緣屋 札幌元袓蝦湯拉麵 (信德中心)

Open Now

Now Closed

中午時段有套餐, 於是叫了味噌蝦濃湯拉麵再配乳酪蝦多士, 再叫多一碗焦香醬油蝦湯拉麵。味噌蝦濃湯拉麵好濃烈既蝦味道, 好香好甜好味道。蛋有流心效果, 好好味, 肉不會太肥, 但我偏向有少少肥肉, 而麵柔軟度可以自得高較。湯有不同配料, 所以好食到香甜同濃濃蝦味。焦香醬油蝦湯拉麵, 雖然無味噌蝦濃湯拉麵那般濃烈既蝦味道, 但亦算濃味, 亦有焦香的味道, 我喜歡好多好多蔥, 可以食著時覺得清爽的感覺, 肉肥廋適中, 味道有蔬菜及蝦的甜香。乳酪蝦多士, 好脆, 如果無咗乳酪就變得寡, 加了乳酪有點酸甜帶起了味道。整體味道及價錢係相符, 不久會再臨第二次。

平時搭船去澳門玩，最辛苦就係等夠鐘上船既時間，今日都唔例外，係呢Ｄ等既時間，最好就係搵野食！行下行下，俾我地發現呢間好大間既拉麵店，明明好大間，但因為位置係好入既轉角位，所以可能會比較小人行到過黎！二話不說，即刻入去食下先～呢間選擇都非常多，拉麵款式有成十款左右，仲有好多小食，丼之類，真係想食咩都有，就連飲品都有九款咁多！每枱都會有呢個調味料，有生蒜，五味粉等等，任你選擇！－緣屋炸蝦雲吞－先叫左小食先，睇名見到有舖名，當然一定要叫啦，炸得岩岩好，金黃色，非常之靚！餡料豐富，爆滿既蝦，外脆內爽，非常之好味！－唐掦炸雞－通常我去呢Ｄ日式拉麵舖都會叫呢個，真係超鐘意食！外面脆卜卜，唔會炸過龍變硬，裡面肉質超鮮嫩，雞汁鎖曬係入面，咬落去，慢慢流出雞汁，真心推介！－味噌蝦濃湯拉麵－食到最尾，當然要叫返碗全店最出名既拉麵啦！平時出面食拉麵，真係好小見／好小食蝦湯，咁岩今次呢Ｄ間出名蝦湯，當然要試下啦！黎到睇顏色已經覺得非常深色，果然味道真係又鮮又濃，好正！蝦既鮮甜，感覺好多好多隻蝦煮左幾個鐘整出黎既濃湯！糖心蛋岩岩好，流心的～肉夠曬厚，又大塊！真係抵食夾大件呀！

今時今日係港島要食碗拉麵閒閒地都過百，通常都係豬骨豬骨同豬骨，雞白湯都少，蝦湯拉麵更是少中之少，出名大牌的Ｏ幻也是主打蝦湯，不過又貴又無選擇，不過今次試這間緣屋主打札幌元袓蝦湯，唔洗過百就食到，港島區位置食到九龍區價錢，選擇也算不少，光是蝦湯拉麵數款配搭，而且拉麵外小食選擇也有很多，沙律，芝士年糕，還有主打烤物：炸雞，炸餃子，炸雲吞，炸蝦餅等等，更有丼飯供選擇。 難得一場來到，就試最貴那個多叉燒又有蛋的味噌叉燒蝦湯濃湯拉麵，豪極都係$98，哥我豪得起（笑　雖說是濃湯，但是比起豬骨的濃湯完全不同，沒有那種濃到像沾麵湯，反而有點像豬骨清湯的感覺，不過中間有著較重蝦味，而且所用的是櫻花蝦，應該大家都聽得多，那就不多作介紹了。叉燒厚度適中也不算細，加上是多叉燒版，完食可以說是十分飽肚。如果怕食唔晒其實可以叫普通版（$78），總括嚟講這個價錢這個地區這個質素算是不錯了。

依家舖開張時食過一次！今次係經開再食，比起第一次食好食得多，湯底終於唔係分味，係一個湯拉麵！👍👍👍👍我一行兩人叫左兩個麵，一個辛辣一個蝦湯鹽味，十分足料！👍👍👍小食叫左炸赤蝦，水準維持到，火喉岩岩好！另一個小食係蝦餃子，有驚喜，好香蝦味，櫻花蝦既香味未食已經好誘人！我係愛蝦之人，整體來講：正！一定會再Encore！服務員態度溫文有禮！唔會趕時間咁！建議貴司體恤下員工，見佢地拎煮好熱辣辣既麵碗時有點危險，加個托盤會更美觀！

拉麵聞落幾好味，好香，好有蝦味。呢個係我今日入嚟試嘅原因。今次我食嘅拉麵係鹽味蝦濃湯拉麵，$75。面嘅軟硬度可以揀囉：林，普通、硬。等左起碼10幾分鐘先有得食, 因為佢要等埋其他款一齊炒香個湯底先至有得俾你食。食落口就鹼水味重，仲有我要林麵唔要硬，結果食落口係硬麵😒。我以為係我主觀感受，結果上嚟OpenRice 睇comment, 原來都有人比過一樣嘅食評。另外價錢方面要比+1服務費。可以一試，會唔會再返嚟食？幾個月一次就OK。

