東海薈 · 拉斐特 (青衣城1)

Open Now

Now Closed

人大了, 也就開始喜歡中菜, 所以, 有時候約朋友聚會, 也會揀中菜. 就揀了一間在青衣城新開的東海薈, 晚餐後回家也方便.每人點了一碗花膠瑤柱羹. 質地頗為濃稠, 羹內的肉絲甚多, 也見到瑤柱絲, 可是, 不大見到花膠的蹤影, 有點失望哩.主食上湯焗波士頓龍蝦(伊麵底)很快便送到來. 斬件上的龍蝦, 份量多, 且肉質結實, 也夠彈牙, 尚算不錯. 由於龍蝦和伊麵都泡浸在上湯內, 導致龍蝦和伊麵都吸滿了湯汁, 也正因如此, 伊麵亦被浸得甚為軟爛, 要夾起來時比較困難. 想不到這個黃埔滑蛋蝦仁的份量是如此的多. 蛋厚而多, 異常嫩滑. 蝦仁下得慷慨, 更是中大蝦的size, 肉質實爭爽彈, 吃得很滿足哩.晩餐, 當然要吃點菜, 吃蒜容炒白菜仔就最合適. 原顆白菜仔堆積如一座小山丘. 菜很新鮮, 只加少許蒜容調味已足夠有餘了. 食物尚算可以, 至於服務, 卻奇怪得很.話說, 當我吃完晚餐, 在埋單後, 我到了酒樓內的女洗手間如廁. 這洗手間是與隔鄰的cafe共用的, 它的設計都不似中式酒樓, 反而似西餐廳的洗手間. 洗手間門口並沒有豎立任何「清潔進行中」之類的指示牌, 於是我便進內. 一入

尋日難得放假，陪家中兩老到青衣城走走。朝早飲茶度度都多人，東海薈最快等到位！所以就衝入去。坐低時發現碗筷仍然有污跡！無計啦，自己洗洗佢。嚟左碟炸兩腸，我請侍應唔好將豉油淋面，因為家父不吃豉油，請侍應另外用碟上豉油，結果個隻碟又有污垢。最後都無點過豉油。我知道平時酒樓去到都係要自己洗一洗碗筷，但係呢間野，門面咁靚，價錢又唔係平，啲餐具污糟到咁明顯，真係好差囉至於食物方面只係一般，員工嘅服務質素都係一般。

在 嘉禾青衣 看戲後，時間已是六時多， 這個時間做些甚麼才好 ? ． ． ． 吃晚飯吧 !在青衣城裏逛街多時，早在 東海酒家 時代 ( 沒有裝修前 ) 在此喝過早茶、下午茶，反而晚飯的手勢卻從沒吃過，難得它新裝修，看門面是美美的，晚飯便在這兒解決吧 !被安排坐近落地玻璃前，景觀是 ... 不過不失 ( 已盡量靠向右邊拍照，「不好意思，打擾了」 ) 還是快快點菜，肚子餓呢 ... ~沙薑花膠炆豬青肉 $ 108香噴噴、熱辣辣 的送上檯，驟眼可見煲內有多件大花膠，花膠厚身，咀嚼時黏口兼軟滑，廚師用了沙薑來為花膠調味，它能僻腥亦能為花膠添惹味；至於豬青肉是被切成條狀，紅燒的料理，汁鮮鹹濃香，烹調得爽口又好吃。四川蝦球 $ 168 勁惹味的一道菜，可惜是大蝦球只得八隻，大蝦球爽口彈牙，清潔乾淨，沒有梳打粉的味道，它們經過蔥白、辣椒、薑片的爆炒，入口微辣但香氣極濃，自己肯定能把這碟惹味菜吃清。秘製醬油脆皮雞 $ 68 ( 半隻 ) 肉眼可見雞皮的薄及脆皮，它的顏色均勻，醬油色澤亮麗，雞皮下是零脂肪，入口細嚐出雞皮即化，雞肉嫩滑。花膠瑤柱羹 $ 68 / 位 湯稠，料多，有花菇的入味，鮮甜香腴

