El Mercado (Closed)

果日同男友講開好耐冇食過呢間餐廳，上到去發現原來佢地改左名做INCA首先開左支紅酒，然後就叫野食喇有機日本雞蛋注入💉秘魯Huancaina醬 帶點辛辣感好特別呢柔軟的Parmesan cheese伴隨扇貝的清爽口感同蘑菇香氣~~好正啊乳豬個皮烤得超香脆而且一啲都唔油膩 而個飯mix左豆同蕃茄 食落好清爽 呢個組合配搭得好perfectPortobello蘑菇和Parmesan cheese，質感好creamy面頭再撒上chives同少少辣椒絲，令人垂涎欲滴食完覺得好滿意，每款菜式都整得好靚，擺盤都好有心機。期待下次再黎食！

想要試新嘢，見到係秘魯菜就快快手訂枱了午餐有salad buffet ($88)，加主菜就$118-198不等。Salad bar好有誠意！有火箭菜同兩種生菜，dressing有3種，仲有蕃茄仔、青瓜、grilled peppers、粟米、南瓜、沙律蜆殻粉同西瓜。是日餐湯係粟米湯，幾香粟米味。主菜：慢烤五花腩 - 對慢煮嘅名冇乜抵抗力，一上枱聞到好香！但切開就發現唔夠熱，尤其是個心。沾醬幾夾個肉。後要伴碟個味似係蕃薯蓉，甜甜地好好味，搶咗fo成個蕃薯咁大，所以食唔曬。香煎三文魚 - 朋友話個魚幾滑，又大大件，好抵食。配菜有薯蓉同露筍，味道都不錯。最後的最後仲有甜品 - 玫瑰花味雪糕。其實本身唔太好玫瑰味食物，因為覺得似放香水入口。依個雪糕第一啖真係有啲香水，但第二啖牛奶味出嚟之後我就成個食曬了餐飲要加$20所以冇試，但有幫我地serve暖水

今日黎到灣仔食飯，係網上搵到呢間餐廳，係全港唯一一間秘魯菜！！我同友人覺得好特別，於是決定來試試芜荽飯 🌿牛油果 🥑洋蔥 秘魯油封鴨髀 🍗所有配料一齊食感覺好味又健康鴨髀用刀一督落去就知道質素好好，完全唔洗切已經離骨，鹹香適中。芫荽飯，相信出面冇咩餐廳會有咁特別嘅飯。真系啖啖芫荽味，雖則不會很濃，但我就覺得恰到好處，配上軟熟creamy嘅牛油果🥑一齊食，味道上了一層次。最最喜歡的是，面頭有加醃制嘅酸洋蔥，應該是秘魯的特色，非常開胃，拌著吃清曬成蝶飯都冇問題！牛心嘅串燒又係第一次見，牛味都幾濃同埋估唔到佢咁腍串燒上邊有秘製嘅香料，似有香草底下有好調味過嘅薯仔，淋上酸辣嘅醬汁，獨特之餘又match到無論主角牛心定配角薯仔都做得幾好餐包係法包，健康到爆，好濃郁嘅麥味，但我都係鍾意油膩嘅麵包😂呢d就不太欣賞總括而言呢次＂秘魯之旅＂冇中伏冇踩地雷！有佢嘅獨特性，值得一試！

同事生日，當然要搵間特別餐廳慶祝一下，呢間日本秘魯fusion菜，確係非常特別，帶比我好大驚喜 餐廳位於21樓，同一般西餐廳有點不同，呢間餐廳非常光猛，很溫暖，雖然地方不大，但台與台之間都有點距離。Set Lunch 係一個半自助既Buffet有湯，麵包，salad bar，主菜，仲附上甜品🍮同凍紅茶，非常豐富。Salad Bar 看似普普通通，但味道很不錯，粟米很甜，很香牛油味。餐湯是南瓜🎃湯 麵包包身較硬，但幸好帶甜，伴著牛油亦不錯。小妹的主菜，Lomo saltado今次選擇了七成熟，牛味好重，好juicy，估唔到呢個價錢可以食到塊咁有質素既牛扒，推介甜品竟然係奶凍，實在好驚喜。奶凍好滑重奶味，不消2分鐘，我已經吃得一乾二淨。唔知秘魯菜係咪咁，但今餐確實令我回味無窮，下次再黎會想試佢個煎三文魚，同事話都好好味。

Had a dinner with a friend of mine here. Very nice atmosphere, friendly staff and the most important of all, DELICIOUS food!!! Strongly recommend their grilled avocado Their salmon caviche is super juicy as well🤤All these dishes comes at reasonable prices. Will definitely com back

This place was pretty awesome and the mains were all very very nice.Definitely the favourite was the rib eye steak at medium rare. The next was the suckling pig, meat fell off the bone and skin was crispy (tasty but a lot of fat we all scraped aside).I shall go again to try the appetizers next time.

