花木日本料理 (Closed)

再次來到位於天文台道的日式料理店花木裝修不變待應的衣服也變得更加好看而且餐廳內也更加完善了這裡的空間很寬敞很適合一班朋友來到聚餐先來點開胃茶來點炸物就最好了在吧台前有放著一杠小小的魚杠入面有些小蟹問過待應這些蟹是即點即炸的這麼新鮮當然要來一份啦這種蟹名為澤蟹炸完出來後連殼也炸得酥脆整個殼也可以吃掉很香口燒活帆立貝活燒物最好就是可以自己控制火侯在燒的過程中可以自己加入堅魚高湯令到整個帆立貝的味道更加特出煮得剛剛好的帆立貝真的鮮甜無比最後我們還把貝殼中剛剛一起煮的堅魚高湯都喝完梅酒煮茄子酸酸甜甜的茄子還是第一次試到這道菜不像平時的茄子一樣很油膩而是十分清爽但是又不失茄子的綿密口感聽待應說這道菜是用了紀州梅還有梅酒去煮可以吃得到很強烈的梅酸甜味喜歡嚐鮮的可以試一下鹽燒新鮮海魚不記得這條魚的名字但是這魚十分鮮美而且是慢火燒可能是用鹽包著燒所以肉汁不失又不會太過咸而且沒有很多細骨不喜歡吃魚的人也可以放心吃加上在旁邊的醬汁和檸檬可以令到整個魚肉的味道更加好吃

天文臺道 只懂得飲嘢既話 就錯晒啦～高質既餐廳 收埋係樓上～今晚就食咗間為於天文臺道既日本餐廳可以我大鄉里出城啦佢個門面彷和式 以木做主題 畢竟 佢叫 「 花木」行到入去 會先踏到石春 x麻石地非常之優雅 今次既菜單 1） 胡麻菠菜油揚沙律 $90食主菜前就想點前菜黎開下胃，就點左呢個沙津試下，係其他地方都未見過呢碟咁特別既沙律。菠菜爽口，豆卜軟熟甜美，上面舖左菊花，加上胡麻醬真係甜上加甜，令人食不停口2）活帆立貝 $168活生生的立貝放在爐上燒不斷加上 昆布湯 令立貝熟熟的程度可以自己調重點 好鮮甜有一點 更係驚喜原本偏鹹既昆布湯 因為吸收立貝既鮮味變間變甜 鮮味十足（有比較未滾既昆布湯）3）花木仲買入特選壽司10本 $348由淡味到濃味 基本食壽司過程擺設都準備好 比較容易了解淡味到濃味壽司一次過食晒 一盤壽司好幸福都好鮮甜最中意海膽壽司 鮮鮮鮮～ 4）土佐豆腐 $68唔好睇呢碟野好似滷水豆腐咁，其實暗藏玄機，一咬落去外面非常爽脆，原來佢用炸豆卜包住軟熟既豆腐，就好似食炸雪糕既感覺，外脆內軟，豆腐鮮美結實，上面再舖上柴魚片，美道一流5）沖繩豚肉炒苦瓜 $88一上菜既時侯，覺得豚肉

週日放假梗係同屋企人食餐好，好耐冇食日本料理，就去尖沙咀天文台道的花木，食餐高級日本菜。餐廳裝潢好高級，好似去咗日本嘅高級日本餐廳。服務都好好，店員有禮貌，會介紹每一道菜式。第一道菜原條池魚，最令我印象深刻。池魚新鮮，油份高，點酸酸味味嘅醋汁，入口嫩滑鮮味，而且擺盤極吸睛。第二度係燒活帆立貝，帆立貝兩食，可以生食又可以燒熟，牛油味香濃。明太子燒飯團脆卜卜，而土佐豆腐外脆內嫩。野菜鍋健康清新，有多款蔬菜，娃娃菜，菠菜，南瓜蘿蔔及鮮冬菇等，好Green. 