從酒樓員工的口中得知，這間酒樓只提供2人枱五張，但3人以上的中枱有三十張以上，情況就是當3人或以上的枱已經派了33張，你還是在呆呆的等第你的2人枱，如果好運的話，你可以等到中枱都派完之後等到你的2人枱最後你會等到你的2人枱，但已經沒有心情去食。或者他們員工會建議你們只有2個人的話，俾3個人茶錢就可以排3人枱的隊，就不用呆呆的等了。我只能夠說聲：『請你好好放低』。亦希望在此講一句：『想我再嚟飲，發夢啦』各位如果唔信的話，歡迎嚟試試。*ps：我已經沒有心情去留意其他東西，公平起見，會給予評分3分在我沒留意的項目

之前去了青衣跟一位舊朋友相聚順便食晚飯，朋友提意到青衣城裡的一間大品牌中餐廳，據講是最近新開張的，隔鄰還有一間同品牌的Cafe，望落好似頗特別，我們一行二人便入去試一下。這新開的中餐廳樓底頗高，地方雖不算太大，勝在樑柱不多，空間感不錯。米色主調配上近海美景，裝修摩登型格，滿有氣派，優雅簡約的圓拱形小舞臺，適合婚宴或公司宴會，枱與枱之間的空間算充足，餐具也很精緻，讓人感覺高貴寫意。望望餐牌，主要都是一些中式餸菜，如小炒、燒味或海鮮，當中亦有大廚特別設計的菜式。我們點了三道菜，還加上此店馳名的壽包作為甜品，以試一下這新店的水準。酥炸廣島蠔，廣島蠔雖屬冷藏貨色，但仍算大隻，蠔肉脹卜卜的，裹上薄薄粉漿炸至酥脆，拌上炸蒜和椒絲，入口外脆內嫩，蠔味濃郁，酥香惹味，質素算合格以上，中規中矩。順德生煎雞，一上枱已熱辣辣吱吱作響，伴隨著陣陣薑蔥清香飄來，十分誘人，原來是用了大量薑蔥墊底，難怪可以這麼香。雞件做得嫩滑惹味，薑蔥的清香更能點綴出色香味，唯由於現時多採用冰鮮雞的關係，雞的質素相對遜色，雞味欠奉，但以味道來説仍算不錯。花膠野菌浸時蔬， 花膠切絲不太顯眼，伴隨著雜菌及白菜仔浸在奶白湯汁之內，白菜仔

Happy Friday!!自從轉左工後，好耐都冇出街食飯喇!心情莫名的興奮~今日黎到青衣城，一個不太熟悉的地方。朋友於東海薈訂了枱，下車後找了十分鐘，終於找到了。原來位於一樓的角落...酒樓比我想像中人多，裝修亦十分漂亮，好似隨時ready給人辦婚宴似的。片皮鴨片皮鴨新鮮烤起，皮脆肉嫩，光澤十足。麵包皮十分之薄，例牌地配上海鮮醬，青瓜絲和葱段，好香口喔。上湯龍蝦伊麵味道調較得不錯，惹味得來又不會蓋過龍蝦的鮮味。龍蝦本身不是太難烹調，東海薈亦發揮出酒樓應有的水準。特別一提，伊麵較一般的來得較滑和薄身，更能吸收到上湯精華。翡翠炒斑球我呢啲食魚怕啃骨嘅人通常都係點斑球。翡翠炒斑球賣相好吸引!斑球切得厚肉大片，咬下去彈牙有口感。只是略嫌有點油。幸好，有西芹伴著可以中和一下。雞絲鮑翅嘩!好多翅呀!侍應幫我地分好一人一碗，每碗都好多翅!!雞湯香濃，但不會過咸。天氣炎熱，飲返碗湯啱唒!九層咖啡凍糕咖啡糕離遠已經聞到濃濃咖啡味，吃下去又滑又濃，好味到上左天堂咁，一碟有四件，好抵食!酒樓來說，東海薈算中上質素，食物賣相瑰麗堂皇，眼睛和肚皮都得以滿足，作為一個星期嘅happy ending就啱唒喇!

