牛極 (雅怡居)

Open Now

Now Closed

呢間專食牛扒既餐廳，環境闊落，坐得都幾舒服，好岩同朋友,男女朋友坐低慢慢食。首先一入到去, 有部自動售賣機可以揀食咩, 如果唔識用,呢到職員仲會教你點餐tim售賣機到有幾款牛同重量揀,有牛肩肉眼, 澳洲牛肉眼,西冷,牛柳etc. 價錢都係$80起點好之後, 就可以等塊牛係呢個時候, 就可以去自助區, 拎定d沙律,白飯,湯同水芝麻醬沙律蕃茄牛尾湯略嫌個湯有d酸我地揀左牛肩肉眼同澳洲牛肉眼牛肩肉眼男朋友第一次食呢類形式ge牛扒, 所以覺得好新奇玩玩下就fail左，煎得太熟，un左d, 如果唔係就very good澳洲牛肉眼個人比較鐘意澳洲牛肉眼, 要煎到五成熟就啱啱好😏 好有牛味，肉汁鮮美，一d都唔會老整體黎講都OK，唔算太貴可以一試

除了一般吃西餐去扒房之外，日式熱石燒牛近年來都很受歡迎。牛肉的種類有牛肩肉，牛柳等，利用高溫熱石的方法燒熟牛肉。這種做法除了可以自己控制牛肉的熟度之外，還可以保持牛肉的肉汁仍然被鎖住。個人推薦：牛肩肉自助區有湯，沙律，白飯，三種醬汁。

今日下午與好友落左長沙灣据個扒，之前食過荃灣個間，有水準！午市除咗有牛之外，仲有雞，豬，魚同牛舌最鐘意黎尼度食野，沙律，湯同飯都係任食，仲要唔係行貨，沙律椰菜一點也沒有苦味，加上麻醬更惹味，牛肉湯香濃味美，用料十足，熱辣辣的白飯煙韌，粒粒飽滿點了牛肩排 180 g，一入口已感覺到特別濃的牛味，牛脂香滑，咬落有口感，鐘意牛味濃又有咬口的人就最適合不過牛柳 200g， 一打開紙巾，見到厚厚的牛柳，而急不及待立即切下去，肉汁豐富，切開放在熱石上五成熟，入口十分鬆軟，肉質嫩滑灑上一點海鹽同胡椒令牛扒更鮮味! 熱石牛扒真係食極都唔厭

深水埗美食多不勝數，在附近隨便選都是好物。跟友人也想大口吃肉，牛極，就是，不二選擇。點餐方式，已被機器取代，不再是，人手下單。很日系風格的設計。先在門口的自動販賣機，選好食物、飲料，再入鈔。歷時三分鐘，方便快捷。場內的沙律、牛肉湯、白飯任裝。兩份牛肩肉，咋咋聲出現了。🐮🐮在火山石鐵版上，以廚房紙蓋著。師傅已把🐮焗至一成熟，客人再自行煎至理想熟度。桌上有海鹽和黑椒，自行調味。別小看火山石鐵版的熱力，上桌後需馬上切割牛肉煎煮，很快便能把牛肉煎好。時間關係，已煎熟透了🤪🤪牛肩肉較瘦，帶根，啖啖肉，是，滿足的感覺。

呢排板上燒熱潮大盛，朋友話深水埗開左間牛極，採用自助售餐形式，揀左鐘意既扒後可以任食自助吧上既牛肉湯、白飯同沙律，價錢唔貴仲幾抵食！我哋嗌咗份牛肩肉眼同牛肋骨share， 牛以一成呈上，可以自己再自行係熱石上烹調至喜愛嘅熟度~牛肩肉眼肉眼油花豐富，中間通常都會有明顯的油脂，口感軟腍同幼嫩，牛味濃亦好多汁，相當推薦！🙌🏻 牛肋骨肉質非常鮮嫩，係帶油筋的肉，肉質相對結實，油脂亦豐富。配上餐廳提供自家製醬料(蒜蓉蘸醬、自家製燒肉汁、胡麻沙拉)更好味！最緊要嘅係雖然係食板上燒，但餐廳嘅冷氣同埋抽風系統做得唔錯，食嘅時候唔會熱辣辣，食完亦唔會周身油煙味😛

