Gram Cafe & Pancakes (Closed)

對上一次喺香港食梳乎厘已經係年幾前，難得同媽媽黎銅鑼灣行街，就帶佢試下食日本嘅梳乎厘班戟。未入餐廳就見到門口有個大大招牌，介紹每日三次限量供應的原味班戟，真係好吸引😍整間餐廳以綠色植物配以白色簡約的磚，感覺好舒服，令人不自覺望多幾眼~——————————🔹超人氣招牌梳乎厘班戟 $138這個招牌梳乎厘班戟有三件，可自行加入牛油和糖漿，未食就聞到好香蛋味☺️ 相比之前吃過的梳乎厘班戟，這個質地較實且不太濕潤，但算鬆軟可口～至於入口即溶，小編就認為爭咗啲，有一刻以為係食緊蛋糕😬 旁邊相信是忌廉，有小小甜味，配埋梳乎厘班戟一齊食，味道會更豐富而帶點奶香~ 媽媽未食過這類型梳乎厘班戟，她表示很香很鬆軟，加入糖漿更加突出蛋嘅香味，食完一點也不膩，希望encore 😂

Gram 既招牌pancake咁出名，而且每日限量發售，所以就算佢喺公司樓下，我一直都未有機會品嚐，淨係幾個月前去過食set lunch，不過一日未食到我都未滿足！今日難得早放工，就正正六點去碰下運氣。竟然可以唔使排隊舒舒服服咁入去坐低，成功叫到招牌疏乎厘pancake啦！唔使一陣就已經送到我面前，三層厚厚的pancake，等我逐層KO佢！質地唔會太濕，軟得來又帶點彈性實淨，好香蛋味，而且嗰舊忌廉十分細滑，加上少少楓糖好味呀！終於完成心願大滿足呀！夜晚似乎只有甜品提供，但環境好舒服，如果食完晚餐嚟坐吓傾計都好唔錯。

Gram 係日本知名嘅 pancake店，自從上年登陸香港，喺銅鑼灣開咗旗艦店後，人氣十足，經常要大排長龍！撞啱平日四點幾，見唔係咁多人，即刻趁機會入去朝聖拉！餐廳裝修以大自然為主，到處佈滿綠油油人造草披，中庭大枱放置一顆小樹裝飾，整個環境柔和舒適，令人心情放鬆！Premium Smile Pancake去日本食過Gram 都佢嘅3層高嘅招牌疏乎厘pancake唔會陌生！擺盤賣相可愛吸引，充滿少女心，打卡一流！低層班戟內藏流心蛋漿，切開緩緩流出，班戟點上蛋漿和蜜糖，鹹甜恰當，十分醒胃。中層班戟 夾著一片朱古力薄脆，朱古力味濃，為鬆軟柔順嘅班戟，加添脆口感覺！頂層班戟 鋪滿鮮雜果 顏色鮮豔奪目，夾雜班戟嚟食，清新怡人！士多啤梨沙冰個人係士多啤梨控，見到menu好吸引，抵受唔住誘惑點了一杯！用新鮮士多啤梨和冰塊，打成幼滑冰沙，果香清甜，冰凍解渴透心涼!

女人喜歡甜品程度相當高，常聽說女人有兩個胃，今日我忙過後，晚餐想要一點甜，決定來碰運氣，好幸運今晚不用排長龍，要試試人氣旺盛的這間店望入店面座位相隔寬敞，有不少仿真植物裝飾，清新簡約。店內有可愛pancakes 咕𠱸，影相呃like必備口味選擇有鹽有甜，我選了Tiramisu ,pancakes 煎得煙韌有彈性，每層夾晒厚厚香滑吉士醬，滿有酒香，咖啡粉香濃，一個人食，份量好足夠，大滿足呀店內環境乾淨整潔，職員有禮，下次要再來！

今日嚟到銅鑼灣同朋友去食pancake。咁啱遇到呢度招牌疏乎厘pancake啱啱出爐，每個時段限量20份，咁都比我同朋友叫到嚟食真係好好彩。疏乎厘pancake非常之鬆軟，再配上蜜糖同埋cream口感豐富，店員有提醒我哋先查好牛油再加上蜜糖，然後再加cream咁就最好食。另外仲叫我地快啲食添趁熱食，避免佢凍左影響口感。Pancake嘅蛋香味香濃，鬆軟得來又唔係好空氣咁嗰隻，呢度選用嘅蜜糖比較清新，再加上cream食都唔會覺得膩。另外仲叫咗個蘋果茶，蘋果味好清香食完個pancake再嘆杯茶就啱啱好啦。呢度除咗有甜pancake之外仲有沙律同埋三文治食tea或者食完晚飯過嚟食野都好唔錯。

Gram 係日本好出名, 係Causeway Bay Dinner完經過便入去試試, 但都幾失望.叫左個石板街Pancake & Mango Smoothie.Pancake太硬唔鬆, 其實都幾難食, 而且成夠水一碟既Pancake咁既quality真係唔合格.Mango Smoothie就D冰打得唔夠碎, 飲落去好唔smooth, 都係唔合格..呢間野, 試一次便夠了...

