淥鼎記

Open Now

Now Closed

好耐之前食過觀塘分店覺得幾正，今日又嚟旺角店幫襯吓～閒日晚上嚟到都幾旺場，我哋揀咗小寶套餐，主菜揀咗酸菜魚。肉類同海鮮類嘅配料可以用qr code落單，其他醬料、飲品、蔬菜、丸類同餃類嘅配料就可以喺自助區拎，乾淨企理。🥢小食-紫菜魷魚鬚、七味炸魚皮職員好快就送上小食，啲小食次次都唔同，今次呢兩款都唔錯，啱啱炸起，熱焫焫脆卜卜。🥢主菜-酸菜魚（BB辣）都幾大盤，BB辣唔會太辣，酸辣比例恰當；魚肉嫩滑冇骨，墊底嘅薯粉好入味👍🏻🥢火鍋-番茄牛肋條鍋非常推薦呢款湯底，好多牛肋條，肉質軟腍，酸酸地噉好醒胃😋食完個酸菜魚同啲牛肋條其實都幾飽吓，我哋就叫咗少少配料打邊爐。🥢安格斯牛板翼我哋encore咗兩次，牛味濃，啲牛靚過坊間同價位嘅任食火鍋。🥢脆魚鯇肉質爽脆結實，冇咩細骨。🥢鮮雞件都幾嫩滑！

第一次寫食評竟然係由開業一直有光顧開的，由開業無乜人知道到食過覺得好到推介朋友食，因為價錢平又幾好食，不過近幾次到店的體驗令我覺得不大如前，如以前覺得環境很舒服😌但現在坐的位置開冷氣會吹到令人好凍，食物方面，牛肉球近兩次食都很難食有點臭味禁，馬拉糕賣相吸引不過有點少和略貴，唯一不變係佢蒸飯用珍珠米蒸係幾好食的，另外人客多了員工的服務質素也變差了，7/6中午如常來飲茶，安排了最後面的卡位本來已有點冷，之後更竟然要受傳菜員氣，叫左個蒸飯佢倒了少少豉油我們想問佢要多少少，佢好大聲同我媽講話《咪比你囉》，之後我話我們想要多啲，佢好惡禁定左瞪住我🤷‍♀️個一刻好想大駡佢最後忍住左，無謂為咗佢傷自己心情，我從未食過一餐飯要禁受氣，當然我們吃完沒有再加食物便離開了，希望淥鼎記好好審視一下店舖的問題。

我呢次去咗旺角嘅淥鼎記食火鍋任食放題，揀咗$238嘅小寶套餐（19:30前離座），唔包括海鮮。先揀主菜，有六款，我揀咗藤椒烤魚（2個人食，每位加28$），味道好香，魚肉又新鮮又彈牙。湯底有六款，我揀咗海皇海鮮鍋，雖然我冇揀到海鮮任食，但湯底嘅味道濃郁。火鍋配料就有40多款，有肉、菜、豆腐等等，全部都任食到飽，真係食得好過癮。啲肉質地好鮮嫩，啲菜都好新鮮，豆腐亦好滑嫩。唯一可惜嘅係冇啲新鮮嘅海鮮食，不過呢個係因為我揀咗冇海鮮嘅套餐啦，自己揀嘅人可以多啲享受新鮮嘅海鮮啊。最後，我試咗佢哋嘅自家涼茶，味道香甜，啲料都好新鮮，好解膩。總括而言，淥鼎記呢間火鍋店環境舒適，服務員都好友善，食物質素亦非常唔錯，值得一試。

Peggy 我平時就最鍾意打邊爐㗎啦今次就同朋友揀咗旺角呢間淥鼎記 🥘🥘🥘呢度一次過滿足晒我哋多個願望🤣🤣包括係有個6選1主菜😋😋再打邊爐放題🥰🥰入邊有送一個魚生拼盤❣️一個海鮮拼盤❣️仲有一個好靚嘅牛肉拼盤❣️等食期間餐廳仲會送一個頭盤，椒鹽鮮魷，熱辣辣夠晒脆口😍😍超級惹味😛6選1主菜其實好多嘢揀，可以揀烤魚，酸菜魚，又可以揀雞煲，揀椰奶雞等等，咁我哋最後就揀咗個重慶雞煲，配埋洋蔥，蔥香，蒜香炒出嚟，夠晒惹味香口☺️☺️打完雞煲就可以6選1揀個湯底打邊爐啦！有唔同嘅湯底包括沙嗲，豬骨，蕃茄等等，我哋就揀咗個花膠美人鍋😍😍場內亦都有40幾款打邊爐嘅配料任君選擇😆😆飲品種類亦都有好多🥰同時餐廳亦都會送一個頂級嘅牛肉拼盤，豪華海鮮拼盤，同埋一個日本直送時令魚生拼盤牛肉拼盤嘅肉非常之靚，肥脂均勻，食落牛味十足！海鮮拼盤超足料，有齊鮑魚，扇貝，蜆🦐蝦滑🐙魷魚等等😚😚魚生拼盤亦都超新鮮，有三文魚，帶子，蝦等等超級鮮甜，而且相當厚切，食落口感十足🤩🤩

