八沢 (Moved) New Location

第一次去八沢, 二人座位有點窄, 不過食物好味.  當晚叫了三款食物1.  廣島蠔肉碎烏冬想不到會有四隻脹卜卜的蠔, 而且湯底清清地幾好味 2. 咖喱蛋包三文魚炒飯個蛋幾滑, 三文魚炒飯好味好足料, 不過咖喱稍甜 (但都好吃)3.  雜錦牛串燒牛肉很嫰很 juicy全單沒有加一, 實在是一個 nice surprise!

平時好少係東大街食日本野, 角落頭呢間舖門面係深啡色, 行過唔算太起眼, 但就有一種街坊小店的感覺..叫左叉燒拉面同麻醬冷面, 叉燒拉面湯底好香豬骨味, 但又唔會太濃, 叉燒亦都唔錯, 香口得來又唔會太咸, 拉面軟硬適中,唯一可惜的係隻旦唔夠糖心, 有點失色麻醬冷面係我的至愛, 去親食日本野都一定會試, 呢間的麻醬冷面ok la....面入口冰涼, 應該用冰水泡過, 但麻醬唔夠多, 撈完成碗后有點面都上唔到醬, 食落只有拉面本身的味道, 有點可惜, 值得讚的係面入面的冬菇, 整得几好食, 不過面的份量唔算多, 男士應該唔夠食

假日玩完海防博物館，沿路岀來就是東大街。說真的，居住沙田的我從來沒來過這個原來開滿食店的小區。從頭至尾行一遍後，選了門面設計很有溫暖感的日式拉麵店。推門入內，長窄的鋪型大約可坐二三十人。牆上貼有食物照片及手寫食物介紹，更添親切感。餐單上找到「黑松露」、「忌廉」字眼，完全沒困難地剔選了黑松露忌廉海鮮烏冬（$88）。北海道帶子拉麵（$68）先上來。三粒帶子帶有裙邊，大顆厚肉。湯底不濃不咸，拉麵麵質適中，整體味道平均。黑松露忌廉海鮮烏冬的個性相當招搖，侍應捧著經過都能聞到松露香。端在桌上，是會令人心情變好的賣相。西餐的白汁忌廉意粉醬汁，略略稀釋淡化變成湯底；意粉換上手打烏冬而成。味道相對北海道帶子拉麵香濃，適合重口味的我。海鮮有三文魚和帶子，還有一種不曉得是什麼的白色魚。另外要讚黑松露醬的份量，店家沒有吝嗇，一大匙，吃的時候也特別爽快。 

環境好特式, 不過有DD迫, 還可接受GE食物好驚喜喎! 叫左清酒雞煲, 燒茄子, 煙肉茄子和蒜蓉牛油帶子清酒雞煲(+烏冬), 湯清甜, 雞嫩滑, 菜吸左D湯味, 好好味, 叻加左個日本烏冬, 好正!!!燒茄子, 表面干, 肉裏包住汁, 煙肉茄子, 係我食過最好食的, 因為煙肉唔干唔硬, 茄子熱到適中, 可以兩樣一齊咬, 蒜蓉牛油帶子, 蒜蓉叶, 帶子鮮甜和好有口感, 仲唔洗加一, 

之前已跟朋友食過，翻尋味！決定book 2月14 帶男友黎試 。餐廳本黎話情人餐$4xx/2人，黎到先知佢冇限一定要食情人套餐，餐單仲同平日一樣價錢，超開心！所以我地揀返平時個餐單叫菜，食到勁飽都係$220左右一位，好滿足！不過冇book台既情侶就慘啲，要迫埋一張台，感覺到有pair情侶唔太滿意。一定會再encore, 口感太滿足了！

