賀天

Open Now

Now Closed

第一次黎賀天呢間日本餐廳食飯，今次黎慶祝母親節🥰入到去之後到完餐，服務態度很好，店員都十分幫忙，安排咗榻榻米房俾我哋。環境舒適，都乾淨，同屋企人一齊食，感覺幾好👍🏻好有氣氛！食物黎講，都算可以啦。我哋無叫套餐，都係單點，4個人食最後埋單hkd$1700左右，比想像中貴。先黎嘅有2份前菜，餸下啤酒不錯👌🏻刺身同壽司算新鮮，價錢唔係貴，但質素比外面食的一般。我哋有叫到燒牛舌，反而幾岀色😛仲有叫和牛炒飯，我哋都覺得係全部食物入面最好食的🤣雖然有啲咸，但熱辣辣咁食，十分之好味😋

我今天去咗一間日式餐廳，試咗佢哋嘅三色刺身丼。這道菜式係由三種不同嘅生魚片，即三文魚、吞拿魚同埋甜蝦，配以白飯、海苔、醬油同埋芥末而成。首先講講壽司飯，我覺得飯的口感比較緊實，但有啲偏硬，可能因為我本身喜歡較軟身嘅飯，所以有啲不習慣。不過，飯粒都煮得恰到好處，不會太硬或太軟。至於生魚片，三文魚同甜蝦都新鮮，質量都好，而吞拿魚就有啲普通，質感有啲粗糙。但係，我覺得呢個菜式嘅優勝之處在於三種魚片嘅調味，因為唔會太鹹或太淡，食落味道平衡，而且加上啲芥末，更增加啲風味。不過，我都想提返意見係啱啱嗰啲配料嘅份量好少，只有一啖啖嘅份量，有啲令人失望。同樣地，醬油同芥末嘅份量都少咗啲，可能需要要求服務員加多啲嘅份量。總括而言，我認為三色刺身丼係一個不錯嘅選擇，價格合理，味道平衡，但啲配料同份量可以再加強啲。如果你係魚生愛好者，你可能會喜歡呢道菜。

唔知係咪因為坐室外，我哋點了一客爐端燒牛肉套餐，每隔五分鐘爐下面嘅酒精塊已經得返一點火焰，根本已經不能再煮食。食左一個鐘左右，已經無火左四次，每次要求更換都要等五至十分鐘先有人過嚟換。可想而知啲牛肉由浸油再吸返曬d油變成乜嘢狀態。仲要每次都只係肯換半塊酒精塊。我哋曾要求可否多一點酒精塊或大塊一點，唔使每舊肉都未熟又要再換，但待應卻無視。其中一次要求完更換後，待應掛住同另一張枱落單，完全忘記咗我哋既要求，直至要再襟鐘先有人記得。好啦，到第四次，同個待應反影想搵經理講吓個情況但完全冇理我哋。再襟鐘另一個女待應走埋嚟，我又問佢可唔可以搵經理傾吓？佢話今日冇經理。咁我就直接同佢反映個情況，話俾佢聽啲火根本就唔夠力燒啲牛肉，每嚿肉未燒熟已經要換酒精塊。佢竟然答我，呢啲爐端燒碟傳熱係冇咁好。真係激死！講緊嗰火嘅問題，佢答我隻碟！人哋個設計原本就係可以燒熟啲牛肉，只不過係佢個火力唔夠，又遲遲唔更換先會有咁嘅問題！跟住個待應仲要話其實佢已經問咗同事，嗰幾次更換既時候，都仲有火。我答佢，火柴咁大嘅火吖嘛，點燒呀？！啲肉已經完全冇晒反應，完全唔係喺一個煮食嘅狀態！佢講左句唔好意思就走左。個時我d 肉都未食

這天和朋友到賀天吃午餐，平日午餐定食款式好多，熱食和刺身都有，價錢由$100至$300左右。我們選擇了牛肉壽喜鍋套餐，另外散叫了五款壽司，剛好餐廳有買一送一優惠，非常抵食安格斯牛肉壽喜鍋：這個套餐其實還有前菜沙律和茶碗蒸，壽喜燒好足料，牛肉和蔬菜份量都好多，材料都新鮮，湯底好甜 壽司買一送一：我們點了油甘魚、火焰右口魚裙邊、三文魚子、玉子和北海道海膽，全部都好好味 特別推介玉子壽司，因為質感好特別，好像海綿蛋糕的口感，蛋味濃郁 另外油甘魚和右口魚裙邊都充滿油香，每次食壽司都會點 北海道海膽亦非常鮮甜，份量好多，買一送一真是超值兩個人埋單連加一只需要$365，大滿足，相信好快又會再過來 encore

