火鳳凰火鍋料理 (Closed)

一間好高質素嘅打邊爐，食物質素非常之高，店員亦都好好態度價錢同食物質素成正比。首先環境都唔錯，每個位置都有少少屏風或者間隔，令到自己有少少私人空間嘅感覺。而家咁啱有六個晚市套餐優惠，個個都好抵食，亦都有為咗唔食牛肉嘅人着想嘅套餐。鮮椰子紅棗滋補清遠雞鍋（椰子雞半隻）：呢個鍋湯頭非常之鮮甜，完全唔會好重嘅藥材味，打邊爐之前飲咗一碗，就知道用呢個湯底打邊爐係冇得頂紐西蘭羊肉卷：羊肉嘅味道十分濃郁，食得出好新鮮，絕對唔係平價貨，鍾意食羊肉嘅朋友一定好愛。首創路邊手工炸魚皮：新鮮炸起熱辣辣，上邊有少少類似孜然粉同椒鹽嘅調味料，食落好惹味，不過對我嚟講有少少辣；但只要將佢放落湯底，煮幾秒，超級超級好食吸收咗湯汁，之後加埋調味料嘅味道，手工炸魚皮必叫自家製黑松露墨魚滑：煮完之後好彈牙，估唔到黑松露同墨魚滑都幾夾，本身墨魚滑已經調好味，所以唔使擔心無黑松露味。生劏海斑仔：食得出真係好新鮮，某幾個部位有少少多骨，食嘅時候要小心d。新鮮食材配搭有層次嘅湯底，真係好難得。

天氣又凍番，最岩打邊爐。係何文田同旺角東火車站附近搵到間幾新既火鍋店，火鳳凰火鍋料理。上到去環境好大，而且座位好闊落同舒適，卡位2-4個人坐都好夠。六點打後見到愈來愈多人，大家都好識搵野食🤪火鍋最重要個湯底，唔想食辣，就食左個藥膳醉雞鍋，叫左一隻雞既份量，藥膳湯底黎浸雞好有養生既感覺，雞都係大隻既，夠4個人食。想叫個魚類，見到白鱔片就叫了，好小機會食鱔片，而且都有10幾塊，切得好薄好爽口，又唔需要烚好耐。再叫多個韭菜餃，手工餃都係有水準，皮薄得黎唔會一夾就穿，餡料既比例都好夾，食得到韭菜又食到豬肉，呢個真係值得一試。想同朋友打邊爐傾下計緊係要搵個坐得舒服啲既地方，餐廳位置都算方便，係唔錯既選擇。

同朋友仔行完街，今日來到太平道打邊爐。呢間火鍋店位置都近旺角火車站，都方便。佢既SET有3款都幾抵。我地點左C餐有半隻椰子雞 : 湯底香甜又夠健康，個雞水滾煮10分鐘岩岩好，好嫩！一碟牛頸脊 （例）: 好有肉味原條加拿大象拔 蚌（細）: 雖然話細，但2-3個人食既話，份量都好足夠，又新鮮又清甜另外我地點左非洲鮑魚+聖子鮑魚非常爽口彈牙（48元/隻）芫茜餃: 手工餃，味道調得幾好，芫茜味唔會好搶，個餃又夠飽滿。食埋個餃加皇帝菜就覺得非常滿足。 餐廳整體環境都好好，坐得舒服。下次再encore 。

呢幾日天氣突然好凍下咁，萬寧今日約咗朋友食飯所以決定約埋去打邊爐。呢間係朋友仔嘅朋友早幾日食完介紹我哋去食嘅，橫掂都係試下新嘢都冇所謂，好彩今日係星期日又畀我哋book咗枱喎。佢有幾個套餐都唔錯，好耐冇食過象拔蚌啦，佢呢個套餐C是包埋象拔蚌先698，計過條數都幾抵食🤣🤣🤣所以最後變咗呢個c餐。2個人食，有半隻椰子雞都好足夠，湯底一嚟到一人飲咗碗湯先，都唔錯，個湯都好濃郁。好耐冇食過象拔蚌啦，好新鮮，絕對食得出佢上枱😆之前仲係好生猛嘅😆，每一件都爽脆清甜，超推介，呢個環境呢個價錢食到呢個質素嘅，都真係算唔錯呢個份量嘅安格斯牛頸脊兩個人食綽綽有餘，佢哋嘅牛頸脊肉質鮮嫩，而且分量都幾大碟，推介另外我哋點左蟶子皇同鮑魚各一，價錢實惠，海鮮嘅嘢最緊要新鮮同夾大件👍🏻👍🏻個鵝粉腸咁都幾好食不過份量就少咗啲囉，我覺得可以再多啲，可能係貴精不貴多😆😆😆😆最後點左個芫茜餃，雖然唔係人人鍾意食芫茜，不過鍾意食芫茜嘅人一定必須要點😂食完個芫茜餃嘅份量剛好👍🏻👍🏻👍🏻