有一段日子沒有到這小店（又是這開場白）也是真的，上星期六來過一次後，一直念念不忘，尤其不能忘記的是黑豚生蠔燒，這可是必食之選呀! 由於上次是星期六無set lunch，所以我只有散叫了兩個主食，分別是三文魚帶子炒飯，以及豬骨湯叉燒拉麵，還有必點的黑豚生蠔燒!! 必須先說這個重點－黑豚生蠔燒，這用慢火燒熟的，烹調時間大約20分鐘吧! 燒好後，灑上些鹽，更能帶出肉的鮮味，用上靚豚肉才有這個肉汁豐富，生蠔保留所有肉汁，超鮮甜，難以形容的甜（$52/2隻），再說這個三文魚帶子炒飯，飯粒好香，帶子鮮甜，如果有些少蟹籽，整個飯就更有咬口再來豬骨湯叉燒拉麵，豬骨湯好濃郁，那蛋嘛! 超正! 至於叉燒燒得好香（怎麼我覺得有炭香?），這叉燒是偏肥的，正合我心意六日之後，我又來幫襯!!由於是平日lunch hour，客人也比較多，還好也不用等位（我可是餓着肚子過來的）今日有set lunch，所以就點了兩個set，分別是蕃茄帶子肉碎烏冬和滑蛋叉燒飯，午餐set都附送小食，今日就是新鮮凍蕃茄with芝麻醬啦!!!主食來了，這碗烏冬有兩隻帶子，兩隻都超大隻!!! 好令人意外，最欣賞蕃茄肉碎湯底，淡淡蕃茄味，還有

吃過低調高手大街小食的雞蛋仔和格仔餅, 本來想吃安利魚蛋粉, 因為趕時間關係, 怕要排隊很久, 就在低調高手附近的日本料理店八沢吃一點東西算了。八沢的侍應蠻主動的, 會到門外拉客, 午巿沒有套餐, 我們又第一次來到, 不知吃什麼好, 侍應都有細心介紹。本身有個自助茶水站, 但侍應都會主動幫忙斟茶, 服務佳。牆上寫上餐廳特色美食介紹, 有些紙是以拼圖形式呈現, 有點心思。黑松露忌廉海鮮烏冬$88很大碗, 也意想不到的多湯, 似乎是湯烏冬比較準確, 忌廉濃稠適宜, 很香濃, 黑松露份量不少啊, 充份發揮其香味, 內裡有很多三文魚塊, 三文魚塊煮了都不鞋口, 另有少許雞肉, 比較淡口。特別的是烏冬是比平常見到的幼身, 較能沾上湯汁同吃。人氣串燒拼盤$118由於全部都是由生燒到熟, 等了不少時間才上菜啊。有燒羊架、燒鱔、燒雞軟骨、燒煙肉車厘茄、燒豬頸肉燒羊架: 尚算嫩滑燒鱔: 肉質嫩滑, 不腥燒雞軟骨: 香脆惹味燒煙肉車厘茄: 車厘茄的juicy平衡了煙肉的肥膩燒豬頸肉: 煙靭爽口因為吃了「低調高手」「前菜」關係, 三個人飽到幾乎吃不完, 吃完這終於可以出發了。結賬後往隔鄰士多買飲料, 便去巴

第一次係朋友特登帶我黎搵食而偶遇呢間餐廳。雖然環境細咗少少，椅子亦唔算太舒適，但佢有小店獨有既良好服務態度。食物質數亦有驚喜。串燒味道唔算特別，但估唔到個白汁忌廉烏冬同牛扒咁惹味~ 唔知呢啲係咪唔算正宗日本菜，但如果佢玩fusion 我覺得味道都幾特別。白汁海鮮烏冬味道香濃而唔太漏，烏冬係稻庭幾滑，牛扒啲醬汁甜甜地，啲肉又夠稔夠入味，有一試難忘既感覺！已經食過兩次，希望可以keep住水準啦 ！