今日又同老公試左一間好特別的餐廳～淥鼎記！我哋二人被安排卡位，椅背夠高而且坐位闊落，私隱度極高，坐得非常舒服！我哋點了惹味重慶雞煲，加了一份鮑魚和烏冬，另外叫了幾個即蒸點心！～麻辣雞煲可以自由選擇辣度和麻度，我哋揀左少麻少辣！雞煲好大份，雞肉鮮味又嫰滑，加左一份新鮮鮑魚（兩隻），鮑魚好爽又彈牙，好新鮮！ 最正係雞煲底下的鳥冬，吸收了鮮雞和鮑魚的精華，超好味！～黃金鮮蝦餃蝦餃皮非常薄，啖啖新鮮蝦肉，配埋金箔，實在冇得輸！～蟹籽龍皇燒賣燒賣鋪滿蟹籽粒粒，燒賣大粒飽滿，餡料非常新鮮，大愛！～潮州粉果粉果皮薄，餡料豐富，點心必選之一😋～荔枝百花球聽個名以為係甜品，原來係香脆炸蝦球，賣相非常精緻，而且蝦肉非常非常彈牙，一試愛上😍！～熊仔奶茶～熊仔檸檬茶熊仔打卡好靚，茶味濃，奶茶能夠媲美茶餐廳，奶茶控必試！總括而言，餐廳食物水準十分高，中西日式美食都有，樣樣都幾好味，而且職員態度非常親切，下次必定再來幫襯！

第一次寫食評竟然係我由開業一直都光顧開的旺角淥鼎記，由最初開業無乜人食，食過好食到再推介給朋友食，都是因為當時的員工態度親切，食物質素平均，價錢又商宜所以我都經常去飲茶食飯，但最近幾次到店用膳的體驗是員工的態度質素真係越來越差，不過都沒有要去到太過份要去太過在意，因為老實講價錢不算貴還要求什麼，我今天如常到店飲茶，叫了個鳳爪排骨飯，傳菜員倒了豉油但我們覺得不夠問佢要多少少豉油，佢竟然好大聲同我媽講《咪比左你囉》，之後我話要多啲佢話我們無禁講要多啲，之後仲企定定恕瞪住我們幾秒先至肯比我們，我當時個刻忍住唔想同佢嘈所以無理佢，不過令我們食慾大減無再加野食左個幾碟就默默離開了，今次經驗令我已不想再光顧該店不想再受氣食飯，雖然不是每個員工也是這樣，但也希望貴公司好好正視一下員工對客人的應有態度。。。。

大熱天時去打邊爐，又係另一番滋味。今次去嘅依一間餐廳環境都幾唔錯，望落似係以卡位為主，私隱度都幾高。餐廳有唔少飲品選擇，平時市面上買到嗰啲通常我都唔會揀，而佢自家製嘅就有竹蔗茅根，洛神花，仲有另外一款。我就試咗竹蔗茅根同埋洛神花。竹蔗茅根飲落唔會太甜，又可以清下熱氣解渴，我幾鍾意。食到後面我就揀咗杯洛神花嚟飲，因為可以消膩主菜我哋揀咗酸菜魚，小辣。魚肉嘅份量唔少，下面有好多蓮藕墊住。小辣食落滋味又未至於狂飲水前菜有兩款，味道都唔錯。但當然唔會不停食，要留肚鍋底嗰度我哋揀咗以花膠為主嘅鍋，湯汁都算係清淡啲，方便食到食材，原本有嘅味道～有好多舊花膠😎豬肉好味，肥瘦適中，淥耐d 都唔柴另外佢都有幾款水餃，雲吞。味道好唔錯，唔係好食得出有味精，皮薄餡靚，encore 左唔少

朋友約在旺角店晚餐，那就試試吧，我們三人被安排到一個四人的卡座，但這卡座比茶餐廳的卡座還要小，兩個人坐一邊非常迫，枱和枱之間空間小，所以非常嘈吵。食物方面，除了每人一份的前菜，海鮮，魚生和肥牛正正常常，其他任点任食的食物質素都比較差！叫了一個花膠湯底，但D花膠似豬皮，可能我見識少，我未見過這種花膠吧，那些任点的肥牛，見到個樣都唔想食，自家制的飲品還可以。但座位太迫，太嘈雜，食得不舒服，這樣的價錢 (加一後$400+)，食物質素，餐廳内的環境，我一定不會再來。

