牛陣 (Closed)

我ga午飯時間比較晏，2:15來到問仲開唔開，他們說全日開放的。入內叫了$80牛肉60分鐘任食+自助蔬菜吧，湯底要了shabu shabu(咸ga)，頭一碟係有牛肉、豚肉同豬腩肉的，好老實全部都無驚喜，所以第二碟我寧願叫淨牛肉(雖然牛肉都好"鞋"，總好過食豬腩肉)，蔬菜都算新鮮，反而醬汁好有驚喜，帶酸ga醬油點肉類最好，$16一杯凍咖啡就唔值low，一點都唔好飲，雪糕就係牛奶公司貨色，一頓中午飯$80+$16+加一=105.6，試一次無所謂，但一定唔會有下次low，夜晚仲要貴咁多~

今日去觀塘，到了apm，巡了一圈，到處都是熟口熟面的Fast Food，只有牛陣不是，就想嘗試這裡，客戶來到當然尊重對方意見，剛巧對方也提議來這裡，一拍即合。午膳時間1:15pm，不用等位，即入。二人共叫了兩個$80的牛肉和菜蔬60分鐘放題。坦白說，$80任食，怎會有任何的期待？只冀求牛肉是牛肉，豬肉是豬肉便算了。至於正宗的Shabu-Shabu，怎會豬肉和牛肉混合在同一個鍋內？第一轉是強逼性的豬腩，豬肉片和牛肉三味，如照片一。唔，不錯嘛，不沾豉油和芝麻醬，牛肉都有牛肉味喎；豬腩就好味Ｄ；豬肉片的味道就較淡了。第二轉再來牛肉＋豬腩。樣子和第一相照片的一樣，但是放進鍋內便發覺和第一轉的其實不同，瘦肉較多。第三轉再來大雜燴。哈！這次牛肉的份量少了，豬肉片較多，而豬肉片也較瘦。至於菜，吃了蘿蔔，不同種類的菇，唐生菜... 不差也不好。時間緊迫，沒吃雪糕。寫這篇食評之前看了一下大家的評語，嚇一跳，和其他人相比，似乎今天的運氣不太差呢。既沒有碰到惡人，也碰不上小昆蟲。雖然提供的不是甚麼正宗日式Shabu-Shabu，但以這個價錢，在日本吃美國牛，恐怕只能提供一碟呢。就算在本地吃火鍋，$18一碟的

我就係同食評人小潔一齊去o既朋友~我o地兩個都好鍾意食火鍋, 而咁o岩又見到雜誌介紹呢間任食和牛; 當然去試下~之前上網o的評語好差, 都有少少擔心..... 但係自己唔試過又點知呢?!我之前一日我已經去睇過, 無得book位但係無咩人; 仲諗住第二日都係無咩人,點知.....好多人呀~ 不過, 因為好多人唔想等o既關係; 好快就有位啦~一坐低即刻就order o左個鴛鴦湯底(sukiyaki清甜湯&shabushabu清湯)同埋A5日本和牛, 再出去攞埋o的菜~ 仲有一隻生雞蛋(我覺得係日本蛋), 之後一齊等食~上菜都算快~ 清湯底好清, 甜湯真係好甜; 我只係淥過叫做試過就無再淥個甜湯。除o左牛肉仲有豬柳肉和豬肋肉, 而所有肉都切得好薄; 淥一淥就食得,而且真係有入口即溶o既感覺, 無渣又滑。好正!!到order第二碟o既時候都一樣咁正, 仲要比想像中大碟; 我o地最後仲order多一碟豬柳肉，都好好食呀！自助吧o的疏菜菇類都有好多選擇, 當然是普通貨色啦~ 但我o地去牛陣主力食牛肉啦, 其他只係配角。而我o地見到的服務生都ok呀, 而且都算有耐性~我o地order豬肉時唔清楚邊個

主要問題都係牛肉質素參差聽講係日本店子引入香港唔知日本總公司知不知這情況？不過每人數百幾二百，都預左有古惑其他環境、豚肉、服務都ＯＫ個９０分鐘都食得幾開心但係埋單時不太愉快個部長只求盡快奪回桌子急急要我們埋了單比了貼士多謝都無句水都未飲完又另有人來提我們要走了如果佢\交足貨都算數牛肉參差交不到合格的貨色仲咁趕客係咪中國人做野一定要咁只求做一次客，唔要人返轉頭？我提議佢\比客加單或者買酒，再坐一會可以賺多Ｄ大家又唔使食到咁緊張

