金翠餐廳

Open Now

Now Closed

是, 再來試其它了.今次試原條龍脷柳餐: 味道可以的, 大大塊. 底部有薯條及少量菜.如果唔想食紅肉, 是唔錯選擇.紅湯與白湯比較, 我較喜歡白湯, 如餐包溫熱點更好.見佢中午繁忙時間都有實惠快餐選擇, 都是大大碟好低食.繁忙時間會搭枱, 但都坐得舒服的.

是兒時的味道及份量, 豬鞍扒餐: 啖啖肉又嫩超好味, 豬鞍扒下的薯菜份量充足, 燒汁又夠又好味, 再加$2蒜蓉. yummy yummy!餐包: 微溫, 如果可以熱點, 溶到牛油更好.白湯: 正常.熱檸水: 正常.甜品Jelly: 可以多花奶的, 開心.服務又好又有禮貌.

當日同男友黎到呢間專食扒既茶餐廳試試，餐廳環境係頗有特色，用了好多香港舊式裝飾，霓紅燈等等，望落有番到舊時香港既感覺，環境係唔錯，令人印象深刻。當日點了：❣️餐包包的質地軟熟，充滿麵包香❣️羅宋湯不會過酸，正常羅宋湯味道❣️牛柳 （熟度： 5成） 牛柳肉質係韌度滿分，肉質好多肥膏，亦好難切，不明為何係入口不軟嫩，整體是很差的牛柳賣相可以，但睇得唔食得 🥲❣️安格斯肉眼 （熟度：5成）肉眼肉質反而軟嫩，亦看落比較大塊；但脂肪亦都多，是很顯而易見的，但味道會較牛柳好吃❣️跟餐：凍檸茶 & 凍奶茶兩杯飲品正常發揮，不過不失❣️甜品：青檸果凍這不是跟餐的，而是侍應捧著甜品經過每張客人枱，詢問客人要不要，亦可自由選擇要不要加花奶；果凍的味道就好似羅拔臣啫喱，如加了花奶，會令個口感很滑～💠💠 💠💠 💠💠 💠💠 💠💠 💠💠 💠💠 💠💠總括來說，牛柳肉質真係唔得，令人覺得浪費了食既quota, 好失望而男友揀選的肉眼是可以的，但整體食物體驗本人是覺得很差的😞

今日第一次試呢間餐廳，點解去試？因為有人睇左呀Bob 的推介，話黎試一試。未去之前，我都search 下有咩食（我知係食扒），見到有食評話都係因為睇到Bob 介紹而黎。餐廳裝修成古舊的茶餐廳特色，我哋叫咗兩份扒，一份T骨，一份肉眼。我同意某個食評講，餐包唔係焗熱，似蒸，唔香口同唔夠熱，呢個希望改善一下兩份扒有驚喜，我係肉眼，大約1-1.5cm 厚，扒下面有啲菜同薯條（如果加飯/意粉另外加錢）。T骨好大塊，完全覆蓋左成個鐵板，肉質好淋，肉味夠，呀姐好好人，幫我地淋左d 汁又驚滿瀉，另外再用兜裝d 汁俾我哋自己加😆蘿宋湯有d 辣，如果多啲菜係入面我仲開心🥳最尾有餐茶同甜品，不過甜品我冇食，係傳統的布甸加花奶😁

上社交平台上面見到啲人喺佢哋嘅page打晒交咁，因為咁而充滿好奇心去試吓佢最基本嘅下午茶。奶油豬外層脆口裏面鬆軟，而且佢牛油同奶醬都多，唔係啲人講到咁差喎。而且啲侍應有傾有講，態度都冇野。佢下午茶其實都算多嘢食嘅，同埋如果你要凍檸樂果d,佢都會同你講要加多幾多錢,都幾公道。我諗過多一陣等胃口好啲嘅時候去試吓佢哋嘅扒餐，因為佢餐牌上面寫住大概$60就有扒餐其實係抵嘅，對於我呢啲冇辦法只食太多嘢嘅人嚟講，可以一試