平安夜和老爸出外食飯，差不多全部西餐廳都指定要食聖誕餐套餐，就算其他食肆也有些做指定套餐，最大的問題是老爸有很多東西不能食，一個餐可能只可以食一、兩種食物，幸好在筲箕灣港鐵站外看到這家店，經查詢後得悉無需強制食指定套餐，只是像徵式收每人$80的最低消費。先行訂妥位，準時帶老爸到達，舖仔細細，在門口設有戶外坐位，入內當然十分迫挾，幸好店員幫我們安排的坐位在最裏面的其中一張細卡位，雖然都是擠迫，但也可自成一角。據稱這裏最出色的是一個清酒雞煲，試了後覺得有點像現時流行的雞窩混合日式的火鍋，味道較清甜，雞肉尚算嫩滑，其餘配料如菜和金菇的新鮮程度就一般了。串燒拼盤，水準一般，尚算不錯，羊架肉質有點鞋，肉汁略嫌不足，但羊味十足；串燒豬頸肉和雞軟骨都太乾；燒白鱔(鰻魚)就完全未夠火喉，嫌且有點帶腥；煙肉蕃茄就算是全個拼盤中最不錯，煙肉微焦夠香口，蕃茄汁液豐富鮮甜味十足；另一個額外加點的煙肉燒蠔就真的如老板推介時所講一樣，算是他們店的拿手出品，味道香甜鮮美，口感嫩滑。三文魚忌廉烏冬，比較有創意的一個食品，用上忌廉汁作湯底，特別之同時又夠鮮甜，配烏冬的口感十分潤滑，但可惜三文魚完全過熟和帶腥，令整個食品

工作辛苦了一整天, 最開心係放工時找一間好味的餐廳慰勞下自己, 所謂辛苦得來只為食!朋友家住筲箕灣,熟悉的朋友當然不用介紹也知道東大街一向出名多好野食! 今天就隨隨便便選擇左一間日式串燒來試試!一入去, 座位不是太多, 但由於已經九時多, 所以不用等位! 室外也有兩張枱, 適合偷偷食煙的朋友!入正題, 叫左一碗黑松露忌廉海鮮烏冬(HK$88), 一上枱, 已經食指大動, 見到個湯底係超濃, 而且上面有一份黑松露茸, 氣味同賣相都相當吸引, 海鮮包括帆立貝, 但美中不足是烏冬吸不到湯底的味道, 希望下次去, 這方面會有所改善串燒分別是牛脷(厚切)(4件), 煙肉蕃茄(3粒)黑豚生蠔燒(2件)3款都不錯, 相當有水準, 特別是黑豚生蠔燒, 生蠔相當Juicy冷盤蕃茄沙律HK$28, 朋友說很喜歡這個醬汁, 因為酸酸地,很開胃, 同洋蔥的味道很匹配燒物:燒三文魚魚鮫(HK$45) 明太子雞翼(HK$33) 這兩款就比較普通埋單只要HK$291!另外要讚揚這店的服務員, 每位都笑容滿面, 親切友善。此小店一定會再去棒場

今日想搵間日本餐廳食午餐！係openrice睇見八沢評分好高，所以決定去呢間開飯，黑安格斯肉眼牛扒飯色香味俱全好味，廣島蠔用碎烏冬，廣島蠔肥美，烏冬彈牙，食得太開心喇，燒羊架上檯時我食左一啖先記得影相，半架肉淋多汁好味但唔係咁夠熱！

上次覺得食物不錯，服務熱情，今次encore試一試其他食物。黑松露忌廉海鮮烏冬：忌廉香濃creamy但不像平時意粉汁濃烈，跟海鮮及烏冬很相襯。海鮮普通但很足料，以這個價錢已經相當不錯，烏冬也有口感，整體很好，一定會再來吃。燒茄子：有少少乾，但內裏juicy燒豬肉：很juicy，有肉味燒豬頸肉：比豬肉較爽，更香口惹味燒雞軟骨：入口似新鮮貨，香脆惹味燒鱔：肉厚鮮味，鱔皮燒得脆脆，非常好味

