Domon 居酒屋 (淘大商場3期) (Closed)

係日本去居酒屋去上癮，咁啱屋企樓下開左間🤤 今日終於黎試 店入面裝修好有日本既感覺，店舖啲職員都好nice好有禮貌。野食方面，我地叫左幾樣野食都好好食！尤其係個蠔🤤🤤🤤🤤鮮甜多汁😍本身唔鐘意食海鮮既我都覺得好正🤤😍燒粟子薯都好好食！甜得黎又有好香紫薯味～仲有佢地的魷魚筒啲燒汁好夾個魷魚❤️好好味！整體黎講，間舖俾我感覺好surpriseee🤤好似去左日本咁，下次一定會叫埋啲fd黎食！

今日有個朋友慶祝考完試，行經淘大商場，話想試下啲新野，咁岩又真係有間新開嘅居酒屋，就諗住去試試。本身其實冇咩期待，諗住普普通通食個午餐同啲朋友吹下水，點知一開menu，好多野都幾吸引下。叫左個牛拖羅拉麵，少少辣都幾開胃，跟住海老惠方卷，蛋皮包住炸蝦，口感好豐富，都幾好。最令我地驚喜嘅係川蝦，雖然蝦細，但係好脆口，食左一隻就停唔到，最後仲追加左一盤，拎黎送酒一流。整體黎講，餐廳環境舒服，每樣食物都不俗，小食比主菜更加出色，滿意嘅一餐

先講餐廳環境，其實入面啲枱及椅都擺得幾迫，加上張枱勁細，基本上叫得三四樣嘢已經唔夠位放，咁嘅價錢換來只係同連鎖快餐店差不多嘅餐廳環境，我就唔太滿意。再講服務，完全唔得，落單落到亂晒龍，將我點嘅食物俾晒隔離枱，而隔離枱見到佢地無點嘅嘢又問都唔問下照食可也，結果我要再等廚房出，浪費時間。食物我叫左幾樣︰燒魷魚 - 普普通通，無乜特別，但要七十幾蚊，都幾貴。蒜香牛柳粒 - 幾樣中最好呢樣，牛肉幾嫩口。海膽飯糰 - 唔覺有海膽味，六十幾蚊兩舊，份量大概係華x結飯糰size 嘅三份二左右，唔抵食。雞軟骨串燒 - 普通，基本上雞軟骨串燒都好難整到好難食嘅。炸墨魚球 - 還可以，幾爽口。叫左五樣嘢，兩個人加埋一合共三百幾，若考慮到食肆環境(坐得迫、枱勁細)，及服務(將我點嘅嘢送晒去隔離枱)，我會覺得唔值，短期內難有下次。

趁星期日假期出街食飯，去到交通方便的淘大花園 (Domon )札幌居酒屋，餐廳裝修帶有居酒屋的設計，另外經理和店員的服務態度都好，值得一讚。醬燒豚丼$68，微煎香及淋甜的醬燒豚肉份量極多，十分惹味及抵食。火山石清酒煮花甲$68，帶些酒味的花甲好新鮮，份量都足夠， 店員會給過漏斗計時器客人，免花甲焗得太熟， 十分細心。燒秋葵、燒免治雞棒串、 燒錄栗子薯第一次食栗子薯，有少許甜不過好軟淋淋，口感不錯， 值得一試。海老惠方卷$68 一客六件，賣相十分美觀， 壽司用紫菜捲成， 餡料有腐皮 玉子、青瓜、漬物、蟹棒、吉列大蝦， 配料豐盛，可食到唔同嘅層次感。芝士海老脆脆$48， 炸到脆卜卜， 內面有蝦及好重芝士味。巨峰烏龍茶凍飲$25，餐廳有好多不同種類菜式有飲料、前菜、 麵類、串燒、炸物、飯類等。

