圓老爺雞煲小廚 (Closed)

其實我不嬲都中意去小菜館食下D港式野，同朋友吹下水，飲下啤酒咁。不過香港大部分小菜館好多都坐得好辛苦，又有D污糟。所以都唔係成日食到。不過呢間係元朗o既圓老爺就唔同，上次同朋友食過，坐得舒服，又夠冷氣，野食仲好有鑊氣，所以今次可以帶埋女朋友黎試下。呢間圓老爺係主打雞煲同小菜，上次同朋友食過雞煲，今次就可以試下小菜啦。睇下餐牌都好多選擇:我地揀左:1)蜜汁薯仔牛柳粒, 2)金銀蛋莧菜,3)豉汁蒸鱔,4)蜜桃脆蝦球蜜桃脆蝦球:即使撈左甜酸汁炒過，蝦球依然外層好脆口，內面就仲好爽口好彈牙，而蜜桃亦都好甜唔酸。大朋友同小朋友o既至愛。蜜汁薯仔牛柳粒:一開始食面頭d薯仔已經覺得唔錯，d薯仔係炸過既，再加上蜜糖汁，有微微嘅甜味，非常夾。神奇嘅係食到底d薯仔會變到好似蕃薯嘅味道，因為底嘅蜜糖汁比較多，但係都好味，牛柳粒都幾腍幾多汁豉汁蒸鱔:香濃o既配上豉汁鮮甜彈牙的白鱔，即使要lur骨好麻煩，依然食到停唔到！金銀蛋莧菜:金銀蛋好多下，莧菜亦都幾嫩，湯唔算好濃，食完咁多濃味野食返d清菜o岩o岩好!!

黎到HAPPY FRIDAY朋友話想去食大排檔，話係男人嘅浪漫，咁我就建議不如去圓老爺雞煲小廚食啦，我食過都OK GA，食物好食得黎又有鑊氣，而且衛生程度又比大排檔乾淨得多，最重要係咩呀，果度有冷氣呀嘛，天時暑熱梗係去D 有冷氣嘅地方食架啦餐牌好似換左新裝，但入面價錢我又唔覺有加到價喎，而菜式好似再多左D 新款呢度必食嘅蜜桃脆蝦球，今次嘅蜜桃好甜，一D 都唔酸，而大大粒嘅蝦球亦都咁脆，無得彈大大粒蝦球沙嗲金菇肥牛海蝦煲，估唔到金菇肥牛煲落埋蝦去整味道又OK 喎牛肉份量極多佐酒一流小食，金沙魷魚呢個超正瑤柱蛋白炒飯鑊氣十足

今日喺元朗呢邊做野，放工約埋朋友食飯，佢就帶左我黎呢度。呢度配搭幾特別，有剩雞煲食，唔係食完打邊爐o個種，唔使擔心熱氣，另外有唔同種類嘅小菜。雞煲可以揀醬皇鮮味或者麻辣重慶，半隻或一隻。我地叫左醬皇鮮味雞煲(半隻)，唔食得太辣又心思思想試下辣，店員好細心咁俾埋個秘製辣醬我地。雞煲連埋gas爐一齊上，咁上下時間店員就過黎將所有材料炒炒炒，一熟就可以開蓋食。時間控制得好，雞件非常香滑，惹味之餘唔會勁重味精，洋蔥好甜，加埋紅蔥同莞茜令成個雞煲味道昇華，辣醬味道都好豐富，少少咁點下幾岩我地，但加埋一齊相信我會覺得太辣。椒鹽鮮魷份量幾多，魷魚一d都唔鞋，炸粉唔會太厚，香濃椒鹽味點埋個酸汁真係一舊又一舊食唔停。金銀蛋莧菜湯底清甜，口感岩岩好唔會過淋。價錢實惠，7點開始坐無虛席。題外話，老闆圓老爺同招牌上面嘅卡通圓老爺幾似樣喎，哈哈。