話說我有位朋友好鍾意打邊爐，差唔多大部分火鍋店都比佢試過。今次，佢就拉我陪佢一齊試呢間新餐廳<火鳳凰火鍋料理>。呢間餐廳位於旺角太平道，附近就係旺角港鐵站，非常方便！據了解，餐廳日頭主要做點心飲茶生意，而夜晚就集中做打邊爐，好岩一大班朋友一邊聚舊一邊食原本同朋友想揀雪山飛狐鍋，但原來部分湯底同海鮮需要預先預訂，所以今次就揀左澳門胡椒豬骨鍋！火鍋一黎到，就已經聞到一陣陣香濃既胡椒湯味，而湯底內亦有幾舊大大舊既豬骨，吸收晒湯底既精華。我地二人合共叫左約7樣火鍋材料，當中想重點推介藥膳醉雞！藥膳醉雞鍋原本都係我地想揀既湯底之一，但最後無揀到，就唯有散叫黎食。雖然我地叫半隻雞，但份量都非常多！至於味道方面，雞肉半肥瘦剛剛好，食落爽口嫩滑，而且加入了少少既酒味，令成舊雞份外惹味，另外仲有少少藥膳味，感覺特別滋潤補身，值得推介另外手切美國安格斯雪花肥牛亦都非常難忘，一上盤已經見到雪花牛擺放得井井有條，每舊肥牛既雪花平均分布，光澤鮮明，已經令我感覺到同平時食開的與別不同。雪花牛淥一淥，放入口，就已經入口即溶，完全沒有任何雪藏味，只食到牛肉果隻新鮮牛肉味，非常嫩滑除左肉類外，我地仲叫左

要抓緊冬天的尾巴😂😂趁住天氣仲有少少凍，呢日約左朋友一齊打邊爐💖旺角係我地既集中點，最後search左呢間開張不久既火鍋店試下😋餐廳比較近旺角東站，由旺角東站行過去唔洗10分鐘😜餐廳裝修好新淨，坐得好舒服👍🏻枱與枱之間唔會好逼，而且張枱都幾大張，可以擺放到好多碟配料，唔洗驚唔夠位放野啊🫶🏼❥ 愉妃養生藥膳醉雞鍋（半隻）$168我地揀左藥膳醉雞湯底，一上枱已經聞到好香好濃既藥材味😳湯底味道甘甜，帶有花雕酒味，配料都好充足，有大量紅棗、當歸、杞子等等，夠晒滋補！雞件分開上，半隻雞既份量都好多🤭兩個人share夠晒飽！雞肉新鮮嫩滑，而且夠入味😝❥ 手切美國頂級封門柳 $198封門柳既份量都好有驚喜！！估唔到有咁多塊🥰封門柳既肉質呈暗紅色，油脂分布平均，入口牛味香濃👍🏻❥ 西班牙梅花豚肉片 $108梅花豚肉片都好高質～食落好柔軟唔會韌！❥ 自家制蟹籽蝦滑 $88蝦滑好新鮮，食落口爽滑彈牙！❥ 手打四寶丸（一份）$92想試唔同款既丸，所以叫左四寶丸：墨丸、蝦丸、牛丸、紅紅火火🍡紅紅火火真係超級無敵辣！後勁凌厲🙈愛辣之人真係要挑戰下🤣全部丸都係新鮮手打，食落夠爽口，鮮味十足！❥ 稻庭烏冬 $38稻

都係聽朋友介紹先識去，餐廳位置喺人流唔多嘅橫街，睇Google就搵到嘞😆總結呢間火鍋店真心性價比高🌟食材新鮮🌟份量足🌟服務好🌟乾淨整理第一次嚟唔知原來份量咁足，2個人叫咗3人份量一入門口就見到長樓梯～一級級組成鳳凰圖案餐廳明亮寬敞，乾淨企理掃QRcode 自行落單～ 開頭仲諗住叫兩個造型靚點心，點知店員話日頭先有😆愉妃養生藥膳醉雞鍋 （半隻）$198雖然個樣細，但實情都唔細，得閒都要補補佢🧘‍♀️真材實料，慢慢煲～越煲越好飲～～🥰雞件肥嘟嘟，滑嘟嘟😋爽脆8吋鵝腸 $88條條差唔多長～😆唔係度度有咁靚嘅鵝腸～堅爽脆，好食呀！手切美國安格斯牛頸脊 （例）$278賣相靚～口感正～食落啖啖牛味😍鮮脆鯇骨腩 $98我本身不太好魚都覺得好食，又無咩骨，咬落真係好似食緊軟骨「索索」聲～前-魔鬼辣安格斯牛丸 （半份）$46不能小看，堅辣！嗜辣之人可挑戰～中-手打四寶丸（半份）$48豬肉、牛肉、花枝、墨魚，無落粉嘅丸～咬落唔會實的的～後-薑酒黃沙豬膶 $68新鮮乾淨無「壓」味，爽口好食！一碟份量好多，四人share好啲，我擔心超標🤣皇帝菜 $45成個盆栽咁多🤣抵過我街市買，又新鮮乾淨青檸冬瓜薏米水 $68