行左陣街又未夠晚餐時間但又餓啦wor，上Openrice睇左陣，見到有間新開既居酒屋，忍唔住就走左入去啦因為純粹想Tea一Tea，就揀左幾款輕食。醬油川海老($35)好香口，咸咸地，好正，食唔停口！會係一款好好既佐酒小食，可惜今日唔飲酒海老惠方卷($68)入面有吉列蝦、青瓜、黃瓜、蟹柳、玉子、蛋皮，點埋山葵沙律醬食，就好似一款非一般既壽司。仲有，唔好以為佢冇飯就唔飽肚呀！札幌風湯咖哩($68)第一次食湯咖哩，開頭仲驚辣，問左店員話唔會先敢叫食落甜甜地，仲有豐富既配料：粟米芯、秋葵、草菇、紅蘿蔔、雞肉、京蔥、洋蔥。不過個湯咖哩比想像中稀。原本唸住肚餓，食少少野坐下，點知２個人食完呢３樣野已經飽到行唔郁，最後仲將晚餐時間推遲左！開頭見到Ｄ評語都有擔心，抱住試新野心態，都唔係甘差既。同行友人都覺得冇咩特別挑剔，而且坐得舒服，服務又好，唸唔到食咩店員都有幫忙推介！

剛去完北海道旅行 對該地的美食念念不忘見到Domon在九龍灣開居酒屋而胡定欣又為其剪綵 說帶來了新派北海道美食所以前來一試如果之前到過北海道食正宗的料理對這餐廳必然會失望湯咖哩-札幌出名湯咖哩，所以必點。但這個湯咖哩真的‘新派’，蔬菜只有秋葵和琳米心，湯裡頭還發現韓國年糕...是Fusion菜嗎？燒白貝-味道過咸，蘿蔔蓉放在殼低，不知是用來吃還是用來襯托白貝的鮮味拉面-味噌太咸，而且太辣...辣味像酒樓的辣椒油牛柳粒-牛柳太硬

作為一個貪新鮮嘅香港人，都會去尋找新店去試，呢間店嘅位置咁方便，約朋友去食宵夜都易啲喇~不得不讚嘅就係佢地新開都肯提供訂座服務，對於怕等位嘅我，真係一大福音！居酒屋對我嚟講，最緊要就係氣氛，食吓香口嘢同朋友傾吓計，成個人都可以鬆一鬆！之前有朋友食過，大力推介天然火山石清酒煮花蛤，即管睇吓有咩咁抵讚先！見佢一鍋咁出以為無咩特別，原來‥‥待侍應仲要喺你面前表演架！鍋底有熱嘅火山石，侍應淋上清酒再蓋上木蓋，侍應會放低個漏斗計時，等一陣就有得食嚕~另外，仲叫咗個北海道國士無雙燒北寄貝都係用清酒煮嘅，但兩種貝類嘅鮮味同肉質都唔同，今次可以貪心啲，一啖啪哂落口！嗯~爽呀！食到佢有牛油味夾埋佢本身嘅鮮味，以48蚊而言，相當值得！******不過呢2個item係喺期間限定嘅時令餐牌，真係口快有口慢無呀！******最後，叫咗個芝士海老脆脆，宵夜食芝士係邪惡咗啲，不過happy friday night！括出去吧！表皮炸到金黃色，一睇就知脆卜卜喇！裡面有蝦膠同芝士，嫌乾身仲可以點埋旁邊嘅醬汁添！以一個宵夜嚟講好滿足呀！下次試埋其他嘢先！呢間店10:30關門，啱哂我地呢班夜鬼

