尚膳養顏滋補鍋

Open Now

Now Closed

一行入餐廳已經覺得環境幾舒服，座位亦都好闊落👍🏻．💁🏻‍♀️尚膳養顏美人鍋 拼 尚膳麻辣鍋🌶個鍋比平時火鍋店見到嘅更大更深😱 多人邊爐都無問題😝💞養顏美人鍋有成隻烏雞，仲有桃膠、杞子等滋補材料👍🏻🌶麻辣鍋湯底就已經有埋鴨血同豆腐，味香涮牛好襯🥰．去火鍋店見到有🤪鬼馬雙星我一定會叫😬油炸鬼加🦐蝦滑/🦑墨魚滑，十分脆口，送啤酒一流🍻唔想咁熱氣亦可以浸浸湯底，一樣very good😉．我地仲叫左🐮新鮮本地牛頸脊、🦐黑松露蝦丸、野生竹笙、蟹棒響鈴～▫️黑松露蝦丸黑松露味都幾出，而且夠彈牙👌🏻▫️野生竹笙唔係度度有得食，好大條又爽口，吸埋湯底正😋▫️蟹棒響鈴亦都十分推介，薄脆香口響鈴包住爽口蟹棒，口感好得意😆🥬蔬菜方面選擇多，有齊我鐘意嘅冰菜同萵筍😙

火鍋口味夠多選擇食極都咁吸引到我嘅食慾，所以久不久都約埋朋友去食番一趟咁先滿足，今次就去了旺角呢間火鍋店開飯其中呢度有多款招牌養顏滋補鍋，可以一邊飲啖用料十足嘅湯水滋潤一下，想食得滋味D鍋底一定要點鴛鴦口味，同時食到兩種不同口味係超值之選，就點了尚膳養顏美人鍋同尚膳麻辣鍋先去醬料區攞埋餐前小食有蕎頭、手拍青瓜開胃一下，已見鍋底滾起先品嚐呢款養顏美人鍋湯水甘香清甜用上多種藥材配竹絲雞、桃膠，飲落特別滋潤，輪到香辣十足嘅麻辣鍋，香料有花椒八角、指天椒干等等，加上鴨血冰豆腐同麻辣醬，味道會更加香濃又繼續品嚐其他火鍋配料先來有呢碟手切牛肉，肉質鮮嫩油脂飽滿，入口香嫩肉味濃厚再來係四色餃子拼盤鮮蝦菜肉餃、豬肉韭菜餃、鮮蝦雲吞、鳳城水餃，手工餃足料又大粒食到滿口鮮甜肉汁食麻辣鍋底配碟嫩滑鴨血吸收湯汁精華食落特別惹味又點了佐酒小食鹽酥柯仔，入口香脆夠惹味輪到海鮮有鮮元貝，肉質爽口鮮甜，最後點都要番個稻庭烏冬連湯汁一邊食埋餘下美食咁先滋味。

有時食飯真係唔試唔知邊間好，今次就試到間正嘢， 就係旺角呢一間尚膳養顏滋補鍋， 難得今日收早，6點就去打邊爐，早食早消化。 餐廳位置好方便就喺彌敦道雅蘭同創興中間嘅新興大廈， 電梯一上就見到。餐廳地方好大， 裝修中國風，枱與枱之間距離好遠， 枱櫈都好闊落，坐得夠舒服。 點菜方便有QR code或者傳統嘅落單紙， 外面有自助醬料區， 除咗醬料之外仲有啲開胃小食畀你食，有蕎頭、毛豆、四季豆。今日我哋揀咗滋潤椰子雞煲（半隻）$168湯底清甜，有啲椰絲同海底椰肉， 放埋半隻新鮮雞滾起之後就可以先飲湯呀， 湯底清甜夠曬原味道， 餐廳仲準備咗沙薑、檸檬、鹽，伴入醬料中提升鮮味。手切肥牛（大）$288手切牛肉肉質軟淋，牛味香濃，脂肪分佈平衡，份量都幾多。桂花蚌 $138爽口彈牙，都幾鮮味美國桶蠔 $168桶蠔極之鮮甜，又肥美滑溜，點煮都唔會縮水，打邊爐必叫。豬肉韭菜餃 $80大大粒餃， 餡料飽滿，皮薄餡靚。即炸響鈴 $48響鈴上枱嘅時候仲喺熱架，外層鬆化，沾一沾湯嚟食正呀最後仲送上又靚又甜果盤，今次用餐特別滿意，服務用心，侍應會主動加湯加茶，睇下我地有咩需要，餐廳環境又乾淨闊落，枱上有濕紙巾提供，下