東海薈個名雖然很老派，加上拉斐特三字，配上時尚優雅既裝潢及設計，感覺新穎。主要色調揀了白，粉，紫等夢幻顏色，周圍擺了花既擺設，氣氛浪漫，非常岩新人擺酒。餐牌既設計也相當俾心機，由相片去到紙質，無一掉以輕心。平時，我酷愛燒腩仔，而呢到既燒腩仔同我平時食既有d唔一樣，佢有齊我既要求: 豬肉要夠新鮮，肉質嫩口，皮要夠香脆，並多咗一分炭燒味，非常香口。龍蝦伊麵 - 龍蝦好鮮甜，肉質好好好嫩滑，鮮甜味成功滲入伊麵到，價錢$138，比平時酒樓既價錢較平。翡翠炒斑球，魚味鮮甜，肉質好嫩，配菜有芹菜同紅蘿蔔，呢道菜清清地，但味道簡單卻不凡。呢個包想試好耐，阿華田軟心壽桃包，未食就已經係到幻想有幾咁香甜，食落同幻想既有少許出入，不過包好鬆軟，餡份量又多。

東海集團絕不陌生，同一家酒樓，我間中也會與同事於北京道一號分店用膳，此晚去了青衣城......生意不錯，在此等地鐵連接的商場人流總有保證，而且質素不會太差，否則也難以生存。 片皮鴨($450/二食): 第一食肯定是原隻片皮鴨即場片出鴨片和鴨肉，一般而言，也會像下圖一樣有約二十餘塊。鴨皮相當有光澤，香脆帶脂肪香，鴨肉肉質和味道均像樣，而且薄餅皮是非常非常的薄，毫無疑問是處理得相當出色，再夾青瓜絲、蔥段及甜麵醬，就有片皮鴨的形、色、香。但可惜經理刀功仍待改進，鴨肉大小不一，大部份太大件而難以進食。另一食便是涼瓜炆鴨肉，以剩餘的鴨肉加上涼瓜，以豉椒炆製，涼瓜爽口不澀，豉椒有點蓋過鴨味，但像家常味道。蜜汁燒鱔($168): 以蜜汁燒製白鱔其實也是蠻香口，質感與日式蒲燒鰻魚相約，只是蒲燒汁換成蜜汁，像叉燒般香甜，白鱔爽脆惹味，尊上之選。焦糖燉蛋($32): 雖然酒樓吃是有點不夾，但愛吃總是想吃，可惜其灑上黃糖，有點不合且過甜，布甸有蛋味，偏甜，質感不滑，而且有偏糊狀，建議改善。

青衣城三間新餐廳全都試勻並寫下食評，最後寫到這新酒樓；其實它前身都是東海，但因為服務一般的關係我們甚少光顧，且看看它裝修過後會不會有一返新景象。周日十一時到樓下等位，一等便是兩個小時，星期天上茶樓，簡直是自殺。 除了換上一個別扭的名字外，店內亦重新間隔過，加入了一個如教堂般的舞台，讓擺酒的新人在此做見證；另外桌椅排得密密麻麻，燈光比以前昏暗，舒適度不復當年。 帶子露筍蒸餃 (頂點)露筍頂部立直在上，外型精緻，餡料爽口鮮甜。 子薑牛肉球 (中點)牛肉球鬆化，可是肥肉挺多較膩；而墊底用上子薑代替腐皮，相對清新。 沙爹金錢肚 (大點)仍做金錢肚的酒樓不常見，每次見到都會給媽點上一客，這裡的出品入味軟腍，沙爹濃而不辣，不錯。 金網煎窩貼 (大點)窩貼底煎成三角網狀，脆卜卜新鮮熱辣，一咬肉汁四濺，大家一致認為是是日最佳出品。 蜜汁叉燒腸 (頂點)叉燒不會太肥或太柴，腸粉滑溜有米香。 Q版奶黃雞仔包 (中點)近年不少酒樓也推出賣相可愛的點心，這裡也不例外，可是就我看來這雞仔不算得意，那鮮艷的顏色更有點嚇人，還好包身鬆軟，奶黃椰香味重，細細個不會太飽肚。 星洲炒米 $98哥素來喜歡此味，見其他點心也

