火鳳凰火鍋料理 (Closed)

平時去旺角食嘢想少人啲，我都會行近波鞋街後面，冇咁人來人往。喺太平道近旺角東站，有間上一樓嘅火鳳凰，火鍋料理，下午係食點心，晚上係邊爐。門口見到火鍋套餐幾吸引，六款海鮮有象拔蚌仔，元貝，海蝦，蟹，聖子，海魚，足夠四人份量。近乎所有位都係卡位，坐得寬敞。就算二人都係比四人枱。湯底都有十幾款，其中椰子紅棗清遠雞湯底，另上清遠雞半隻，果然係走地，皮下脂肪完全冇。睇嚟隻雞真係做好多運動，而雞味重，有趙口。飲下一個湯，都好有椰子清香，唔覺有太多味精。西班牙梅花豚肉好大碟，有十塊豬卷。湯底好飲嘅時候，最啱就係叫竹笙同腐竹。有信心下次試吓飲茶，坐得舒服嘅酒樓唔算多。

［佛都有火］🙂🙂🙂🙂06:55到場07:10pm落單叫咗一個鍋/一碟牛/一柞洛神山楂/一碟菜/一個烏冬/一個套餐D食海鮮 一共 $712 兩個人等咗半個鐘先嚟個鍋同嘢飲，催單之後再嚟一個烏冬，又等咗半個鐘，加埋足足一個鐘，係60分鐘，凍飲都熱埋，淨係飲咗一啖湯，一舊雞，乜都冇食過。個staff同我哋check單，先話個海鮮餐冇落到😀，而家幫我哋補返😀，多謝曬。與此同時碟牛一個鐘之後終於嚟到，但我已經完全食唔落，呢間嘢當人乞衣咁，我就話我哋唔食喇，個staff即刻勁大聲話：⚠️「唔食都要埋單嫁喎‼️」我嚇到呆咗，即係咩意思？等一個鐘頭乜都冇仲要俾佢當我食霸王餐想唔俾錢？我叫個鍋嚟冇餸食淨係飲湯底？食烏冬？飲花茶？同佢嘈啦，話等咁耐乜嘢都冇喎，佢即刻拎住碟牛擺喺我面前話：⚠️「咪嚟咗囉‼️呢啲唔係嘢呀⁉️」⚠️「我哋發現漏單都即刻同你補返啦❗️我哋有咩錯⁉️」⚠️「一個鐘其實唔係好耐啫❗️個個都係咁等嫁啦⁉️」真係輸咗。會唔會係用一個鐘嚟淨飲花茶食烏冬去等碟牛同海鮮？個staff仲西口西面咁拎手機影返我。成個過程冇提及過點樣處理，完全唔覺得有問題，淨係keep住問⚠️「咁你想點呀❓」最後俾咗$213，話其他嘢當送

諗住食個火鍋去到落單，等左成個幾鐘先來了一個煲，仲要冇乜味嘅鍋底..碟肥牛等左足足50分鐘等左個幾鐘，個侍應先拎張單黎問係咪我地同埋對單，先知佢地落漏單，跟住個侍應吾敢認落漏單，態度西不特止，仲死口話吾係佢地落漏，話多客等得耐係好正常，咁請問要啲食客等幾多個鐘先吾正常呀？照佢道理嘅話，臨收工先落到單都冇問題啦，又話咩好小事再落過當無事發生，敷衍了事咁啲食客要保障自己嘅話，係咪要每次落單都影定相記錄時間呀？咁嘅服務態度真係差勁，咁嘅火鍋店真心不了冇下次