朋友帶狗狗去勝力道做facial 由於要等 就話係附近食埋晚餐 揀左呢間新開既火鳳凰火鍋料理 店員推介左兩個套餐 都幾抵食 仲有menu 都好多野揀 我地揀左愉妃養生藥膳醉雞鍋湯底好多材料 藥膳味好濃 叫左一隻雞 鍾意大火滾起 然後浸熟d 雞 雞食落幾滑 又吸左湯底既味日本黑豚腩片腩片肥瘦適中 腩片切得有厚度 所以食到肉質幾煙靭每次出去打邊爐都會食 四寶丸同 餃子 試下佢地既手勢 手打四寶丸最欣賞 黑松露墨魚丸 食落好香好彈牙 韭菜餃皮都幾薄 食落好香韮菜同肉味 食得出係自家制既仲叫左平時打邊爐一定會叫既日本滑豆腐 好滑 又吾會好快散晒 鮮腐竹 好厚身 又係可以吸晒d 湯既精華 食左咁多野好滿足總括黎講係水準之上既火鍋店 可以再encore

最近放工搭東鐵線已經非常多人 令我出到旺角東已經唔多想再行搵野食 所以朋友約我就腳係B出口行5分鐘內的內街食火鍋 環境座位都好舒服 😌 火鍋🍲配料的選擇亦非常多 為左慢慢打邊爐 我地點左一扎的紫貝天葵山楂茶 開胃消滯解膩 鍋底我地選左 愉妃養生藥膳醉雞鍋（半隻）建議大家要試左個湯底先 非常香濃足料 雞件分量亦都十足 😆雞肉肉質嫩滑 配上藥膳湯底已經唔駛再點醬料 手切美國頂級封門柳擺盤賣相都好精緻 牛肉紋理鮮明 牛香味濃西班牙梅花豚肉片豚肉片肥瘦都恰到好處 色澤均勻 自家制蟹籽蝦滑蝦滑口感彈牙爽口 配上蟹籽入口更豐富手打四寶丸（一份）味道多元 不過麻辣丸真係好辣 後勁好重 可能係食辣朋友最愛 😂稻庭烏冬 烏冬麪條幼嫩 吸收埋湯的精華更加香滑 分享相宜最後配搭返兩種蔬菜 🥬 唐生菜 竹笙 消一消食肉帶黎的飽濟整個晚餐食左兩個鐘多些 環境和食物質素的體驗也很不錯 值得一試✅

又貴、又唔好食、豉椒炒肉片冇味冇道仲要係乾炒五粒豆豉喺面真係好古怪，點心唔夠熱茶唔夠熱冇茶味，珍珠雞醬汁甜耶耶，棉花雞有笠笠，奶黃荔枝點心太甜唔覺得好食，得個樣還OK，啤梨鹹水角已經係最好，但係都係得7分，排隊俾錢同攞位亂過一團糟，地點，食物，服務，環境、真心冇樣好，我本人要求不高，但未試過咁差嘅酒樓，茶位$13個，食四個點心，一碟炒河，埋單$298，我同朋友同阿媽都話以後唔會再去，希望唔好刪除我嘅評語真心要改善

這小店環境裝修不錯，光線充足☺️走的是中國風、红燈籠、花花輕纱、餐具也非常漂亮👍🏻員工姐姐很有禮貌👍🏻👍🏻講吓食物，腸粉皮薄薄的，好食！腐皮卷我是睇到廣告，衝着來的。相片上腐皮卷放在鴨仔容器内，很可爱，但到達枱前，只放在碟上，我立即問姐姐點解同相唔同，佢話可能换了其他碟，失望😮‍💨粉菓晶凝通透，好味！另外他们有些特價食物$4 X 可選兩款或三款種類，有點心、飯、面及粥，非常抵食，而且份量不少👍🏻👏🏻👍🏻我相信這𥚃的决點，就是要行一條長長的樓梯了，對於老人家就相當不便了。