呢晚無人喺屋企食飯，一早搵定朋友陪我食飯，不过朋友收早但我就要加班，所以朋友就黎左接我收工再係附近睇下食咩我地見到有間新開既居酒屋~反正未試過又唔算多人等位，所以我地就決定一試地方間格企理唔迫峽，餐牌上亦有唔少選擇，價位唔高好親民，所以我地都揀左碗拉麵做主食之後再order左幾樣小食燒物share食先黎係我話要order既 海老惠方卷$68一客六件，每件都包有玉子、青瓜、漬物、蟹棒同吉列大蝦，先用上一層脆身既腐皮包住之後再用紫菜捲成，底部添有蛋黃醬同卜卜脆既飛魚籽，所以食落好香口，食到唔同既層次口感推薦推薦跟住就係我地所揀既串燒呢度既 燒牛柳串真心抵食，$38有兩大串，燒得剛好無過熟，牛粒唔韌但唔係用鬆肉粉“拿”到淋曬既感覺，加上醬汁混有黑胡椒同表面既炸蒜片，所以食落好惹味朋友話黎到居酒屋除左要點串燒之外就點都要叫返啲燒物，所以就發板嗌左一份 燒油甘魚鮫$78一客有三件燒後外皮脆 肉而嫩既魚鮫食落好滋味，沾上配有既酸汁更可帶出魚肉既鮮味之後我地既既拉麵都黎到啦我要個碗係 火炙牛拖羅拉麵$78（辛味噌另上）拉麵配有既溏心蛋有水準，做得一啲都唔hea而牛肉既份量都唔少，有6-8大塊！每一塊

經友人的介紹下，得知這間餐廳在淘大開了新副線居酒屋，今天放假終終有機會一試環境是感覺舒服的，裝修得甚有傳統居酒屋的味道。我們選擇了札幌湯咖哩、花魚一夜干、火炙牛拖羅拉麵、燒廣島蠔、及醬燒豚丼。花魚的魚脂肥美肉厚，還充滿了鹹香味，燒廣島蠔新鮮而且沒有腥味，值得一試醬燒豚丼是店員向我們推介的，用料是日本黑毛豬，食落肉質細嫩，口感不錯，加上店舖自家調配的醬汁，簡直是味蕾的享受最後的牛拖羅拉麵，落單時店員溫馨提示我們牛肉是五至六成熟的，問我們介不介意，感覺十分貼心，總體來說十分滿意

見到胡定欣喺ig出post為呢間居酒屋做活動，從而見到呢度裝修好特別呀！居酒屋係我去日本必去嘅地方，而且作為胡定欣嘅fans，梗係要去支持吓喇！一入到去，見到佢地用木去裝飾，一條條嘅木條刻上菜式名(雖則我一個都睇唔明)，真係好有feel!嚟到居酒屋必食嘅當然係串燒喇！串燒會配上海鹽一齊上枱，輕輕灑上別有一番風味，我地叫咗3款嚟試吓，分別係:燒栗子薯($28)~香香甜甜又綿密，每一粒都非常飽滿而且栗子同蕃薯嘅味好夾，毫無違和感﹗燒秋葵($28)~外觀好似青BB唔熟咁，食落就知內有乾坤，外脆內軟非常refresh，如果食咗好多肉類嘅話，食一食佢，絕對可以解膩。燒免治雞棒串($42)~本身以為佢全部都係雞肉，原來裡面有軟骨架﹗口感即刻立體哂！有驚喜！醬油川海老($35)~細細隻海蝦，識食就一定會原隻炸嚟食，貪佢沾汁位置夠多，香口+味濃，佐酒一流﹗醬燒豚丼($68)~呢個飯夠哂飽肚，佢嘅豬肉片算係幾厚同多，而且醬汁香濃，襯飯一流！呢個份量，對2個一般食量嘅女仔而言係剛剛好，人均消費都係百鬆啲，以呢個格局同食物質素而言，CP值絕對無得輸！

燒物 :   燒冬菇 $28   明顯是一早燒好的,吃落去也是室溫的溫度,乾身毫無水份。 負評汁燒魷魚 : 正常水準,跟其他食店沒有任何分別 $72芝士雞翼, 普普通通,  雞翼很難做得難食燒原隻帆立貝,  地獄料理, 從來未食過咁難食的野,成口腥味, 火山石清酒煮花蛤,  份量少到俾乞兒食, 目數只有10個花蛤, 收費$68, 食水真恐怖收費中等,食物質素是快餐店水準 。呢間野極伏,建議去隔離食元氣壽司好過.... 裝修好有鬼用,好心請過正常D的師傅好過。