見開咗好耐，同屋企人兩個人去試。選擇少，上菜快，但！問題黎喇。麵有軟 / 普通 / 硬，兩碗都揀左普通，上枱之後麵入口好硬，湯底聞落去係羶腥味⋯⋯試咗一啖又重口味又salty，冇層次感都算，味噌同鹽味睇落去一模一樣，試落都！冇！分！別！同一款濃湯寶？係香港真係小河食過甘難食既拉麵。除左兩碗麵之外仲叫咗個芝士年糕，又係史上最難食，我第一次食到糕狀既日式年糕，30$兩件⋯⋯非常難吃，咬咗一啖就唔會再想咬第二啖總括言之，非常之難食，係我係香港食過最難食既拉麵

其實我真係好中意食日本野😂拉麵都食過唔少😋今次搵到新一間值得推介嘅拉麵店！佢真係北海道札幌嘅老字號拉麵店喺香港開嘅分店黎架～🇯🇵 首先係味噌叉燒蝦濃湯拉麵🍜要讚有成四塊叉燒咁大手筆，入口好鬆又夠味🥩仲有d櫻花蝦🦐最特別係個濃湯底，係以甜蝦頭嘅湯頭混入秘制湯底,成為日本首創嘅特色濃蝦湯拉麵。而唐揚炸雞🐥如果有啲千島醬就更加好味喇。#緣屋 喺上環，同地鐵站好近嘅🚇價錢都唔太貴，一路食仲可以一路見住d日本廚師煮野😂都幾得意～中意食拉麵嘅朋友唔好錯過喇👍🏻

🔺味噌蝦🦐拉麵(Set A) $108😋指數：🌕🌕🌕🌕🌘◽️好香吖🌬👃🏻 拉麵 選了最軟 吃起來10分彈牙 🥚個糖心蛋 超級無敵 好食 叉燒🍖雖然得一片 但有厚度的 店員灑上大量櫻花蝦🦐令湯底生息不少 麵條索哂湯的味道 好正吖😍🔺唐揚炸雞🍗 (跟餐) $0 (單售$45)😋指數：🌕🌕🌕🌕🌗◽️跟餐 但一點也不馬虎 新鮮滾熱辣上 食得出唔係整定(翻)炸嘅 炸雞很嫩滑🐥 外皮很脆 但中間仍然保留肉汁 👍🏻👍🏻👍🏻 💥必點之中的必點💥🔺炸日本赤蝦 🍤 (跟餐)$0 (單售$48)😋指數：🌕🌕🌕🌗🌑◽️🍤無論就咁食定係加檸檬汁食 都好好食 又係食得出係即炸 蝦頭 同蝦肉都好好食😋😋

來自北海道的美味🤤大多數拉麵店一般都係以豚骨作為湯底，而今次試嘅就以甜蝦頭熬製成蝦濃湯顧名思義用得蝦頭做湯底一定零舍鮮甜，別有一番風味😋·☆ 味噌叉燒蝦濃湯拉麵 HKD$98🦐🦐🦐 食肉獸一定要叫哩款！用上5塊大大塊叉燒，叉燒脂肪肥瘦平均，口感軟腍嫩滑，一定能滿足食肉獸既胃😋 味噌蝦濃湯十分鮮甜，每一啖都充滿濃濃既甜蝦味道，很是喜歡💕·☆ 鹽味蝦濃湯拉麵 HKD$75此款為鮮蝦味配搭鹽味湯底，飲落較味噌味清新，能完全品嚐蝦湯既原味道。麵質用上大熱既曲麵，店家亦可供人客選擇麵既軟硬程度，個人喜歡較硬既質地，比較有咬口呢~·☆ 炸日本赤蝦 HKD$48香港限定既小食，推薦大家一定要食！食材用上鹿兒島既原隻赤蝦🦐，雖然赤蝦唔算好大隻，但入口鬆脆亦不油膩，鬆脆程度係連蝦殼都可以食埋😋👍食前建議可加少許檸檬汁吊味更為可口🤗

相信好多係上環信德中心搭船既朋友，都會貪就腳係中心入面食埋飯。前幾日同朋友約左係信德中心等上船，順便食埋個lunch。未有idea之際，行過見到呢間食蝦湯拉麵既餐廳，見佢menu都幾吸引，就決定同朋友入去試一試。我點左一碗招牌拉麵，個湯底望落去好似唔錯，飲落去好濃味，配拉麵食果然要湯底夠濃先好食。另外再點左碟炸雞翼，炸到好香脆，2個人食既話唔夠喉，下次會一人叫一碟! 小食除左炸雞翼，推介佢既煎餃，入面既料仲有汁，唔會煎到太乾!