天文臺道高級日本餐廳，環境極佳，餐廳以金黃色為主，感覺堂皇舒適，室內陳設雅致。 先來一盤原條池魚刺身，池魚口感非常爽脆，適合以刺身方式進食。池魚脂肪比例適中，一點腥味都沒有，魚片透明色澤潤，一口咬落去魚油在口中爆發。再配上酸汁同紫蘇花花瓣，進一步提升魚既鮮味。燒活帶子，活帶子浸係鮮湯同牛油中，刺身食又得，等熟透再食亦十分鮮甜。服務員提醒菌類同 帶子裙邊要熟透先食得呀。土佐豆腐，即裏上木魚碎的豆腐，再用油輕炸。入口木魚碎炸得酥脆，內裏的豆腐仍然軟滑，將辣蘿白蓉同蒜蓉溝入醬汁中同豆腐一起食，非常可口。食左甘多好野，想清清地食多啲菜，叫個日本什錦蔬菜鍋同蜆麵豉湯先。 兩樣都係用味僧湯底，徤康美味。雖然食物價錢不算便宜，但食物質素相當不錯，值得一試。

香蔥吞拿魚腩蓉薄脆$108自己本身好鍾意食吞拿魚腩蓉配上薄脆再加上Wasabi食落去脆卜卜 魚蓉份量好多每一口都是滿足😍😍😍😍😍澤蟹 $58師傅會喺吧枱度炸呢啲蟹仔即點即炸 我哋仲見到佢係好生猛咁郁嚟郁去十分新鮮 細細隻可以一啖一隻 香口野味送酒一流特選壽司10本 $348食得出呢度啲刺身好新鮮而且擺盤好靚 絕對係相機食先😆😆竟然有白子壽司 有驚喜牛舌岩鹽燒 $108 牛舌好厚身 入口好爽脆完全唔會有靭既感覺配上檸檬汁 令到牛舌嘅味道更加出色鳥貝天婦羅$128第一次食貝類天婦羅😆估唔到天婦羅都可以咁鮮甜上面鋪左好多好多好多洋蔥脆脆的炸漿配上淋淋嘅甜洋蔥感覺好得意 蠔 $158好似有手掌甘大完全冇腥味 而且好creamy 極力推介

有睇開我寫既食評嘅朋友都應該估到我幾鍾意食日本野，落機返屋企擺完行李之後，就即刻去咗花木食日本料理餐廳有二人套餐供應，菜式都好吸引，一於就叫呢個set首先就係前菜，分別係鮟鱇魚肝，配左酸汁，原來魚肝都幾好味，好香炸日本澤蟹，超可愛既炸蟹仔，脆卜卜，好似食緊零食咁酒盗芝士，酒盗芝士上面既係經過醃製既鰹魚內臟，配唔太濃味既芝士岩岩好之後就到黃菊菠菜油揚沙律，新鮮翠綠嘅菠菜加上麻醬，好清新接住就係上刺身，有油甘魚，牡丹蝦，中拖羅同平政魚，全部好鮮味跟住串燒盛盒就黎到啦，有6款唔同既串燒，當中我最鍾意既就係燒大蔥，好甜好好味，其他串燒味道都幾好食完串燒就上沖繩一口雞，呢個一口雞真係不得了，外脆內嫩，炸完仲保持到個肉汁，唔會炸到又硬又乾，調味都好好然後就係蒜香安格斯肉眼食完牛扒之後就可以揀綠茶冷麵或者壽司，個綠茶冷麵真係好好味，冷麵醬汁加上蔥花同鵪鶉蛋槳，加埋Wasabi真係超滿足最後又點少得甜品，甜品係木瓜奶凍，好特別！因為將奶凍同鮮木瓜一齊整，奶凍會帶有木瓜嘅香味

