鮨一日本料理 (大壩街)

Open Now

Now Closed

菜單中的上錦繡刺身共有8款，每款切分整齊美觀，色澤鮮亮，肉質鮮嫩，入口即化，每一口都散發出淡淡的海洋氣息，令人彷彿置身於海洋中，嚐盡了大海的鮮美之味。其中，鮨一千層海膽飯是不可錯過的大亮點，日本海膽的加入讓這道壽司更加豐富多彩，米飯蓬鬆滑潤，搭配上海膽的豐富鮮味，讓口感倍感舒適，彷彿是在享受著大海的擁抱。牛油果鰻魚反卷是另一道別出心裁的菜品，牛油果與鰻魚的結合完美無缺，口感豐富，香氣宜人，牛油果的鮮爽口感與鰻魚的鮮美口感相互交融，令人愛不釋手。鹽燒活白鱔串是一道別開生面的串燒菜品，鱗片上的鹽末讓口感更加豐富，每一口都能品嚐到鱔肉的鮮美口感，烤制的鱔肉鮮嫩多汁，口感優美，咸香獨特，令人回味無窮。火炙蝶魚邊壽司是一道創意十足的菜品，烤過的蝶魚邊口感焦香，魚油香氣四溢，米飯蓬鬆滑潤，搭配上蝶魚邊的獨特口感，味道豐富，令人意猶未盡。最後一道鹽燒牛舌串，牛舌肉經過鹽燒後口感更為鮮美，入口柔軟，每一口都能品嚐到牛肉的鮮美口感，令人陶醉其中。總的來說，這道菜單中的每一道料理都經過用心的設計，色香味俱全，口感豐富，讓人感受到大自然的恩賜，每一口都是一種享受，值得一試。鮨一日本料理 (大壩街) (荃灣)

荃灣好食嘅日本野好似唔多鮨一好耐之前已經食過一次今晚個friend話想試吓就陪佢食多次啦😌平日八點半都full house要等一下先有位下次都係要再預早啲先🤪我哋兩個人share火炙魚生丼定食前菜個飯份量岩岩好 魚生種類都幾多 仲有海膽對得住個價錢👍🏼👍🏼原條池魚刺身上菜果陣都嘩多聲 擺盤咁靚好新鮮 點埋醬汁好好食😋八爪魚燒餅感覺好似食緊切開左一半扁啲嘅章魚小丸子咁🤣睇其他人啲食評都會叫呢個千層海膽飯我哋都唔執輸店員話海膽係加拿大海膽 而家做特價加$50可以換馬糞海膽見到都唔捨得食 仲有少少吞拿魚蓉係飯上面日本海膽真係唔同啲 又鮮又甜 仲好肥美😍黑松露鵝肝卷一放低已經聞到好濃味 四舊岩岩好鵝肝本來應該好膩但咁樣一個卷食又唔會最後叫左綠茶蕨餅 蕨餅軟綿綿😻我地叫完先發現有白鱔串 最後太飽食唔到啦埋單九百零蚊 算係咁上下啦下次希望都可以食到鮟鱇魚肝啦🥰

鮨一日本料理 (大壩街) (荃灣)荃灣大壩街79號地舖上錦繡刺身(8款,各2切）多款精美的刺身，其中的帶子、三文魚、牡丹蝦、章紅魚、白蝦、北寄貝、油甘魚切得整齊美觀，色澤鮮亮，肉質鮮嫩，入口即化，散發出淡淡的海洋氣息，讓人垂涎欲滴。鮨一千層海瞻飯(升級日本海膽)必食大亮點，日本海膽讓人期待不已。米飯蓬鬆滑潤，海膽鮮美柔軟，拖羅蓉甜美，口感豐富，帶有淡淡的海鮮甜味，令人回味無窮。牛油果鰻魚反卷牛油果與鰻魚相得益彰，口感豐富，香氣撲鼻，感受兩種截然不同的風味。鹽燒活白鱔串鱗片上的鹽末讓口感更加豐富，烤制的鱔肉鮮嫩多汁，口感優美，咸香獨特。火炙蝶魚邊壽司烤過的蝶魚邊口感焦香，魚油香氣四溢。鹽燒牛舌串牛舌厚身，經過鹽燒後口感更為鮮美，入口柔軟。

