行左陣，６點半左右就去搵地方食下野，驚晏Ｄ會多人。見到鼎泰豐，好幾年前Ｏ係台灣時食過一次，香港開左幾間都未食過，見人唔多就去食下。餐廳好闊絡，店員安排左ｓｏｆａ位俾我地，坐得都好舒服。坐低之後店員仲會幫手用椅套包住掛Ｏ係櫈度既外套，係幾好ｓｅｒｖｉｃｅ的。＃台式四季豆：鋪面既肉碎幾惹味，四季豆都十分ｊｕｉｃｙ＃小籠包：話哂係呢度既招牌，皮薄多肉汁，係唔錯。唔洗點醋都好食，但一定要趁熱食＃糯肉燒賣：幾驚喜，一見糯米以為會好油膩，但又唔會。入面既糯米好飽滿，而且帶有Ｄ咸香味，唔錯！＃菜肉餛飩湯麵：不過不失，餛飩都足料同大隻。麵質煙韌唔會太淋

每次去尖沙咀諗唔到食咩嘢嘅時候，都會去食呢間或者新港鼎泰豐。兩間鼎泰豐嘅地點都很方便，附近就是購物商場和地鐵站。而這麼多年來餐廳亦保持其一貫水準，冇令我失望，令我幫襯完一次又一次。餐廳經理，落單，埋單，上菜，帶位的員工都很有禮貌, 令人有親切的感覺。這亦是我在這麼多年來一直幫襯的原因。小籠包：皮薄餡靚又juicy雜錦豆乾絲： 是一個很開胃的前菜，我特別喜歡海帶絲菜肉紅油抄手：又係皮薄餡靚，最令我喜歡嘅係佢嘅辣豉油，甜甜辣辣好好味。排骨蛋炒飯：好大片嘅豬扒，煮得好淋，炒飯都好好食就算到了晚上九點，一直有客人入內進餐

鼎泰豐係同家人食飯既穩陣之選，雖然菜式選項唔算好多，但環境舒適，價錢相宜，所以是我與家人聚餐的首選。當晚同場亦見到好多遊客來用餐。前菜點了：蘿白海蜇 （6/10分）兩者配搭使口感無甘單一，而且更爽口，味道酸酸地，幾岩開胃。蒜香粉皮肉 （8/10分）每次黎都必點，肉上鋪滿蒜粒，蒜香再混辣油，一流配搭，而且粉皮再配哩個汁都好好食。主菜蝦仁炒飯 （8/10分）唔知點解鼎泰豐的炒飯係特別好食，好有蛋香，飯炒得粒粒分明，雖然唔平，但又係我每次都會叫的菜式。小籠包 （7/10分）維持一貫水準，皮薄有肉汁會流出！

記得人生第一次食鼎泰豐，是跟家人去台灣的時候，當時印象深刻的，除了皮薄汁多的小龍包，還有隔著透明玻璃包小龍包的人，感覺餐廳很大膽，讓食客透視廚房的情況，令人對裡面的衛生派下定心丸。自此之後，我便愛上鼎泰豐。今晚食飯，途經尖沙咀美麗華廣場，知道裡面有間鼎泰豐便排隊等位。等了二十多分鐘，便有位了，看了看餐牌點了排骨菜飯、紅油抄手和小龍包，轉個頭的時間餸菜便送到枱上，味道和賣相依然貫切鼎泰豐的水準，一絲不苟。

鼎泰豐最出名可算是小籠包，由台灣傳入多年，已經成為我常光顧的餐廳之一。-1️⃣ 小籠包 $60/6粒 — 不用我多說，吃過的人也知道是皮薄、餡靚、多汁。2️⃣ 蘿蔔絲拌海蜇皮 $58 — 蘿蔔絲和海蜇皮也很爽口，但略嫌蘿蔔絲太多。3️⃣ 台式擔擔麵 $50—麵質、湯底也不錯，但沒有太大驚喜。回頭指數：8/10（當想不到吃什麼就會吃它）-

鼎鼎大名嘅鼎泰豐今次都係第一次食，場內差唔多枱枱都係遊客同外國人，食為香港人好似怪怪的🤣1. 台式酸辣湯果然係傳統嘅酸辣湯，所有料都切到幼絲，連豆腐都切到好幼！唔同坊間就咁切絲就算。2. 高湯菠菜普通一個炒菜，但又唔會食到條脷鞋哂。3. 小籠包嚟到梗係要試下小籠包，簡單一句：皮薄多汁！上菜嘅時候小籠包又唔會太熱，啱啱好一啖啪落口，都唔會辣親。4. 蛋白炒飯唔記咗影，哈哈！都幾好食嘅，咪炒飯咁囉🤣總括嚟講都幾好食嘅，不過都有啲貴。

趁著放假，有空帶小友去跟久沒見的老友學生會面。為了方便老友上班，開餐的地方就選在她辦公室所在的商場中....看看商場指南，看到了同樣久違的這裡....數數手指頭，和這兒的小籠包，沒見面也已有三數年吧....現在可能就連老友來這兒的次數也多過我了，所以點菜的重任，亦可交給她啦....這裡的肴肉做得比我想像中好很多，肉極纖細，味不死鹹，皮凍入口即溶。難怪一向愛此道的小友邊食邊大點其頭....一籠六隻的店自慢鮮肉小籠，皮感覺上比從前的厚但仍不失那吹彈可破的美妙質感。皮的摺數依舊緊密；饀依然是充滿著肉汁，咬時依然是要非常謹慎，不然便會噴至一身都是汁....相反同樣一籠六只的菜肉蒸餃，皮雖然做得不爛不易破不會濕漉漉，但肉饀就稍略嫌太乾了一點，不夠完美....先後點了一碗淨菜肉雲吞及一碗雲吞加麵，雲吞包得甚紥實，饀內菜的比例較重是屬於較健康的出品；湯底頗清澈但又夠味濃沒妖邪味；麵條處理得蠻具咬勁的，也不錯....蔥油拌麵略嫌豬油香不夠突出；蔥也燒得帶點苦。最後只剩下爽彈的麵條較可取....來一碟清炒菜心苗，處理得並不油膩；菜苗翠綠鮮爽甜度足....此時已極飽了，剩下一個鮮肉包當然不會浪費，馬上著侍

