函館元祖北海道拉麵 (Closed)

喺朋友的推薦下，黎左佐敦呢間函館拉麵店。地方細細，佈置好有情調，感覺好warm。聽講係由日本人打理第一次黎，揀左碗白色湯的豬骨拉麵。湯底好濃郁，味道剛剛好，好香豬骨味，唔會太咸，加上彎彎曲曲的拉麵，口感一流，最後都忍唔住，飲埋個湯底。另外小食叫左個燒味付白身魚干，魚肉燒得好香口，唔會太乾，加上甜甜的醬油，好惹味！最後叫左個北海道牛奶布甸做點綴，估唔到，牛奶味好濃郁，口感仲好綿密，加左小小芝麻喺面，香到不得了！食完呢餐，可以同朋友講，真係冇介紹錯！

上星期跟朋友去左佐敦個市政體育館度做gym,辛苦完，就梗係要食返餐好嫁喇，唔係邊有得減肥我朋友就帶左我去隔離街，食呢間日本拉麵館店鋪不算大，可以話係一眼望哂，雖然係咁，但店長都好用心咁設計個環境，小小嘅吧枱，就已經充滿住居酒屋嘅氣氛食親日本野，我都會試下啲日本飲料，因為係香港，唔係度度都可以有機會飲，今次揀左白桃梳打，白桃清甜，好飲又解渴啊以拉麵店黎講，呢度算多選擇，特別係湯底方面，地獄、芝士、牛奶、豬骨等等，基乎係你諗到嘅，呢度都有，而我就揀左個芝士湯底，結果...相當有驚喜啊，湯底係奶白色，偏向杰身果隻，最估唔到嘅係，我食每一淡麵，都竟然夾到芝士啊！！！簡值係超超超超好味！除左拉麵出色，呢度嘅小食都相當唔錯，我叫左炸豆腐，即叫即炸，配上自家制嘅醬汁同埋蘿蔔蓉，外脆內或、一冷一熱嘅口感真係好正啊估唔到一間咁小形嘅拉麵館可以有咁好嘅質素，食一次，會令你想食第二次，食多次，會令你日日都想黎食嫁，值得推介俾大家

放工同朋友去左位於佐敦的函館元祖北海道拉麵食晚飯。呢間餐廳鋪面唔算大，裝修簡潔, 感覺幾舒適。北海道3.6牛奶芝士拉麵 - 豬骨湯中融入左北海道3.6牛乳，成個湯底充滿左奶香味，入口好順口，飲完都唔會覺得油膩，拉麵上面鋪左芝士碎，芝士溶化之後掛左係麵上，增加左麵的香口度，每一啖麵都好rich。金味增拉麵 - 金味增的味道濃厚，唔會過鹹，飲完唔會覺得口渴。d麵份量真的十足，麵條夠煙韌夠爽口。豚肉切得都幾厚下，肥瘦均勻，肉香幾濃，味道唔錯。溏心蛋的蛋黃色澤金黃，咬落滿口香濃蛋味。章魚丸- 咬落質感唔會太漿口，夠軟滑，口感爽彈且有嚼口。木魚絲夠大塊，帶煙燻香。燒鯖魚- 魚香濃郁，唔會腥，魚肉香嫩入味，魚的邊位燒至微焦，好香口。

係香港食過九州拉麵、東京拉麵，連函館拉麵都有，呢度係九龍第一分店！有趣的日本漫畫說Sapporo 拉麵歷史。海膽魷魚($60)的海膽汁有些酒味，有嚼勁，很適合做下酒菜。凍菠菜($35)清清地，配木魚食，做前菜唔錯。炸蒜辣油煎餃子($50)，餃子好香口，蒜片醬很有質量，唔太辣，有粒粒蒜片，蘸咩食都咁好味。梅酒($45)Suntory whisky with soda (high ball) ($38)北海道3.6牛奶拉麵($88)有叉燒、溏心蛋、菠菜、車厘茄、粟米、蘆荀，牛奶湯底好養生，營養豐富。