火鳳凰火鍋料理 旺角今次試咗旺角一間火鍋店餐廳環境好闊落坐得好舒服平日夜晚都好多人好多熟客幫襯鍋底選擇好多，今次試咗港式鴛鴦鍋分別係沙爹鍋同芫荽皮蛋鍋，鍋底唔係得湯入面係有料嘅！！食物選擇好多有齊晒蔬菜，丸類，肉類，海鮮，主食，小食，每個類別都有好多選擇，仲有好特別嘅牛骨髓除咗散嗌之外都有一啲套餐，今次額外嗌咗E餐（牛肉拼盤），嚟到賣相非常吸引，用個牛牛嘅盤裝住份量都幾多入面有三款牛，上嘅時候店員仲會介紹返牛嘅部位食物質素都非常唔錯，份量亦都多，吸晒沙嗲味好正☺️整體而言都好推介大家嚟試吓，絕對好食過旺角大部分火鍋店人均消費$500

一間環境吾錯食店. 可以慢慢食. 員工服務態度好好👍🏻食物方面. 夠曬新鮮😊. 但係有－樣嘢要改線吓. 紫貝天葵山楂茶第一支同第二支味道有好大分別🤔總括嚟講一間吾錯店鋪值得過來試吓🥰

朋友說旺角新開了一間新的火煱店。價錢公道，食材新鮮，絕對值得去幫襯。今天不用加班，所以就專程嚟呢間傳說中嘅火鍋店。火鍋店位置都尚算方便，都是坐火車，然後在旺角站下車，行一陣就到了。店舖大廈外牆屏幕上有火鳳凰來回飛翔，所以遠望，就知店舖位置。店舖主要用木色裝修，坐位寬闊，感覺非常舒服。坐下就叫了個牛大哥套餐🌟🌟🌟🌟🌟，美國封門牛，安格斯牛肩胛，牛板建。將所有肉鋪滿成隻牛，場面好壯觀。👍👍👍牛肉好新鮮，好有牛味。呢個價錢超抵，必食。😍😍😍炸響鈴，必食🌟🌟🌟🌟🌟。店舖自己炸，皮面上加了些少肉鬆，超脆，放入湯，吸埋湯精華。正🤩🤩🤩沙巴龍躉煱作煱底，鮮味十足。脆魚鱞和台山蠔，都是份量十足。非常新鮮，價錢公道。總括而言，下次會再嚟幫襯。因為個牛套餐超抵食。😋😋😋

最中意食打邊爐，今次黎到火鳳凰試下佢既特色火鍋。點餐紙上面選擇都幾豐富，仲有好多自家制既配料。今次湯底選擇左藥膳醉雞鍋，雞件大大隻，份量幾足。黑松露牛肝菌餃子：唔係成日見到既牛肝菌餃子，呢度竟然有，而且仲加埋黑松露，非常吸引！黑松露墨魚滑，估唔到有甘大舊，墨魚滑起曬膠甘，食落非常彈牙新鮮。蔬菜籃都幾大份，而且款式都多。油炸鬼蟹籽都幾特別，又係唔係好多地方有。最後嚟到主角手切牛，厚度適中，牛味香濃，值得一讚，打邊爐食一流！

今日約左朋友食火鳳凰既火鍋，餐廳店面好大，座位好寬落，餐具都好美。湯底我地選左藥膳醉雞鍋，雞件好大隻，除左餚湯之外, 就甘食又得。雖然係藥膳湯，但藥材味又唔會太搶。手切牛好靚，色澤鮮紅又有紋路，火鍋食牛果然係要手切先好食。蝦兵遇上老油條：油炸鬼舖上蟹籽！浸一浸就食得，yummy!手工黑松露墨魚丸：新鮮包餃，黑松露好香，餃子啖啖肉，推介！自家制黑松露墨魚滑：墨魚滑好彈牙，起晒膠，而且份量非常多。蔬菜拼盤好大大份，入面蔬菜種類林林種種，選擇多。

呢間火鍋店似乎係新開嘅，入到去好多職員都話自己返工無耐自選湯底，湯底選擇都比較大路，比較有特式嘅有呢個冬瓜龍躉鮮蝦鍋，入面有全條龍躉魚，仲要片好晒肉，有一大半個冬瓜，仲有啲鮮蝦同肉，成個湯底都好鮮甜，好清配料上海鮮類都有幾多選擇，仲有唔同的套餐但唔太好海鮮就無叫到本地手切手頸脊肉：質素幾好，肥瘦適中，雪花好靚，而且肉味好濃其他配料：花膠仔：真係好仔，太細蟹子蝦滑：比較推介，入面都真材實料有蝦肉，彈牙鮮甜

