深宵食堂

Open Now

Now Closed

一上黎真係空盪盪，疫情關係應該都少人外出食飯。。。不過呢間和風裝修嘅日式餐廳真係幾吸引深宵冷烏冬拼唐揚炸雞 $58炸雞炸得靚，只係調味過火少少，鹹左少少，不過深宵冷烏冬堅係正麻醬、青瓜絲、蟹籽、蟹柳同紫菜，材料豐富，味道適中，烏冬熟度剛剛好咖喱吉列豬扒烏冬 $58吉列豬扒炸得金黃香脆，豬扒見到肉紋兼肉汁豐富通常一般吉列豬扒會炸到乾柴柴又冇肉紋，好似係雪左好耐或者ready-to-cook果類，呢度嘅真係好靚烏冬都足料，不過比較淋，唔知過火定烏冬嘅問題餐廳環境靚，窗口位置光猛，睇到樓下嘅街景邊食邊睇真係好治癒

兩點幾係旺角搵飯食, 上到深宵食堂見一個人都冇仲驚係伏🙊不過好彩好食既~😂餐牌選擇都唔少, 價錢算抵食, 跟餐加小食都係$12好岩同朋友一齊叫share食😗即刻有張現金卷送即刻可以用, 店員仲教我地用添, 唔知依加仲有冇呢😂<和牛海膽丼>個樣靚靚仔仔架🤤海膽都幾鮮味, 呢個價錢我冇咩要求😂和牛汁燒好香, 口感都算嫩, 唔會咬到咀嚼肌壯大👐🏻齋講味道唔係話有咩大驚喜, 但呢個價錢有呢個質素真係唔錯💁🏻‍♀️<一口芝士角>單叫$38就唔係幾建議嗌🙊跟餐$12就幾值得~ 咬開辣爆咀, 外脆內軟👅係一個普通好味既芝士角😂<一口台灣腸>普通好味既台灣腸😂份量好少, 真係如果唔係跟餐就唔好嗌啦🙊

相識多年的同學見面，我和朋友來到旺角的日式店覓食，朋友讚美「深宵食堂」的食材優質美味，擁有日式的格調，老友難得聚在一起，享受一頓豐富的晚餐。 進入深宵食堂，見到日本風格的櫻花，佈置和擺設很靚，繁華的背後，能夠停下來暫時忘憂，用餐更輕鬆暢快。 店中很多日本動漫，我和朋友都好鐘意，非常吸引，十分有欣賞的價值。 進入餐廳後，先看到餐單，餐單美食多，每款價格相宜，未食巳吸睛，令我胃口大開。 蟹肉海膽炒飯 蟹肉海膽炒飯是我的至愛，飯味香濃，飯配上很多新鮮的食材，材料包括有蟹肉、海膽等，肉質嫰滑彈牙，提升了味道很清新，帶到另一個新層次，令我喜出望外。 鹽燒雞翼 朋友喜歡吃鹽燒雞翼，肉質很爽滑，紮實彈牙有咬口，口感豐富，芳香的味道仍在口中留戀。 煙肉荔枝卷 我喜歡吃煙肉荔枝卷，煙肉卷入面有荔枝，煙肉卷香軟細滑，荔枝香甜，香氣四溢，容易入口，讓人回味無窮。 冰燒菠蘿 菠蘿酸酸地，清甜止渴，潤一潤口，食飽後用來消滯解膩，中和之前的濃味食物，任何時候適合食的食物。 巨峰提子梳打及菊花茶 巨峰提子梳打清甜，菊花茶清香，二款各有特色，香氣滿溢，令人心曠神怡，喝後在喉嚨徘徊片刻，充滿優雅不膩的滋味，口感細膩的飲

平時都鍾意去居酒屋食下串燒飲下酒要食得盡興緊係要去有良心既鋪頭啦💛款式種類選擇多而且價錢都好合理平時食或者節日慶祝都好岩去見到有是日推介緊係要試下啦我就簡左牛油蒜燒蟶子皇、汁燒雞腎同甲羅燒牛油蒜燒蟶子皇一上枱就已經有濃濃既蒜香味蒜頭鋪滿晒成個蟶子皇食落去口感彈牙同埋唔會乾爭爭汁燒雞腎啲醬汁好惹味雞腎燒到煙煙韌韌好香口甲羅燒係全餐既亮點✨蟹膏同蟹籽撈埋一齊之後蟹香四溢🦀鹹香鮮味再用多士點黎食好好味前菜我叫咗螢光魷魚🦑份量差唔多有10隻魷魚味道好新鮮有少少爽口吉列廣島蠔新鮮炸起有四舊咬落去熱辣辣入邊好多蠔汁我仲叫咗貓飯貓飯其實係用柴魚碎加白飯柴魚碎鋪滿晒所以每啖飯都可以食到飲品我簡左梅酒烏龍梅酒飲落好舒服加埋烏龍就好似平時飲有味嘅茶😆一路食串燒一路飲好爽最後我覺得店員好貼心😙因為我食得太慢而燒粟米一早已經上菜佢主動同我講話可以幫我加熱番🌽燒粟米非常鮮甜冬天好啱食😋