拉麵怪又出動集拉麵郵啦，今次黎到佐敦既函館元祖北海道拉麵，函館呢個地方大半年前去完，趁仲有記憶，試下搵番應有的味道先餐廳全部以卡位形式，雖然餐廳面積唔算大，但都坐得舒適原來唔只有拉麵食，仲有飯類，小食都比一般拉麵店多燒魔鬼魚乾 ($55)燒魔鬼魚乾係我好鐘意的一款小食，估唔到呢度有得食，點少少沙律醬一齊食會令人食到停唔到口金味噌地獄湯拉麵 ($90)地獄湯底辣度親民，唔會辣得太誇張，麵條為西山製麵所製造，粗幼適中而且彈牙，流心蛋同叉燒亦十分對版，最開心係俾左好多粟米粒北海道3.6牛奶拉麵 ($88)呢個湯底比較特別，用上奶味濃濃的3.6牛奶，令我呢個咁鐘意飲奶的人士差唔多飲晒成碗湯，都真係幾滿足

函館元祖北海道拉麵聽聞幾出名，店子雖小，但感覺上幾日本地道風味。炸豆腐配白蘿蔔汁 $55炸豆腐外皮好香脆，內裡豆腐仍是好嫩滑，更有些蘿蔔蓉汁解膩。濃厚豬骨蝦拉麵 $100金黃色的湯底，是濃郁的蝦味，質感有點黏口，豬骨也是足料。拉麵應該是曲麵較粗，所以吸湯程度一般而配料是用蝦、溏心蛋、粒粒的大粟米吉列炸豬扒咖哩飯 $100炸豬扒除了外皮好薄又鬆化，而且一點也不油，豬扒肉質夠腍，咖哩夠香但不會太甜，這個比拉麵好食。

呢間店入面既店員唔係本地人黎,所以要講下英文會易D溝通.為左試下D特別招牌野我叫左碗牛奶湯, 奶味算濃既,但係奶係類似淡奶咁, 唔好expect係甜既就ok我呢個加左d芝士, 變左就有小小易d濟既效果出現,佈置好靚, 麵身係直麵黎,都算吸湯.味道算幾新鮮, 就似淡奶咁.半熟蛋反而有小小唔夠味.豚肉有小小油, 但係味道好味, 小小帶硬, 本身肉味都重, 脂肪唔算多, 所以入口即溶既感覺比較少d.呢間唔只做拉麵, 仲有小小似bar咁,晚上既menu 會唔同左, 得閒會試下晚上會有咩食!

見佐敦開左間新拉麵銷 仲要標榜北海道拉麵 就決定同男朋友黎try！我地叫左兩款拉麵 - 金味噌牛油拉麵同北海道3.6牛乳芝士拉麵🍜估唔到有返同以前係北海道食既水準 好懷念既呢！牛油拉麵 食落去唔會太膩 拉麵亦都夠彈牙！而且唔會好似其他鋪頭咁咸！牛乳芝士湯底拉麵 食之前先飲一啖湯 奶味的確濃郁 有啲似忌廉湯既感覺🤣我本身係芝士控 所以對加上去既芝士十分滿意😋另外個麵底亦都要讚讚 彈牙不特止 配合埋芝士令到成個拉麵口感豐富。 除左拉麵 我地都試左炸蠔 炸蠔略爲細粒左啲 但炸得幾好 唔會太多粉 蠔肉亦都夠鮮甜！

為了捉緊夏天的尾巴，放工後約咗細佬去九龍公園游水！三張野仲有心有力游到十個直池，就當然需要食好野補充下體力啦！細佬就拉咗我去佐敦試呢間日式拉麵店—函館元祖北海道拉麵。門口到內裏裝潢都係走和風路線！等咗5分鐘就能夠入座，座位闊落。侍應態度相當友善，主動介紹受歡迎同多人叫的拉麵比我地。左諗右諗就叫左以下兩款拉麵:🔸金味噌拉麵味噌夠濃亦夠香，食落口又不會太䶢同油膩。食一碗確實唔夠喉！🔸極尚豉油拉麵賣相吸引之餘，湯底都十分好喝。而且用料好豐富。有厚切叉燒、粟米、流心蛋同埋荀片等。🔸章魚丸真正做到日式章魚小丸子，章魚彈牙而且入而啲sauce夠曬rich&juicy！價錢合理，而且服務優質。值得一試