火鳳凰火鍋料理，在何文田太平道太平居地下上一層， 旺角站出口或旺角東站出口都可以， 步行步七分鐘左右，有下午茶點心， 我們是晚上打邊爐， 室內全卡位，環境乾淨舒服，服務員快手有禮貌 。特價套餐共六款，價錢幾合理。我們order一個鮮椰子半隻雞鍋， 湯底清甜椰子味， 雞是走地雞，皮薄沒有脂肪，雞味香濃有 咬口👍👍， 最欣賞是湯內的木耳爽脆😋😋， 另一碟萵筍新鮮，我從未食過那麼鮮甜 ，竹笙冇噏味， 炸腐竹好食， 大片豬豚肉，豬肉味重， 細石斑魚賣相靚， 但我覺得味道一般， 還有一個超彈牙墨魚滑👍👍，幾款菜式足料大碟， 價錢都okay, 下星期朋友生日約多幾位，可以試多其他海鮮套餐，肉丸，魚丸類。👏👏🤣🤣

搭火車去旺角東，落車向旺角太平道方向行，不遠有一間好隱蔽嘅火鍋店叫火鳳凰， 朋友介紹話呢間店食物新鮮，於是今日就去品嚐。見到隔離枱叫了一隻大牛喎，嘩好豐富呀！好新鮮呀！套餐E(佳選牛大哥)有四種不同的牛肉，對於鍾意食牛肉嘅我，真係一個好大嘅滿足，牛肉好新鮮，不同個部位，吃到不同的香味。自由選擇各種配料、醬汁。 叫咗個海皇冬瓜原條沙巴龍躉 鍋 ，係成全條龍躉，餐廳起肉切片放喺冬瓜中間，呢個湯好鮮甜，好有魚味，有素翅和幾隻大蝦相伴，個湯底真係鮮甜到不得了。正呀！ 裝修簡潔，清雅舒服，座位亦都好寬闊。叫了一個脆肉鯇，肉鮮甜、爽脆好味。 紫背天葵山楂茶，好有味，打邊爐 火鍋真真係一個絕配。自家品牌的炸響鈴，好脆！就咁食都得，好味

火鳳凰火鍋料理出名鍋底靚，用料新鮮。鍋底有好多選擇，價錢豐儉由人。今次試咗一個中價嘅椰子紅棗清遠雞鍋，果然非常清甜！湯底可以齋飲，唔會太鹹，飲到淡淡的紅棗清香同埋椰子嘅清甜，熬出少少天然嘅雞油又唔會太油膩。最正係隻清遠雞，非常彈牙又滑又嫩，好食到停唔到口😋配料方面有以下幾款都好出色：1️⃣鮮蝦滑⭐️⭐️⭐️⭐️⭐️除咗打得好有口感之外，最有驚喜係蝦滑入面真係有原隻細蝦仔，食落更加有層次，多重享受，蝦嘅鮮味大增😍2️⃣美國安格斯雪花牛⭐️⭐️⭐️⭐️同湯底一樣，有唔同嘅價錢任君選擇，今次試咗$198 呢隻，已經非常好食！好香牛味，放落去漾兩漾烚一烚即刻起，無得頂🤩3️⃣大連鮑魚⭐️⭐️⭐️⭐️啲南非鮑魚賣晒，於是試一試大連鮑魚，果然夠晒大隻！高檔海鮮但性價比高，而且都好新鮮～總括而言，餐廳食物質素相當高，其他配料例如雲吞等都好高水準。埋單嘅時候樓面好細心咁樣同客人講解有咩優惠，又同其他同事仔細講解工作步驟，等左比較耐，除此之外，餐廳各方面都十分完美😄

