Video
Read full review
2021-12-20
814 views
將軍澳海邊嘅一個商場有一間新開嘅日本菜，見到佢嘅午市套餐都幾抵食，前幾日過開將軍澳，見到呢間餐廳，就入咗嚟食。松 •七本時令壽司 小卷三本 $188呢個餐包左沙律、茶碗蒸、安格斯牛肉烏冬、一款卷物同埋七款時令壽司。因為我地坐左喺bar檯，所以師傅會喺我哋面前整壽司，仲會將壽司逐件逐件上，加上講解，好似去咗食Omakase咁，感覺好抵。壽司分別有以下幾款：象拔蚌壽司上面加咗少少柚子皮，可以直接食。食落口好爽口。白子壽司經過加工處理之後就唔會腥，用左Sake去浸，之後加薑水，再燒到半熟狀態，食落似豆腐花口感。鰤魚腩壽司到左冬天，又係時候食返啲肥美啲嘅魚。鰤魚其實係野生油甘魚，比一般油甘魚肥美。今次用左正腩位，食落油脂感好豐富，一啖食落口好滿足。吞拿魚醬油漬壽司上面加左紫蘇葉，有種淡淡嘅清香，可以帶出吞拿魚嘅味道。火炙右口魚邊壽司燒過之後依然好肥美，好食。海膽壽司味道鮮甜。大拖羅壽司有輕輕燒過，食落有入口即化嘅感覺。碎蔥吞拿魚腩手卷吞拿魚蓉嘅份量好多，咬落啖啖滿足。安格斯牛肉烏冬烏冬口感彈牙。關西安格斯牛肉壽喜鍋 $118至於朋友就叫左呢個壽喜鍋嘅lunch set，同樣都係有沙律同埋茶碗蒸
松 •七本時令壽司 小卷三本 $188
呢個餐包左沙律、茶碗蒸、安格斯牛肉烏冬、一款卷物同埋七款時令壽司。因為我地坐左喺bar檯，所以師傅會喺我哋面前整壽司，仲會將壽司逐件逐件上，加上講解，好似去咗食Omakase咁，感覺好抵。壽司分別有以下幾款：
象拔蚌壽司
上面加咗少少柚子皮，可以直接食。食落口好爽口。
白子壽司經過加工處理之後就唔會腥，用左Sake去浸，之後加薑水，再燒到半熟狀態，食落似豆腐花口感。
鰤魚腩壽司到左冬天，又係時候食返啲肥美啲嘅魚。鰤魚其實係野生油甘魚，比一般油甘魚肥美。今次用左正腩位，食落油脂感好豐富，一啖食落口好滿足。
吞拿魚醬油漬壽司上面加左紫蘇葉，有種淡淡嘅清香，可以帶出吞拿魚嘅味道。
火炙右口魚邊壽司燒過之後依然好肥美，好食。
海膽壽司味道鮮甜。
大拖羅壽司有輕輕燒過，食落有入口即化嘅感覺。
碎蔥吞拿魚腩手卷吞拿魚蓉嘅份量好多，咬落啖啖滿足。
安格斯牛肉烏冬
烏冬口感彈牙。
關西安格斯牛肉壽喜鍋 $118至於朋友就叫左呢個壽喜鍋嘅lunch set，同樣都係有沙律同埋茶碗蒸，仲有一碗白飯。茶碗蒸蛋香濃郁。
三文魚牛油果他他杯飯 +$38Lunch set加配呢個只需$38，牛油果同三文魚嘅份量都幾多，幾抵食。
木村信州限定汽水 +$32Lunch set加配就$32。今次有番茄味、士多啤梨味同埋波子汽水揀。士多啤梨味嘅汽水都幾少見，所以就試下。又幾好喎，唔會太甜，士多啤梨味都幾出。
為食嘅我地又散叫多左幾樣野食。北海道右口魚壽司 $35
上面有牙蔥同辣嘅柚子，調返右口魚本身比較淡嘅味道。
富山白蝦壽司 $48上面加左自家制嘅海膽蛋黃粉，味道會偏甜少少。
九州油甘魚壽司 $28上面加左少少梅子醬，酸酸甜甜好開胃。
黃金松葉蟹肉壽司 $32撈左自家制蛋黃醋，有少少微酸，亦帶有蟹味。
玉子壽司 $12呢個玉子燒好特別。用左魚、蝦同埋植物撈埋雞蛋，再焗，冇撈任何麵粉但食落都好似蛋糕咁嘅口感，師傅話呢個其實係傳統嘅做法，幾值得一試。
軟殼蟹卷(4本）$88軟殼蟹嘅份量唔少，有埋牛油果、青瓜同蟹子，食落幾豐富。
賀天招牌卷（3本）$68招牌卷上面有一塊鰻魚，入面有牛油果、蟹肉同玉子燒等，好味。
日本黑豚肉萵筍 $45黑豚肉嘅味道好香，薄薄嘅一片包住清新嘅萵筍。
法式鵝肝 $98一片厚厚嘅鵝肝淋上黑醋汁，連埋竹炭多士一齊食，好肥美，咬落去爆汁咁。
伯爵茶千層蛋糕 $38性價比幾高，為呢餐作一個好嘅結束。
Post