去太子睇到依間門面好有香港風味～咁不如試吓店裏面嘅裝修都好有舊時港式風味～喺香港買少見少嘅茶餐廳叫咗個午餐～有：餐包、餐湯、主食、飲品～餐湯可以選擇白湯或者紅湯～白湯係忌廉蘑菇湯～勁咸味道奇怪餐包配牛油～餐包訂返嚟味道正常主食揀咗洋蔥汁牛扒意粉～洋蔥汁唔係好重洋蔥味～似西汁多D～牛扒係醃到好淋～顏色偏淺～冇乜牛肉味～反而重黑椒味～配水煮椰菜～汁同意粉份量都算可以～不過味道唔掂員工禮貌同服務都麻麻～呢個都係茶餐廳特色

【人氣平民扒房！傳統港式鐵板餐‧巨形T骨牛扒 · 仲大過塊鐵板！足料👍🏻】#MC帶你去太子見到有咁多明星撐場，阿BOB、麥玲玲、小肥、方力申咁，就決定試一試佢。. 🥩 巨形T骨牛扒Size方面，巨形T骨牛扒貨真價實，真喺大過塊鐵板，Size 嚟講無得輸。醬汁方面，係上完鐵板後，即場揀汁，由Staff同你倒汁，有黑椒汁或蒜蓉汁揀。肉質方面，T-bone牛扒喺食曬牛柳同埋西冷，一個價錢兩種享受。嗌咗5成熟，食落肉質厚但軟腍，建議食咗牛柳先（較細份個邊），因為牛柳太熟會好韌。🫕 餐湯（羅宋湯）今次餐湯有驚喜，大大條紅蘿蔔比埋你🥕仲有椰菜都幾多🥬相當足料。🥯 餐包餐包唔似係即叫即烘，可能用蒸，上枱時個包皮有啲濕💧略為失色。⚡ 選擇多樣化︰牛扒選擇都幾多，仲要每一款都有曬解釋、說明咁，平民牛扒都做到咁，唔多港式扒房會咁樣做一本Menu。⚡ 價位大眾化︰價位高中低都有，大家完全可以睇住銀包嗌野食，睇價錢做人，唔怕食完肉赤。.⭐整體︰8.0/10⭐食物︰7.5/10⭐環境︰8.0/10⭐價錢︰8.5/10.==============================📍 金翠餐廳（太子)地址：太子彌敦

以為花園餐廳已經係鋸扒界嘅代表嚟過都唔知道原來呢間亦不遑多讓🫤朋友話太子附近有間懷舊中菜，以為佢講嘅真係食小菜嗰啲，點知send俾我睇，原來係一間鋸扒嘅地方，其實我本人真係麻麻哋鋸扒啖啖肉，不過偶爾亦都要就下人嘅～難得佢有提議，又興致勃勃咁冇錯呀，佢裝修真係懷舊㗎，全部都係霓虹光管招牌大家都知而家出面見到嗰啲拆得就拆㗎啦😭夜晚九成九都係鋸扒套餐，二百幾蚊一份牛扒餐係大過你塊面㗎！可惜佢嘅肉質實在太恐怖，淋得黎好似霉咗嘅肉！我叫嘅豬扒好似好少少囉，佢有兩塊 食咗其中－塊已經唔係好想食。牛扒大塊到成塊鐵板都唔夠裝，不過大有鬼用咩咁難食😅配菜同薯條墊底 所以基本上啲薯條又點會脆呢😞餐包同餐湯都係一般野啦。甜品嘅青檸啫喱我都冇要到😞又嘥咗一餐嘅quota😒應該叫個海鮮餐，我諗點都好過啲肉類