這間火鍋店裝修以木為主，地方寬敞，坐得好舒服。我同朋友揀左：1. 尚膳養生美顏鍋非常足料，真心推介，除左有原隻烏雞，仲有勁多桃膠同藥材，都只係$188，記得未落配料之前飲番啖靚湯先呀！2. 手切牛肉牛肉既油脂分佈平均，肉質嫩滑，味道濃郁，只需要涮10秒就夠架喇。3. 四色手工丸拼盤四色丸包括黑松露蝦丸、黃金墨魚丸、芝心牛肉丸同埋梅菜豬肉丸，全部都爽口彈牙，我最喜歡黑松露同芝士，啱哂我。4. 蟹棒響鈴響鈴食得多，但中間有蟹棒真係未試過，炸得金黃香脆，一定要試吓！5. 炸魚皮份量多，又薄又鬆脆，件件大小適中，有少少辣，好好味！

打邊爐都可以打得健康養生有滋補！今日同朋友過咗嚟旺角依間滋補火鍋店，朋友成日介紹我話依間好好食，今次終於有機會過嚟食下果然冇令我失望，食材質素超級高，全部嘢食都勁高質🤩👅依度所有嘢都係真才實料🎉 啱晒各位追求高質素居享受食物嘅你地👍🏻湯底我哋叫咗尚膳美人鍋果然叫做美人鍋，裡面全部都係貴價材料，有原隻烏雞，超級大隻超級多肉！仲有超級多中藥材，包括塗膠同埋淮山，真係勁養生，淨係個湯底成本都唔平🤯 淨係個湯底其實已經好飽，勁足料！海鮮拼盤必食推介，勁新鮮🎉 我最鍾意食裏面嘅蝦，肉質超鮮甜，勁Q彈！仲有象拔蚌都好彈牙☺️日本A5三角和牛腩超級推介，勁高質嘅和牛，入口即刻溶化咗😛推介各位一定要過嚟食，真係會有意外嘅驚喜

🥰久違了.火鍋夜.🥥滋補椰子雞鍋 ($168@半隻) 2個人半隻雞岩岩好！煲滾湯底後先飲一啖～足料清甜👍🏻🥰唔好以為煲湯後雞肉會變得鞋口無味，蘸上青檸乾葱豉油，食落還不錯·🫔蟹棒響鈴($58) 必點item❤️最愛浸到好淋索哂湯底·🐟龍躉片 ($168) 大大盤好新鮮!魚皮含骨膠原，加上魚片無咩骨😆正正·🐷韓國梅花豬($168) 偏瘦肉片，岩哂女仔食🥰·🦪美國桶蠔 ($168) 好肥美😋·🥟豬肉韮菜餃 ($42@半份) 皮薄料多👍🏻👍🏻·🍡四色手工丸拼盤 ($88) 心大心細樣樣都想食！拼盤最岩😌最得我心既絕對係黑松露蝦丸！其餘分別為黃金墨魚丸、芝心牛肉丸同梅菜豬肉丸，足料彈牙👍🏻·🥬唐生菜（$48）我既😌因為我唔食皇帝菜🤣🥬皇帝菜 ($48) 朋友fav fav🤗份量都幾多·🍹杞子圓肉菊花露($68) 清甜解渴🥰·📍尚膳養顏滋補鍋旺角彌敦道607號新興大廈1樓106-112號鋪