剛好今晚這間新店開業約－個星期了，應該所有運作順暢吧，所以決定同黃兔試下！我地18:30到，還未需要等位，但已差不多坐滿了，我地被安排坐在斟茶水位置，而且要同其他人撘枱。其實眼見其他位置坐得都好闊落，又有卡位的，可惜自己不好彩坐在唯一有壓迫感的位置。為何有壓迫感呢？是因為我後面係斟茶水的角落位，店員在我後面進進出出斟茶，我張櫈不小心坐開了少少，店員就會行得好迫，因為我靠近走廊位，再者我隔離有其他食客，他們點的餐店員會兜過我後面上餐的，我响度唸如果那位捧餐店員不小心踢到張櫈腳，不小心將食物淋到我或者隔離枱，那不是很危險？！又可能我有心理陰影，不過都係有些心理壓力都係快點食完走算！看過餐牌食物款式不多，我地點餐後，上餐速度比預期中快。天然火山石酒煮花蛤上枱時，店員會將sake淋落花蛤煲內焗，然後有個沙漏計時，等沙漏漏完了，就可以開蓋食！－打開個蓋，沖口而出係＂嘩！乜份量咁少嘅＂！然後安慰自己說可能個煲大，可惜連肉都好瘦，不肥美！煲下面就有幾舊火山石襯托，我不要火山石，比多幾隻花蛤我好過！成68蚊的花蛤已經無乜肉了，而味道只有香濃sake味！燒粟子薯燒得不夠香，但味道香甜！蒜片牛柳粒可單點又

在九龍灣從未試過食過一間餐廳水準是這樣的, 其中叫咗一個燒扇貝, 不是原裝一隻扇貝 我覺得係每包有幾十隻的扇貝, 全隻什麼味道都冇不咸不淡， 嗰個扇貝殼 一點燒過嘅痕跡都冇， 出到嚟嘅時候更加 一點熱都冇。 還有個串燒牛柳， 牛柳俾啲鬆肉粉 乸到好梅。 保持一貫水準的 還是嗰罐忌廉, 佢哋啲茶都唔錯, 有個甜豬肉飯都唔錯, 不過本人 我想都不會再 到這餐廳 食飯

同老公諗住新嘢去試試，特登揀左5點幾去，唔駛等。入到去座低只係有一半既人。我地岩岩點完嘢食3分鐘度，有個女待應拎左張單來比我地，話請卡主簽名我同老公呆左。。。答佢，我岩岩點嘢食咋喎。佢就行開左，咩都冇交待過了。我地點左一個拉面，一個前菜醬油蝦，生姜燒定食。唔駛5分鐘老公個拉面到先，但叉燒只得一塊仲要係叉燒頭。到老公個面食哂我個生姜燒定食先到。失望既係個飯同碟肉都係凍既。。。。到差唔多食飽個前菜醬油蝦都仲未到，追單下話2分鐘到。但到左都稍為失望，因為好油。未滿座都既安排都咁亂，滿座應該仲差。其車如果咁點解唔試業先呢所以我地就唔會再幫襯了。。。又係另一連鎖店既悲哀

今日友人話新開左間居酒屋係九龍灣就膽粗粗試下佢，價錢正常！環境可能新開，幾好！佢依間居酒屋應該迎合香港人口味，除左燒物同炸物仲有定食同拉麵。我地叫左醬油川海老。。聞上去幾香，不過甜醬油不平均，食幾隻物得一隻有味！一般！燒北寄貝就無牛油香，酒味太濃！無左鮮味！麻！燒鮑魚就口感正常！一般！我叫左個北海道牛油拉麵(味噌)。。湯底唔夠香，麵質就太過糊口！而我朋友叫左個火炎牛拖羅拉麵(辛味噌)。。湯底唔算話差，仲幾特別，飲落有卡樂B什菜條味！牛肉正常，不過唔夠半生熟(侍應話係半生熟黎)！麵質同我果個一樣！侍應服務正常，不過有啲亂，可能新入行！希望有待改進啦！