昨天同朋友去牛陣食和牛任食火鍋。先前多本雜誌猛力推介，所以就算價錢偏貴、規矩多多都決定一試。我同朋友之前已做定功課，查看要吃甚麼。因為任食時間是90分鐘，我們不想浪費時間嘛。我預早去攞位先，牛陣是不設定位，而且要齊人才能進場，因為一入場就開始計時。等了半小時左右(昨天是星期五比較多人)，就可以進場。我們好好彩：2個人有張4人枱用，因為2人枱很細，放了電爐呀，碗呀，調味品等等已經無位剩，點放食物呢!一坐定就叫個A5和牛鴛鴦火鍋(這個是最貴的，盛惠HKD270)，上菜都算快喎。湯底好清，一邊sukiyaki清甜湯，另一邊是shabushabu清湯。甜湯真的很甜，吃得耐會很"漏"，相反清湯配和牛真的是絕配呢。和牛套餐除了和牛也有豬柳肉和豬肋肉。所有肉類都切得很薄，淥一淥就食得，而且真的有入口即溶的感覺，沒有渣，很滑。就算淥耐一點都沒有韌或鞋。到order第二碟時也沒有失望，一樣的薄、滑、嫩，而且比想像的大碟。另外再order多一碟豬柳肉，也是ichiban呢！自助吧的自選疏菜菇類等都有很多選擇，雖然是大路貨色(雪糕也只是牛奶公司的)，但去牛陣當然是主力食牛啦，其他只是次要。所見到的服務生都是

素聞此店的日本和牛係香港算係不錯…所以小弟和三位友人於11月13日去光顧…8時…. 本以為有排等位…. 但竟然一到就有位….興幸好彩之時…不知原來已經跌入左騙局…..Order了A5級牛肉- $240 + sukiyaki 湯底第一round - 和牛豚肉拼(真係好正，牛肉加日本雞蛋的配搭真係一流)食完之後…有位待應主動問我地要唔要追加牛肉…. 第二round - 和牛(同之前和牛豚肉拼d和牛明顯地唔同….. 似雪花肥牛…)第二次都已經算…. 都第三round…. 牛肉質素完全唔可以接受…..感覺係由$240質素…到第二round$180質素…最後第三round得番$120質素..我問個待應係唔係會追加番同一個level的和牛…因為第二三round果d根本唔係$240套餐果種和牛…. 答案話係….但因為每次切的部位都唔同，所以會唔同。理由根本唔可以接受…. 要佢搵第二碟俾我地…又不情不願推三推四….最後終於肯換…. 但俾我聽到個待應叫對講機入廚房俾碟靚d出黎…意思係唔係有客嘈就俾碟靚d出黎…無人出聲就瞞天過海….感到有搵笨之嫌。侍應的質素同我們品嚐的和牛一樣……參差不齊…一些真的不

其實各位網友有冇睇過d日本旅遊集誌，或者自己去過日本食和牛呢?係日本食果d"入口即融"的和牛，講緊係1幾2百蚊先有一碟仔。試問各位有冇諗過，2百幾蚊，重要係任食，你想佢真係"入口即融"?吾該各位自己諗清楚，先好作去評論，吾好係又寫吾係又寫。由於我已經有以上的覺悟，所以我就冇食和牛，亦都冇食最平果隻牛，選左中級果隻，日式湯底，d牛完全吾"韌"，可能d牛夠薄啦。不過個日式湯底就真係幾甜，好似和民果個"牛肉火鍋"果隻湯咁，兩隻d味真係好似，又係點蛋食，應該正宗日式火鍋都係咁甜瓜！都可以接受。重有我人見到有好多網友話d牛好"韌"，我就好奇怪，d牛已經好薄好薄，點解重會係"韌"呢？我諗除非佢地"錄"d牛"錄"得好耐啦，吾係應該吾會咁。我"錄"十幾秒，剛剛熟就食，不知幾好食。至於服務就普普通通，不過不失，可能我對食物要求高過服務瓜。