這間在官涌街市附近的日本菜餐廳，雖然只能容納約廿人，但我七點多去到都全場爆滿，建議可先訂位。餐廳食物款式很多，有串燒、小食、炸物、定食及拉麵等，亦有多款日本酒以供選擇。刺身沙律沙律超級大碗，上面是一些香脆的薄脆，沙律菜新鮮爽脆，夾著一些火炙三文魚，醬汁有些酸味，十分清新開胃。凍豆腐簡簡單單的滑豆腐淋上日式芝麻醬，非常清新。濃湯豬骨地獄湯拉麵拉麵點了大辣級，但辣度依然在可接受的範圍，辣味是入口後慢慢滲出來，越食越辣，不過辣味中又能嘗到豬骨湯的鮮甜；拉麵爽口彈牙，燻糖芯蛋幼滑，還有一片叉燒、粟米、筍及黑木耳等配料。吉列炸豬扒餐配沙律及麵豉湯沙律配日式芝麻醬汁，麵豉湯鹹度適中，吉列豬扒肉質鬆軟，而且有肉汁，不過比較油膩。

拉麵食得多，但牛乳拉麵我係第一次試。今次呢碗係函館元祖北海道拉麵嘅北海道3.6牛乳芝士拉麵。芝士拉絲成風，其實好多時我都覺得係gimmick多於味道。為咗一兩幅相，整呢不倫不類嘅嘢出嚟為咩?好彩今次係真心match，芝士同牛乳配搭得宜。Menu設計唔係話好靚，而且冇圖冇真相，叫嗰陣其實都有啲冒險感覺。湯底乳白，遠遠已經聞到牛乳香。飲落同想象唔同，原來依然以豬骨湯做底，牛乳嘅角色係香味同令湯更creamy，但本質都係豬骨油香。芝士量特多，係比較香但唔太鹹嗰種芝士，同牛乳好夾。拉絲話咁易。湯底望落已經好似carbonara，配埋露筍，感覺特別match。溏心蛋半流心，蛋白好滑。西山製麵，富蛋香。叉燒調味唔多，食到豬肉原味。切得好薄，脂肪位透光。質感唔錯，可惜太細塊。好奇下叫咗個海膽魷魚。望落金黃好吸引。不過可能係下酒菜，味道較鹹，好彩同人share，唔係就不得了喇。跟飯食應該會好啲。menu有樣幾特別嘅係$90三款飯，實在係正中鍾意試新嘢嘅香港人下懷！題外話：有吧枱。唔少日本男人幫襯。夜晚可能係佢哋把酒談歡嘅地方?

認識北海道拉麵始於7年前開晌中環交易廣場嘅「札幌元祖北海道拉麵」，應該算喺第一次食北海道風嘅拉麵「牛油塩拉麵」，一大嚿牛油喺其特色。但依家，拉麵店開到成行成市，甚至日本邊度地方風味嘅拉麵都有。小弟唔喺拉麵控，不過，偶爾都會食一次半次拉麵，最近，就同親友晌佐敦遇到一家賣北海道拉麵嘅餐廳「函館元祖北海道拉麵」，重溫一下當晚食北海道拉麵嘅滋味。踏進鋪內，雖然個鋪睇落應該幾深，但用餐區唔喺好大，因為個廚房佔咗唔少地方，目測估計都喺廿個左近，但就顯得有點逼。而裝修都幾骨子，最富和風特色應該喺啲燈籠、布幡、清酒，此外牆上掛有四季嘅風景相，不過，好吊詭，全部都喺寫住札幌，而唔喺函館嘅？店名註明拉麵，咁有大量拉麵嘅選擇喺預期，不過，估唔到店內仲有唔少其他選擇，如沙律、前菜、揚物、燒物、碗飯、定食、咖喱飯、甜品，選擇近百款，比一般拉麵店為多，所以定位絕對唔靜止拉麵店。但講到拉麵，佢哋同樣比坊間賣拉麵嘅店為多，通常人哋主打賣4、5款，佢哋就成十多款，湯底、配料亦選擇多多，真喺睇得花多眼亂，搞到我哋都心大心細唔知揀咩好。此外，拉麵配餃子、炸雞塊……等小食，有加配組合，正想點之際，原來只喺得晚市先有，唓！順便