朋友住太子，说如果想吃扒餐一定要去她家附近的金翠，出了名的港式地道！于是昨天特地过去探店~ 餐厅门面已经很有港风，一进门更是一股怀旧的香港味道非常有特色，也很适合拍照打卡~ 她家铁板扒餐有很多选择我们点了一份牛柳套餐和一份杂扒套餐，配有牛油餐包跟餐汤有罗宋汤和忌廉汤，我们都选了忌廉汤~然后冻饮选了冻柠檬茶~ 铁板够热，要小心一点，牛柳大块厚身，牛味浓郁非常鲜嫩，配上黑椒汁非常有惊喜！还配有流心煎蛋和培根，底下是薯条和时蔬口感营养丰富~值得一试！ 朋友的杂扒更是推荐，份量十足！比手掌还大的猪扒、鲜嫩多汁的鸡扒、美味的牛扒还有肠仔、薯条和时蔬一整个大满足，非常适合无肉不欢人士！ 🌟性价比满分，人均150左右就能吃到靓扒~服务员态度也很好，招呼周到~ 📍 金翠餐厅地址：太子弥敦道749号地铺（港铁太子站C1 出口, 步行约1分钟）营业时间：06:30-23:00

今日，同朋友吃晚飯，早排見BOB 社交媒體網站分享了一間扒房金翠餐廳好似不錯，旅於是我們決定去試試。這裡環境不錯，我們大概夜晚8點到，不算太多人，餐廳環境富有懷舊的香港味道，算是有特色。我們點了2 set 晚餐，分別是一份西冷牛扒配薯條餐（7成熟）及一份雜扒配薯條餐。有餐包，跟餐湯方面則是紅湯及白湯。而甜品：啫喱配花奶，還附有餐飲。西冷趴配黑椒汁，鐵板夠熱，牛扒厚度有驚喜，算大塊及厚切，可以值得一試，但7成熟的西冷扒上台落汁時，肉生更熟了，口感稍微較硬，建議5成熟較佳。而扒加了生蒜頭，味道更為豐富。薯條則炸得酥脆，口感紮實，帶著濃郁的香氣。薯條的鹹香和牛扒的肉汁完美融合，帶來無與倫比的享受。另一方面，雜扒配薯條餐提供了雞扒、豬扒和魚柳等多種選擇。雞扒鮮嫩多汁，豬扒肉質豐厚，魚柳則帶有鮮美的海鮮風味。搭配脆口的薯條，這道雜扒三重奏餐讓人愉悅滿足。在湯品方面，紅湯和白湯提供了不同的選擇，這兩款湯品為套餐增添了一份溫暖和舒適。餐包夠熱，普通。因為朋友較為肚餓，我門加了一份意粉底。甜品的啫喱配花奶，啫喱清新爽，口感柔軟順滑，帶有豐富的水果香氣。總結：西冷牛扒配薯條餐和雜扒配薯條餐提供了美味多樣

打算朝頭早收工去拿拿林食個醒神早餐。八點鐘準時坐入去，係咁舉手都無人行過黎。有個好瘦哨牙女員工行過黎時，即刻好似捉到條救命稻草咁，好快就叫左個辛辣麵配炒蛋。個女員工態度勁差，好似我欠左佢咁。「食乜，講」。好，我當你local特色，或者人多做到好躁。點知一坐就坐左半個幾鐘。忍唔住再追一追自己個早餐究竟去左邊？個哨牙女員工仲要好似岩岩個人先訓醒咁，話咦你頭先叫左乜？我覆返佢頭先你幫我落單咖喎？位女員工問返我有無張單？我心諗你係咪低能？你負責幫人落單，你問返個食客張單係邊？不如我幫你落埋，我出埋你份人工好唔好？如果人手唔夠就請多幾個人啦，擺曬啲客係到，越積越多，啲員工又成舊飯咁恰下恰下未訓醒咁。餐廳啲座位又痴立立，張枱啲千年油漬又搞到成個環境污糟邋遢。差評。垃圾，從此以後唔會去。