今日約咗朋友去何文田打邊爐，間餐廳近旺角東站，開咗唔係好耐，朋友食過介紹既餐廳係比較傳統酒樓式打邊爐，日頭就有點心食，夜晚先有打邊爐揀咗個養生藥膳醉雞湯底，個湯底好濃，好有藥膳味道，有紅棗杞子好養生有半隻醉雞自己加落去打邊爐梗係唔少得牛肉，叫咗個手切美國頂級封門柳，以為好細碟，原來都幾大碟，同埋啲牛肉好鮮嫩滑溜八吋帝王蟹柳好大條，有蟹味跟住唔少得我最鍾意嘅蝦滑，自家制，好足料，加埋蟹子味道唔錯另外都叫咗個黑松露墨魚滑，呢個都幾新鮮，好香黑松露味珊瑚蚌，味道唔錯，幾新鮮爽口鮮蝦雲吞，味道唔錯鮮甜粟米，份量都幾多本身朋友仲驚唔夠食，最後就食唔落烏冬，食到超飽，最後埋單兩個人啱啱好999，唔過一千，食物質素都唔錯，同埋餐廳有包房唱K，如果同一大班朋友聚會，都係一個唔錯嘅選擇

呢幾日天氣都仲係有啲凍，最合適就係打邊爐。旺角搵食一向都係最佳選擇。餐廳位處於何文田地段，算係比較寧靜，係旺角東站行過去10分鐘就到。湯底我地點咗一客「鮮椰子紅棗滋補清遠雞鍋(半隻）」。椰子湯底好清甜，配料好足，建議係湯底滾咗之後，飲返一兩碗補下身，先至開始落料打邊爐。雞件分開上，肉質非常鮮嫩，半份係兩個人嘅分量。餐廳主打牛套餐，一個價錢食到幾款嘅選擇，最岩選擇困難症嘅我地。我地揀咗「套餐E」，有「美國封門柳」、「安格斯牛肩胛」、「高級牛板腱」。隻牛真係嚇一跳，驚喜十足！未食已經夠晒驚喜！一定要打卡影相！餐廳職員仲好有心思咁介紹邊一種牛特別有牛味，邊一種牛特別嫩口，由邊種牛食起最享受，真係好專業！「手工炸跳舞響鈴」係師傅即炸嘅，唔係講笑，上碟時仲熱辣辣，非常脆口，新鮮即製永遠最好食，浸一浸湯底三秒鐘拎上黎就食得。「手工黑松露墨魚丸」、「手打四寶丸」師傅好有心機，手工打造墨魚丸，粒粒爽口彈牙有咬口，最得我歡心！「稻庭烏冬」非常嫩滑，打邊爐就最入味！餐廳性價比十分高，又坐得舒服，下次會再來！

之前朋友約咗我去火鳳凰火鍋料理飲茶，得知晚上有養生火鍋供應，今晚就同老公過嚟試吓！火鍋店舖招牌燈光明亮，室內裝潢高雅，座位以卡位為主，坐得舒服！混醬係食火鍋指定動作。愉妃藥膳醉雞鍋（一隻）：藥膳醉雞鍋精髓在於多種藥材及用紹興酒醃雞，兩者缺一不可。將中藥材加入湯底，驅寒又補身，在寒冷的冬日中增添溫暖。不論是作為湯水或火鍋湯底也是不錯的選擇。湯底不僅香味迷人，又可調養氣血，將雞件放入鍋中 大火煮5分鐘，瞬間香氣四溢，先來一碗清甜香醇的湯底，再品嚐嫩滑雞件。西班牙梅花豚肉片：豬梅肉片肉質柔軟而多汁，每塊梅肉片佈滿了大理石油花紋路，油香而不膩。豬肉纖維較細緻，肉質柔軟且滑潤不澀。鮮爽白鱔片：大大片夠新鮮，只需灼幾下，鮮味彈牙。自家製蟹籽蝦滑：用新鮮蝦自家打成蝦滑，鮮甜爽口，加入蟹籽增加口感。