好彩呢個世界有internet，如果唔係一定喊笨自從聽到話APM新開左間食日式火鍋既餐廳後一直都好想去試一試，但見到OR既網友試後都劣評如潮，上星期日行左入門口都俾朋友拉番轉頭今日同另外三個唔怕死既朋友兩男兩女決心一齊去試下，因為之前見其他網友話每次都只係得第一碟係比較好既牛肉，之後再加單果D都係D連大家樂肥牛都不如既牛肉，所以我就決定叫最平果個餐，反正第二碟開始都係食同一樣既貨式，無理由要每人俾多百五蚊去食"一碟和牛"10點3左右去到門口個Waitress話要我地4個人到齊先可以入坐，本來已經好肚餓既我真係火都黎，我幾點入去你咪幾點開始計時囉，你理得我人齊未者，已經10點幾又無人等位，仲有乜理由要我人齊先可以入座坐低未開始食野又已經有另一個不快，我坐近牆邊既朋友被果塊凹凸不平既牆整損左隻手，如果整損既係塊面就分分鐘毀容，都唔明D人點樣設計裝修既。問個Waiter有無藥水膠布竟然話無，勞工處真係要去CheckCheck呢間舖頭有無安全藥箱。講番D食物，味道就當然一般啦，仲要真係第二碟開始就食"柴皮"，好彩上菜速度都算OK，總算都可以食飽。至於衛生問題就非常惡劣，一路食一路不斷俾D小昆蟲

我同男友係開張第二日路經此地(我被門口那些香味吸引了^^) 開頭我地以為不是任食的,經過待應解釋後,決定一試~不過當時只剩下二人枱,我地怕唔夠位擺野,所以就預約了四人枱,之後叫我們約一小時後返去~(當時約七時多) 八時多入坐後,就叫了日本5a和牛餐配昆布湯底($220),第一碟肉真的好好好好正,顏色(?)和脂肪分佈都好正,我都係第一次食咁好味既牛肉(笑)~不過叫第二碟既時候,黎左碟好普通的牛肉,我地叫佢地查清楚,因為同第一碟真係好大分別....之後佢地就扲過碟和牛黎啦~有見及此,我地之後每叫一次,都會講"唔該一碟和牛" 免得麻煩~(之後碟碟都好似第一碟咁靚) 我地差唔食左10碟左右,上菜速度亦很不錯,90分鐘任食過後,我地仲慢慢坐係到食其他配料,亦無人趕我們埋單.... 總結這頓晚餐,牛陣給我的感覺是很不錯的,但看見這裡的劣評越來越多. . .令到我有點困惑...何解牛陣會變成咁既呢......(淚)

上星期和幾個朋友去牛陣，不用等太久已可以入座。餐牌上可選擇加拿大牛或和牛，既然一場來到，當然是點和牛。我們點的是和牛餐，可是搭上兩款豬肉，之後追加的話則可指明要那一款肉。和日本一樣，所有要點同一個餐，湯底也必需一樣。其實我不太明白，和牛只得兩種餐，為什麼不讓客人選不同湯底呢？而且六個人也只有一個鍋，說是清湯卻一點不清，有點甜甜的，感覺似溝稀了的sukiyaki。等了10分鐘左右食物上桌了~~~牛肉的油脂分佈算不錯，不過切得比較小而且很薄，放到湯中一下子就縮水了。至於豬肉，咪又係鞋鞋地的豬肉，無咩特別。之後不斷encore牛肉，上菜的速度算快，有趣的是每一碟的質素都不同，有d幾好有d麻麻，但整體都是。餐廳有一個部份擺放了不同的蔬菜、菇、烏冬等讓客人隨意取回座位，新鮮但沒有什麼特別。坦白說，以$220的價錢吃這樣的牛肉真有點搵笨，以同樣價錢在港式火鍋店可嚐到很多美味的食物了。至於服務，侍應生都算勤快，沒有之前睇到的食評咁差。總括來說，唔值得試。

1.) 餐牌設計完全難明, 要叫店小二解釋, 解釋時像背急口令, 聽完都頭痛2.) 一圍3個人, 本來想叫不同種類的牛肉火鍋, 但是原來3個人只可要同一款的餐, 絕對沉悶, 吃到舌"鞋"3.) 後來叫了$150的牛肉火鍋餐x3人=$450(再加一), 第一碟時的牛肉都算少滑不過沒有牛肉味, 但旁邊有很多豬肉伴碟, 還以為這去了"豬陣"4.)吃完第一碟, 我們開始發火了, 話牛肉可以refill, 叫了四次, 先有牛肉再來, 來到竟然是一碟又"鞋"又老的死牛, 叫佢換番之前我地order那種, 店小二開始bullshit, 話牛肉是來牛既不同部位, 所以有差別5.)牛肉當然部位有差別, 我才選$150的那個, 如果沒有分別, 我就選最平的餐6.)再來第二碟的牛肉都是和第一碟不一樣, 簡直當客人白痴7.)90分鐘只可上到3碟牛肉, 但是碟碟質和量都不一樣8.)雪榚是牛奶公司的無味生粉雪榚, 不吃也吧總結: 無心經營, 當顧客是羊牯, 希望佢快快執粒, 唔好阻住個鋪位