呢間金翠，我識佢係因為睇左阿BOB社交媒體推介，跟住我個朋友又同我講呢間出名，所以琴晚兩個人去試左。去到8點幾，要等位，10分鐘左右啦就有位，要齊人先入得架坐低姐姐好快問我地飲紅湯定白湯，分秒必爭（佢地）兩個都叫左白湯，飲左就好普通，大路白湯，一般食鐵板嘅餐廳都係呢款。同埋餐包都係大路普通野。我地都叫左西冷牛扒，頂級$212，我就加帶子加腸仔，唔記得左加幾錢了我朋友叫7成，我就5成，但佢寫單就落左兩個都5成，少事啦冇理。最緊要好唔好食，上到枱，一係燒汁一係黑椒汁。最後個啫喱都係一般野，冇咩可評。我兩粒帶子，未熟晒架，中間透明，刺身咁樣，我都食左，算啦係咁好普通囉，腸仔正常味。塊牛？冇特別，食得下，有啲牛味，有咬口，同坊間其他食鐵板嘅餐廳冇太大分別，貨源其實都係一樣我覺得，係煮嗰個有冇心機同時間掌握價錢我就唔comment佢，2百幾鐵板食情懷嘅啫，食味道我去第二度食啦但我諗唔會再去了

話說，叫做特登搭車來吃，聽聞不錯，下午4時左右，又想當晚餐吃，不叫下午茶，叫了全日早餐，以為飽d，首先餐牌明明寫上牛角包，來了多士，貨不對板，侍應還說，不嬲都係咁出多士喎，我話餐牌明寫上，佢仲唔信，要攞出餐牌來畀佢睇，乜你哋侍應唔知餐入面嘅內容咩？？跟住入廚房，結果係另一侍應跟我說今日賣哂，算啦，唔緊要，我叫牛扒，又來了塊豬扒，仲問我食唔食吖？我其實…係為了牛扒及牛角包來，所以我堅拒哽畀錯的豬扒，都叫做有換畀我，我之所以寫咁多，係因為成件事，成個餐都冇一樣令我滿意，煙肉冇嚟味道，腸仔好似白烚咁，煎蛋最普通啩，都會唔好食，羅宋湯烏冬又凍凍地，成個餐都係凍凍地，杯凍檸茶又唔夠凍😨，成件事錯哂，以為後補的牛扒算唔錯啩，點知…. 又鞋又韌🫣😓😓唉！話唒個舖位咁好，點解唔畀好d食物畀食客，我唔寫食評㗎，以往食餐廳唔好食咪唔再去，但今次我覺得要畀餐廳及食客知，咁樣你哋先會有改進，如果唔係，點解下午茶時間，咁好位置都冇乜客…😳😳完

中伏 又貴又難食 可能因為位置旺又有裝飾打卡先咁多人入黎 點左個西冷扒餐 塊扒厚得黎硬過石頭 似係解凍得吾夠耐格硬煎 咬到牙都痛 加埋大冷氣一野凍左更加硬白飯又係硬過石頭 檸茶好苦 成個餐食得好辛苦個鐵板又係得啖笑 其他餐廳啲薯菜係側邊 呢間就薯條起晒個扒下面 頂住晒 切扒果時切吾到底 一係切爛晒下邊啲薯條(睇圖仲要切得吾夠快 最底啲椰菜已經燶晒百幾蚊個餐都吾平 但普通快餐店都整得好食過佢 吾值呢個價入黎打卡就好 食就真係不了 無下次

極之名過於實！湯唔熱，鐵板唔熱，二百幾蚊一磈特級肉眼，薄不特只，好似無煎過烚熟一樣咁上枱，黑椒汁勁咸！問佢點解磈牛又唔熱又好似烚熟咁既樣，負責人話係咁架，呢隻牛扒唔可以熱，用用微温整熟，只係用磈鐵板既熱力整熟佢，小弟真係孤陋寡聞！最後送個啫喱，諗住無野可以失望啦，點知都係岀事，完全唔夠凍，仲有杯餐飲，叫左杯凍檸茶小甜，來到變左走甜！要凍既唔凍，要熱既唔熱，一定無下次！主要係又話金鳳前大廚主理又盛咁，真係不知所謂！唯一係可以讚既係門口個姐姐，好熱情咁招呼人入去