太太非常之喜歡吃火鍋，每個月都差不多有一至兩次，今晚便來到這間台式火鍋店。尚膳養顏美人鍋拼尚膳麻辣鍋尚膳養顏美人鍋，味道鮮甜可口，材料十足。尚膳麻辣鍋，是以台灣麻辣火鍋味道為主，配上藥材，辣而不燥，香辣而濃郁。手切牛肉(大)$288，牛肉脂肪分布均勻，脂肪甘香可口，肉味十足，分量亦不算少，只需放在湯內10秒，便可以吃到美味可口的牛肉，非常抵食，值得推介。皇帝菜$48，味道有點似唐蒿菜，如果不喜歡濃味的菜，就不要選擇了，不過個人極之喜歡這款蔬菜，所以覺得很好味。萵筍$48，個人喜歡將萵筍放在湯內十數分鐘，待萵筍煮腍之後，便吃到萵筍的甜味。椰青水$15，味道清甜，俱有清熱降火作用，非常配合打邊爐。寧神洛神花茶，酸甜味道適中，不會過甜，只需讚好社交平台，便可免費贈送一杯。

同好耐冇聚嘅同事過來，食佢最鍾意嘅火鍋。佢熱衷於嘗試唔同舖頭，唔同特色嘅火鍋～.🌸滋補椰子雞鍋 $168點左個清淡的鍋底，淡淡的椰子清香味。水煮沸再放進去計時⌛️四分鐘，好快就可以品嚐。雞肉鮮嫩多汁～.🌸牛骨髓 $68好少火鍋店有牛骨髓，見到呢間居然有。必須order試試😋.牛骨髓味淡，沾點辣椒醬油，味道一流！.🌸新鮮鵝腸 $88超肥美大塊鵝腸，放入鍋中滾十幾秒，口感滑爽。.🌸手切牛肉 $188油花分布均勻，牛味濃郁。.🌸炸芋頭 $48最愛炸芋頭♥️呢度嘅份量超多，炸芋頭外酥內嫩，粉粉地超級好味！.🌸新鮮什菜籃 $68乜蔬菜都要來d，咁先夠豐富多彩。.🌸鹽酥蚵仔 $68送酒必點小食！.🌸鴨血 $68新鮮嫩滑。呢度環境優雅舒適，座位相隔適當，適合同fd傾計聚會。

旺角地鐵站E出口行2分鐘，便會到達新興大廈，餐廳位於鬧市中的較寧靜的大廈，地理位置優越。 🐾餐廳的裝修風格是中國復古風，每張枱相隔甚寬，座位寬敞，與三五知己相聚談天好選擇。餐廳的自助調料區有多款的醬料提供，更有小食提供，包括蕎頭，涼拌大豆芽，五香毛豆，可隨便享用。✔️滋補椰子雞鍋 (HK$168) 🐓先來半隻鮮雞，水滾後把雞放在鍋裏，四分鐘後便可進食。湯底散發出濃烈嘅椰子香味，清甜滋補，雞件新鮮肉嫩。✔️鹽酥蚵仔(HK$68) 🦪 即叫即炸蚵仔，熱辣辣，酥脆可口，送啤酒一流。✔️手切牛肉（HK$188）🐂手切牛肉肥瘦分布均勻，牛肉香味重，口感鬆軟。✔️牛骨髓 (HK$68) 🐄牛骨髓本來味道不太濃烈，但配上椰子雞湯底，吸晒湯底嘅精華，入口像豆腐般軟滑。✔️新鮮鵝腸 （HK88)🦃鵝腸肥瘦勻一，新鮮爽口。✔️炸芋頭件 (HK$48) 芋頭外層炸到香脆，內裏粉嫩，芋頭愛好者不能錯過。✔️什菜籃 (HK$68) 🥬食左咁多肉類，緊係要叫返個什菜籃解下膩。呢度支Hoegaarden係大支裝，打邊爐一定要配杯冷凍啤酒，咁先至夠爽！🍺打完邊爐仲有個生果盤送添，好貼心啊！🥰