日本過江龍Gram在香港的第二分店在CWB，地點十分方便。環境開揚，座得舒適。每人低消1份食品/飲品，限時60mins。新產品好吸引。仲可以飲酒，日本直送，好少pancake店有。Sake strawberry cream volcano pancake$108此為每日限量款，今日等左一陣就有，好快手。雙手一齊取出透明膠，清酒士多啤梨火山流漿一湧而出，好有gimmick。整個組合好新鮮，兩塊pancake夾住厚厚的吉士，加埋細幼的清酒士多啤梨火山流漿，口味獨特。Pancake係凍食，口感比熱食的班戟扎實，sake味不會太濃，strawberry味可以再重些。

📍Gram cafe & pancakes 銅鑼灣謝斐道535號Tower 535地下1號舖東京食吾到 香港都係未試到佢既招牌梳呼厘班戟 大家要食一定要係呢3個時段去11:00 15:00 18:00每個時段限20個✨我今次食左apple and tea cream pancake!!💰$118好出色 比想像中好味 佢既烤蘋果好爽 食落吾會好膩 配上幾片再加上切粒既🍎甜甜地 好香 有d似蘋果批Pancake熱辣辣 厚薄均勻 配埋cream and 雪糕 真係好夾！灑上少少肉桂粉嗌壼earl grey tea 💰$39 share2個飲同閨密另一半食tea一流👭🏼👩🏻‍🤝‍👨🏼

記得之前去大阪旅行，在心齋橋其中一樣要做的事情就是去食gram的pancake，第一次去到撲空，因為已完了ladt order，第二次去到雖然可以下單，但就是吃不到她的招牌班戟。想不到吃招牌班戟這個願望竟然有偶然間在香港實現了。今日去到位於銅鑼灣嘅gram，整間餐廳都係行休閒路線， 加上餐廳嘅樓底好高 在配上落地玻璃， 視野感覺非常闊落睇一睇菜單，同大阪分店一樣有好多唔同種類嘅班戟，今次我當然要叫佢哋嘅招牌班戟。不過我落單之後先發現我係叫咗Premium Smile Pancake，好似同傳統嗰隻有少少分別。班戟上碟嘅時候賣相好靚仔，亦都配有蜜糖畀你，仲有一塊細細嘅微笑餅乾。呢個班戟最過癮嘅地方就係佢有三種味道。今次店員都好好提醒我哋要先食最底嗰個班戟。因為最底嗰個係熱食嘅班戟有蛋黃流心嘅添。三個班戟嚟講我自己反而最鍾意最底嗰個雞蛋班戟。切開嘅時候有蛋黃嘅流心。而呢隻蛋嘅蛋味都相當濃郁。食起上嚟就同班戟非常配搭。位於中間嗰個班戟就有朱古力醬喺入邊嘅，呢個就同一般我哋食開嘅班戟就相似喇，亦都係凍食嘅。大家可以配上糖漿或者係旁邊嘅忌廉去食，加上本身嘅朱古力醬口感都唔錯。最後先係介紹最頂嘅生

今日星期日完全唔使排隊就可以入去食啦。一坐低左，就即刻揀咗限定嘅招牌疏乎厘pancake，但係要按人頭每人帶一件產品，所以就叫埋法式吐司配朱古力醬，士多啤梨，雲呢拿雪糕。招牌疏乎厘你pancake係限量全日供應60份，指定出路嘅時間係11點，3點，6點。我去到嗰時啱啱好6點等左幾分鐘之後就有pancake食。pancake非常鬆軟，入口即溶而且再加埋個cream，牛油同埋蜂蜜醬，好正。 法式多士 我就揀咗士多啤梨,朱古力醬同雲呢拿雪糕其實佢仲配有糖漿但係我冇加落去都好好食佢嗰個法式多士係非常出色唯一少少吾值，就係啲士多啤梨太少。如果多啲就好啦！ 但都係好正見到餐牌入邊有漢堡包pancake都好想試下次再去試吓😍