已經是第四次吃鼎泰豐了，雖然美味，但要不是哥哥和他女朋友還沒來過，我也不會再次到訪。招牌的小籠包$60/6件，皮薄餡靚。菜肉蒸餃$56/6件，同樣皮薄，菜肉餡比例恰到好處。糯肉燒賣$52/6件，又是那條很薄的小籠包皮，現上糯米飯是頗特別的配搭。乾拌菜肉餛飩$59/碗，甜甜的醬油配上一皮皮薄餡靚的餛飩，特別美味。雞絲蝦仁春卷$50/4條，炸得香脆而且內餡豐富。炸醬拌麵$54碗，豆乾、毛豆？、肉醬和蕃茄撈在美味的麵條中，唯份量太小。油炸排骨湯麵$61碗，油炸過的豬排像煎過一樣香脆而不過於油膩，湯底清澈沒有味精，麵條粗幼適中又彈牙。迷你荔芋包$33/3個，荔芋餡豐富，包皮雖香軟但略嫌太厚。

朋友喺外國返黎話想食呢間，咁冇計啦😂唯有同佢食🤣之前都食過幾次，但係d野食好似越黎越細碟🌚所以已好少幫襯😅又限時1.6小時交枱，想坐耐d都唔得😑兩個人本身唔肚餓，諗住揾地方坐下，叫左幾樣野食☝🏼小籠包($60)冇特別，肉汁唔夠多，但皮夠薄招牌紹興醉雞味道都係一般，唔夠酒味，份量少炒四季豆一般，不過不失，好細碟🌚🌚🌚總括黎講，有得揀我都唔會選擇🌑咁嘅價錢，大把好食過佢，份量多過佢😌

以前好鍾意去鼎泰豐食，食物質素有保證，價錢合理，上菜速度奇快。隔左一排無來到，今日再試下佢，食物質素還好，牛肚除外，係冰隔囉出來，經理中夠膽同我理論話凍係正常（牛肚係凍到結冰）。其他野食同以前差唔多。但係埋單既時候就覺得出事了，每人要二百幾，不經不覺呢家貴左咁多，但係環境唔係改善返去高級菜式地方。真係唔多想再去，不推薦.....

今日同班姊妹黎到鼎泰豐食野，唔洗等位，雖然有限用餐時間，但閒日人唔多，冇人都唔會趕你走，可以慢慢食，傾耐D鐘意佢環境乾淨，坐得好舒適山藥菌菇湯，我好鐘意飲湯，夠入味，好好飲原味水晶肉，個口感好特別，like，見佢有厚厚肥膏，不過少食多茲味小籠包，必叫的，皮薄涵靚，咬落d湯汁正到呢台式擔擔撈麵，個醬唔漏，個麵軟硬適中原盎雞湯面，雞肉夠滑，又冇咩雞油，似敦湯咁今次點既野食都好滿意，清清地唔錯，係傾計既好地方，會再黎食

相隔幾年再黎尖沙咀美麗華店，大致同上次一樣。鼎泰豐一直深受遊客歡迎，坐底後發現四方八面都被不同語言既外國客包圍😂 另外講到食物口味方面，相比台灣店個人覺得香港店口味更佳可能因為去到不同既國家佢地都會調較返適合當地人既口味一睇餐牌，食物種類太致一樣。唯一不同既係食物價格加左唔少，但尚算合理價錢。希望之後價錢不會再有太大升幅，但呢個地段，相信都比較難另外值得一提既係，餐牌既排版比以前密集，但都清晰容易搵到點完三樣必叫既食物之後，一看枱上既轉轉調味料架消失左。只係得返一支醋和豉油，記得以前還有一個牌教你加醋同䜴油既分量。而且有用不同語言分享邊種食法最正宗如果有返係到相信外國人睇都容易啲。另外每枱都有一壺茶，茶水每位計。酸辣湯 $ 52（評分：6/10） 因為怕太辣，所以係落單既時候叫左辣油另上。一上枱見到顏色比以前淺，加左辣油依然淺色，而且偏酸所以另外自己再加豉油。味道就似返以前咁，不過料都好足，有木耳豆腐絲肉絲筍絲油炸排骨麵 $61 （評分：7.5/10） 排骨另上，雖然話係油炸但無炸粉，個人覺得比較似煎排骨醃得入味，黑椒味偏重，有食夜市炸雞扒既味道麵既湯頭好清淡，味道好清爽。如果排骨浸落

之前一直不知道尖沙咀有兩家每次都會老遠跑去銅鑼灣這次發現了應該會常光顧了這是老闆愛的牛肚在下還沒有反應就沒了大半碟之後來一客馬蘭頭這味道真的是很特別也讓人回味四季也食得到的豆好好味呢裡面是蝦肉的紅油抄手還是第一次試很有新鮮感主角到了我們叫了兩客不用打架了可想而知我們都超愛小籠包雞絲蝦仁春卷這個在下就普普通通但老闆就很喜歡了炸醬拌麵這個好像食到臘腸還滿特別的另外我們還點了：原盎鮮雞湯🐔紅燒牛肉湯麵🐮䓤花蛋炒飯食食下都忘記拍照了最後二人七百幾結帳大滿足又要回工司幹活了。。。。。。。。。。