又到咗我最鍾意食嘅打邊爐時間今次就同妹妹兩個撐枱腳這間位於旺角新開張兩個月的《 @尚膳養顏滋補鍋 》今晚我哋兩個人食到咁豐富嘅火鍋🍲之外仲有新鮮美味嘅蒸氣鍋我哋好滿足到捧住個肚返屋企🥰⊰⊹════════════════⊹⊱✎ 食後感 ：✨🍲鴛鴦湯底 :「 #尚膳養顏美人鍋 」湯底果然真材實料有好多藥材喺湯入面非常足料而且香濃而且裏面係有一大隻黑色烏雞烏雞肉質還很鮮嫩呢「 #尚膳麻辣鍋」配以鴨血及蜂巢豆腐可以朔晒湯底入面嘅麻辣精華味道辣得來並不會嗆喉餐前小食 : 🔴 「 #滷水鴨舌 」但係估唔到每一隻鴨舌都超爽口而且好入味添食到我舔舔脷👅蒸氣鍋 : 🟣 「 #蒸大蟶子」蟶子都好大隻好長蒸嘅時間有計時器計3分鐘估唔到蒸得啱啱好咬落去非常爽口味道好Fresh 而且就咁放喺火鍋湯底上面非常方便又多種食法選擇火鍋配料 : 🟡「 #韓國梅花豬 」驟眼睇都見到梅花豬油脂分布平均所以食落去都有入口即溶的口感梅花豬味道很新鮮很濃郁呢😍🟠 「 #四色手工丸拼盤 」當中的黑松露蝦丸食落去黑松露味道濃郁蝦肉爽口彈牙兩者好match。而梅菜豬肉丸味道濃郁鹹鹹地又幾好食喎🟢「 #四寶餃餃拼盤 」每一隻餃都好大隻

打邊爐一向鍾意食麻辣湯嘅我，今次搞下新意思⋯食養生鍋，又別有一番風味！個湯底滋補可當湯飲，飯後罪惡感又比平時打邊爐低！店內有多款湯底選擇，我哋選擇左尚膳養顏美人鍋拼 滋潤魚雲靜心鍋～個湯底一上枱己聞到濃濃的藥膳香氣，未食已經是鼻子的盛宴～哇！個湯底好足料，尚膳養顏美人鍋內有杞子、龍眼乾、淮山、竹絲雞、桃膠⋯⋯等，是滿滿的湯料！味道清甜，尤如老火湯，桃膠又養顏美容，真係打邊爐前要飲多碗！而滋潤魚雲靜心鍋除了有竹絲雞，更加上了魚頭及當歸，味道更出！對於重口味，很適合喜歡濃濃藥膳湯的人士，飲完之後好暖胃～而且湯底可無限加湯，不是加水，不怕令湯底變淡～享用完個湯底，就開始打邊爐！食材方面也很不錯！海鮮拼盤賣相美觀，幾豐富，有魚、蝦、蟶子⋯⋯等5-6款海鮮～蝦身幾大隻，長過我的手指，新鮮鮮甜～脆肉鯇好爽脆，經美人鍋湯底烚後帶點藥膳香又爽甜～附設方形篩，烚海鮮、粉麵好方便～手切牛肉（細），雖說是細份，但份量也不算少，2-3人剛好～輕烚一會便可，不是雪藏得硬硬的那種，入口牛肉肉質很嫩，牛味濃，必食！蟹籽墨魚丸口感彈牙～見到有蟹棒響鈴，出於好奇點來試下！響鈴中真的包著蟹棒～輕烚一下，外皮吸取了湯底，微

很久沒有跟朋友在外打邊爐了，今次就相約朋友來到這間在旺角上樓的火鍋店！餐廳裝修什有中國風，而且有屏風隔開，很有私穩度!餐廳也有提供自助醬料區和前菜小食供客人自取。滋潤魚雲靜心鍋拼酸菜白肉鍋，他們的魚雲湯非常足料，用上一大個魚頭和用上足絲雞熬製，而且仲用上天麻、川芎添，所以湯底好有藥材味，而且好鮮甜！酸菜白肉鍋的材料都好足，除了有白肉和酸菜，還有寬粉，湯底味道亦夠酸，很開胃！手切牛肉(細)，牛肉油花分佈平均，牛肉味濃，肉質鬆軟，還有牌仔寫著淥10秒就可以食，很細心!韓國梅花豬，豬肉片的味道都幾濃，而且油脂分佈都好平均，口感嫩滑，而且都幾鬆軟!炸厚切午餐肉，午餐肉炸過之後味道更出，再落入酸菜白肉湯更有解去油膩的感覺，很惹味！龍躉片，味道鮮甜，口感爽身，再用上魚頭湯更能特出魚本身的鮮味！蟹棒響鈴 ，響鈴卷入面包有蟹棒，脆卜卜得黎又特別！豬天梯，豬天梯即是豬的上顎，非常爽口，只要淥1分鐘左右就可以食，喜歡食爽口食物的朋友最岩!竹笙，竹笙不論下酸菜白肉湯或是魚湯，都能吸收了湯的鮮味，食落特別美味!