炸野超厚粉，可以同黃夏惠比過，真心難食。蠔仔鍋正常有好多隻冇味蠔同大量娃娃菜相伴。經歷完上面既野，最後魚生飯冇晒心機影，啲飯落左好多壽司醋，酸到好怪，魚生係正常。餐廳裝修同環境真係唔錯，真心搞下個廚房，唔好浪費左個位。

賀天這間日式西餐廳環境頗舒適，而且裏面有兩間大房可以坐榻榻米，和家人一起來吃，環境感覺新鮮又有趣，而且家人在一間日式房內進食晚餐，吃飯談天，非常好氣氛！食物都非常高質素，先來的刺身都是非常新鮮，而且有不同款式的壽司，作為前菜都是十分不錯的選擇！我們甚至點了燒牛肉，他會提供一個小爐讓我們自己燒，材料新鮮，燒後都是非常入味👍🏻假若帶同小朋友去，都不用擔心，因為他們都有很多美味的拉麵、烏冬等提供，小朋友都非常適合❤️❤️❤️

香港有很多新派日式居酒屋，日式料理款式選擇多元化，基本上你想得到的日式料理都有，種類之多，日本當地的居酒屋也及不上。歸根究底，香港的日式居酒屋其實已經超出居酒屋的範疇，更正確地說，已經是一間綜合日式餐廳。【賀天】也是其中一間。採用淺色木材作為主要裝修材料，加上天花的日系風格圖案，突顯了居酒屋嘅裝修風格。靠近門口一邊又有三間榻榻米個室，加重了東瀛風味。秋冬時分，如果碰巧室外有陽光、又沒有海風，露天長廊的座位區也是一個相當不錯的選擇。打開餐牌，差不多每款日式料理都有齊。雖然每種料理的款式選擇不多，但已夠花多眼亂，如果有選擇困難症，也要考慮一段時間才能決定。六本壽司拼海鮮太卷（$168）採用赤醋飯制作壽司，食材分別係三文魚腩、帆立貝、中とろ、火炙左口魚裙邊、熟蝦及油甘魚。壽司外型幾好，食材新鮮度及味道方面亦相當不錯，固然好吃過迴轉壽司店，亦好味過很多同級居酒屋。太卷的食材也不差，除了漬蘿蔔、青瓜及玉子之外，亦有其他魚生，但就冇必要地加入人造蟹柳，影響了太卷的級數。未試過在居酒屋吃過真正好味的日式拉麵，今次也沒有例外。鹿兒島雞白湯拉麵（$118）的湯底竟然呈現啡色，同雞白湯完全無法聯想有任何關

新年菜單没有图片, 點了壽喜鍋及燒活鳗鱼飯. 壽喜鍋没配白飯, 鳗鱼飯没蒸蛋而且鳗鱼也不新鲜, 埋單價錢是平日差不多两倍, 店家菜單玩嘢, 不老實, 勁失望, 以後不会再幫襯.

將軍澳新開嘅日料，味道比想像中好，環境又幾靚，價錢都算親民絕對cantry🫶🏻。室內有榻榻米和室位，室外坐露天位吹下風一樣咁chill，好啱家人聚餐呢😝。✏️美國牛小排壽喜燒鍋 $188 🍎8/10湯底甜味更重一點，牛小排不算非常嫩滑，使用日本蛋嘅緣故，味道並唔腥，配菜嘅大蔥、金菇、蔬菜都屬正常發揮，配珍珠米飯很飽足，美中不足係冇一個爐熱住🥹。✏️軟殼蟹卷 $88 🍎8/10軟殼蟹很酥，外層嘅蟹子很鮮脆，包住青瓜絲同沙律醬，簡單的配搭已經很fresh，✏️賀天卷 $68 🍎8/10賀天卷以燒汁鰻魚做topping，包住牛油果、香甜燒玉子同蟹柳，炙燒的味道很重很香，魚肉頗滑，唔會食到成口軟刺，大滿足❤️。✏️燒牛舌 $58 🍎10/10大推哩個牛舌，一啲都唔韌，外脆內軟滑，超級惹味香口。✏️露荀豚肉卷 $48 🍎6.5/10豚肉較薄，露荀有點過淋，同牛舌比大相逕庭🫡。