朋友回港，約出嚟食飯傾偈。第一次黎，之前已經想試因為睇完viu tv Marco 個節目，啲野食好似幾好味咁。我地4個人，先揀咗椰子雞煲，好足料，真係成隻雞俾你。之後再嚟刺身併盤，魚生都幾新鮮，又多款式，唔錯唔錯。之後到主菜邊爐，個牛肉超好味，任叫嗰個牛就都可以，但係當然知道唔係靚野。之後再有海鮮併盤，好正！超多選擇，唔使食嚟食去嗰幾樣。個重點係無限時！野飲方面，有好多選擇，例牌罐裝紙包之外，仲有竹蔗水嗰啲。埋單每人$415，會再幫襯。

今日同朋友聚餐， 發現大驚喜， 🥳🥳有四川烤魚又有超級海鮮火鍋， 仲有極品刺身拼盤， 喺呢度真係包你滿足 。🤩🤩爵爺火鍋套餐 ，包咗一個川式麻辣烤大羅非魚 ，🐳再加超級魚生拼盆，🍱 跟住就係超級海鮮火鍋 ，🔥未計自助點嘅菜式，淨係指定嘅餐已經夠曬大份量 ，全部都係最新鮮嘅食材 ，火鍋材料嘅鮑魚係識喐嘅 ，👀真係驚喜無限。💥💥💥💥💥 爵爺尊貴套餐 --藤椒烤大羅非魚， 條魚超大條超新鮮 ，上面鋪滿各種川式配料， 新鮮花椒 ，青椒，芹菜，蔥蒜， 個底鋪滿嫩滑豆腐同芋絲， 一路煲一路食， 片片雪白爽滑嘅魚肉， 在麻香鮮辣嘅湯汁入面， 發出陣陣誘惑嘅香味 ，從未食過咁好味嘅魚， 條魚好大， 少骨多肉 ，四個人都夠食。💥💥💥💥💥 超級新鮮刺身拼盤 ，一盤七彩繽紛嘅刺身 ，有鮮鮑魚， 海貝片， 大牡丹蝦， 肥美三文魚， 巨型新鮮帶子， 在黃菊花，🌼綠紫蘇葉，🌿紫蘭花💐既配襯下閃亮登場， 最新鮮嘅海產， 就算不用wasabi 醬油， 都是滿口甘香鮮甜， 美味無比， 令人回味無窮。👍👍👍👍👍 頂級手切牛肉， 一大盆新鮮雪花牛肉， 🐮好似個小火山咁 ，♨️☄️🔥鮮色嘅牛肉 ，脂肪均勻， 紅白相間 ，切得厚厚

旺角創興實在太多晚餐放題火鍋選擇，今晚黎左間個名幾有型既「淥鼎記」，淥一淥佢。我地係晚市最早時段5:30入場，個陣都有幾枱客一齊等入。食到7:30時已經9成爆滿左了。環境好衛生開揚，燈火通明，有裝飾，冷氣足，抽風足，食完唔會有一陣火鍋味呢！欣賞！我地人少少，點左個小寶套餐。佢呢度可以點左主菜先，食完就上埋火鍋任食。性價比超高，因為每人$300有找！首先我地點左個bb辣酸菜魚，可能我平時食開辣，bb辣根本無辣，不過朋友仔話已經好夠辣啦😂呢個魚肉質比想像中出狗地有爽口有肉感，唔會散開或「膠」感，其他配料亦份量十足，我地最後都食唔哂呢！然後要打大佬，食埋個火鍋先。放埋一齊場面實在太勁啦，一定要紀錄一下呢！其實兩個人已經食到6成飽啦，但係有任食火鍋當然唔可以停手。呢度既火鍋食材主要分QR code落order 或 到食材區自選，鮮肉類🥩（即牛、雞、豬、羊肉）就要電話掃code, 其他一律可自己按心意夾合適份量同款式，醬汁都非常大陣仗，有超過15款以上選擇呀！我地試過幾轉，肉類都好新鮮，唔會比啲好流既肉你架😁呢間火鍋絕對係好抵食呢！

都好耐無食放題啦，創興廣場都好多選擇。今次翻牌-淥鼎記。環境：個場好大，裝修唔錯，位置闊落，坐得舒適。食物：都有好幾個set可以揀，豐儉由人啦，我地揀左小寶餐。小食毛豆十分好味，可惜好似唔可以添。主菜6選一，有烤魚，酸菜魚，清湯腩等等可選。我地揀的是酸菜魚，味道十分唔錯，用料都好多，魚肉爽滑，正啊。個人最鐘意裡面的花生芽，食落好脆，口感比豆芽好。主菜好大份，真系細食少少，後面放題都可以免。主菜完就可以揀湯底，加料肥牛啦。肥牛都有好幾款，牛板翼肉質更多，少油脂，唔需要淥太耐，否則可能會韌。個人更鐘意肥牛，肥瘦適中，口感飽滿。其他仲有黑毛豬，雞肉可以任叫。距地勁多餃子，各種口味都有。丸子腸仔都梗系唔少得，而且衛生工作做得好好，讃。其他放題食物都應有盡有，蔬菜夠新鮮，飲料夠凍，值得encore。服務：上得夠快，收得及時，讃。