今日陪同事去佐敦寶靈街買嘢，天氣熱得嚇人，走在街上好似在焗爐中一樣，差不多有中暑的感覺。雖然啱啱是12點，見到這間拉麵館覺得錯，有理冇理， 便走進去試一試。又畀我搵到不錯的拉麵店「函館」。我們到的時候還未到12時，所以未有其他食客。他們提供的冰涼綠茶，真好，透心涼，暑氣全消了。有一個特色的小酒吧北海道牛奶芝士拉麵，一上來的顏色賣相都好靚，紅、綠、白、黃色，非常養眼，湯底有很香、很濃的牛奶味，加上很多的碎芝士，正，好吸引，又有糖心蛋，吃起上來好滿足。知道餐廳用嘅拉麵是日本到港的，所以更加小心品嚐，感覺麵質好好，不會太淋，有咬口，份量也足夠。豬骨豉油拉麵，有木耳、豚肉片、糖心蛋、粟米粒，流心蛋做得啱啱好，湯底濃郁好夠味，一會兒又吃光了，味道不錯的拉麵，我喜歡。濃厚豬骨蝦拉麵，有豚肉片，爽身的蝦，湯底一樣濃郁夠味，但不太油膩，吃完之後都冇覺得很口渴，拉麵色澤明黃，不會太淋，咬落有質感，絕對能引起你的食慾。加$25配章魚丸，熱熱的章魚丸烤得不錯，味道剛好，做小吃最適合，一邊吃麵一邊吃章魚丸最享受。「函館」地方不算大，但是坐得舒服，吃得滿足，店員服務親切，會主動幫你加添綠茶，不錯的日式拉麵店。

到佐敦辦事，順便在那邊吃午餐，見到這間拉麵店門面幾光鮮，就進去午膳了! 餐廳空間不大，以木色餐桌配以綠色椅子，感覺幾清新簡約~ 北二家白桃飲料 ($28) 一大瓶的白桃果汁，內裡有不少果肉又夠冰凍，最適合炎夏享用~ 芒果梳打 ($28) 友人所選的芒果梳打，表示甜度適中又夠氣，幾好喝! 大阪燒 ($60) 大量的木魚碎在飛舞，加上不少椰菜的大阪燒混上沙律醬，惹味好吃~ 濃厚豬骨蝦拉麵 ($100) 呷一口湯，有濃濃的蝦鮮味，湯底幾濃厚的; 配料有木耳、竹筍、粟米、糖水蛋& 蝦仁，再加上煙韌有咬口的拉麵，相當豐富呢! 如果可以配上一隻大蝦就更好了! 鰻魚飯 ($100) 一客鰻魚飯原來已包括: 沙律、麵豉湯、漬物及主食，份量十足~ 沙律菜幾新鮮、麵豉湯亦不會過鹹，幾合我胃口; 鰻魚燒得很香口，外脆內嫩滑亦沒有細骨，用鰻魚汁來拌飯吃，輕易就能吃罷碗飯了! 想不到拉麵店出品的鰻魚飯都頗有水準，而且只是$100 (+10% Charge)實在相當抵吃佐敦官涌街19號地舖25634600

呢排黎開佐敦呢邊，第一次黎到函館元祖北海道拉麵食拉面。ｍｅｎｕ都有好多選擇，可以揀拉面，定食，有飯有ｓｅｔ，仲有唔少前菜同小食架！我地叫左兩個ｓｅｔ加一份小食。滑蛋雞肉飯$75雖然價錢抵食但份量一D都唔HEA,咸咸地既炒蛋加上啖啖雞肉,飯吸晒汁好香~仲有芝麻沙律加面豉湯TIM大阪燒$60有燒汁,沙津醬,仲有海台等等。面粉同炒雜茶同比例唔錯,好有口感。濃香味噌拉面$80味噌拉面既面豉味好濃郁,本身已經有配料,差燒,栗米,唐心蛋,勝在乜都有,湯底夠熱,面既質地唔會太軟同硬,幾有口感。叫左兩杯烏龍茶$15,加冰消暑一流。