金牌源記大排檔 (Closed)

耀東街 係一條有好多舊式唐樓既街道～會過去大多都係街坊居民 最多公公婆婆～呢D位置有大排檔 更加有風！右邊鐵皮屋係煮野食既地方 一路食會一路聽到炒菜既鑊氣聲 傳嚟好好好香既野食味道真正既街邊大排檔應該係甘！！雖然30幾度 食到流汗 但好正！！！椒鹽鮮魷 $98 餸啤酒好正！鮮魷大大件 肉質彈牙 幾鮮甜不過粉漿有DD多  但果種又鹹又香既味覺彌補左 好好食！薯仔牛柳粒 $98薯仔牛柳粒 好常見啦～有排好主打~佢既薯仔做得唔錯 蜜糖味幾出 食落甜甜地好開胃 牛柳粒就大大粒 都稔身 但少少鞋～脆皮豬手 ＄158HELPPPPP 成隻上～～好大碟夠3-4人食！！！豬手外皮好香脆 好惹味 又無咩油  最緊要 好多QQ 蛋白質～～即叫即整又大大碟 食得過！金銀蛋白菜仔 ＄60好抵食！真係真係好多好大碟！味道仲好好食！有好多肉碎～啤酒 $24 而食源記小炒皇 就送啤酒～感覺不錯！食物份量大 又好有風味～

冬菇亭、大牌檔呢一類民間食肆，絕對喺好多經歷過70、80年代嘅人集體回憶，更喺本土飲食傳奇，雖然，依家都仲有，但可謂賣少見少，加上一啲冬菇亭已經「現代化」，有裝修，有冷氣，都已經唔喺嗰啲要去捱吓熱嘅地方，而大牌檔亦有不少喺入鋪，比以往舒適好多。小弟晌石硤尾大，耀東街更喺求學時期嘅早餐飯堂，今晚搵嚟兩個街坊老友，聚聚舊，兼懷緬吓大牌檔風味。耀東街附近有好多舊唐樓，所以，無嚟一段日子，已經變晒，而昔日街道兩旁嘅大牌檔，依家都剩番得好少。呢晚光顧嘅「金牌源記」，位置正正晌近南昌街嘅街口。大牌炒嘢寧舍有鑊氣，亦喺好多人喜歡去大牌檔嘅原因之一，啱啱落咗幾場雨，店家亦架起帳蓬，不過，變相令到啲油煙散得無咁好，真喺不妨考慮吓加裝把抽氣扇嚟散散啲油煙。大牌檔嘅對象都喺街坊或熟客，賣嘅大部分都喺耳熟能詳嘅菜式，而佢哋亦有做埋海鮮嘅來料加工。此外，牆上亦印出一系列店家嘅推介菜式，兼且圖文並茂。覺得餐牌太多菜式唔知食乜好，就不妨晌埋推介中考慮吓。啤酒 $24雖然小弟唔好酒，但都陪老友啤一啤吓，配椒鹽類炸嘢就一流喇 。當然，除生力，仲有藍妹、青島之類，亦有汽水供應。椒鹽鮮魷 $98事不疑遲，第一道登場嘅就喺椒

某日去深水埗八仙餅家附近逛逛，斜對面条叫做耀東街有間叫金牌源記大排檔，牆上貼出相當吸引小菜相片，嘩！嘩！嘩！歷史文物啊！（大鄉里，不是成日見到大排檔食肆）望落去，街道很短，自成一角，不太多人經過，放了幾張圓枱，地方頗為清潔，盡頭是聖方濟各學校既教堂，環境不錯，別有一番風味！ 源記小炒皇 二話不說，試下另類風味先，先來過源記小炒皇，內容豐富，有新鮮既魷魚鬚，白飯魚仔，外間比較少見既咸腩肉，腰果，蘿蔔乾，當然還有九菜花（朋友話，好幼，當然幼嫩的話，是不會粗身的，他不識貨嘛！）真的惹味非常。 香脆南乳骨 跟住來個香脆南乳骨，近來豬肉貴，屋企買少左，現在補償番下，又一個香脆惹味，吃到停唔到口, 即叫即炸, 件數多, 大大碟, 而且碟底無油, 食得出師傅炸功功力深! 雞蛋焗魚腸 第三個餸是奉 行我的宗旨而叫的～屋企唔係咁易整到的登登登----雞蛋焗魚腸，這味是最後珊珊來遲，足見是幾多功夫，來時新鮮滾熱辣，吃到中段仍有輕煙裊裊，保持溫度，相信這菜式不是很多食肆有供應的😋 源記炒飯 最後叫個源記炒飯，是用新鮮魷魚，幾大只既鮮蝦，蘿蔔乾，雞蛋，飯粒蝦仔飯，是我所好，值得一讚炒是