最近發現咗荃灣有間幾高質嘅居酒屋🏮「 鮨一 」佢有好幾間分店荃灣、尖沙咀同大埔 居酒屋有bar枱同普通位 唔係話好大不過 個日平日夜晚去到都要等位 完全坐滿哂仲要有人等位 下次記得要book位呀 而餐牌上面選擇都好多 而居酒屋都有寫一啲刺身係黑板上客人可以點📝🥢日本時令魚生刺身 HK$328有6款嘅刺身 包括有深海池魚、油甘魚、帶子、左口魚、甜蝦 每款刺身都好新鮮肥美 帶子、甜蝦都好鮮甜 三文魚刺身又好厚切 而大船渡真蠔好肥美又大隻嘅生蠔 勁新鮮 點埋啲檸檬令生蠔更鮮甜又creamy超級推薦大家都要點嚟試吓😋👍🏻🍱鮨一千層海膽飯 (升級日本海膽) HK$248呢個係超級推介嘅海膽飯😻一上枱已經覺得好吸引 海膽份量好多雖然以為好細碗 但原來係可以夾到成8至10塊紫菜一齊食 超級推介要將海膽夾紫菜嚟食 口感更豐富 亦會食到甜甜嘅海膽從紫菜散發出來👍🏻🥢燒芝士年糕 HK$32呢個燒芝士年糕食落口感好煙韌 芝士有熱到溶出嚟有香濃嘅芝士味🧃信洲蘋果梳打🥤信洲白桃梳打兩款飲品都好高質 岩哂呢個熱辣辣嘅天氣飲

位於大壩街嘅鮨一喺正荃灣廣場對面，之前經過都有啲興趣試下，今日放工後有時間就同朋友過黎試下，食完順便可以行下街。餐廳座位唔算多，不過坐落唔逼幾闊落，原來餐廳仲有其他兩間分店分別喺大埔同埋尖沙咀。三色丼定食(三文魚、甜蝦、帶子) $98定食附送：前菜、沙律、麵豉湯三文魚都幾厚切，帶子鮮甜帶少少彈性鮨一千層海膽飯 (小)(升級日本海膽加$50）$248海膽堆到成座山咁高, 仲多過飯，中間仲加左啲吞拿魚蓉，啖啖滿足原條池魚刺身 $188原條上嘅池魚刺身都少見，師傅將魚肉薄切, 點埋酸汁幾鮮味，價錢唔貴值得一試火炙鰈魚邊壽司 $56鰈魚炙燒後逼出魚油香，入口即化甲羅燒 $98每次見到有都會想試，超多蟹膏再拌埋蛋黃配埋即烘嘅一口多士好惹味，多士趁熱食最好味， 放耐左會變軟燒芝士年糕 $32燒到入面暖暖地有流心，芝士味都幾香日本芝士蛋糕 $32綠茶蕨餅 $28熱情果梳打 $32信洲白桃梳打 $35

又到一星期食一次日本菜既時候啦，今次去左試荃灣既鮨一。收工行過去真係身水身汗，夏天已經黎到啦救命🥵原條池魚刺身 $188池魚肉質緊實爽口，味道清甜，配酸汁吊味一流。火炙鰈魚邊壽司 $28/件食落有嚼勁，火炙完油脂逼曬出黎，啲魚油滲曬落壽司嚿飯到。甲羅燒 $98蟹膏上面加左啲蟹肉，蟹味濃郁。我食開都係配鵪鶉蛋同餅乾，呢個就配雞蛋同烘過既麵包。燒芝士年糕 $32香濃芝士味加煙韌軟糯既年糕，絕配。鮨一千層海膽飯 (小) $248呢個我地加左錢升級做日本馬糞海膽，味道鮮美甘甜，夠曬creamy。雖然唔係真係有千層海膽 因為，但份量都唔少架，上面仲擺左金箔😝就咁食海膽、配紫菜食或煮配壽司飯食都得！三色丼 $98個餐有配前菜、沙律同麵豉湯。有三文魚腩、甜蝦、帶子同蟹籽，剌身飯正常發揮。日本芝士蛋糕 $32綠茶蕨餅 $28信洲白桃梳打 $35熱情果梳打 $32

