銀座炎蔵燒肉

Open Now

Now Closed

荔枝角D2place 日式燒肉探店🤤銀座炎藏燒肉set lunch都$140-200，真真正正和牛燒肉仲可以追加食物，特式水果梳打環境正到爆，舒舒服服嘆個午餐🫶🏻set lunch 有湯、沙律同泡菜提子🍇梳打，別有一番風味和牛極致豆食（三款和牛）$：248真心好掂，入口即溶，充滿油香👍👍👍和牛上等肋肉$198比起極致和牛，分別不同的部位，也有另一種口感同油脂回甘追加牛舌龜之甲看得見的嫰滑和牛仲有大量清酒，真係好似去咗一𨍭日本添😹😹

我哋今日book左7點兩位 一到門口 明明見到有個應該係接客位嘅位 我哋到咗之後竟然冇人接我哋 仲以為未開 入到去更過分係見個職員企係收銀處度睇手機 叫左聲先應坐低叫左個二人餐 肉質唔錯 幾鮮嫩 呢個價位差唔多 肥同瘦都有 乜都有得試 燒緊嗰陣都唔易痴底 幾易燒 份量就。見仁見智 可能我哋比較大食服務態度方面 就真係有問題 邊位同事就唔多講 估都估唔到呢度嘅男同事服務態度仲好過女嘅 嗰位同事態度差到又冇禮貌 同好似唔想做咁 趕住收工咩 歪口歪面 黑口黑面 我問佢嘢嗰陣佢好冇耐性同埋唔樂意幫手 唔係咁舒服囉 希望佢哋個主任可以培訓下個員工 唔係嘅話就算啲嘢好食咁服務態度 邊個會食總括呢間餐廳嘅肉質還好 都出色 環境唔錯 有啲音樂 但服務態度要改善

最近去咗呢間好似好高質嘅餐廳 整體嘅用餐體驗都有啲唔滿意嘅地方首先，就係呢間餐廳嘅價錢 佢嘅價錢真係貴 份量又唔夠 有啲失望其次 就係服務態度嘅問題 特別係一位女同事 佢嘅服務態度真係差到爆 又冇禮貌 對待客人嘅態度勁冷淡 唔好嘅服務態度真係影響整體用餐體驗 搞到我對呢間餐廳嘅整體印象大打折扣畀咗咁高價錢 份量又少 同埋員工服務態度差 我好肯定唔會再去呢間餐廳 希望佢哋可以認真聽取顧客嘅意見 改善呢啲問題 麻煩加強員工培訓 我見之前啲評論已經麻麻哋 完。

今日係同老公嘅周年紀念日，咁梗係要食返啲好嘢啦，千揀萬揀，花多眼亂嘅情況之下，今次揀咗位於喺荔枝角嘅銀座炎藏燒肉，係未有去日本旅行嘅情況下，呢個都係一個好好嘅機會食嘆下日本美食！呢度環境都幾大，好多卡位，坐得好舒服，好彩我哋早嚟，所以都唔使點排隊！炎藏和牛極致六點拼盤，可以幾款牛肉部位都試吓，其中我自己覺得和牛肋肉係最好食，牛味夠重又唔會好肥膩！之後我哋仲叫咗個厚切牛舌芯，有三大塊，味道唔錯，但又未算好驚艷！之後我哋仲叫咗個石鍋和牛牛肉拌飯，賣相都幾靚！大大碗，好啱飯桶食！最後我哋嗌咗個3.5牛奶軟雪糕作結！整體嚟講成間嘢都好好食，特別日子過嚟食，真係一個唔錯嘅選擇！下次會再嚟食其他嘢！成個menu都好多選擇!好想試曬咁多樣！

海鮮、和牛，非常高汁！！！！荔枝角D2 place 高汁日式燒肉餐廳我哋叫咗2個唔同嘅lunch set 有幾款牛肉試，其實都唔知邊隻打邊隻啦😂款款都咁正，其中一款仲要入口即溶如果冇記錯，應該係L4個款和牛霜·赤燒肉🏖️午市餐單🏖️🔸L1和牛極致定食（3種）$248✨定食前菜🔸L4 ENZO和牛霜·赤燒肉定食$168👍✨定食前菜🔸海鮮三味$188✨魷魚、帶子、蝦，最鍾意係蝦，勁大隻又彈牙😛🥤菠蘿乳酸梳打+$22🥤草莓番石榴乳酸大打 +$22圍巾 $0✨Btw D2place 市集位置搖身一變，變咗免費嘅乒乓球場🤣🤣🤣唔知係咪星期六日先會變返市集～～有趣有趣！補充番，Lunch set $98起，食平啲食貴啲都有得揀！丼飯、燒肉都有🍛🍱🍢🍢🍢@ginzaenzohk 🥓銀座炎藏燒肉🥓