今日難得同男朋友入嚟元朗拍拖，拍完之後唔想成日食西餐，於是我就揀咗一間小菜嚟食。喺門口都需要等一陣位先入得去，見到入面位置唔多。入去坐低本身都想試吓雞煲，但係因為最近好熱氣，所以就叫咗小菜。點知反而仲有驚喜！糖醋咕嚕肉咕嚕肉係真係我哋去到邊度都會叫嘅小菜嚟，呢度嘅咕嚕肉都做得好好，首先佢肉排炸得好脆口，之後佢嘅調味係用咗意大利陳醋，令到成件事同傳統嘅咕嚕肉唔同，唔會有一陣死酸嘅味道，反而係好清新。本身打算唔食飯，但都忍唔住叫咗碗白飯。賽螃蟹見到餐牌上面有呢個餸，覺得好驚喜。多數嘅小型餐廳係唔會有呢個送嘅，因為準備功夫同埋師傅嘅功力都要十足。呢度嘅賽螃蟹做得唔錯呀，蛋炒得好滑，加上瑤柱同蟹子，食落真係有蟹肉嘅感覺。唯一嘅美中不足就係呢度冇配上淅醋，如果有一定會更好味。鹹蛋蒸肉餅至於呢味鹹蛋蒸肉餅，就係我男朋友嘅至愛。我唔係食咗好多，但係我好鍾意佢肉餅入面有好大量嘅馬睇，有啲肉餅入面死實實，但係呢個就做得好送飯同埋有口感。蒸嘅時間都掌握得好好。椒絲腐乳炒唐生菜估唔到今晚呢一碟炒菜會係我最推介嘅食物，腐乳味好夠，啲菜都炒得啱啱好唔會太熟，個味道真係好適合送飯！雖然我成日食小菜，但係好少大排檔

元朗豐年路附近最近都開咗好幾間食肆， 我friend同我都好鍾意食小炒，咁就試下呢間圓老爺雞煲小廚雖然時間已經係七點，但係已經 座無虛席， 侍應熱情招待 好快為我們安排位置👍🏾雖然兩個人但係我哋叫咗四碟餸加一個白飯😍豉汁蒸大鱔， 兩個人食啱啱好 ， 這碟餸十分之好食 ，尤其是他的蒸魚汁， 送飯一流👍🏾😋金沙蝦球， 蝦球很大個，炸到脆卜卜，每隻都掛滿黃金鹹蛋黃十分惹味😋😋😋金銀蛋時菜， 好大碟 ，用料十足， 鹹蛋皮蛋蒜頭都很，多湯底唔鹹 ，莧菜很嫰圓老爺小炒王， 係暫時我食過咁多間小炒皇最好的一間， 用料豐富， 有蝦乾，花生，魷魚鬚，菜脯，韭菜花 加上火喉十足必食之選👍🏾👍🏾👍🏾最後四碟清曬好飽呀！

今日同朋友係元朗行街，行到7點幾，大家都肚餓，朋友話附近有間餐廳野食唔錯，價錢又平。適逢晚飯時間，大概等20min左右就入得海皇南瓜盅，呢個係得獎菜式，面頭鋪滿濃濃既芝士，內裡海鮮有魚有蝦，南瓜湯鮮味十足！麻辣雞煲，雞肉嫩滑，多雞胸同脾位，啖啖肉，麻辣醬味濃，十分惹味手切安格斯肥牛，脂肪分佈平均，重牛味，呢碟只需要$168，好抵食！響鈴，幾乎係打邊爐必點，不過唔係即炸，係咁兒過下口癮啦手打蝦滑/墨色滑，非常彈牙，有蝦/墨魚粒，增添口感魷魚，以為係水魷，有點失望，不過食落都唔差朋友真係冇介紹錯，食物整體質素相對於價錢，下次入元朗一定會再黎！

突然想食雞煲，於是上Openrice搵搵元朗雞煲，搵到呢間圓老爺雞煲小㕑。經常喺元朗一帶搵食，經過附近都無留意到呢間隱世小店，見到食評全部都係好評，於是就去試下。原來小㕑就喺元朗廣場天橋底附近，地點好方便易搵，附近又有停車場方便泊車。入到店內見裝修都幾新淨，感覺整齊乾淨，員工個個都好有禮貌，招呼周到。我哋點了麻辣重慶雞煲，後來見個星級原條牛肋骨好吸引，於是又叫埋，再叫左一碟小食手拍小黃瓜。麻辣重慶雞煲賣相好吸引，加左芫茜上枱滾一滾就食得，員工好細心咁幫我地撈勻再焗一焗，煮滾之後又換番隻碟墊底，熱住食又唔會一邊煮到乾曬。雞煲唔太辣都易接受，雞肉好嫩滑，洋蔥好爽好甜！星級原條牛肋骨好有驚喜，原條牛骨伴碟實在有氣勢，牛肋肉好肥美，腌得好腍好入味，配沙律菜食無咁膩。手拍小黃瓜好啱中和食肉嘅油膩感，醬汁微辣亦好開胃！加多支啤酒啤一啤！