上個禮拜突然想食日本菜🇯🇵 朋友就帶我去佢幫襯過既鮨一食晚飯～ 雖然而家荃灣對我黎講少少遠🤏🏽 但係有好西食，食完又有街行，成件事令小長征抵番哂💁🏽‍♀️ ➿ 子持魷魚筒 ($78)燒釀魷魚筒🦑就食過，子持魷魚筒就第一次食，入面釀左魷魚鬚同埋魷魚子孫喺入面😛 口感比想像中唔同，以為內外都彈牙，但原來釀料幾軟綿～➿ 鮟鰊魚肝 ($98)同樣第一次食既野有呢個鮟鰊魚肝，原來係日本既高級食材，又有個名叫「海中肥鵝肝」😆 以他他形式處理，口感細滑～➿ 鹽燒活白鱔串 ($68)白鱔既魚皮燒到脆卜卜，鱔肉紥實，充滿魚香～➿ 牛油果軟殼蟹反卷 ($78)牛油果🥑配軟殼蟹係無敵既，牛油果熟成度剛好，軟殼蟹新鮮即炸，所以整體不錯👍🏼➿ 火炙魚生丼定食 ($158)定食包括沙律同埋味噌湯～ 魚生丼配料多，特別喜歡帶子既鮮甜，同埋左口魚邊既脂香😋➿ 今鮨—— 千層海膽飯 (升級馬糞海膽: $248)馬糞海膽成為一座小山丘，而下面仲有吞拿魚蓉，同埋壽司飯，另附上紫菜，兩種高質食材，兩種食法，一次滿足兩個願望✨✨ 色澤橙黃既馬糞海膽，口感嫩滑，味道濃郁，正👍🏼➿ 抹茶蕨餅 ($28)蕨餅有軟糯感，沾滿抹茶粉，抹茶

鮨一日本料理喺荃灣、大埔、尖沙咀都有分店，之前喺大埔食過，今次就去咗荃灣廣場附近嘅分店食晚餐，食完方便我哋喺附近幾個商場行街😆餐廳位置唔算好多，牆上有塊大黑板寫住師傅嘅推薦菜式、由日本送到的刺身等🇯🇵我哋要左個火炙魚生丼定食，定食連埋味噌湯同埋沙律。魚生有帶子、三文魚、油甘魚、左口魚邊等，炙燒完好香魚油味，連同少少辣油，十分美味🤤十分推薦鮨一既招牌<<鮨一千層海膽飯>>😍海膽堆到一層層成座山咁，仲附上紫菜俾你夾住食，啖啖鮮甜海膽，我哋仲升級左做日本馬糞海膽，下面仲有吞拿魚蓉同埋壽司飯，正到呢😍另外仲叫左幾樣野食，前菜既子持魷魚筒好特別🦑啲魷魚鬚同埋卵係魷魚筒入面，都係第一次食。牛油果軟殼蟹飯卷十分足料，好啱share 食！鮟鱇魚肝口感細膩潤滑，配上多士食都唔錯😋🔸火炙魚生丼定食$158🔸鮨一千層海膽飯-升級日本海膽$248🔸鮟鱇魚肝$98🔸子持魷魚筒$78🔸牛油果軟殼蟹反卷$78🔸鹽燒活白鱔串$68🔸日本芝上蛋糕$32🔸綠茶蕨餅$28🔸信洲蘋果梳打$35🔸信洲白桃梳打$35📍#鮨一日本料理 (#荃灣美食)荃灣大壩街79號地舖➡️𝗙𝗼𝗹𝗹𝗼𝘄左我未啊😚跟住我

老公未食過呢間想試下，本身以為好遠，原來系正荃灣廣場對面，都算方便。8點半去到都幾乎坐滿人，試下叫左碟鰻魚壽司，睇外表平平無奇，點知一食落口「sharp」一聲🤣好香脆好好味😋🤤 到老公依呢個香蔥拖羅壽司，佢大讚好味😋份量都算足料！至於三文魚同火炙三文魚壽司，我認為三文魚壽司比較好食，因為肉質較鮮甜及厚身，相對火炙有咬口。見到隔離台叫到成台都係海膽先知原來呢度有限時海膽set，價錢係貴左少少但都幾吸引我下次一試！

也不是第一次光顧,每次都能保持水準,今次先來一個魚生刺身盆,包括有剝皮魚、深海池魚、bb鯛魚、牡丹蝦和厚切帶子、全都很鮮味,另外更柯打了兩隻日本珍蠔,超大隻爽口,另外一款辣酒煮廣島蠔,蘿蔔和蠔都很入味,串燒方面,叫了厚切鹽燒牛舌串和燒鮮冬菇,配上白桃梳打和熱情果梳打,簡直絕配,意猶未盡再叫了一客定食,有六款壽司和三文魚、甜蝦、八爪魚刺身,更包括:麵豉湯、沙律和螺肉小吃,認真抵食,最後的甜品,也令人有驚喜,他的芝士蛋糕和綠茶蕨餅,不太甜,好清新,令這頓晚餐有一個完美的結局。

