緣屋 札幌元袓蝦湯拉麵 (信德中心)

Open Now

Now Closed

同朋友約咗喺上環見面，就喺附近食晚飯。入咗嚟呢間拉麵館因為係出邊聞到好香，裏面空間大，我哋入咗去側近比較安靜嘅地方。Menu有好多唔同種類揀我哋叫咗個元祖蝦濃湯雲吞，雲吞料好足夠，個湯亦都幾好味不過個雲吞有少少鹼水嘅味道。我自己叫咗味增叉燒蝦濃湯拉麵。個湯蝦味非常之濃烈，上面嘅叉燒配料都好多，拉麵材料好足夠。側面有啲雪花蝦，口感好好。拉麵我揀左硬，所以軟硬適中，不錯。因為朋友唔想要咁多肉，就叫咗味增蝦濃湯拉麵。價錢比較適中，朋友話亦都食咗都覺得好飽。

今日又黎緣屋食晚飯~同事話呢度丼飯都好食於是今次就試下個三文魚子蟹肉丼~等左一陣三文魚子蟹肉丼同麵豉湯一齊奉上~成碗滿滿既三文魚子同蟹肉~各佔一半位置，就咁望落成堆三文魚子感覺好澎湃!側邊仲有wasabi伴住，顏色配撘得好靚~無論視覺定味覺都好享受!!三文魚子粒粒飽滿咬入口爆開果下好治癒~店員另外附上左醬汁可以撈飯食，但三文魚子咬開已經咸咸地~個人覺得好夠味所以唔落醬汁都得~蟹肉份量都好多，唔駛拆殼就有咁多蟹肉食真係好正~蟹肉鮮甜一d都唔腥!各自食過佢地既味道之後就撈埋d飯食~一筆落去原來d飯有加飯素，所以食落更有口感，撈埋旁邊既wasabi一齊食~少少供鼻既感覺又刺激又能夠帶出成個丼既鮮味~估唔到主打拉麵既店做丼飯都咁出色~可惜只係得一款，希望之後出多d可以試多d唔同口味~

今日同朋友喺澳門玩完返嚟，搭完船見有啲口乾，就想食啲濕濕地嘅嘢，經過見到呢間拉麵店，就入左去食。餐廳嘅裝修都幾特別，天花板更有一隻蝦嘅圖案，用嚟突顯餐廳招牌嘅海老湯底。我同朋友都叫咗味增叉燒蝦濃湯拉麵，因為見佢既海老風味指數係最高嗰個。另外我地亦都加多咗個煎蝦餃子做小食。等左大約5分鐘左右，味增叉燒蝦濃湯拉麵就黎到了。拉麵份量都幾大，擺盤精美，望落見到有櫻花蝦、糖心蛋同埋叉燒等嘅食物。湯底閒落十分香，陣陣海老風味撲鼻而來。先飲咗一啖湯底，先來己有濃烈嘅味增味，然後海老嘅風味就漸漸透出來。緣屋拉麵係黎自札幌既拉面店，所以麵質亦自然比較粗身，有咬口。叉燒方面有5片叉燒，每塊叉燒都肥瘦均勻，十分入味，而且唔會太薄，好正！個人好鐘意佢既櫻花蝦，食面既時候增加左口感，帶出另一翻風味。煎蝦餃子亦都幾好食，皮很薄，入面有肉汁，面頭亦有櫻花蝦，增強左口感。整體黎講，呢餐我同我朋友都覺得十分好吃。

