金萊餐廳 (Closed)

🥚🥚🐷茶餐廳的黑毛豬✨性價比：7/10🍳食物：7.5/10🌏環境：8/10🕺🏻服務：7.5/10💰是次消費：人均 $ 122#蛋蛋豬 🏝地點分類: #蛋蛋豬在銅鑼灣🍰食物分類: #蛋蛋豬吃港式————————茶餐廳都能吃到西班牙伊利比亞黑毛豬，是真的嗎？！真的有呀，在銅鑼灣地鐵站出口對面就可以見到一間擁有渡假風外表的茶餐廳，明爐燒味黑毛豬叉燒就是他們的招牌菜。店舖裝修新淨，兩層高，充滿少女心的配色，突破一般茶餐廳的框框，吸引的客戶不止是中年老人，年輕一輩同時都關注。黑毛豬叉燒皇例牌 BBQ Iberico Pork ($128)鎮店之寶，西班牙伊利比亞黑毛豬，名不虛傳。叉燒肉淋身，蜜汁甘香，肥瘦適中，貨真價實，份量十足，多吃幾塊都不會膩。旁邊是秘製醃黃豆，味道帶甜，口感咬落像花生，幾好味。拍蒜黑椒炒牛柳粒 Diced Beef Tenderloin with Garlic and Black Pepper ($78)蒜和黑椒是牛柳粒的好拍檔，牛肉從加拿大空運過來，肉質軟腍，煎炒惹味。三色椒份量充足，色彩繽紛更添吸引力。三檸茶 Lemon, Lime and Saber Lemon Te

一個人銅鑼灣食飯，想揀有質素的茶餐廳， 波斯富街金萊餐廳是不錯的選擇。 新餐廳新裝修少女風， 餐廳設計粉色與墨綠的組合，卻又吸引大量男士，原因無他， 菜色款式大眾化， 食物質素高， 而且座位間也坐得舒適，就像我只來吃碗叉燒飯的人也多。點解呢到的叉燒飯 特別吸引？原因無他，金萊以矜貴的西班牙Iberico黑毛豬入饌做叉燒，天然吃橡果長大的豬入口果然是不同， 叉燒燒得燶邊不在話下，而且 脢頭中最嫩的部分，Juicy又軟滑，調味蜜味帶焦香，有肉香也有醬香，不會單單得豬油味。三檸茶去埋夏日必備三檸茶， 咸檸檬青檸新鮮檸檬，比普通 凍檸茶層次感更加豐富。

SOGO對面開咗間新茶餐廳，個招牌都幾Grand，裝修夠光猛，坐落都幾舒服三個朋友，最啱就係嗌餸食飯，每人叫咗一個餸share黑毛豬叉燒皇$128黑毛豬叉燒燒到香噴噴，叉燒最緊要要燒到有燶邊半肥瘦過肥膏唔可以太多，同埋舊叉燒一定要夠林先好食，呢度嘅黑毛豬叉燒係出色嘅台式三杯雞$78三杯雞同平時比唔辣，甜甜地啱晒大食妹口味金沙蝦球$88蝦球炸完好蘇脆，面層鋪滿咸蛋黃，香噴噴蛋黃味，即刻可以食多兩碗飯

好耐無同媽媽出黎食嘢，見到呢間主打西班牙黑毛豬叉燒，叉燒怪嘅我梗係帶媽媽一齊嚟試吓啦🙈🌟黑毛豬叉燒皇 $128伴碟係醃製黃豆，食落口感好似花生，又甜甜地，好jeng🤤叉燒相比平時街市買返黎嘅叉燒的確好食啲，肥瘦比例均稱，瘦肉紋路都可以隱約見到脂肪相連，加上蜜汁，餸飯一流👍🏻金沙蝦球 $88蝦球粒粒都好大粒，炸衣沾滿鹹蛋黃，食落啖啖鹹蛋黃味，好滿足😋🌟台式三杯雞 $78師傅配料俾得好足，炒到好香🤤洋蔥超多超香，吸埋曬啲汁，成盤配料幾乎俾媽媽食曬😂雞肉嫩滑，而且切到同洋蔥仔差唔多size又唔多骨，女士食起黎好方便💕💕三檸茶檸檬青檸&咸檸三種檸檬，飲落好多層次，先係檸檬嘅水，後面飲落就開始帶點鹹咁釣住味蕾，成個層次好得意但又係好飲，飲曬搶埋媽媽杯黎飲🙈整體質素係高，服務有禮，今次食嘅三款食物又唔差，食物水準係中上，飲品有啲驚喜🤣地理位置係銅鑼灣c出口對面，非常方便，下次經過會再試🤭

叫咗四份茶餐炸雞髀拼什果沙律 - 雜果沙律一塊入口即吐， 薯仔唔知雪咗幾耐， 應該係溶咗雪再說返無限次, 一入口有水錶出嚟. 炸雞髀非常乾, 塊皮連咬都咬唔開, 一咬成塊甩出嚟. 好似用微波爐叮咗好耐咁, 好明顯overcooked但係冇炸燶. 直頭要用叫夥記拎走費事眼冤. 其實要整到咁難食都唔係容易.炸魚片薯條 - 唔好期望有他他醬, 沙律醬都沒有, 只是跟一兜茄汁. 問佢攞沙律醬, 沙律醬少到冇人有, 放棄. 薯條係暖但係唔脆, 好似長期炸起 warm 住！ 炸魚無驚喜！豉椒牛肉炒河 - 正常水平燒味飯 - 黑毛豬叉燒要加六蚊, 味道可口, 但價錢和份量, 就見仁見智 (總是懷念蛇王二的叉燒)!