朋友係荔枝角附近學完日文🇯🇵，話好想食燒肉😋，但係又唔想去咁遠，好彩最後搵到間係附近，網上評價又唔差嘅燒肉店，咁就一於去試下先😆。銀座炎蔵燒肉，顧名思義係嚟自日本🇯🇵銀座嘅燒肉店，除咗用日本A4黑毛和牛外，更加用咗日本🇯🇵燒肉專用網，完全可以享受高質燒肉😍。由於我和朋友都有選擇困難症😂，今次唔好煩，一於叫個2️⃣人餐就算😆。銀座炎蔵二人前 $938前菜：白菜辛奇泡菜🥬唔算辣🌶，就咁食有又得，包住燒好嘅牛肉🐂食亦得。炎藏沙律沙律菜🥗好新鮮，上面放咗我至愛嘅魚乾仔，口感豐富😋。上等牛舌牛舌有6️⃣塊，全部大大片🥰，口感Q彈，肉汁豐富，牛味香濃🤗。炎藏和牛4️⃣點盛🌟和牛笹身油脂分佈平均，牛味濃郁🥰。🌟和牛內腿肉肉質柔軟，油脂較少🤗。🌟和牛唐辛子肉質爽口，有香甜味道😋。🌟和牛三筋肉肉質軟嫩具彈性，香甜多肉汁😍。虎蝦(2️⃣本)2️⃣隻虎蝦🦐大大隻，肉質肥厚、鮮味十足🥰。和牛咖哩飯日式🇯🇵咖哩味道偏甜，唔會好辣🌶，和牛🐂肉質軟嫩多汁，整體十分惹味😋。檸檬雪葩🍋酸酸甜甜，作為飯後甜品最適合不過。本身個餐係會送支Sparkling Wine🍾，但係由於我地兩個都唔飲酒，所以改咗兩杯特飲🍹。巨峰提子🫐乳酸梳打白桃乳酸

天氣轉涼，就係時候食返啲燒肉暖胃啦！銀座炎藏燒肉推出極致享受嘅和牛極致定食(3種)，絕對係肉食愛好者嘅最愛🌟！包括和牛笹身、和牛鞍下同和牛羽下，定食仲包埋麵豉湯、沙律同白飯～大滿足😌另一個lunch set一碟包括和牛霜降、赤燒肉定食。另外，海鮮三味，每一款都帶嚟獨特嘅風味同質感，絕對令你嚐到上等嘅海鮮🦐🦑滋味！⁣⁣❣️ 銀座炎藏燒肉現推出限時優惠，只需$188就可以品嚐到和牛霜降同赤燒肉定食，絕對係超值優惠！快啲嚟試下啦！⁣⁣⁣⁣銀座炎藏燒肉嘅和牛極致定食(3種)外觀金黃誘人，肉質鮮嫩多汁，每一口都帶嚟濃郁嘅和牛香氣，令你味蕾感到無比滿足😍！肉質嫩滑，口感好好嘅和牛霜降，赤燒肉定食嘅醬汁入味，加上新鮮嘅海鮮三味，每一款都帶嚟獨特嘅風味同質感，絕對讓你一試難忘！⁣⁣📣銀座炎藏燒肉和牛極致定食(3種)⁣、ENZO和牛霜降同赤燒肉定食📣限時優惠：只需⁣$248, $188📣詳情請到店內查詢⁣⁣⁣⁣⁣⁣🍽️ 餐廳名稱：銀座炎藏燒肉⁣📍 地點：荔枝角長義街9號D2 Place一期3樓302號舖🕑 營業時間：11:30 - 15:30, 17:30 - 22:00💰 人均消費：$200