本局長是日連同副局長前往長沙灣一帶巡視，見一店名曰「牛極」，想起近日股市牛氣沖天，逐入內一窺究竟。顧名思義，牛極主打不同牛肉，計有西冷、牛柳、和牛等。局長倆點菜後便到自「自助區」一看，發現有沙律、白飯、牛肉湯供應。主菜未至，局長倆先嚐前菜。沙律菜清甜，牛肉湯味濃，同為開胃之選。未幾，聽到「噼歷啪勒」之聲不絕，兩件鐵板上的牛肉送至。只見牛肉上蓋了兩塊廚房紙，以防不斷彈出之滾油濺到局長倆尊貴之軀。稍候片刻，本局長為牛肉們揭開神秘面紗。牛肩肉眼180g鮮嫩多汁，牛味濃郁，肉質滑不溜手。牛柳200g味道較牛肩肉眼濃郁，肉汁豐富，配合白飯進食滋味更佳。自家製燒汁、蒜蓉、辛味燒汁三款調味料各有特色，為牛肉帶出不同味道。總括而言，此店牛肉好吃，局長倆飽餐一頓，繼續上路去也。

一心黎到咁遠地方食餐飯 入到黎問個店員 我想要林身 有咩介紹 佢介紹和牛 okay咁我叫 成300蚊 希望大家唔好中伏 黎到成個和牛好多根 點食？ 入口即溶 邊度？ 入d中國牛扮日本牛 我唔會再試 返頭食都唔會 叫左個90蚊個牛柳 仲好食過個和牛 ！ 入到黎食 冇服務我明 自助形式 我識做 但係地方唔太乾淨 地方坐得唔舒服 佢同我set到個價咁高 姐係吊高黎買啦 搵笨 只怪我蠢 貪佢扮日本風 飲品都成10蚊罐！沙律菜又唔係好食 湯又係西湯 中伏

今日放工去咗深水埗行完街 就去咗一間叫做牛極嘅地方食牛扒裏面嘅牛扒非常之特別一個個石板上面放一塊生的牛扒 係你自己去烹調 初頭都有啲唔習慣因為都擔心自己整得唔好食 點知裏面有詳細嘅資料教你點樣整 我同朋友每人都點了一塊牛扒我就點了牛肩肉眼 朋友就點 牛柳 兩個肉質都非常之出色 好清甜好有鮮味 又唔會硬 最值得一讚的就係他除咗牛柳牛扒意外還有其他 款式畀你選擇 除咗扒類外他仲有任食 的放題給你們吃 施放題包括湯 沙律 值得一讚的就是他的湯他的牛 蕃茄湯非常之好味 亦都好入味隆隆的番茄加隆隆的牛肉汁簡直完美無窮我足足飲了三大碗

位於長沙灣嘅平價日式鐵板燒。店內位置寬躺，以自助形式為主，由購買食物至拎米飯、沙律🥗、湯和醬料，都是自助架。有見到牛扒🐂🐂🐂選擇，分別日本和牛、澳洲牛仔牛肉眼、西冷等等。店員會提供圍裙，防止牛扒的汁淺到衣服。我和朋友點了兩款不同的牛，禁大一塊都係100蚊左右，非常掋食，牛魔王必定要黎試試。🧡牛肩肉眼 180g $80牛肩肉眼很香口，較牛柳簿小小，肉質很冧。上碟時會有張吸油紙，防止彈到。醬汁方面有自家製燒肉汁、辛味燒汁和蒜蓉。🧡牛柳 200g $120牛柳很厚身，建議在鐵板燒切開，可以使牛扒熟得更混均。枱面上還有海鹽和黑椒作調味。啲面會將一成熟的牛扒放在熱石上，由客人自己選擇熟到。如果覺得熱石不夠熱也可以叫店員更換。

好鍾意食牛😍😍😍之前去過荃灣同旺角分店幫襯，响長沙灣做完野經過又突然想据扒啦😆知道呢間新開冇耐，一於去幫襯啦！真心覺得呢間係快靚正, 上菜快...牛扒靚...湯飯沙律流量快，好新鮮😋😋（最怕放咗好耐果啲....🤭）呢間分店比其他寬敞，坐得舒適好多！除咗有卡位梳化，仲有一間房有張8-10人嘅圓枱, 啱晒一家人，三五成群...最最最緊要係冷氣仲十分強勁，一啲都唔焗👍🏼👍🏼今次我地試牛柳(200g)同牛肩肉眼(180g)，牛肩肉眼肉質好有彈性好有咬口！我就食開牛柳肉質淋身但牛味濃！值得一讚係呢間嘅牛肉湯真係好好味又足料（洋蔥，紅蘿蔔，牛肉）我一個人飲咗4碗，食湯料都有啲飽😅🤤🤤🤤