荃灣居酒屋和各類日式食肆多不勝數,個人較喜歡這間日式店,因為舖面不大,有份親切感,而且價錢也很親民,今天就是幫襯他做緊promo的日本珍蠔,半價只賣44蚊,成隻手板咁大,鮮味無窮,值得捧場,當然也不光是捧場他的半價食品,首先order了一個小吃,富山灣螢光魷魚,份量十足,再柯打了一個六貫木配三式刺身定食,有六款不同口味的壽司,再加甜蝦,三文魚和八爪魚刺身,認真抵食,串燒方面,叫了厚切鹽燒牛舌串和燒鮮冬菇,經濟抵食,另外廚師推介的辣酒煮廣島蠔,很入味,大大隻也不過70多元,就是這樣就過了一個滿足的晚上。

接老婆收工上網見到呢間嘢評價好似幾好 於是入嚟試下 到埗時間尚早仲未有好多嘅客人入嚟 環境都算唔錯 叫咗個魚生飯同海膽飯 啲海膽完全不知所謂 難食到一個點 個味道係超級苦 完全唔係新鮮 可一不可再 魚生飯 都唔係新鮮嘅 三文魚嘅顏色好似擺咗好耐 性價比極低

成日經過都見到有唔少客嘅鋪頭今次就試下佢閒日夜晚8點幾入去 4枱客坐普通枱得返吧枱唔緊要啦 坐落都幾舒服嘅居酒屋Menu嚟講 款式數量正常壽司清楚講明係一件嘅價錢有刺身 手卷 燒物 料理 茶漬飯 Sake menu自成一本叫左牛油果蟹籽沙律清酒煮蜆三文魚籽日本海膽丼 （跟味增湯同沙津）燒油甘魚茶漬飯壽司就叫左 火炙三文魚腩劍魚腩甜蝦蟹膏北寄貝油甘魚腩牛油果蟹籽沙律 正常野 無太多comment 係牛油果比較少 同可以熟d壽司係好味嘅 材料新鮮刺身丼我就有少少疑惑嘅明明menu係寫住（三文魚籽，日本海膽）但上到嚟 有埋其他海鮮角切 同螢光魷魚 不過$198 如果滿碗三文魚籽加海膽又真係無咩可能嘅而且味道係好味 飯同刺身中間有黃蘿蔔粒同紫菜碎增加左口感 清酒煮蜆都係驚喜嘅 味道唔太濃 有清清地嘅酒香 個湯底係你會想飲埋個種全餐唯一覺得非常失望嘅係茶漬飯叫嘅時候講左 紫菜分上 （因為我自己唔食得紫菜）上嘅時候 紫菜片係分上 但成個飯都淋滿紫菜😵 飯面就係一粒2cm X3cm x1cm 嘅煎魚粒分上嘅茶壼 裡面係抹茶粉沖水倒落去 就好似抹茶粉加水加白飯賣相已經灰左 食一啖已經唔想食本身我係

餐廳環境尚算滿意，味道還可以，但製作過程真心太唔衞生，整餐前沙律侍應啱啱執完枱，對手求其冲吓水唔帶手套又唔用工具，就用手執沙律，其實見到都唔敢食🤮🤮另一個壽司師傅做嘢時冇帶口罩感覺唔係咁好，咁基本常識都欠缺🥱🥱刺生新鮮度還可以不過有D似去食超市買嗰D，但製作過程真係要留意吓，明知坐吧枱位客人會見到都咁Hea,我自己應該唔會有下次🫣🫣

晏晝去荃灣鮨一食lunch💛💛💛佢午市套餐有好多選擇😚最平幾十蚊都已經有個餐包前菜麵豉湯同埋沙律😍😍我哋一行四人叫咗3個壽司六貫目配烏冬同埋壽喜燒牛肉飯😳同埋佢加半價就可以叫日本嘅梳打好抵😙😙😙壽司好新鮮😳特別係帶子一定要讚👍🏻👍🏻👍🏻烏冬食得出係日本嘅讚岐烏冬❤️然後個壽喜燒牛肉飯都非常出色😋四個人埋單都係三百幾蚊😽除返人均唔使$100😉👏🏻我覺得算抵食呀同埋啲食材新鮮😋😋