環境好舒服，一邊天花鋪左櫻花，另一邊就係油紙傘，好日本風情！播住日文歌，啱哂feel！👉🏻厚燒牛舌（1串）$38超級推介！！真係好厚肉，口感好夾，調味唔會過鹹！👉🏻芝士年糕（2粒）$38又係高度推介！一咬落口好軟綿綿，外皮燒脆左少少，但入面暖笠笠嘅芝士滲岀，真係好好味！👉🏻煙肉荔枝卷(1串）$38煙肉好大塊，連埋荔枝係入面好清新！👉🏻脆炸日本大腸(1串)$32上面淋左芥茉漿，真係令個口感錦上添花！👉🏻冰燒菠蘿$38冷暖交融，好啱最尾當甜品食！👉🏻吉列廣島蠔$38有四隻咁多！全部都好肥大，多汁！👉🏻松露三文魚焗大啡菇 $52呢個組合幾特別，松露味唔係好突出，不過三文魚同菇嘅鮮味融合一齊，估唔到都幾好食！👉🏻魷魚大板燒$42又好貼心分左四份，份份都好足料！👉🏻牛油蒜香蟶子皇$52極力推介！好新鮮，一d都唔腥，唔會燒得過哂火變韌！👉🏻甲羅燒$78蟹膏冇得輸，味道濃郁，脆多士伴食，真係會食唔停！👉🏻荔枝玉露$32不過不失，唔會死甜！👉🏻柚子茶$30好多柚子，非常好！服務員好有禮，今餐食得好開心！

動漫迷必去的餐廳😆 好多好正既海報 / figure! 唔講以為自己去左一次日本🤣 ！仲要叫咗咁多嘢食$500都唔使！！蟹肉海膽炒飯 $88有大大嚿海膽鋪起上面，仲有魚子，當你撥開啲飯嘅時候真係見到好多蟹肉，係足料嘅，雖然個飯有啲淡，但係有鮮味彌補😀 總體滿意，而且真係唔貴！日式炒麵 $48上面有好多蛋黃醬，其實就咁食一個面都會覺得好飽，醬汁都夠， 當然就冇菜啦，所以一定要叫小食！！小食：煙肉荔枝卷 $38 我的最愛！煙肉夾埋荔枝真係絕配，雖然呢個配搭唔係成日見到，但係好清新！和牛串 （2串） $68牛肉好鬆軟，汁多！有啲一咬即溶嘅感覺。比我想像中好食。 本身覺得$68有少少貴， 但食完之後覺得真係唔錯芝士年糕 $38我鍾意佢年糕個皮好鬆軟好滑吉利廣島蠔 $38炸得唔錯，粉唔厚日式炒野菜 $48我朋友最鍾意食嘅竟然係呢個，佢話因為啲菜好有醬汁味，唔係Hea炒😂吉列松板牛 $58朋友鍾意食吉列牛，我食咗一舊，肉汁多，朋友就鍾意多啲總體而言，侍應服務態度好，內裏裝飾靚，適合動漫迷，食物質素係同個價錢配合嘅！

提到食串燒 🍢🍡有咩選擇？ 唔駛講都會諗到 @midenight.mk 個場唔算好大 不過的確有啲日本果啲食串燒飲啤酒細細間嘅居酒屋feel 🇯🇵Menu 食物選擇 #燒物 相對多啲 除咗串燒仲有啲主食可選擇🍛🍲#牛油蒜燒蟶子王 $52（市價）牛油蒜唔會過重 掩蓋晒蟶子嘅鮮味#芥末和風炸雞 $48炸雞都juicy 唔會炸到乾哂身 個芥末醬好惹味 好match 😋#芝士蟹肉玉子燒 $78 好厚身 一口咬落去好juicy 爆哂芝士汁 食得出蟹肉 但芝士汁較重 蟹肉味相對冇咁出#鹽燒雞軟骨(2串）$28口感唔錯 食串燒 雞軟骨串就係必食😉#豚肉露筍卷(1串) $38呢個組合👍🏻掂s 豚肉包著露筍 唔會覺得豚肉好肥 而且兩者除咗味道match 連口感都好豐富推🙌🏼推🙌🏼推🙌🏼#和牛串(2串) $68有成兩串 粒粒大大粒 呢個價食和牛算抵食不過又老實果句 食得出唔係A5 或者好頂級嘅和牛但性格比絕對高 味道同熟度都控制得唔錯 Juicy 且口感👍🏻#蟹肉海膽炒飯 $88好大碗😂好在我地叫一碗兩個人share食超多蟹籽 蟹肉就已經同飯一齊炒埋上 海膽份量ok 不過唔啱張相啲海膽俾紫菜遮住咗😅😅撈埋