餐廳是日本東京銀座的人氣燒肉店 主打日本A4黑毛和牛及其他稀有部位 若然希望品嚐多個和牛部位 選擇拼盤便最適合不過 .多款和牛中較喜愛友三角和羽下的部位 友三角是油脂適中的霜降牛肉 一頭牛中只能取得十人份量的稀有部位 油花細膩豐盈 脂肪比例相對其他部位為多 濃滑的口感令人回味無窮 .羽下是肩肉中霜降分佈最美的牛肉 口感柔軟 外表呈現細緻的紋絡 油脂分佈平均 在口中呈半溶狀態 上肋肉具有濃郁的牛香 肉質軟腍 擁有豐富的肉汁和鮮美的口感 .龜之甲則位於和牛內腿下側的赤身部位 肉質有點紮實 油脂少而富嚼勁 .除了拼盤外 也點了數量限定的里肌芯部位 桃紅色的肌肉間鑲嵌著細碎的白色脂肪 肉質柔軟 炙烤後肉汁飽滿 焦香四溢.黑毛和牛的魅力無需多言 脂肪因高溫而融化而散發的肉汁精華 實在難以抵擋那瀰漫在空氣中的肉香💆🏻‍♀️.▪️炎蔵和牛「極致」6點拼盤 | $588▪️和牛里肌芯 (數量限定) | $268

唔知點解個個食評都話佢好高性價比，但係我覺得勁低😮‍💨評分係根據性價比🫡炎藏和牛極致六點拼盤 💰588 ❤️‍🔥4/10分和牛肋肉 3枚🥇有油脂得嚟唔膩，牛味最重🥰和牛友三角 3枚🥈油脂分布適中，厚身，有牛味😍和牛羽下 3枚🥉最油膩，但口感柔軟，都可以一試嘅😉和牛內腿肉 3枚🦵🏻 & 和牛龜之甲 4枚🪖偏嚡，牛味唔重，普通牛柳feel🫠和牛鞍下 4枚🐂薄片，比肋肉油膩，牛味唔重，無特別😕OS：雖然望落好似好好食，但除咗頭兩個之外，其他真係普通，唔值依個價🫥厚切上等牛舌芯 3塊👅 💰138 ❤️‍🔥6.5/10分厚實有嚼勁，有牛味但唔算重🥸魷魚🦑 💰68 ❤️‍🔥8/10分原條魷魚先💰68 仲要彈牙好咬口🤤OS：喺燒肉店竟然係魷魚最高性價比，可見佢啲肉真係好普通🥴（重要嘅嘢講兩次）服務其實都無乜，食哂3碟嘢都無人收，茶只係fill咗1次😶⚜️兩人食 要加一 💰873.4⚜️整體性價比 4.5/10分

從未試過咁伏，1個$938和牛拼盆，4種和牛每種得3塊，仲要切到紙簿，加埋去好似好大塊和牛又係紙咁簿。加埋都唔知有冇100g。味道係得其中1種牛好啲，有油甘味。仲有仲有跟幾塊豬加雞，份量當然非常少。啲雞肉冇雞味，鞋烚烚，啲豬肉片還好，燒起都有豬味。成個拼盆咁既價位，得1個餐前沙律，飯都冇一個，去食放題燒都好啲，起碼會飽。平時咁細食，都唔飽。一定唔會再來，埋單過千元，但要再去食第2餐。從未試過咁伏。

🥢放工約左個好耐無見既朋友見面，之前同佢行D2 place 發現原來3樓有好多餐廳，最後bookmark 左其中一間日式燒肉店，兩個都選擇困難症既情況下，揀Set就唔洗煩😆✨ 銀座炎蔵燒肉二人前前菜 + 燒物 + 食事 + 甜品 （尼個餐仲有枝Sparkling Wine送)🔸 炎蔵和牛4點盛1️⃣ 和牛笹身2️⃣ 和牛內腿肉 : 油脂少，肉質肉質柔軟，肉味濃3️⃣ 和牛唐辛子：肩部裏脊肉的核心部位，肉質爽口，食到肉的香甜味道4️⃣ 和牛三根肉：牛肩肉內後既肌肉，油脂較少，肉味突出，入口肉汁豐腴嫩滑🔸上等牛舌👅牛舌好大塊薄切，所以好易熟，爽口彈牙🔸虎蝦🦐虎蝦好大隻，而且好新鮮，肉質爽口鮮甜🔸和牛咖喱飯🍛日式咖喱味道偏甜，帶少少微辣，和牛軟腍，除左和牛仲有薯仔同甘荀🥕🔸炎蔵沙律🥗沙律配左沙律醋，酸酸地好開胃，面頭有少少魚干，令沙律更香口同口感更豐富🔸白菜辛奇唔會好辣，夾住牛肉一齊食，正👍🏻🔸巨峰提子乳酸梳打、白桃乳酸梳打因為唔飲酒關係，就轉左做乳酸梳打，🍇巨峰提子味好香，唔會好甜，🍑白桃乳酸梳打淡淡既蜜桃味，底下仲有桃肉🔸檸檬雪葩🍋檸檬味酸酸甜甜，飯後甜品解膩一流🤤