同朋友食生日飯, 無乜頭緒食乜好, 就近近地去很多野食的筲箕灣東大街邊行邊揾食, 結果朋友揀了這間大約開業一年的日式料理餐店, 讓我偶然偶上這裏的美食。環境餐店外放有兩三張枱, 燈光昏暗, 有客人正在一邊飲酒一邊食串燒, 很有日本深宵食堂的感覺, 其實當時只是7點幾! 餐店內的設計亦很有特色, 色彩繽紛的菜名寫在黑板上, 部份還附上大大張的相片, 非常吸引! 還有古典色彩的吊燈和大相框, 而另一邊竟掛住兩大隻魚乾, 真是很特別!餐店空間小, 枱和椅子都是細細的, 我們被安排兩人座位, 真的很狹窄, 坐得有點不舒服。服務服務員非常親切有禮, 臉帶笑容, 服務周到。她們不停為我們添上暖水, 又向我們介紹菜式, 送上火鍋時還細心提醒我們要小心, 除了服務員外, 連店主都親力親為, 真是力不到不為財!食物Menu上的菜式種類都算多, 有拉麵、烏冬、小食、炸物、鍋物、串燒、烤物、飲品和甜品。我們兩人叫了三款食物, 如下：1) 芥末果醋帶子冷烏冬 ($65)賣相相當吸引, 令人胃口大開 ! 有四隻大大的帶子, 半隻溏心蛋、半個蕃茄及一堆紫菜絲。最吸引是烏冬非常彈牙, 不禁要問問服務員是否讚歧烏

今晚想食串燒，見此店評價唔錯，去試一試。6：20到達，一個客人都無，有D擔心。服務員立刻上前熱情招待，話隨便坐，今日返咗好多海鮮...另一位疑似老闆再過黎推介食物，包括蠔烏冬、忌廉海鮮烏冬、豬骨拉麵（佢話D客話好食過一蘭，真的嗎？！）、串燒羊、蠔、鱔...桃味特飲：幾好，桃味唔太假又唔太甜蕃茄沙律：佢話係自家制醬料，酸酸甜甜，開胃好味蠔烏冬：蠔都幾大隻，湯底自淡淡蠔味加上豬肉味，唔錯。烏冬都算彈牙，好快已經食晒。牛舌：厚切，有口感豬肉：超正，有豬肉味又juicy雞軟骨：個人覺得咸咗少少，老闆即過黎話下次可以叫佢地輕手D，仲問未到嘅串燒要唔淡D（好細心呀！）茄子：又係厚切，外脆內juicy，正雞翼：夠惹味煙肉蕃茄：一啖食，蕃茄於口內爆汁，好熱不過好好玩白鱔：老闆話今日返兩條大白鱔，一定要試下。真係好鮮味，好食過好多高級串燒店。其實食海鮮，最緊要係材料新鮮，烹調技術的其次。食食吓都已經八成滿，老闆熱情得來又唔hard sell，不過地方就細D，下次我都要早D至得。

       今次已經係頭二次食八沢, 上次只係食烏冬, 覺得都好食, 所以翻食. 食次係好多人食, 所以食左好多唔同款.首先要讚的係LEE 間小店的服務一流，親切慇親，係其他連鎖店不能媲美的。今次我地叫左以下的食物﹕烏冬拉麵類﹕廣島蠔肉碎烏冬 (烏冬好味彈牙, 同平時食的唔同口感)豬骨湯叉燒拉麵 (好味, 特別在佢有加黑芝麻蓉係湯底, 所以少有地我會飲D湯)芝麻醬冷麵 (我最鍾意食這個, 特別適合夏天, 好開胃)串燒類﹕梅子雞肉 (梅子酸味適中, 好好味)燒鮮冬菇 (好咸…..)燒茄子(超咸…..)蕃茄煙肉卷 (好好味, 煙肉的香味, 配以車厘茄的清新味道一絕)人氣串燒拼盤 (燒羊架、厚燒白鱔、豬頸肉、雞軟骨、蕃茄煙肉卷) (抵食)飲品﹕白桃特飲 (好飲, 抵飲, 仲有細細粒白桃)燒物﹕鹽燒秋刀魚 (鮮味, 大條, 我話送飯送粥ARM 曬)小食類﹕蕃茄沙律 (清新, 唔係用芝麻醬, 而係用醬汁)炸物﹕炸墨魚餅 (OK! 好得三小粒)牛乳忌廉餅 (OK!)其他﹕三文魚帶子炒飯 (正常)