自工作量增加以來沒有時間帶母親出外食好西早前朋友介紹 新開的東海薈。拉斐特食品質素唔差剛好到附近, 所以同母親特意來試試我們2點鐘到, 門外排滿等下午茶的茶客, 非常熱鬧! 拉斐特 是一家婚宴式酒家下午可供客人飲茶晚上可供客人作婚宴或EVENT場內裝潢高貴優雅在內也分外覺得寫意而餐具也特別精緻兩時下午茶開始點心平至10元一籠非常優惠而有一些菜式價錢平得過份秘制醬油脆皮雞雞件肥美皮脆肉滑我跟母親食得津津有味清蒸原條沙巴龍躉這條魚相當超值$138 大大條廚師蒸得時間剛剛好肉質嫩滑, 非常新鮮這個炒河味道不錯, 但略油了一點蝦餃燒賣好足料皮薄饀靚!蒸鳳爪蒸得又腍又入味!楊枝金露花奶味重味道亦不錯這麼環境好, 價錢合理食物味道水準之上服務質素亦不差班實是個好地方!下次會帶家人來試試這裡的晚餐

與長輩用餐，選擇到酒樓午膳就最好不過了. 沒有限時，喜歡坐多久都可以~ 這次來到青衣城新開的東海薈。拉斐特午餐，酒樓樓底特高，空間感十足，枱與枱又有一定空間，坐得很舒服呢! 如可以坐窗邊就更好，可以望到海景呢! 星期一至五、星期六、星期日及公眾假期點心定價有所不同，可參考附上的相片~ 四寶雞扎 (頂點) 雞扎size比較小巧，腐竹皮包着的就是火腿、魚肚、雞肉等，味道不過不失. 晶瑩鮮蝦餃 (頂點) 蝦餃晶瑩通透，外皮煙韌，沒有蒸得過火，蝦肉爽口彈牙，都幾好吃! 帶子露筍蒸餃 (頂點) 一籠3件的露筍餃，賣相精美. 翠綠露筍、再加上蟹籽以及原隻大蝦，有外貌又有內涵~ 粟米炸蝦餅 (大點) 即炸的粟米蝦餅，已細心地一分為二，方便食客享用. 蝦餅幾香脆，內裡亦有香甜的粟米粒，喜歡炸物的我很滿意. 脆皮燒肉 ($75) 燒肉外皮十級香脆，而且肥瘦適中，減肥中的我也忍不住多吃幾件!! 京式素鵝 ($48) 平時最怕吃過於油膩的素鵝，但東海薈的頗有水準. 腐皮香脆不油膩，內裡是健康的素菜，配合起來就是我非常愛吃的京式素鵝~ 吃了多款點心，仍未夠飽，本想點炒麵/ 炒

終於黎到星期六！對一至五打工嘅朋友黎講，幾經辛苦熬到星期六，平日番工趕頭趕命，早餐都冇時間食，就算有，都係食個包。難得星期六唔使番工，早餐梗係要慢慢歎番個靚茶啦。今日朝早就去左東海薈。拉斐特歎茶。裝修過感覺華麗左。原來11點前有特價粥飯，嗌左兩個飯一個粥：原籠北菇蒸滑雞飯、原籠鳳爪排骨蒸飯同埋南瓜排骨粥。原籠北菇蒸滑雞飯北菇放喺中間，周邊係雞肉。北菇份量不足，只得四分一的份量。如果可以多些份量會更好。北菇香滑富口感。雞肉都是冰鮮，但蒸出來沒有雪藏味，大部分都蒸得熟，惟部分稍嫌蒸得未夠熟，有些少紅色。原籠鳳爪排骨蒸飯鳳爪份量稍嫌少，只得兩隻「腳芷」。排骨約有五件。排骨大部分連骨，讓人感覺新鮮。排骨和雞一樣，部分蒸得熟，部分稍嫌蒸得未夠熟，有些少紅色。兩盎飯同樣值得讚的地方是飯粒粒粒分明，欣賞其用盎蒸飯。熱力透過盎轉到飯裏，這樣蒸出來的飯才夠熱。南瓜排骨粥南瓜肉散開成一絲絲，遍佈整碗粥，排骨算是熟了，但吃不出南瓜味，整體來說不過不失。想食d熱熱地嘅野、想食清清地或者想食得健康d，嗌呢個粥就啱曬。但賣相唔係太好，睇見覺得好似食緊醫院d粥。上素粉果共有三個。皮薄餡靚， 皮同餡嘅比例係1:9。餡