生日一年先得一次，梗係要搵間特別啲嘅餐廳慶祝下～大大隻焗蠔，未食就已經已經聞到好香濃芝士味。初時仲怕藍芝士嘅味道會好濃同埋佢嘅刺鼻感，不過食落就完全唔覺，取而代之嘅係濃郁嘅奶味，質感柔軟綿密，連埋肥美嘅蠔肉，風味十足～呢款係秘魯傳統嘅小食，外層酥黃色，食落口感就好似厚身嘅薄餅皮一樣，一層脆一層軟，而內層嘅餡料除咗有由唔同香料醃製而成嘅牛肉之外，仲有洋蔥同埋蕃茄粒，本身醃牛肉嘅味道已經好香濃惹味，再加埋三款各有特色配料(辣椒、香料、醬汁)一齊食，就更加有風味～驚喜嘅生日甜品！！生日禮物！～細細個就已經好鍾意買出奇蛋嚟食，最期待就係拎佢入面隻公仔出嚟嗰一刻嘅驚喜，但係咁大隻嘅出奇蛋都係第一次見，食得玩得又睇得。第一次食秘魯菜，不過印象幾好，有機會嘅話，一定會再試下其他秘魯菜～

突然想找找特別的餐廳試試，便搵到呢間日本秘魯fusion 菜，確係特別有驚喜！一出電梯便見到樓上舖無人，以為中伏，但見環境舒適黑黑地又有情調就試試。傾咗一陣，waitress 先過來俾drink list, 服務很自然貼心，不太pushy . 所揀的都係廚師推介的菜式. 麵包外脆內軟，無得彈！前菜tapas , 似大餃子 ， 油炸但不覺油。配合3種汁，有green chimichurri, tomato chimichurri (spicy) , 似千島醬（辣），點一點牛肉tapas, 鮮味明顯加倍！強推俾未試過tapas 的朋友！Side dish 都係廚師推介，看似無特別的牛肉果，烤過的原來香味十足，再加上green chimichurri的汁, 好味又飽肚！試生熟蠔各一隻，擺碟精緻有heart，從未見過用蠔形碟擺蠔呢。濃濃芝士汁夾著8成熟微溫的蠔，雖然汁蓋過了蠔鮮味，但芝士汁本身已經惹味都加分。生蠔上有微辣的泡又有花，視覺刺激起食慾，擺盤再一次有驚喜！以為淡淡的辣泡已很特別，再連辣汁加蠔吞下，感覺有如在口中炒避風塘鮮蠔一樣，味道異常配合。愛吃鮮蠔味的朋友可能會失望，但未試過辣汁蠔

El Mercado has an interesting take on their nikkei cuisine which was very new to HK when it first opened. After TokyoLima opened, that novelty factor is gone but the flavors and quality of el mercado still prevails. I especially enjoy their ceviche and skewers which is delicious. Their lunch buffet also has a fresh selection of salads and is a good deal as it also includes a soup, main and dessert. Overall a great restaurant and friendly service.  

Lunch 自助沙侓 bar地點近灣仔地鐵站，21/F，開陽景觀，餐廳布置很舒服，柔和。職員很有善。Lunch set 包 salad bar，main course，甜品，價格大約 $130-$200。如果食 lunch 係灣仔怕人多，這裏係一個好選擇。

對我而言，我上這餐廳係因為hooch 既free drink，然後再有興趣食佢秘魯菜。星期三早放一個人，又想飲杯野歎個沙律。但係個老細睇我一個人，又用app換free drink (其實我比左錢個app左，好心）一面西面，又話app唔用得（明明係listed) 加上個待應一手click左我個日個drink quotum. Thanks but no thanks, 西面加亂黎，一個興致勃勃的晚上，一盤冷水淋落黎，雖然之前係不過不失，但對我一個人晚餐，而西面而唔去嘗試mitigate，連面都另開一面。shame! And I stormed out and left.