來自東京的燒肉過江龍餐廳，食物質素什高，主打和牛燒肉，又提供雞肉、豬肉和海鮮等等，選擇勁多。點了和牛極致六點拼盤，有牛腿肉和特別部位，每一塊和牛都展現了極高的水準，塊塊牛肉都有豐富的油花和極為嫩滑的口感。每一口咬下去，肉質都能迅速融化在口中，散發出濃郁的牛肉香氣。另點了和牛牛舌芯，牛舌芯肉質鮮嫩多汁厚切。除了和牛，餐廳還有提供一些其他的選擇，如海鮮、雞肉、豬肉，種類多不勝數。食燒牛肉一定要配紫菜蛋飯，配上蘭黃蛋飯，一啖牛肉一啖月見蛋飯相當滿足。

銀座炎藏燒肉以其高品質的肉類和精緻的料理而聞名。花之特盛套餐是他們的招牌菜之一，適合三至四人分享。這個套餐提供了各種不同種類和切法的肉類，包括嫩滑的和牛，美味的日本產雞肉及豚肉。沙律前菜清爽可口，為味蕾帶一點清新！夢之大地豚三味， 用咗豬唔同嘅部位，您可以品嚐到豚肉的不同滋味。日本產雞肉三味也，肉質鮮嫩多汁。海鮮三味多種海鮮選擇，包括新鮮的魷魚、蝦、扇貝等，每一款都鮮甜可口。和牛拼盤有6款特選部位，包捨和牛龜之甲、和牛鞍下、和牛三角、和牛羽下、和牛內腿肉，和牛內腿肉好特別，肉味濃有咬好，但好juicy!會encore既日式烤肉店！

前排行完D2，肚餓就入咗呢間燒肉店，仔細睇先知道原來係日本過江龍，喺東京有兩間分店～質素好好，價錢又唔算太貴😚• 炎蔵和牛「極致」六點拼盤 $588不得不大讚每款都超好食，紋路勁靚，好有真係去咗日本食燒肉嘅感覺！採用正宗日式網燒，爐溫足夠，輕易燒到外焦內嫩，鎖住肉汁！和牛鞍下、和牛肩三角、和牛龜之甲呢三歌都係薄切肉，和牛貝身、和牛笹身、和牛羽下則為厚切，各有特色。我自己就最鍾意厚切嗰幾款，更加食到和牛油脂豐厚嘅特點，入口即溶，好正🥹🧡• 日本產鷄肉三味 $188包括雞頸柳、雞腿肉同雞胸肉三個部位！雞胸肉脂肪最少，但都唔會太乾。雞腿肉連皮一齊燒，味道最香口。雞頸柳則介乎兩者之間，肉質彈牙😋• 帆立貝 $68簡單用鹽同胡椒調咗味，直接連殼燒，食落幾鮮甜🧡• 紫菜飯 $32雖然佢唔係我expect嗰種有燒肉汁喺底嘅紫菜飯，不過本身飯粒都好有米香🫶🏻

終於等到la首先當然想介紹下，呢間餐廳ge精髓炎藏和牛「極致」6點拼盤雖然見到好似都係一堆牛肉係度姐。但係其實係要分次序食的，係要由最瘦食到最肥我最鐘意第五款「和牛友三角」（即第二肥）肉質真係好新鮮，好juicy😍😍😍跟住就係想介紹下個咖哩飯覺得日本咖哩係好好食的，因為日本咖喱係偏甜，又唔辣，食上去好舒服，但又有咖哩味好正。真係想叫多份，但因為想試下唔同種類，所以之後點左和牛鍋飯另外呢間餐廳可以直接qr code落單好方便。避免左唔鐘意同人講咁多嘢ge我😊😊最後感覺環境好乾淨，好整潔。