朋友生日,識做既我當然要請佢食餐好架啦!我上OPENRICE搵到呢間餐廳,見到佢勁似日本,食材都好精心就BOOK左呢間餐廳啦!見個磯煮鮑魚平平地,好抵食就叫左啦!只係一隻,但個PLATING超級靚,連點綴既前菜都好好味!我地想食D特別野,就叫左輕燒和牛配酸汁,和牛燒到2至3成熟,底下有好多酸酸味味既洋蔥,面頭有D CARROT PUREE,超好食。沙律就叫左香草雞胸什菜沙律,個沙律加左酸酸甜甜既醬,清新又唔膩,仲好開胃添呀!香草雞胸既CALORIE相對較低,岩晒中意輕盈既我地。中意食蟹既我地仲叫左鹽燒鱈場蟹腳,鹽燒既方式帶出左蟹既鮮味,鱈場蟹腳本身就好多肉有結實,只係個蟹腳已令我大滿足。想食D炸野,就叫左白子天婦羅,係魚既精子炸成,好補身架聽聞。食左好多樣野,但冇飯就差咁D咁,就叫左個花木玉子燒軍艦同海鰻壽司,海鰻壽司有油光,厚肉,完全冇燒焦,肉好入味,玉子就面頭同底都有一塊,好有心意。大愛呢度既擺設同裝修,有唔同既AREA,仲有櫻花既擺設添,真係有一刻以為自己去左日本添。

今日黎左花木食晚餐！整體真係好滿意！！內裡裝修好靚，好舒服，枱同枱之間有一定嘅空間，所以唔會覺得好焗促😍😍主要我覺得services好好，令人真係有覺得賓至如歸嘅感覺，野食嘅擺盤都好靚好吸睛。我地2個人嗌左幾樣野食啦，當中炸沖繩苦瓜片幾有驚喜，因為平時對苦瓜又唔係話太大興趣，但呢個苦瓜片炸完好脆口 好似食緊啲脆片類零食咁，好香口，幾好食！ 而個菠菜油揚沙律就相對其他野黎講 有啲普通啦 當清下味蕾 胡麻醬好味 haha然後個大蝦天婦羅有5舊，一上枱真係比個櫻花擺設驚艷到 haha, 而且仲要食得嘅添🤣🤣天婦羅嘅皮好脆 唔厚亦都唔油膩 蝦肉厚實 生熟程度則剛好 天婦羅汁調唔係太重口味而個牛舌岩鹽燒真係燒到岩岩好，新鮮上個陣記得快啲食，個陣先係最好味😛😛加上岩鹽無得輸鹽燒六式珍味蠔 一上枱又係好吸睛，粒粒蠔都好飽滿，一共有6種味道，各有特色，當中個人幾鐘意海膽同蒜味 利申佢真係重蒜嘅，而我朋友就鐘意sake味講到sake, 清酒煮蜆real出色，因為湯底真係好濃sake味，蜆肉飽滿，冇甩殼嘅情況出現，鐘意清酒味濃嘅呢個一定要食下Overall黎講 有野慶祝嘅話 呢間餐廳真係好適合

星期日晚同屋企人諗住食好啲，我地去左尖沙咀一間高級日本餐廳到食晚飯。喺呢到食飯簡直係高級既享受。由踏入餐廳已經感受到舒適既環境，到坐低時侍應遞上熱毛巾比我地抹手， 呢啲細節位已經贏哂。我地點左知澤蟹，呢道前菜好特別，佢係將啲蟹仔拎去炸，食落去脆卜卜，好得意。啲澤蟹係養喺水缸入面，新鮮即叫即煮。另一個前菜係香蔥吞拿魚腩蓉薄脆，吞拿魚蓉好新鮮，配埋薄脆，口感豐富。全晚最正既就係呢個花木特選壽司10本，有10款唔同既壽司，滿足想試唔同野既願望。仲有呢個活帆立貝，放喺爐上面慢慢燒，勁鮮甜！我地仲叫左燒雞軟骨、牛舌同埋牛肉露筍卷，好香口。最後，食埋呢個花木甜品就完美喇，入面全部都係我至愛既日本甜品，精緻又好味！