Gram cafe & pancakes📍銅鑼灣 Causeway Bay.🍠 紫薯火山流漿班戟 $108: 兩塊pancake 芝士味非常重🧀 由於放過入雪櫃 所以溫度比較凍 質地似cheesecake🍰 中間夾住厚厚嘅紫薯蓉 味道天然😍 紫薯流漿打卡一流📸.🍓 清酒士多啤梨火山流漿班戟 $108: 少女心大爆發💓 淺粉紅色嘅草莓流漿好吸晴😍 可惜pancake中間嘅custard味道太重 蓋過清酒嘅味道🍶 不過都值得一試👍🏻

Lunch都唔開胃只食咗餐頹飯咋，變咗夜晚好鬼餓大胃有個異於常人嘅習慣，就係甜品可以當飯食，雖然餓起上嚟好想食鹹嘢，但梳乎厘魅力沒法擋嗯，難得係圖片同現實係相差唔大，好誠實嘅menu，又真係呢個厚度喎，cream又真係咁大pat喎蜜糖先係精華，大胃奉勸各位一定要用晒佢，有果香㗎，梳乎厘質感厚實，cream都好rich呀除咗甜品，原來仲有鹹pancake，肉醬就見到喇，和牛呢？原本夾咗喺入面，感覺就似以班戟做皮嘅漢堡包，幾得意其實兩個人食完都夠飽，仲諗住食完仲有下場，可以慳返

後來才知道這店經常要排長龍，失敬，今晚可能閒日關係，只有三，兩枱人客，邊張枱我任揀!看箸五顏六色的餐牌，眼花撩亂，選擇恐懼困難症候群又出現，未食晚飯應該食個鹹的，但聚多甜選擇又非常吸引，決定一個鹹一個甜，誰不知友善的女服務員擔心我無法吃光一鹹一甜，建議我還是不要貪心，非常誠懇的態度，有意思!最後還是乖乖的叫了三文魚牛油果班㦸，班㦸溫溫軟軟，卻非常乾爽，但老實講，班㦸還是吃甜的合襯呢～ 友善的服務員見我食完就上前問候：還能吃得下甜嗎？ 我答：吃不下了，但心靈唔滿足! 大家都笑了。我還是死心不熄，櫃臺埋單時還是買了一個本月精選--黑芝麻石板街班㦸，外賣回家吃，黑芝麻餡不太甜，就算加上棉花糖粒粒都唔算溜，調校得不錯，班㦸本體亦鬆軟不“立”口，雖然不是特佳口味口感，算做得不錯了。

今晚冇乜胃囗，晚餐想吃得輕盈一點，去 sogo 行去個圈都冇心水添，沿著駱克道行唸住掃街，想買串魚蛋之前比我見到個閃令令既招牌 Gram cafe & Pancakes去日本咁多次都冇試過 Gram Cafe & Pancakes , 反而在香港付出了我對Gram 的第一次。晚上來這裡的好處是客人不多，上菜時間縮短了不少。店內裝潢很有綠色概念，而且空間感有十足，比一般的pancakes 店坐得更舒服。甜pancakes 款式比我想像少，可以話揀吾岩心水，於是向咸 pancakes 著手。 最後㨂了健康感満満的 「三文魚牛油果 pancake」計過唔使 10分鐘pancakes 已經上枱, 買相同相片基本上是一模一樣，一半是蔬菜沙律另一半是三文魚牛油果pancakes 切開薄薄的pancake, 質感細密, 口感和味道似屋企煎既牛油班cake，pancakes 微咸, 牛油味亦不會過份濃重和三文魚味道很夾， 牛油果亦夠遠淋，豐富了整個口感， 份量較小， 唔夠飽。 

之前係日本已經朝聖過嘅Gram, 目前都係我最鍾意嘅Pancake餐廰~好彩係公司附近開咗間, 係時候又要去試下新嘢!今次見Menu上面幾樣嘢都幾吸引，所以就叫咗新出品：紫薯火山流漿班戟! ($108) 睇相好睇到流晒口水~ 另外朋友鍾意食水果, 所以就捒咗蜜瓜雪花冰!($118)紫薯火山流漿班戟嚟到嘅時候擺盤已經靚💛~ 店員教我哋可以用雙手一齊拎起張透明膠紙，一拎起之後啲漿就流晒落個Pancake身上，即刻叫朋友幫我拍片哈哈，又有得玩又有得食！本身就鍾意Pancake又鍾意食甜品嘅我，覺得呢個Pancake好好味，因為上面紫色甜品嘅漿同下面芝士味嘅Pancke好夾但又唔會搶咗互相嘅味！而另外呢個蜜瓜雪花冰都好正💚，首先啲蜜瓜係好甜，相信係新鮮同唔係平價蜜瓜，另外我鍾意刮一羹冰再加啲Vanilla雪糕，咁樣就又有甜味又食到冰！兩個甜品嚟講都好有驚喜！加上環境好舒服好好坐，絕對要再約姊妹再嚟！💛