今晚朋友帶咗我去間新開嘅火鍋餐廳，入面裝修都好靚，美輪美奐。一開始揀湯底已經花多眼亂，最後我同朋友都揀咗個滋補椰子雞鍋，由於我哋得兩個人，所以我哋只係揀咗半隻雞，店員招呼得十分周到，幫我哋煮熟雞肉同埋提醒我哋要盡早食，以免雞肉太鞋口。我同朋友都叫咗唔少配料，例如有四式手工丸拼盤，手切牛肉，蟹棒響鈴，鮮蝦雲吞，豆苗，寬粉條，酥炸蚵仔，鹽酥雞塊，厚切午餐肉，香菇貢丸等等。配料味道美味，尤其是係手切牛肉，肥瘦均勻，入口即溶而且即使係細份亦都有非常多， CP值高。蟹棒響鈴亦都好特別，平時喺出邊好少有機會食到響鈴入邊有蟹棒，外脆內軟，而且係即炸，十分新鮮。而豆苗亦都都好新鮮，份量亦都好多，喺椰子湯煮過後特別清甜，非常推介。而家新開張餐廳有個推廣，就係打卡簽到或者讚好就會有一杯杞子圓肉菊花露或者洛神花茶，雖然只係贈送但係一啲都唔馬虎。餐廳最後送上生果盤， 非常貼心，可以消滯解膩👍🏻

▸ 墨魚脆脆▸ 杞子圓肉菊花露▸ 冰菜▸ 花生湯丸▸ 蟹棒響鈴▸ 台式蛋餃（半份）▸ 四色手工丸拼盤▸ 手切牛肉（細）▸ 尚膳養顏美人鍋呢度環境都幾大幾舒服，醬料區仲有蕎頭，手拍青瓜同花生呢啲小食可以任食🙂 湯底揀左材料好豐富嘅美人鍋，不單止有烏雞，紅棗，杞子，龍眼乾等，仲有好多養顏嘅桃膠😍 手切牛肉(細)嘅份量都唔少，脂肪分佈都算平均，肉質都幾淋同埋有牛味😌 四色手工丸 (黑松露蝦丸，黃金墨魚丸，芝心牛肉丸，梅菜豬肉丸) 四款都唔錯，特別中意好香黑松露味嘅蝦丸🙂 同埋梅菜豬肉丸😊 第一次見蟹棒響鈴呢個配搭，真係外脆內軟，中意食蟹棒嘅我表示喜歡😍 其他配料也很不錯，最尾仲有果盤送，可以消下滯，打完邊爐食就岩晒😌

呢日黎到尚膳打邊爐～真係太耐有打邊爐！好想食勁多野～我地叫左半隻椰子雞湯底，個湯底都幾有椰味同勁清甜！食埋d椰子超正～個雞水未滾放入去等4分鐘就食得，全程店員都有幫手！d雞食落勁滑勁嫩～我地叫左手切牛肉細碟、海鮮拼盆、蔬菜拼盤、鴨血、蟹棒響鈴、萵筍～醬汁就喺出邊自己調，佢仲有啲餐前小食，包括有橋頭、麻辣四季豆、花生！我最鍾意係食啲橋頭，食完之後勁開胃可以食到好多嘢！海鮮拼盤入面有蝦、貴妃蚌、蜆、鱔片、脆肉鯇～我最鍾意去食啲蝦，勁爽口連個殼都勁脆！鱔片同脆肉鯇勁多肉，鱔片就勁肥美，脆肉鯇就好爽口！蟹棒響鈴勁酥脆，原來蟹柳喺入邊都係有另一種滋味！蔬菜拼盤入邊就有好多種唔同嘅蔬菜，勁抵食！我最鍾意去將粟米切成細舊，勁方便食！鴨血分量超多，萵筍都勁爽口！手切牛肉雖然叫咗個細嘅，但係份量都超多！下次再嚟就想試吓佢個麻辣湯底！我諗配上鴨血一定係一流！ ！ ！