餐廳坐位坐得幾舒服，好岩同朋友一齊食飯傾計。餐廳叫餸方式好似放題形式，選擇方面都可以接受得到，有小菜頭盤主菜等等。但分量方面比較小，所以好多人去食的話依方面要諗諗拉，但食物質素係五錯既，由其係牛柳粒幾juicy

之前已經食過銅鑼灣嘅深宵食堂覺得唔錯, 今日朋友提議食串燒, 至發現原來旺角都有間分店就再去多次。呢度嘅裝修以木系日式風格, 加上牆上嘅日本懷舊牛皮紙電影海報、小模型, 店內還播放著日文歌,令人感覺似身處於日本居酒屋的溫暖感.食物方面選擇十分之多 我地點咗和牛串、雞軟骨、大蔥雞肉卷、芝士翠肉瓜、松露三文魚焗大啡菇、香蒜焗蠔、鹽燒油甘魚鮫、牛油蒜燒蟶子皇等等汁燒油揚 $28/2串第一次試炸嘅油揚, 咬落脆口帶軟, 加上秘製醬汁燒製,味道驚喜牛油蒜燒蟶子皇$58蟶子皇燒過後保持到鮮嫩又鹹香,呢個價錢值得一試鹽燒油甘魚鮫$98油甘魚鮫平時較少見,外皮燒得香脆美味, 魚肉保留肉汁鮮嫩, 而且唔多骨,值得一試香蒜焗蠔 $52蠔味香濃新鮮, 烤焗過後依然大隻無縮水,配上蒜蓉焗得十分惹味大蔥雞肉卷$32雞肉嫩滑, 配上大蔥令整體味道平行更加惹味仲有其他串燒小食整體串燒味道都不錯, 食物都係即點即做, 保留左燒烤嘅精髓!

今晚小妹約左朋友去深水埗睇聖誕樹, 睇之前就緊係要醫左肚先! 之前一直好想試下E間深宵食堂, 今日難得有時間於是就去試下!🌟悠久之梅平時多數飲梅酒梳打, 今日想飲下梅酒烏龍, 入口梅味清香帶點茶味, 飲落無平時梳打咁甜🌟螢光魷魚魷魚味道好鮮, 口感爽嫩, 佐酒一流🌟牛油蒜燒蟶子皇蟶子皇啖啖肉, 口感爽彈, 非常惹味🌟煙肉荔枝卷咬落去爆哂汁, 荔枝味道甜美, 配搭咸咸地嘅煙肉, 味道好夾, 口感好豐富🌟魷魚大板燒大阪燒上層鋪滿木魚碎, 食落好香魷魚味🌟名古屋雞翼雞翼外脆內嫩幾juicy🌟蟹肉海膽炒飯成堆蟹肉同海膽撈埋一齊食, 味道勁鮮甜勁滿足!🌟冰燒菠蘿燒菠蘿成日食, 冰燒比較少食, 入口好香焦糖味, 菠蘿爆哂汁, 非常甜美🌟香蕉棉花糖棉花糖外層燒至金黃, 入口軟綿, 配搭焦糖香蕉好好味

嗯...唔知食左d咩...失望...叫左燒五花肉，茄子，雞串，雞軟骨，菠蘿，牛舌，魷魚，鯖魚...雞軟骨，菠蘿，牛舌，魷魚，鯖魚就普普通通...燒茄子上有好多蒜容...一起食好咸好重味...淨食茄子又無味...唔知想點...肉類就不叫最好...個五花腩賣相很差...肉好厚...又乾又硬...同雞肉一樣...食到想喊...禁既價錢，好多選擇。可一不可再。