第一次玩自助煎牛扒，估唔到一D都唔伏，仲要好高CP值！熱石煎牛扒已經好吸引想試，仲要有埋添珍珠飯、牛肉湯、沙律、胡麻沙拉汁任食！勁心心眼！$80食到180g真牛，已經抵，加埋其他野任食呢Part，真係不得不介紹同回頭呀！呢度個自助下單機都係賣點之一，好日系呀！雖然牛肉真係好大塊，但其實都好快熟晒！想要三成至五成熟，我諗要擺番塊扒落豌先，臨食個下先好擺上去燒！調味有海鹽和黑椒都好夠用，紅色燒肉汁有D重味！

朋友勁鐘意食牛，今次就同佢去食下牛極，我地8點去到就已經坐滿晒人，好彩等左一陣就有位😍首先係去自動販賣機挑選牛肉種類同份量價錢包括左任食沙律、白飯同任飲湯，可以自己去拎自己想要嘅份量☺🍀日式牛肉湯蕃茄味濃郁，入面仲有牛肉同蘿蔔，幾惹味! 🍀日式生椰菜沙律沙律菜好新鮮，仲可以自己揀返柚子沙律汁同芝麻沙律汁，味道唔錯！牛係烹調到一成熟咁上枱😍可以一次過將塊牛扒切成細細舊再煎到自己想要嘅熟成度再慢慢食，亦可以食果下先切出黎煎到想要果個熟成度，熱石凍左仲可以換過塊我地叫左2種唔同嘅牛🤤🤤🍀牛肩肉眼 180g ($80) - 肉質結實🍀牛柳 200g ($120) - 肉質較嫩滑，肉汁豐富😋🍀米飯仲可以加埋芝麻紫菜粉，就咁食都好好味👍🏻下次可以再試下其他牛☺

鋸扒新體驗-石燒牛! 一個價錢，就有一個極厚切牛排，之後沙律、湯、飯任食lol 最平$80～.見到有傳單，話新店開張$80有牛肩肉眼180g，一於試下。原本除了在深水埗，牛極在旺角及荃灣都有分店。.見到店內好石燒「炸炸聲」，聽見到令人食指大動。.有好幾款扒扒的，有最平的牛肩肉眼，到牛助骨排（short ribs)、西冷、牛柳。到較矜貴的日本和牛。也有不同的size 任君選擇，180g~400g。價錢也相應不同，由$80-$350。.我同朋友就試下最平的牛肩肉眼180g($80)及貴少少的牛柳200g ($120)。.石燒，幾成熟自己決定，自己做「廚師」煎牛排。點切都得，好得意的食法。.上菜時，牛排用紙巾cover 住的，防止啲油彈出，我都建議大家拿一個拿裙。香氣四溢，急不及待食扒扒了！.扒扒好厚身，切的時候有肉汁，感覺新鮮。上菜時大約1成熟，我就喜歡切成「一口牛」，我朋友就切成一片片。.個人覺得牛柳比牛肩肉眼重牛肉味，肉質感比較「實」；而牛肩肉眼較「韌」最重要因爲是新鮮，所以2種肉都好好食，個人覺得2者差別都不太大。有3款醬汁，大家可以去自助區拿。.在自助區，飯、湯、沙律是任食的。湯是

我地係牛扒愛好者黎嘅知道附近開左新牛扒餐廳，路過就忍唔住一試餐廳係先係自助售賣機買左飛先，再搵位坐款式都唔少，另外仲有任食沙律，湯同白飯牛扒係放係石板上要自己燒夠哂tailor made，可以自己燒返啱嘅熟度真係好飽好滿足

黎到深水埗內街，離地鐵站都有8分鐘路程，揾到間鐵板燒牛，食法新穎，放一塊一成熟既牛，係塊高温鐵板上，食客可自行決定牛幾熟親身試過切出黎 再hi幾下塊鐵板就岩岩好喇。調味料好多，有燒汁，onion汁，不過我覺得最岩牛既都係純岩鹽，岩鹽咸度唔高可以落多少少，帶少少礦物既味道，帶出牛既牛味，起正另外，重口味既朋友可以再加埋佢個黑椒，鹽＋黑朴椒呢個組合就絕對夠曬味，再加其他就反而太多。牛扒黎講，肉質唔錯，有牛味，絕對唔係快餐廳果d鬆肉粉牛，3-5成熟食就最嫩口。一分錢一分貨，西冷既牛味同嫩既程度就出過牛肩肉眼好多。以下係任食既食物1）沙律：唔錯，有番茄2）湯：少少似羅宋湯，味道可以3）飯：生熟程度都okay，粒粒分明