收到公關公司試食邀請,同老公o係尋(21-7-2017 Fri)晚,同老公o黎試食,我o地預o左o野食唔平, 睇睇menu,嘩!真係貴到飛起,鬼咩,成間酒樓唔大,一晚最多只可做兩轉生意,唔貴就假.而由於budget所限,所以我o地只可以叫每位$268.00,兩位起o既仲夏超值宴食,有:1. 東海兩小碟,青瓜海蜇同脆皮燒腩仔青瓜海蜇,重有啲雲耳o係底,三樣o野都甜甜辣辣同爽口;海蜇重係好細隻o既水母頭剪o左啲鬚.味道: 4分--->3.5分脆皮燒腩仔,仍然暖暖地,皮鬆脆,但四件好鹹,四件就o岩o岩好唔過鹹,可以蘸佢o地開稀o左o既芥末食.肉o既口感係o岩o岩鬆化.味道: 4.3分--->3.8分2. 濃湯菜膽燉翅打開睇,顏色咁淺,點會係濃湯?食落,只係比滾水多o左啲菜味,要落好多醋食,其實有冇落料去燉?而翅係彈牙o既.味道: 0.6分--->0.1分3. 蒜蓉蒸波士頓龍蝦(每位半隻)呢個等o左幾耐吓至到,見到個鉗好大個,亦嗅到好香,佢o既蒜蓉加豉油味道o岩o岩好,唔會太鹹; 龍蝦新鮮味道濃郁鮮甜,係唔錯o既,不過略為蒸過o左火.味道: 4.5分--->4分

青衣城食飯真係好多人，同爸媽食飯，想食中菜又想坐得舒服，仲要環境靚，真係幾難，黎東海薈就滿足左我。近門口有張大枱，格局甚為stylish，一D都唔似酒樓。內裡佈置cozy，日頭黎仲有大海景睇！摩登又簡約的stage啱晒D新人擺酒。茶具和碟子好有心思，菜單也很精美，有不同組合套餐。四川蝦球($168)大大隻的蝦十分爽，有四川的香味，但味道不太辣，很惹味適合一家人食。秘制醬油脆皮雞半隻($68)真係好抵食，份量蠻大的，見到好多枱都有點。雞肉皮香脆肉滑嫩，好有質素，點甜豉油食，加倍鮮味。上湯焗波士頓龍蝦伊麵底($138)的受歡迎程度也不低，價錢大眾化，唔叫唔得。上枱啦，賣相好吸引，龍蝦貨真價實，大大隻，很足料。聞到香噴噴，食到啖啖龍蝦肉，伊麵配上濃郁的龍蝦汁，很美味，呢味菜真係色香味俱全。果皮絲蒸斑腩($168)很有特色，係爸媽最愛。斑腩肉滑得黎都幾扎實，有很多膠質在魚入面，可以補collagen，非常養顏。味道略為清左D，果皮味再濃D就好。

為了寫這食評，第一次在open rice登記、第一次寫……作晚一家四人去青衣重新裝修的這家東海吃便飯，一是補祝太太生日，二是估計新店各方面會好D。結果是中伏。點了七個餸其中雞㷛翅($238)應該是一小窩上的。但是阿姐係送來4碗㷛翅，問點解窩上變位上，阿姐話係出面幫你哋分好，剛好4碗，追問點解唔先給我們睇過才分，阿姐支唔以對並話個吉窩己經被其他人取走了。為免被加料。唯有硬食這4碗位上的雞㷛翅。其二是海蜇熏蹄應該是前菜但到單尾仍未到。追查下發覺是手寫單。最後也到了。但視覺上總覺得有點不像樣但又講唔出。太太夾了第一件，我唯一有提醒她肥的皮不要吃(熏蹄不吃皮?有D乜嘢呢?)正在推敲時，阿仔夾第2片熏蹄，但發覺全肥肉，之後他用筷子揭開其他發覺第2片開始的全是肥肉。全部即刻停筷。叫男經理取走並為免加料要求直接取消order。因為是生日飯，所以又叫4個東海壽桃包，覺得這個是他們的強項，應該合格，但結果是皮硬但包是熱的。應該是未蒸透就給客食。(因阿女不吃、所以帶走一個今日翻蒸，發覺隔天的皮也軟過作晚。) 廚房水平低、無品質標準。事後我同太太講，大x樂的品質都好過這間東海。