大熱天時，其實真係唔係好想打邊爐，不過老友話呢間唔止普通雞煲咁簡單，一於就試下佢。一坐底睇餐牌，俾我意想不到既驚喜，除咗雞煲同一段火鍋料，估唔到仲有其他特色小菜，除左雞煲，一於再點其他試下。因為我地冇點其他火鍋料，店員好有心幫我地係傍邊滾起先上枱，完全唔會浪費位置，服務都幾貼心。雖然我地點唔辣，不過依然夠晒入味，一d都唔淡。八珍豆腐煲亦都足料夠出色，特色煎墨魚餅亦都夠彈牙，好有口感。蜜汁薯仔牛柳粒味道十足，干炒牛河亦都夠晒火喉，同街邊大排檔一樣鑊氣十足。最令我驚喜既係隻燒咸豬手，味濃得黎又唔會太咸，仲要精美上枱呢下估唔到，呢餐飯真係令到我地十分滿足。

約個大忙人FRIEND 食雞煲，約左好耐終於成事。放左工就去左元朗警署附近一間叫圓老爺雞煲雞煲小廚醫肚。我地6:30PM到，人唔算多，坐地下個層，間鋪其實仲有上層，7:30PM後下層已經FULL 左，就開始安排客人坐上層。半隻雞煲價錢$128-178，價錢相宜。為食既我就點左半隻醬皇鮮味蝦蟹雞煲($178)，一次過滿足食海鮮同埋雞煲既願望。呢度既雞煲勁足料，蝦大隻又新鮮，蟹雖然唔係好大隻，但整到好入味。我地叫左微辣，食落唔算辣，下次可以點小/中辣，雞會再惹味D。朋友見到小菜餐牌，樣樣都話想叫，所以我地無用雞煲打邊爐，叫多左三款小菜。豉椒金不換炒大蜆$88香煎特色墨魚餅$72金銀蛋莧菜$68三個小菜入面，豉椒金不換炒大蜆係最有驚喜，個汁好好味，辣度適中，蜆肉真係大大粒、脹卜卜，最重要係完全無沙，一粒沙都無，我地秒速KO左碟炒蜆。食物同服務一流，價錢合理，今餐食得好愉快^^

><友人返咗嚟香港 係時候食返中菜平衡下之前新開嗰陣咗試過 而且地點又近我哋蒸蓉粉絲蒸龍躉球($138)好抵食 魚肉份量慷慨 魚皮煙韌有嚼口蒜蓉粉絲金菇菜 淨食或者送飯都正漁香海參茄子煲($88)揭起煲蓋 咋咋聲好治癒 軟綿綿嘅茄子配爽彈海參睇落好深顏色 但食落調味適中脆皮小棠菜($68)菜粒同墨魚膠?混合拎去炸加埋酸甜汁嚟食白飯($12)一人一碗飯 兩個人三個餸味道唔錯之餘足以裹腹><><><><><><><><><><圓老爺雞煲小廚元朗豐年路7號豐年樓地下E號舖

今日同家人出街街食飯，弟弟介紹我地去食小炒，圓老有多不勝數嘅小菜名，就入左去！樓上樓下都有位置，座位寬闊都幾舒服😌蜜汁薯仔牛柳粒呢個係今日第一大推介，非常好食！每樣野細細粒，變相每粒薯仔同牛柳粒都好夠味，好甜。牛柳粒亦好冧身，正！眨吓眼就搶晒🤤🤤🤤香炸鹹豬手 豬手有子薑伴碟，好好既配拾，已經邦我們切件的豬手份量不少的，皮脆肉嫩，豬手又係好香脆，有咬口，送啤酒一流！🍶🍶🍶主菜係雞煲🤤🤤🤤雞煲入面有好多材料，勁豐富多雞個汁唔會杰到溶岩咁，又多洋蔥，食入口好夠味！雞都好嫩口