今日同個friend去澳門，經港澳碼頭搭船⛴。諗住食埋lunch先去。喺信德中心行咗一個圈。發現咗一間好友驚喜嘅拉麵店。綠屋拉麵🍜。覺得CP值超高值得推介。但由於午市時間已店裏面唔係話好大，所以要等位大約等左10分鐘。但係都好值，值回票價👍🏻。餐廳坐得舒服，侍應基本上態度很好。餐牌簡單除了有想食嘅拉麵種類，小食，飲品還有拉麵嘅硬度，是否走蒽，落單紙一目了然。😲值得推介味增蝦濃湯拉麵🦐。拉麵湯底很濃味，又唔係太鹹，再加上櫻花蝦🦐，豬肉夠薄身，柔軟，拉麵還十分由韌度，好好味。😄煎下餃子🥟，十分好吃餃子配合他們的醬油。正 👍🏻唐楊炸雞🍗，雞塊令我10分驚喜👍🏻，雖然係炸，但可以保持到肉汁，而且很嫩。如果鍾意食拉麵🍜嘅朋友可以一試。👍🏻😁

平時去開信德都係搭船去澳門，今次就去商場試下依個拉麵店，因睇相俾佢個蝦濃湯吸引住，所以就過嚟試一試先鋪頭都幾寬敞，可選擇坐bar枱位或二人枱拉麵唔算貴，所有都係$100以內，抵食味噌蝦濃湯拉麵+蛋（$78+12）本人最愛就係依啲濃都不得了嘅湯，一開始梗係試左個湯先，同想像中一樣咁濃，有蝦味另外叉燒肥瘦適中，蝦干仔雖然細細隻，但味道不錯，而因鍾意流心蛋關係，所以另加$12要多一隻，醃得入味，正嘅原味味噌拉麵（$72）朋友就揀依款，雖然係原味但係都有啲櫻花蝦附上，湯底就係冇咁濃味嘅，但味噌味足夠，一啲都唔遜色餃子（$30）煎到個外皮脆脆的，一入口熱辣辣嘅餡，食得過癮乳酪蝦多士（38）上面現在酸酸地嘅乳酪，連埋蝦多士食都夾嘅，另外要讚嘅係多士炸得乾身，唔油膩最後飲返杯柚子梳打（$22）作總結，滿足今餐兩個人食左依個價錢一啲都唔貴，抵食，可encore ！

會留意到「緣屋 札幌元袓蝦湯拉麵」, 主要因為💁🏻‍♀️👉🏻主打嘅蝦濃湯拉麵🦐🍜👉🏻除左拉麵, 仲有提供沙律🥗 和風料理🥟 丼物🍚 以拉麵店黎講選擇十分多~~-環境同服務都唔錯, 坐得舒舒服服😌✌🏻個人叫左1️⃣個和風料理1️⃣個拉麵同1️⃣個丼物~~-🦐乳酪蝦多士蝦多士即叫即炸, 十分鬆脆😋配上適量嘅乳酪, 令蝦多士食落無咁膩👍🏻好有心思❤️-🍜味增蝦濃湯拉麵淨係🦐蝦濃湯湯底就已經有好幾款選擇🤩有無其他湯底❓有, 原味拉麵💁🏻‍♀️我當然係要試🔝人氣嘅味增蝦濃湯拉麵🙋🏻‍♀️拉麵就揀左正常硬度~~👉🏻蝦湯超濃不在話下, 仲有成大堆櫻花蝦仔👉🏻豚肉肥瘦比例均勻好林身🐷仲有我最鍾意嘅溏心蛋🥚👉🏻飲夠佢嘅原汁原味湯底, 最後1/3我先再落蒜蓉調下自己喜愛嘅口味😌-🦀三文魚子蟹肉丼我鍾意依個丼飯🥺真．蟹肉配足量三文魚子, 鮮味🆙大滿足💯-