朋友試過旺角東新開的火鍋店有午市前點心優為，下午茶也有相同優惠的。今日放假專程去試吓，大廳係卡位佈局，有房可以多人聚餐，環境舒適，可惜卡位申腳的位置太窄，坐得較為不舒適，可能擺放了火鍋用的爐在枱下吧！新張期間，12點前入座落單也可以有點心優惠，燒賣正常味道，肉質不會太實；煎魚餅略為過火，但不會太厚粉；啤梨鹹水角，綠色皮的迷你啤梨，趁熱食較為好些，但餡料略小，外型太圓不像啤梨的形狀。新派的蕃茄濃湯鮮竹卷，無論擺碟及味道也值得加分；最後是欖菜肉鬆炒飯，可能我不喜歡欖菜的味太濃烈，炒飯不夠乾身及稍為多了油。優惠時間內四碟點心一個炒飯，兩位茶錢，及+1，埋單只需$130，還可以碌卡，實在超值，服務態度也很好，值得推介，有待改進少量的空間！希望可以定期更新優惠套餐，下次再品嚐其他點心！

啱啱搬咗去何文田,每晚都會喺屋企附近搵啲嘢食,無意中發覺一間火鍋店食物嘅質素好好,性價比好高,好值得喺度推介一下火鳳凰火鍋料理,餐廳嘅裝修非常整潔,地方好闊落,上到去食飯有一種好舒適嘅感覺,店員禮貌親切,所以經常都會同另一半喺度食飯,收工喺度食飯有一種好舒適嘅感覺。今日嗌咗個花雕醉雞湯底,跟一隻雞,雞件嚟到望落去就知道好新鮮,職員好有禮貌提點我哋,食幾多落幾多,咁樣就唔會將啲雞煮到好鞋,雞肉入口味道好香,雞味好重,而且雞嘅肉質好嫩滑,食得出雞肉好新鮮,加上雞皮唔會太肥食落去特別香口好味。即炸響鈴,呢個係打邊爐必點嘅菜式,響鈴吸收咗雞湯嘅味道,咬落去有少少香脆,吸埋啲雞湯真係好好食。美國封門柳,牛肉分量好多,入口牛肉味好香濃,有入口即溶嘅感覺,加上牛肉脂肪分佈均勻,食落去特別香口,肉質嫩滑,色澤紅亮,一食就知食材好新鮮。蟶子皇,基本上蟶子新鮮已經好好味,咁大隻蟶子食落去又鮮甜又爽口,完全食到新鮮嘅味道。珊瑚蚌,呢個係我最鍾意食嘅食材,珊瑚蚌非常爽口,味道真係好鮮甜好香,加上花雕味令到珊瑚蚌味道更加有層次。整個湯底藥材味濃郁,花雕味香,食得出每一樣餸菜廚師都係精心製造,絕不馬虎,所以我經常

今日同朋友隻寵物仔嚟到何文田睇醫生，之後經過見到呢一間火鍋店，天氣呢排又涼咗，朋友建議試一試！👍🏻鍋底呢度嘅鍋底相當有特色，當晚叫咗一個愉妃養生藥膳醉雞鍋，先滾起個湯再放入半隻雞及藥膳食材，花雕酒味令人陶醉 ，藥膳味唔算好重，帶點微甘，雞件食落好嫩滑，可以飲返兩啖湯暖暖胃！👍🏻脆鯇骨腩骨腩切得極好，無論外面裏面都毫不帶幼骨，魚肉透白，咬落微爽。👍🏻黑松露墨魚滑手打墨魚滑加入咗黑松露，食落份外嘅清幽，咬落爽口彈牙，啖啖墨魚肉，墨魚味幾出。👍🏻美國安格斯牛頸脊打邊爐又點可以冇一碟牛肉呢，牛頸脊色澤好靚，油脂分布平均，食落好軟淋。👍🏻手工炸跳舞響鈴呢個名嚟得特別可愛，響鈴乍得金黃酥脆，放入湯底3秒，伴隨而來嘅係脆口感，油份唔會特別重！👍🏻四川薯粉打邊爐嘅時候特別鍾意落返呢啲煙煙韌韌口咁嘅粉麵，配上清甜嘅湯底，食唔停口。👍🏻紫貝天葵山楂茶打邊爐就預咗熱氣，所以就叫咗一札清熱又解油膩嘅飲品。山楂酸酸甜甜，紫貝天葵飲落特別解渴。醬料費，$18

之前一大班朋友嚟過呢到飲茶，點知夜晚搖身一變，變成打邊爐菜式，不變嘅係佢嘅質素依然好高！打邊爐最重要嘅鍋底，今晚叫咗養生藥膳醉雞鍋，湯底清甜，酒味唔會過分濃郁，配有嘅雞件份量都幾多。另外點咗一份自家嘅手工餃：韭菜餃，都算係名副其實嘅皮薄餡靚，咬落去啖啖肉，韭菜嘅味道都好出，而且切得好細碎！蔬菜嘅款式都黎得特別多，今晚叫咗一份皇帝菜，蔬菜放入呢個湯底，簡直係無敵，最後澱粉愛好者嘅我，再叫埋一個四川薯粉放入鍋底，索哂湯汁口感極佳。