由於我沒有煮飯的意慾，加上有多月沒有吃拉麵；所以心癢癢去openrice 尋找我還未去過而我又想食的餐廳；而我想食的原因是這間餐廳以濃蝦湯做主打。今次所去的餐應位於信德中心附近，地點非常方便。餐牌和點餐紙餐牌已中、英文和日文表示：價錢大約有$75至$98左右；而落單需要在落單紙上寫上。點餐紙已分多種；札幌元組蝦濃湯拉麵、原味拉麵、沙律等等。食物今次我食的鹽味蝦濃湯拉麵：和煎餃子。 先講拉麵，與其他餐廳的拉麵有一些不同；有粟米仔、叉燒、玉子、京蔥和櫻花蝦；櫻花蝦數量很多，碗拉麵聞的時候有很香的蝦味。我選擇的硬度為適中，麵質不太軟身；口感適中。然後我把櫻花蝦和湯拌勻；會令到湯底更有他的香味和湯底的味道更濃；玉子口感很滑，有醬油的味道：味道有少少甜；粟米仔看似有煎過的感覺，但食的時候很爽：叉燒很柔軟而且味道很特出。煎餃子煎餃子外層金黃色，而餃子皮很薄；食的時候肉味比較龍而且很多汁。服務態度個人覺得這間餐廳的服務態度很好：因為我當時想放手袋在自己膝上，看似不方便；他主動提我把手袋可以放在櫈下的籃子。

今日要過澳門開會, 臨上船前在上環信德中心醫左個肚先因為得自己一個人,所以但求快趣填飽個肚就算. 沿著天橋行一入門口, 經過馬莎, 見到有間日本拉麵店, 可能離食中午飯尚早, 所以沒有人在門口排隊，即時安排入座。睇menu 知道這是一個主要用蝦做湯底的拉麵，我揀左味增叉燒蝦濃湯拉麵。湯麵的表面望落去都幾油膩，但飲落碗湯又唔係覺好油，除左有半肥的薄叉燒，還有櫻花蝦和溏心蛋。麵可以揀韌度，我選擇正常，整體中規中矩。

小編係北海道札幌淨係食左一幻無食到緣屋唯有返黎香港試下味噌叉燒蝦濃湯拉麵嘩蝦蝦🦐🦐 勁濃堅濃激濃蝦味拉麵🍜麵質彈牙 掛滿蝦湯真係𠽌𠽌聲 想飲埋個湯🙈海量京蔥 香噴噴 我大愛5塊叉燒 仲要大大塊 又嫩又冧一碗真係好鬼飽啊炸日本赤蝦🍤剝哂蝦頭先炸 成舊都食得好香口 但唔會太油結論係香港既緣屋好食過香港既一幻但仍然係北海道既一幻最好食點同呢 北海道食乜都好食d既🤣

呢間來自北海道🇯🇵嘅拉麵店阿叔👴🏾一直都好想嚟食，原因又係為咗個湯底🥣，傳統嘅味噌、醬油、豬骨湯拉麵已經滿足唔到我，相反更鍾意蝦濃湯🦐、雞湯🐔等味道。位於上環信德中心嘅佢其實開業都已經一段時間，不過好老實講，中、上環實在太多新開食店想食，所以咪到宜家先去囉！😁.上網💻翻查資料，呢間拉麵店原來1998年已經喺札幌開業，特色係師傅將煎過嘅蝦頭🦐用來熬湯，結合傳統味噌、醬油、鹽味拉麵味道，研發出充滿層次感嘅特色濃湯拉麵。🍜.#味噌蝦濃湯拉麵🍜：加入味噌於甜蝦濃湯中，香濃不膩，雖然個人認為☝🏽濃度仍未及之前另一位於中環、fusion咗美國風格嘅蝦味噌拉麵咁好，但呢度嘅價錢就相對平民啲喇，$78有一大塊半肥瘦叉燒，半隻「熟咗少少😅」嘅溫泉蛋同埋好多好多嘅櫻花蝦乾。另外，拉麵麵條較粗身，掛湯力亦十足。👍🏼.總括嚟講，呢間係一間好穩陣嘅拉麵店，平民啲嘅價錢，但驚喜相對就又少啲，不過都可以一試嘅！🙂

今日難得放假，過開中上環決定夜晚同男朋友係附近發掘下新野食。誤打誤撞上網搵到呢間拉麵店，估都估唔到原來係信德中心入面藏住呢間咁出色既拉麵店。我地行左一陣先搵到間店係starbucks隔離，一入到去人唔算多。呢度除左推介既蝦濃湯之外，都仲有其他口味，但我同男朋友一心就係想試個蝦湯。我就好貪心咁叫左個味噌蝦濃湯拉麵，因為見個menu有🦐🦐🦐🦐🦐先飲湯，個湯既蝦味真係超級濃郁🤩 連埋個味噌味，飲落無表面望落咁油膩。男朋友就叫左個醬油蝦濃湯拉麵，呢個只有🦐🦐🦐，但其實都係好重蝦既鮮味😋😋 佢最後仲飲哂成碗湯😂我地仲叫左個小食，炸日本赤蝦，兩個人食個份量岩岩好，啲赤蝦細細隻，連殼炸到好脆，雖然細隻但都好明顯食到蝦肉，炸粉亦都唔係好厚😋總結呢間拉麵店真係好高質，個蝦湯真係好出色，一定會再encore👍🏻