🐱🐶特色地踎大排檔📍金牌源記(深水埗).早兩日天氣好翳焗，難得今日見無咁熱，即刻相約🐶Lucky寶寶食地踎大排檔😋嗱~「地踎」呢兩個字絕無貶義成份㗎！相反仲充滿濃濃香港情懷添😽皆因呢度全露天，吹風扇，貼地又環保♻️.簡簡單單家常便飯:🥢椒鹽鮮魷🦑($98)-魷魚都算幾大隻，肉質彈牙既👍🏻 🥢蜜椒薯仔牛柳粒($98)- 次次食大排檔比嗌🤤蜜糖黑椒薯仔皮脆餡軟，牛柳粒好入味😋🥢椒絲腐乳通菜($68)-味道唔算好鹹，一餐飯點都要有碟菜點綴下既🤗.家常小菜，飲埋罐可樂，條氣即刻「Gur」曬👹.總結評分：6.5/10番啅指數：⭐️⭐️⭐️

🇭🇰#香港捐窿捐罅記 instagram: foodkiller_dk好多人都中意去大牌檔食 因為有鑊氣 同自由自在 可以做番自己 但大家又知唔知大牌檔點解叫大牌檔 係50,60年代 政府見到香港經濟唔好 所以發d牌出去 等大家可以搞下食店 刺激下經濟🙂 而政府發果個牌 比一般食店既牌大 所以就叫大牌檔啦🙂 現今香港大牌檔主要係中環同深水埗 之後幾年前 政府又玩一牌兩制 只係比中環既大牌檔傳比下一代 深水埗或其他地方既大排檔就唔比所以少一間 就冇一間架啦 大家想珍惜機會去食 同去感受一下 香港舊時代既風味☺️今日食嗰間就係正統大排檔 連個廚房都係街邊😂 大家可以睇住佢煮👍 夠晒鑊氣 一煮完就即刻直接拎俾你👍-🥔薯仔牛柳粒🥔（$98）薯仔牛柳粒係大牌檔好常見嘅一道菜 佢嘅主角其實係薯仔 今日嗰碟嘅薯仔做得幾好 落蜜糖落得幾足 食落甜甜地好開胃 😌 但係牛柳粒就有少少失手 有少少過老過鞋😌.源記小炒皇小炒王主要係食過鹹香味 而且小炒王唔係乜嘢都炒埋一碟就係 係要有銀魚仔，魷魚 等等 嗰日食嗰個鑊氣夠 簡直係啤酒殺手👍

鐵皮屋鑊鏟火喉炒菜嘅鑊氣聲，一路食一路傳嚟各款炒菜嘅香味，呢仲先係最真正嘅街邊大排檔5D級享受再配埋啤酒，可以好真誠嘅自我豪邁完美表現梅菜嘅咸香甜味係蒸嘅過程係充份滲漏入菜芯，比起普通嘅蒜蓉炒，多幾份層次同懷舊風味要定義間餐廳嘅好唔好食，炒飯係一個好好嘅基準，飯粒油光滿滿，粒粒形狀完整，入口口感軟硬均衡，海鮮菜甫切細粒，每一啖食到飯嘅油香甜味，海鮮鮮味，菜甫咸香通通包羅哂焗魚腸已經買少見少啦，聽落似係下欄嘢，但係準備功夫唔少，魚腸每條通水洗乾淨，加陳皮姜汁雞蛋焗，焗到面頭金黃少少乾身，但蛋入面係好滑好甘香，技巧唔少㗎

今日與太太到深水埗購物，順便在深水埗晚餐，來到耀東街，見這間大排檔地道菜式非常吸引，尤其被這一排排的炸乳鴿所吸引。生炸脆皮乳鴿生炸脆皮乳鴿，炸到深啡色，皮帶少少脆，醃得很入味。椒鹽骨愛食香口鑊氣菜，又怎少得了這個椒鹽骨，份量也不少，一條條的椒鹽骨帶著啡金色，份外吸引，肉質新鮮有咬勁，香口又入味，這就是大排檔的誘惑。蜜椒薯仔牛柳粒蜜椒薯仔牛柳粒，一粒粒的一口牛柳粒及薯仔經過輕炸走油，牛柳切得一粒一口，有口感，香口又惹味。薯仔切得一件件比較大件，帶點蜜糖味，腍中帶㸃煙軔口感，與平時食薯條時的味道又有不同，感覺比食薯條更爲惹味。大排檔是香港飲食文化的特色，夠鑊氣夠味道，因為是在室外，感覺上是覺得自由舒適，對吸煙人士而言更是尤為喜愛。