淥鼎記 旺角好耐之前試過旺角呢間淥鼎記嘅點心同酸菜魚都好有水準。前排知道佢夜晚會有火鍋放題之後即刻book咗位嚟試，結果係好有驚喜所有嘢都勁高質👍🏻👍🏻👍🏻當晚我哋試咗最平嘅小寶套餐，限時兩個鐘，7:30pm前離座每人$238除咗火鍋之外，仲可以係六個主菜入面揀一個。要注意嘅係椰子雞，烤魚同埋牛腩都要有6位以上先可以揀。如果少過六位嘅都可以每位再加$28揀。因為之前試過呢度嘅酸菜魚好好味，所以我哋今次依然都係揀咗酸菜魚，估唔到嚟到同散嗌一樣咁大盆，魚肉完全唔會腥，肉質超級滑，同之前一樣咁高質，好食過好多川菜餐廳，推薦大家一定要試！！另外每台都會有兩碟前菜包括毛豆同埋蝦，本身對呢啲前菜都冇乜期望，但估唔到個蝦好好食，煮法類似麻辣香鍋，辣味好香，蝦嘅肉質都唔差。同行朋友唔食蝦，最後我自己一個食晒😋😋🤣鍋底方面都有六款選擇，我哋嗌咗海皇海鮮鍋，鍋底一嚟到好香蝦味，入面都放左唔少蝦食物選擇方面肉類同部分丸類就可以scan QR code落單。有齊豬牛羊雞蝦丸等等。肉類一嚟到賣相就超級靚，一睇就知啲肉係高質嘅，絕對唔係平時出面放題食到嘅質素，甚至我覺得好食過某啲散嗌嘅火鍋店。所有肉肉味道好出口感

上次同爸爸喺「淥鼎記」飲過茶，點心真係幾有質素，今次帶埋媽咪嚟試裝修帶點復古懷舊風，全為卡位座，舒適闊落；小館人手充足，店員態度殷勤親切又有禮==========🔹北菇滑雞蒸日本珍珠飯 $38早晨孖寶超值系列雞肉雪白嫩滑帶淡淡雞味；冬菇肉厚爽滑有彈性，菇味濃郁珍珠米份量充足，粒粒分明帶點煙韌推介指數：8.5/10==========🔹甜菜芯叉燒腸粉 +$10 (原價 $32)早晨孖寶超值系列腸粉皮細滑不黏口；叉燒瘦而不乾柴，肉香不錯；內餡加入生菜及梅菜，增加口感層次推介指數：8.5/10==========🔹8頭鮑魚和牛酥 (件)原隻鮑魚大隻厚身，口感嫩滑彈牙，鮑魚味濃；和牛份量豐富，肉質軟嫩而牛香突出，部份有入口即溶感覺酥底鬆脆香口，牛油味道不重，油膩感不高推介指數：9/10==========🔹黃金鮮蝦餃 (2件) $19賣相精緻得體，以金萡點綴蝦餃皮軟硬及乾濕度適中而不黏牙，皮薄煙韌；蝦肉爽鮮彈牙，調味恰好推介指數：8.5/10==========🔹蟹籽龍皇燒賣 (2件) $19燒賣大粒賣相佳蟹籽鮮味多汁；蝦肉新鮮爽口；切肉肥瘦適中有肉香推介指數：8.5/10==========

同朋友食飯，一邊淥吓淥吓，一邊吹水，就最好。我們選了「淥鼎記」任食火鍋，因為它一次過可以滿足我哋三個要求，1.裝修靚環境舒適；2.可以任食火鍋；3.還可以選一個主菜。我們選了「堂主套餐」，套餐可以叫一個主菜，有六款可以選擇，我們選了老壇酸菜魚，酸酸辣辣，魚肉爽口，配料都很多，好好味😋湯底選了美人花膠鍋，花膠都幾厚肉，咬落好有質感。至於任食火鍋🍲方面，有各種肉類，豬、牛、羊、魚…海鮮方面，蝦、蠔、沙白、魚卜…都任叫任食。還有自助吧，各式丸類蔬菜🥬自助任你攞。飲品方面，各式汽水、涼茶、凍茶任君選擇。餐廳還提供兩個小食，真的非常豐富。整體嚟講食物新鮮，款式多樣，真係冇選擇錯。老壇酸菜魚小食小食美人花膠鍋各式肉類海鮮大大隻魚卜蔬菜🥬