喇沙湯麵，上菜嘅樣，不單止賣相唔得，味道也不合格，勉強只可以叫做咖喱撈水，餸方面，只係得豆卜三粒，開邊，兩塊魷魚，同埋最好食就係啲雪藏蝦三粒，個面底係米線底，完全冇米粉，芽菜只係得小小幾條，不合格。唯一好處是員工態度良好。。。個Menu選擇也是少之又少，沒有晚市套餐，只有散嗌，可能個廚房未準備好，但係開得張，係咪應該要準備好個廚房先開呢？成個Menu得壹個湯麵，而呢個湯麵個湯底仲要係咖喱水撈麵，很難食。加埋杯熱飲都要$73落樓，應該係全部俾晒舖租囉。。。無語

夜晚收工後見到新餐廳決定入去試下，感覺餐廳環境好好，燒味做得好有水準，肥瘦均勻，重點係D肉上來係熱既，肉味好香。雖然價錢比出面燒味舖貴少少，但味道好會再過來食。

今日過銅鑼灣行街買啲嘢，一出銅鑼灣地鐵站C出口發現以前間翠華唔見咗喎，但就見到一間叫金萊嘅餐廳，見佢門口幾靚入面又幾乾淨衛生，見未食晏咪入去試吓囉，跟住問個待應佢哋有乜嘢好食，佢就推介話小菜炒粉炒麵燒味都係水準之作可以試吓，當時我心諗乜你答得咁行貨㗎，不過算啦，跟住我就咁就叫咗個叉燒飯食唸住填飽個肚就去行街，當碟飯上台時，個待應話我知佢哋啲叉燒係用西班牙伊利比亞黑毛豬制成，既然係咁就希望有驚喜啦，點知一入口，嚿叉燒真係又淋又夠肉香，真係好好味，雖然都要成70蚊一碟叉燒飯，不過自己上HKTV網上買西班牙伊比利亞黑毛豬都要成400蚊得1公斤，用伊利比亞黑毛豬做叉燒呢個口感同味道真係值得大家一試！

每星期都必要到銅鑼灣上堂，一般上完堂都會在附近食個Tea先回家⋯⋯今日見到新店開業，一於試吓先，大門旁邊是燒味部掛滿各式燒味食品，見到叉燒好吸引⋯⋯，入坐時間正值是下午茶時段，我們一行三人點了公司三文治、乾炒牛河和黑毛豬叉燒，餐飲試了雙檬茶。公司三文治份量足夠，材料多，乾炒牛河唔油膩，黑毛豬叉燒肉貨淋嫩，入口鮮甜，至於雙檸茶方面，朋友覺得茶味比較淡，我就覺得雙檬（檸檬+青檸）比較清香，整體來講都唔錯，下次可以試吓黎食小菜。

普通一個星洲炒米 要$6x 冇嘢飲冇湯跟呢個唔係重點開喺銅鑼灣貴少少好食都仲可以接受，重點係難食，服務態度又差，仲要等得耐。除咗地方寬敞同新淨之外，真係諗唔到有咩優點。完。。

星期六1130銅鑼灣搵間快食，見有新餐廳開唔洗排隊就試吓新嘢。一入去坐低已經發現佢唔多夠人手，但個阿姐好好禮貌又坐得唔密都幾好。1134叫左個常餐，之後見付近食客同阿姐的對話就發現又有人退食物又有人催單，已經有少少驚。大概10分鐘來杯凍檸茶，雖然都有啲慢但係味道正常嘅。其實我要食個快食因為1215就要走，本來諗住快餐九個字乜都夠啦，點知11:50仲未有嘢食咁我就問阿姐，佢話五分鐘到。1155仲未有，再催又話兩分鐘。最後12先到，即係等咗差唔多半個鐘先有嘢食。其實佢個飯幾好食賣相唔錯，不過我趕時間冇影相。快食完比錢，我見八達通唔夠錢我又只有$500紙未比$500找啦，點知咁大間餐廳$500都冇得找，咁唯有用到八達通負數啦。總結呢間餐廳食物唔錯阿姐態度幾好，但佢完全係未ready 就營業，未坐滿都做唔切，連散紙都未準備好。趕時間千祈唔好去，大把時間慢慢坐就啱你。

銅鑼灣開了間幾層高的新餐廳，燒味相當唔錯。聽説燒味師傅是酒店廚師！主打是黑毛豬义燒，燒鵝也相當juicy! 我是味菜牛柳絲 fans, 這裏用的是煎米粉底，味道非常唔錯！喜歡炸物的話，可以試椒鹽魷魚也非常出色！而飲品方面可以試吓三檸茶，檸檬，青檸加鹹檸檬，都幾消暑嘅！