這間深水埗的大排檔，每次經過都耳聞目睹哄哄的爐火聲及見到廚師炒菜，大排檔的味道一直很吸引，今日終於坐下，真正享受下大排檔的誘惑。圖文並茂的非常多菜式。豉汁豆卜蒸白鱔$148豉汁豆卜蒸白鱔，裡面有豆卜，面上有蒽花及少少辣椒。豆卜吸收了白鱔的鮮味，帶少少口感很入味。白鱔切成一件件，切得厚薄適中，調味當然少不了豆豉，白鱔新鮮帶㸃爽口，帶點鼓汁味，很惹味。啫啫通菜煲$78啫啫通菜煲，調味材料有蝦乾欲說肉碎，還有辣椒，芡汁覺得剛剛好，通菜夠鑊氣又入味。豉油皇海蝦半斤$148豉油皇海蝦，面上金金黃黃的顔色及面上帶少少焦黃顔色，已感受到此碟菜的鑊氣及味道，海蝦新鮮，帶少少新鮮的煙韌，非常香口，豉油王的味道令海蝦更入味，大排檔必食菜式。再配上個冰涼好味的可樂，更添鑊氣大排檔的美味。

住近深水埗真好，揾食有超多選擇！今日突然想食大排檔，於是便早點出發行去大排檔滿目的耀東街開餐。去到即被第一間金牌源記吸引著。今日好胃口，所以叫了三餸一飯，滿足一下肚仔。生炸脆皮乳鴿 (HKD68)乳鴿外皮脆卜卜，而肉質仍保持嫩滑、多汁、啖啖肉。本身味道已好夠；如想增加味覺，則可沾點淮鹽再食。蜜椒薯仔牛柳粒 (HKD98)大排檔最正的就是鑊氣，所以這味牛柳粒真的無得輸！脆皮薯仔配上香口彈牙的一口牛柳粒，實在回味無窮。椒絲腐乳通菜 (HKD68)菜類中我倆都喜歡通菜，這一味通菜腐乳味不算濃，但好夠薑，啖啖都有薑味跟微辣，確是另一個驚喜！源記炒飯 (HKD75)這款招牌炒飯材料豐富大大碟，有蝦、魷魚、肉粒、菜脯、蛋、菜等，啖啖都滿足肚仔，encore率極高！

大排檔最親民最地道嘅香港美食，食物大大碟，夠獲氣，價格相宜，三五知己或一大班人熱熱鬧大吃大喝，為食好友得知新開左間大排檔，立即拉埋我去試，店舖位於深水埗耀東街，尼一條小街內臥虎藏龍，間間食肆都有番咁上下水準，一於去試一下！椒鹽鮮魷，一睇個賣相已經合格，最怕食椒鹽食物炸漿厚又有油益味，尼個椒鹽鮮魷魚，用新鮮油炸得外層金黃色，炸漿唔厚之餘仲加入了一點調味，就算唔點任何醬汁，都好惹味，魷魚新鮮彈牙有口感，真係忍唔住食完一嚿接一嚿黑椒牛仔骨煲，材料豐富新鮮，牛仔骨大大塊，啖啖肉，牛脂適中均勻，不乾不太油膩，食得出非平價貨，黑椒汁調得出色，不濃不淡，加上洋蔥同青椒，中和一下啫啫通菜煲，夏天食通菜就最啱不過，通菜碧綠新鮮爽口，用上肉碎同蝦乾一起炒，味道更豐富值得一讚，尼度食材用料新鮮，一點也不馬虎之餘，每度菜嘅醬汁調得恰到好處，不稠不淡，加上價格合理，餐飲牌分類清晰，食物大大碟兼有水準，值得推介！

香港幸好還有大排檔， 仍可保留著香港特色同本土地道風味，今次來深水埗石硤尾耀東街的一家擁有香港風味的「金牌源記大排檔」懷緬一番。坐在街邊吃飯，十分有風味，我由6點半開始入坐，不到一個小時裡已經座無虛席，客人滿滿的。在大排檔必吃之選「蜜椒薯仔牛柳粒」，一口一粒牛柳，炒得夠惹味，薯仔炸香後再放洋蔥及青椒一齊炒，十分香口。「椒鹽鮮魷」都不可錯過，份量十足，椒鹽不會太咸，魷魚新鮮，煙韌易咬開，蘸上喼汁，味更有層次。「菠蘿生炒骨」經典香港小菜，生炒骨夠香口，醬汁酸甜剛好，配菜菠蘿，洋蔥及青椒夠晒鑊氣。「椒絲腐乳通菜」 腐乳鹹香， 通菜爽脆，吃小菜也不可缺少的一道菜式。

本來諗住去深水埗食嘢，行經耀東街，突然發現一個大排檔，坐低先知是新開的，牆上貼滿吸引人的菜色圖片，招呼也不錯我們兩個人坐四人枱，星期六晚上七點幾10幾張枱差不多坐滿。我們點了懷舊芙蓉蛋焗魚腸， 等候時間差不多15分鐘，上菜時附上華鹽，雞蛋表面焗到脆脆的，味道不錯。椒鹽鮮魷，顏色金黃， 十分鬆脆肉質新鮮，夠鑊氣！加上青島啤酒，碰巧天氣不算很熱，兩把大風扇放在旁邊，感覺還可以。可能由於店舖新開，似乎店員對運作不是很熟悉，但是整體都算唔錯。