有睇過日本嘅深夜食堂都會對嗰種隱世小店有種嚮往，如果香港都有就好喇😀原來香港都有深宵食堂，主打串燒，咁一定要試下啦。一入到舖就感覺很日本，牆上貼滿日本宮崎駿動畫poster，天花又有啲櫻花裝飾，我仲好好彩可以坐窗邊位置，可以望下彌敦道嘅街景，有啲置身世外的感覺。梅酒梳打 $48店員一拎到嚟就好貼心咁話攪勻先飲，而我就當然打完卡先飲啦🤣，都冇話好快就撈勻咗，飲落一啲都唔重酒精味，仲有淡淡的梅香，啱晒酒量唔好嘅女仔軟殼蟹沙律 $72軟殼蟹好熱好香脆，冇被沙律汁浸濕，證明唔會為配合晚市一早整定，柚子醋好開胃，記得撈勻先食汁燒白鱔 $72白鱔有四舊，知道海鮮通常都比較貴，但呢個對得起價錢，外皮燒得香脆同沾上燒汁，燒完仍保留到肉汁，冇骨啖啖肉又有咬口，必食之選吉列廣島蠔 $38有四粒廣島蠔，炸粉唔厚，外皮酥香，內裡幼滑辛口墨魚鬚串（2串）$38墨魚鬚排滿竹籤，上面灑滿七味粉，有微微辛辣感，墨魚鬚爽口，份量覺得好抵，但如果再重口味少少就perfect燒豚肉荔枝卷 $38呢個係永恆嘅配搭，荔枝清甜能中和豚肉的油膩感，豚肉唔會死咸，熱辣辣好好食和牛串（2串）$68和牛有牛味，本來都怕會好韌變咗香口膠，

深宵食堂，日本居酒屋風味🏮旺角一座新大廈，全座都是餐廳🍴選擇了這間以串燒、燒物等為主的日式食堂。《螢光魷魚》$48這是前菜，很鮮甜的螢光魷魚🦑好好吃！鮮味很特出！大滿足！🌟推薦！串燒/燒物方面，《豚肉露筍卷》$38🍢《大蔥雞肉串》$32🍢串燒即叫即燒，皮脆香口，份量充足，不咸，好吃！《川燒茄子》$68原條茄子🍆，蒜蓉鋪滿了整條茄子，稍有微辣，十分惹味！《松露三文魚焗大啡菇》$52✨推薦✨松露味道香噴噴，三文魚啖啖肉，配上軟熟的大啡菇，很配搭！🍄主食/一品料理方面，《黑松露炒烏冬》$58日式炒烏冬加上松露，烏冬帶有甜味，很開胃！《芝士蟹肉玉子燒》$78玉子燒上用茄汁寫了店名，很風趣！🏮玉子燒的芝士很濃烈！超香芝士味！溶化中的芝士夾在玉子燒內，十分好味！🌟總結：讓你感受如日本居酒屋一樣的體驗。🇯🇵

這間始終日本居酒屋嘅香港居酒屋的確10分令人滿足每一樣東西都好有特色非常好食大蔥燒雞串蔥有濃烈嘅味道 雞又夠肥美燒茄子雖然呢一樣東西與日本好似冇乜太大關係 但係蒜香十足非常好食黑松露炒烏冬夠晒好味最出色嘅就係呢個燒玉子裏面好多芝士嚟到一定要叫返一份最美麗最好食我認為都係呢一個魷魚上面仲有金箔嚟到一定要叫這間店舖環境非常之好服務亦都非常之好見到下面繁囂嘅旺角市中心加上上面夠晒舒服放鬆嘅一個好地方 食下野飲啖酒冇得頂

 居酒屋不拘一格花款多，今次就來到位於深宵食堂吃頓日式料理晚餐。這裡是小店格局，座位不多，裝修以木材元素為主，貼滿宮崎駿動畫海報，滿是濃濃的東瀛風情。菜單包括前菜、炸物、燒物、主食及一品料理等，選擇不勝枚舉。芝士年糕 $38外皮帶有焦香，外脆內軟，質感QQ軟糯。中心位湧出流心芝士，「芝」味無法抗拒。魷魚大板燒 $42上面灑滿了木魚碎，加上日式蛋黃醬和御好燒醬，香濃惹味。麵粉下得不多，相比平時的大阪燒，吃起來沒那麼飽滯。鹽燒鯖魚 $48燒鯖魚外皮夠薄又燒得酥脆，沾上酸味開胃的柚子醋，反襯出鯖魚的原始鮮美味道。裡面的魚肉雪白豐厚，口感嫩滑，燒香後令魚鮮更為突出。雞泡魚干 $78雞泡魚乾燒得微焦，鮮甜可口，一點也不腥。質地煙煙韌韌甚具咬口，吃時蘸些蛋黃醬，風味十足。芝士蟹肉玉子燒 $78這道菜可說是人氣之選，看見差不多每枱都有點，我們專程來到又怎能錯過呢？！玉子燒將蛋漿層層捲起，每一口裹滿濃郁蛋香。蛋皮入口吃起來柔嫩濕潤，裡面夾雜著絲絲蟹肉和流心芝士，讓蛋香與鮮味融為一體。汁燒大魷魚 $78燒魷魚鮮味肉厚，肉質爽口彈牙，火候控制得剛剛好，一點也不會過韌。佐以鹹中帶甜的日式照燒汁，將魷魚的鮮美