去澳門之前最中意先係信德食餐飯先，見未試過呢間拉麵店，就入左去環境都幾大，有吧抬又有大量多人座位。選擇其實同一般日本拉麵店差唔多，我揀左鹽味拉麵同芝士年糕抬頭有唔同嘅調味料，比客人自己加添，我就梗係睇中七味粉同蒜蓉啦！賣相就100分啦，食落都有驚喜！蝦味超香濃，重點係麵質煙韌，夠粗身，係我中意嘅質地！叉燒超級淋滑，溏心蛋都及格有突，做到應有嘅效果👍🏽可惜，我覺得佢爲營造賣相好嘅效果，上抬前好似淋左層熟油係面，所以食落略嫌肥膩。而且份量偏細，大食嘅可能要加面底芝士年糕就覺得淡左啲，元氣個隻好味啲。見人地叫煎餃食，下次try try sin。總結，係好味嘅，會再番黎食。下次試其他口味

今日收工經過上環，好想食啲野又唔想食得太飽，晚餐仲約左女朋友食飯。我見到有間拉麵店大排長龍，原來主打濃郁蝦湯，我就行入去試試啦。我唔想食到咁飽無叫拉麵，單點兩款小食。濃郁蝦湯雲吞，濃底顏色好濃好重，入口蝦湯味道濃香鮮甜，唔算太膩太重口味，一啖湯一粒雲吞，雲吞皮薄餡料好多，蝦肉爽嫩，雲吞配上蝦湯出奇地配合。我叫左唐揚炸雞，雞肉炸得香脆香口唔油膩，入口炸粉夠薄，雞肉好滑好多肉汁。下次好想試下蝦湯拉麵啊！

過大海前，梗係要填飽個肚先😛係信德唔想食快餐，見到有拉麵，仲要係蝦湯底，就拍板入去😂見到有個拉麵胡椒粉，之前喺其他拉麵舖都冇見過。本身係出面睇menu，係想嗌辣味湯，但係入到黎見個海老指數得一隻，就轉左軚😂本身想嗌左個乳酪蝦多士，點知無晒，轉左做元祖蝦濃湯雲呑。我轉左軚嗌嘅鹽味蝦濃湯拉麵，本身個湯底已經好有蝦味，在撈埋佢嗰啲蝦乾仔，個蝦味仲突出🤤朋友就要呢個味噌叉燒蝦濃湯拉麵，可能呢碗有味噌，個蝦味無鹽味嗰碗咁出，不過呢碗叉燒好多，真係食叉燒都飽。最重蝦味一定係呢個濃湯雲吞，三個湯底都試晒，呢個原味最正。食咗成餐都係蝦，好滿足🤤

以前去信德中心搭船過澳門，每次醫肚都係食快餐，依家信德多咗好多好嘢食，依間緣屋拉麵性價比高，仲勇斷過拉麵獎項第二名，聞名日本，好多人都慕名去食湯底以甜蝦頭混秘製湯底而成，成為日本首創特式濃蝦湯拉麵，睇menu原來每碗拉麵口味再有細分海老風味指數，越多蝦蝦圖案，湯底越濃蝦味Venus比火灸兩字吸引咗，所以就叫咗碗「火灸味噌蝦濃湯拉麵」睇menu「火灸味噌蝦濃湯拉麵」海老風味指數有2隻蝦蝦圖案，原本以為湯底無咁濃郁，飲完第一啖湯先發覺諗法係錯！2隻蝦蝦d湯底都好濃厚，啖啖蝦味，叉燒入口即溶，配料d蝦仔有成匙，拉麵份量都好足，大食Venus 都食到飽飽，抵食啊！

今日同朋友去澳門前醫醫個肚，見到緣屋既元祖蝦濃湯底拉麵好似好正咁，就入去試一試～一入座，Bar枱可以睇到廚師煮拉麵，整小食等等，有幾下好大火表演咁，可惜我座左卡位，只可以遠距離睇到😝辣味噌蝦濃湯拉麵：湯底超香濃蝦鮮味，多左一層辣油，更突出蝦味，唔算太辣，亦都岩唔太食得好🌶既朋友，配料有大蔥、肉粒同蔥段，望落份量唔多，但超飽肚！醬油蝦濃湯拉麵：湯底顏色橙紅，同蝦膏顏色相約，飲一啖，好香濃既蝦味，亦有醬油既甜甜味道，配有櫻花蝦同半熟蛋，櫻花蝦既脆脆口感，增加左入口層次，麵質亦彈牙，叉燒肥瘦分明，入口都幾嫩！蝦多士：蝦多士個層蝦膠好幾彈牙，多士炸得夠鬆軟，而上面好特別有層乳酪醬咁酸酸甜甜既醬汁，唔錯既小食～煎餃子🥟：中規中矩，拉麵同餃子絕配之選！