今晚第一次光顧, 也應該是最後一次. 朋友與我共女性二人.看完眾位食評後, 意見如下.MENU不清晰. 看完都不知所云. 還是要叫侍應小哥解畫. 尤幸說得清楚. 最後點了shabu shabu, 應該就是日式湯底那款吧. 雖是任食, 其實有限時, 90分鐘. 在最後15分鐘前侍應走過來通知, 便追加了一份牛肉. 食物新鮮, 環境乾淨, 只是電爐並非內置而是家電式電爐, 令原本已很小的桌子更顯擠逼. 湯底的確是很甜, 是因為味醂吧. 如果吃不慣甜, 最好點其他湯底.雖然此店是以牛肉作招徠, 但第一輪肉類會有大半是豬肉. 吃火鍋我很少吃豬肉. 不過既然如此也就算數. 反正也不大難吃.牛肉好吃. 不過追加的那份就差一點了. 粗糙. 如果追加份的牛肉質量和第一份是有差別的話, 實在有取巧之嫌, 因為在下單的時候, 不同等級的牛肉是要付不同價錢的.一路吃, 服務也不錯, 不過到了最後, 有某位阿姐前來驅趕, 態度惡劣, 最後我走出門口之時對這間店的評價已由正轉負. 事緣這店不是有一條金科玉律叫"90分鐘" 的嗎? 還不就是栽在這手上. 肉類我只有追加過一次, 是在15分鐘last call時下的

一直以為日本人會把最靚、最正的東西留給自已用，只會把次一級的東西作外銷。既然牛陣咁厲害，拎到最頂級既和牛，仲要係任食，咁就點都要試一試。去到有好多個唔同既價錢，但主要都係分別在於牛肉的質素，一心黎試A5既，就要個和牛日式湯底。湯底就真係得個湯，配料要自已去拎，配料唔算多，得三兩款菜、粉絲、烏冬、冬菇、豆腐等等。個湯底真係太甜；牛肉既色澤同雪花分佈都OK，但係就真係唔知點解無乜牛肉味，而且肉質唔夠滑，坦白講，我在日本試過一塊A3都比佢有肉味同滑得多。不過佢地既服務都幾好，我地叫左大概6個round和牛，佢地每一次都好快就送黎，無話拖慢浪費時間，而且好有禮貌，亦會主動加水加湯。但衛生就真係要搞搞佢，食到尾聲時，竟然俾我發現有隻小強係度四圍行黎行去。

兩個人食一餐食左$678算唔算貴?當然, 更貴的食肆還有很多, 但在一個商場內的日本店, 價錢去到這種級數, 倒不常見。牛陣的香氣是招徠的手段, 人龍是促使人們好奇的賣點。第一次去吃, 試了甜湯和清湯, 覺得後者過了火, 吃和牛應該用前者, 保持到牛肉的鮮味。豬肉比較普通, 其他配料則以豆腐、菇類較佳,當然別的都是低價貨色, 沒有甚麼睇頭。平心而論, 並不覺得牛陣的sabusabu驚為天人, 以這種價錢去吃buffet, 應該有更多驚喜。同時, 正如其他朋友所言, 每次叫的牛肉的質素參差, 不過好起上來真的極佳(比較深色的肉味較濃), 相信不能叫人換, 所以也有缺點。或者, 可以這樣說, 兩三個人來叫會好一點, 因為再order牛肉等候需時, 每碟又不多, 一班人來吃又不知會不會供應多幾碟(睇怕幾難!)而其他配料又欠睇頭, 90分鐘這個限時很快便會過去, 不化算!

d肉都算好食既.....價錢都ok啦....不過d服務就真係唔得囉....講好左個半鐘任食..呢樣冇問題...但我地o係last order 既時候叫左碟肉，我地諗住食埋碟肉先走，我地亦唔知道要exactly個半鐘一定要食晒，食唔晒坐多陣都唔得。o係夠鐘之後，有兩位侍應提我地張枱夠鐘，我地都諗住快快趣食埋佢，之後有一個侍應話「張枱夠鐘喇喎，過時一分鐘要俾多$50」...嘩...咁都得??? 你冇一早講明遲一分鐘要收50大元咁巴閉架喎....早知係咁我地廁所都唔敢去食晒d野先嘛.....搞到食剩成煲肉o徙晒....