話說之前去過秘魯，試過當地嘅alpaca, ceviche，一試難忘，一直想睇下香港有冇秘魯餐廳，終於俾我搵到你啦。 餐牌選擇唔少，有最出名嘅ceviche，仲有D Japanese fusion， Nikkei，不過就唔見alpaca/ guinea pig，唔知係唔係因爲無得入口窗外都係樓景為主之前係秘魯試過ceviche，但始終係d平民餐廳，驚唔乾淨。今次就好放心食，味道鮮甜。 牛心嘅味道有d似牛肉，但比牛肉有彈性。 海鮮份量好足料，醬汁開胃，有d似意大利飯。 Grill avocado - 就算你平時唔鐘意食avocado 你都會愛上佢最括而言，秘魯菜係香港買少見少，正宗嘅更加少，如果想一試秘魯風味，就黎試下呢間啦

由公司付錢的 team lunch 永遠是最開心的。我在灣仔上班，要找一間環境舒服食物質素又高的餐廳一點也不難，但煩惱在有太多選擇，不知道該去那間。經過一星期的內部投票後決定去 El Mercado，一間秘魯和日本的 fusion 菜！對秘魯菜非常陌生的我十分期待唷～餐廳位於 21 樓，環境優雅舒適，還可以看到街外美麗的風境，晚上的夜景一定會更美。午市套餐是半自助形式，頭盤是自助餐，套餐還包括餐湯，主菜，甜品和檸檬茶。麵包很失望，不軟熟還帶點梗，所以我吃了數啖便停手了。餐湯是蔬菜湯，味道濃郁，加了黑椒有小小辣十分惹味。本以為黃色的湯會有很重南瓜味，很我卻喝不岀南瓜，而湯的質地也是偏稀。自助頭盤十分豐富，除了有新鮮爽口的火箭菜和羅馬生菜，還有芝士蕃茄，粟米粒，兩種 salami，烤翠玉瓜和香草螺絲粉。而我最欣賞的是香草螺絲粉，意粉煮得煙韌有咬口，而混上香草醬十分惹味。主菜我點了 Fish of the day ($188)，今天的是烤三文魚。魚皮煎得像薯片般香脆，魚肉鮮甜嫩滑，還能吃到很香的魚油味。而三文魚上的芒果粒為這道菜增添清新感，配上三文魚吃味道甜甜的十分有趣新穎。中間有爽口的長豆

全餐幾乎冇一樣嘢可以挑剔從佢嘅wine list 可以略知一二牛油果沙律真係唔識點樣可以形容佢除咗牛油果嘅柔軟之外仲加咗果仁去畀你唔同嘅口感去感受全餐我最鍾意係佢最平嘅雜菜沙律新鮮到好似啱啱摘出嚟咁其實秘魯嘢我都係第一次試原來好味係非常酸再加少少辣呢間係日本加秘魯嘅fusion但係日本菜我就唔會試除咗海膽類嘅物體估唔到海膽加超級酸 有一種中和嘅作用同埋佢所有 食物都present得好靚其中有一款就好似綠色嘅游泳池咁樣佢嘅雞串燒加烤薯仔 就真係正到爆炸雞肉除咗嫩滑之外仲有燒烤味 grill得啱啱好但係我最欣賞嘅係佢嘅薯仔外脆內軟仲要加辣汁極度惹味烤乳豬肥瘦適中口感細膩仲要有番薯蓉

老公生日，話要試下未食過的菜式，上openrice search下，發現左依間秘魯菜。。。講真，真係對秘魯菜冇咩concept🗯，完全唔知食咩。。。見comments唔錯，就同老公去食☺叫左個慢煮48小時的乳豬，好味😋，唔會太淋，唔會太油，個sauce仲好好味👍，配薯蓉(感覺同味道似南瓜蓉多d)，正😎另外，叫左個steak of the night,是晚供應牛肩，味道不過不失，大蘑菇好香，但咸左d...到今晚主角啦～chocolate suprise for 2, 訂位時同餐廳講左，要係甜品上寫老公的名，上甜品時，餐廳兩個職員仲會一齊唱生日歌。。。好開心啊～ 不過個waitress 好快倒左d熱溶朱古力漿落個朱古力球到(我未影相啊😭😭)...跟住個朱古力球就開晒啦😢😢😢...只影到開晒後的相...如果要影相一定要快，或者阻止個職員咁快倒漿呢。。。。味道方面，朱古力入面有士多啤梨蓉， cream同花生糖，士多啤梨酸酸地，朱古力外皮唔會太甜，唔錯😍總結，各方面都唔錯，秘魯菜感覺似西班牙菜。。。未試過不妨一試🤗