將軍澳真係多餐廳到食唔晒😜次次放假過黎又人多車多，揾到呢面嘅停車場係冇乜人嘅，所以通常泊呢邊揾食再行下新世界超市同Donki今次試下呢間有海景又裝修仲好新淨嘅日本餐廳，竟然星期六日都有lunch set，睇個價錢都幾抵食，都係$100頭咁樣，選擇亦都有好多，有刺身、壽司、天婦羅或者壽喜燒🍤天婦羅蕎麥麵去親日本餐廳都會叫天婦羅😆我覺得天婦羅整得好食嘅話，其他嘢都應該唔差，因為天婦羅嘅技巧比較多😁呢個天婦羅有兩隻蝦、冬菇、南瓜、番薯，份量算係幾多，炸粉好薄同埋好脆，上枱嘅時候熱辣辣，隻蝦size正常，肉身彈牙，都新鮮嘅，其他蔬菜都整得好好，餐仲有沙律、蒸蛋、麵豉湯，好飽飽總括來講呢間餐廳係幾好食，要讚下佢嘅餐具都好靚，下次嚟試吓夜晚set😋

Food is ok but what's the point when your mood is affected by some terribly poor services? Never have I experienced this anywhere but the waiter actually grabbed my daughter by her shoulders to sit her straight just because she was moving about and pushed her chair back! My wife who is normally calm as a tree actually went up to confront with the waiter. Service is appalling to say the least!

餐B圖片有赤貝，食日本餐多年，簡單以為會有赤貝，怎料原來是沒有。店主表示有「圖片只作參考」字句！求智慧，這構成誤導嗎？如果有機會誤導我這愚人，懇請店主改用其他圖片！明天也會問問消委會的意見！

將軍澳海邊多cafe好多人都知，其實除左cafe仲有好多選擇，今次介紹的呢間日本嘢好高質，午市價錢仲好合理！放假好多人會帶埋🐶坐戶外，好chill！好彩仲會可以坐到榻榻米房，環境唔錯😝 每個set都會有沙律、麵豉湯同茶碗蒸😍 滑嘟嘟的蒸蛋入面好足料！-✅✅朴葉蒲燒鰻魚丼。呢個鰻魚係我暫時覺得最好食同埋性價比高的😚‼️佢厚肉大塊，肉質嫩，入口冇腥/泥味，色澤夠深🤩(平時好多都係比平價鰻魚…) 呢個真係食到鰻魚的肥美，仲有炙燒的味道，連我媽好高要求的都話超水準！飯粒分明，帶小小朴葉味，鰻魚汁唔會太多，鹹到剛好😋 超水準！-✅六本日替壽司+安格斯牛肉烏冬。當日6款都係我鍾意😬吞拿魚腩冇筋肥美，三文魚紋路都幾好，甜蝦都有2隻，有膏🤓仲有我好愛的燒左口魚，油脂滿滿😌 唯一正常的係油甘魚有啲腥同埋個黃金蟹肉有啲腥所以一般。牛肉烏冬唔錯，鰹魚湯底好甜，烏冬用左好似真打個隻凍烏冬，煙韌！牛肉就正常。-整體好滿意的午餐！唔算好貴，但質素好好環境又好😎 近我所以會再去🙊

久違的晚市堂食，選擇了海天晉匯的賀天。由於已訂座，所以入座速度很好，職員服務態度很好，期間職員亦有主動提出內設房間。原打算坐在外邊自園景，但考慮到天氣開始熱，而且外面還是草地，沒有太多景觀，最後選擇了房間。整體餐廳內環境一流，而房間內亦非常整潔。房間內設置按鈴，方便食客通知職員點菜或加水或其他查詢，而又不失私隱。房內隔音很好，座位亦很舒服，而且上菜速度合理，所有食物的味道都很好，比較下，價錢的性價比屬中上。

平日去呢度係ok, 復活節假期去，第一次見佢滿座先發現佢啲service 咁差。啲客人走晒，啲枱吉晒又唔安排人入去。門口乾等的客人問佢就話執好枱。成三分二枱都吉左你都唔執？其實我見到根本就唔抹左枱淨係爭擺枱啲人路過以為好位可以walk in, 又有其他人路過以為係唔係兩點鐘下午茶要一次過安排入座得一個人做reception ，但佢又要上菜又要執野又要派飛又要叫飛又要帶位行到埋去個reception 想叫飛個陣又有walk in 客以為有位想walk in. 由我見到二分一枱吉左開始要等25分鐘先坐到入去離晒譜😡😡😡😡