呢個鋪位之前係做雞煲原來已經轉左手，不過都係做雞煲，烤魚但就有埋小菜。今日比較想食小菜，見選擇幾多，一於試試先🙂🙂蒜蓉粉絲蒸龍躉球 $138超多蒜蓉，龍躉球冇骨底下有啲粉絲同雲耳，吸哂蒜蓉味👍🏻水煮牛肉$88原來都幾多牛肉😂以為$88份量會一般。牛肉幾滑而且入味👍🏻金沙鮮魷$88炸粉薄，夠脆！鹹蛋黃份量一啲都唔孤寒，有粒粒蛋黃碎😋😋😋呢個可以再食，而且對得住個價錢。整體滿意，雖然上菜時間比較耐，店員要跑上跑落傳菜好辛苦，所以會體諒！另外店內衛生算係乾淨，有紙巾提供，店員有禮。不錯！🙂🙂

朋友們即慶相約晚飯，上網搜尋了這間好似幾好所以就訂了枱，我們一班朋友準時到店被安排了二樓位置，原來有兩層地方還可以不算太迫，我們還有朋友未到所以只叫了兩個前菜先，朋友到齊了但前菜等了很久沒有到來⋯我們再一次叫其他餸⋯終於前菜和主菜一起來😅我們點了一隻雞煲，味道係不錯的配菜又多⋯蜆芥靚魚球好味、唯獨豆腐不可以，可能天氣熱豆腐容易變有酸味所以我們要求退了，男店員即時也説會俾厨房了解，我們當天遇到那位女店員佢唔係冇禮貌，但好似發夢中叫三叫先應我們😂

呢兩晚屋企冇飯開，咁就乘機約埋朋友一齊出去尋找美食🤭經好友介紹，去咗元朗廣場對面後街食經濟有鑊氣🥘街坊小菜🥢🥢 "圓老爺🐔煲小廚"有上、下層，簡單整潔👍今次唔食🐔煲，揀咗4款小菜，有3款特色啲嘅嘢食😆-圓老爺小炒王~充滿鹹香味嘅魚仔花生蝦米配上鮮嫩可口嘅韭菜花，真係堅惹味😋-安格斯牛肋條多士~正正常常， 🐮+🧀用多士齊吃，配搭新穎😚-鬼馬生炒骨~除咗有豬肉之外，還有用🐙滑整嘅，件件掛哂酸甜汁，真係鬼馬😆-芝士金湯海皇南瓜盅~海鮮🐟🐙帶子等配料，😈拉絲🧀、creamy超流心南瓜湯加埋一路食一路起肉啲南瓜蓉🤤🤤👩‍⚖有冷氣，大排擋2.0風味，食物多選擇，非常高汁，難怪七點幾己經咁多人，下次拉大隊來試其他好西，👀到隔離枱個大盆海鮮雜燴好想吃

雖然最近元朗就唔係好太平，不過都冇阻我揾食既決心，我地襯星期日黎到元朗既圓老爺雞煲小廚，就咁睇店面雖然唔大，但原來樓上仲有一層，都幾熱鬧呢。小菜既menu選擇都幾多，不過佢地主打既係雞煲，當然要一試啦。我地點左個麻辣重慶雞煲（一隻），上枱煲一陣就已經可以食，我覺得份量剛好夠4個人食呢。一開煲蓋啲香氣就溢出黎，聞到我地流哂口水呢。雞肉都幾嫩滑多肉，夠哂入味，雖然叫麻辣不過都唔算太辣，唔太食得辣既朋友都可以食到呢。除左佢地最出名既雞煲之外，仲點左個得奬既菜式：得獎金湯南瓜盅。原隻南瓜上，非常吸引呢！入面係海鮮南瓜湯，有魚有蝦，啲海鮮都冇煮到太熟，仲幾嫩口，唔錯！飲完個湯仲可以刮啲南瓜肉黎食，一餸兩味，滿足。食完雞煲同金湯南瓜盅之後就點左啲配菜食火鍋，menu要另外同店員拎的，我想食既菜佢都有呢。朋友最愛既豬潤，佢話煮完都幾爽口。大家都一致好評既手打墨魚滑。火鍋必備既肥牛，夠哂大份。