全港得一間的主打蝦濃湯拉麵店，一直有耳聞，位於港澳碼頭，去澳門前很值得一試。火灸味噌蝦濃湯拉麵湯底超香濃，唔油膩好重蝦的咸香味，更有一些火灸燒香感，櫻花蝦也為拉麵添加了不少口感。其他配料都別具特色，浸過蝦湯的小粟米份外入味，叉燒為半肥瘦肉，嫩滑，肥瘦比例剛好，一輪肥一輪瘦的。辣味噌蝦濃湯拉麵的湯底可以選擇辣度，香濃的蝦湯十分入味。麵底係比較粗的面，可以選擇硬度，偏硬的拉麵吃上去很有嚼勁。溏心蛋生熟程度剛好，蛋黃唔會生到流出黎或者熟到一餅野咁，蛋白不會太硬。小食的唐揚雞非常大件，要分幾口才食得完一舊，一碟幾件，好多肉，熱得燙口，雞肉嫩滑多汁，擠上檸檬汁蘸上沙律醬更能帶出雞肉鮮味，炸粉不多不算油膩。每台桌上還有多款調味料，個人最喜歡就是已經壓好的蒜蓉，方便又濃味。

上環干諾道中168-200號信德中心2樓228-230號舖緣屋 札幌元袓蝦湯拉麵之前都食過呢間拉麵幾好食，黎試試食飯好多豬肉，D肉都幾肥好似入口即化咁，正！仲會有洋蔥同芝麻，唔會好膩！仲叫左個炸雲吞，個皮有D厚，但味道幾好，加埋蛋黃醬，好食

今日約左🐢🍯去拍拖，出發出要醫肚先，喺公司附近搵左呢間拉麵，平時要排隊，今日難得唔洗排，入去試下佢排隊嘅魔力喺邊。我就嗌左個鹽味濃蝦湯底，好濃蝦味，加埋啲櫻花蝦，真係「哈哈哈」。啲拉麵係曲身有咬口啲果種，今次嗌左正常，但佢比較彈牙，下次可以試下嗌軟。而糖心蛋都甜甜地，幾好食。叉燒都好軟腍，唔錯。而好閨蜜就嗌左個焦香濃蝦湯，又真係多左陣焦香味，好香口，相信佢個開放式廚房係咁炒到著晒火應該就係炒緊呢個湯底嘅肉。佢跟嘅係木耳，好爽脆。而小食嗌左個炸雞同蝦春卷。個炸雞真係好好食，一啲都唔厚粉，其係根本食唔到炸粉，仲要咬開有汁，冇得彈👍🏼至於個蝦春卷，我以為係成隻蝦，但原來係蝦蓉，而且味道有啲偏咸，如果可以唔咁咸就好啦。兩個食完碗麵都飽飽，可以體力滿滿去拍拖啦👏🏼

Lunch Time同同事行左過信德中心揾野食，本身係想食白熊咖喱，黎到先知原來執左好耐了，變左呢間拉麵店。一場黎到唯有入去食啦，我地2點幾先食lunch所以呢個時間都冇乜人，唔洗等位就入左去了。賣相係幾好既，可惜一啲都唔好味，唔知點解有咁多好評呢。我地成枱4個人都話唔好食，好明顯係味精湯底。仲有就係估唔到叉燒居然係得一塊，雖然我唔係特別中意叉燒，但得一塊既感覺好寒酸呢。食完一致認同可以blacklist。