今日同男朋友黎慶祝生日呢間甲級商廈都有好多酒吧原來仲隱藏左間咁高級既日本料理店環境好正宗日式餐廳 有廂房 亦有普通座位望到廂房仲正宗和式 坐地下 ～播住和式音樂 好舒服一黎到就好好服務 有熱毛巾比你 好正宗日式服務 首先我地叫左個前菜鮟鱇魚肝豆腐有d 柚子醬油 酸酸地既柚子汁 加上昆布 成個醬汁勁開胃 好中意！令到個魚肝冇咁漏第一次食鮟鱇魚肝 估唔到一試就愛上之後叫左刺身盛 有四款每款三塊 有吞拿魚 油甘魚 三文魚 等等全部都好新鮮 即切 入口即溶 好肥美同好正～壽司豉油淡淡地唔會搶左個味道無花果大蝦沙律🥗大蝦煎過好香口 沙律菜配上胡麻醬 酸汁又係好開胃好清新既感覺配上無花果 好有益口感柔軟得黎甜甜地 好似紅桑梅但冇咁甜 咬落去有時會感覺有細細既籽仲叫左松葉蟹炸天婦羅外面包住紫菜咁炸 又幾得意 炸粉只係薄薄一層成條都係松葉蟹肉！ 好脆好香 難得唔係蟹柳扮哂蟹～ 好堅既蟹腳另外叫左款甜品 紅豆 cream 比我點mochi 口感煙煙韌韌的蕨餅 上面灑上黃豆粉 為今晚呢個完美既晚餐作結！

今日同老公結婚周年紀念日，就食豪D，豐富D啦！果然無揀錯，仲一定要Encore!!餐廳在新商廈內，好寛敞，有獨立房，可以增加私人度，服務好新切酥炸軟殼蟹卷即叫即炸，鬆脆內軟，不太鹽，飯是暖的，勁多蟹籽，抵食之選！什錦天婦羅2件冬菇、南瓜、3大隻海蝦、茄子、素面、2隻青辣椒，炸醬超薄，真係大師級水準，又能保持材料嘅濕度！爐端燒秋刀魚師傅刀工好，連秋刀魚都起晒肉，仲要冇骨，啖啖肉，配上酸鹹汁配上食用花一齊食，好match!舞茸茶壺湯好有驚喜的湯！飲到最後打開個蓋睇先知完來咁多材料，怪不得啖湯好濃、好香甜、好鮮味！記得食埋D湯料，就係精華所在！$168好值呀！岩鹽燒牛舌牛舌又冧又爽，燒得剛好，一D腥味都無！推介呀！牛肉露筍卷、雞肝串燒牛肉味濃，露筍無渣，又鮮甜，雞肝有好大粒呀！花木特選壽司10本，其實超過十款三文魚、油金魚、𩶘魚、赤背、帶子、拖羅、池魚、海膽軍艦、大牡丹蝦、玉子、限定魚(日日唔同)，款款壽司都好新鮮，又有賣相，悉心裝飾，裝飾的花，都是食用花，全部都食得！

咁你約咗一個好耐冇見嘅朋友食飯，我哋去咗K11 Muses影相打卡之後，張相OpenRice搵吓餐廳諗住食個飯去完日本之後一直念念不忘，所以最後我哋揀咗食日本野。餐廳位於天文臺道8號2樓， 一入去間餐廳座位非常之寬闊，而且門口已經感覺很有氣派餐廳座位唔算好多，但係唔算太嘈，每張枱之間亦較適合嘅距離，就算傾下密計都唔怕因為我哋之前喺Open Rice🤔見人介紹過日本和牛壽喜，我哋都覺得好吸引，而我更是牛魔王。長芋明太子冷豆腐 $88本身我就好鍾意食豆腐，由是其是由日本來的豆味更加香濃，再配埋明太子、芥末、姜未、蔥花，層次更加昇華。松露芝士帶子海膽堡 $128做得好精緻，中間夾住$一塊紫蘇葉薄脆，咬落非常之香脆可口，而海膽非常之鮮甜，日本和牛壽喜燒 $688帶有滿滿嘅油花，職員好細心咁樣幫我地燒埋，一路燒一路講解。仲問我地介唔介意食牛肉比較生d..我哋當然唔介意啦❤️和牛肉質嫩滑，油花入口即溶，壽喜燒湯底很甜及濃郁。再配上日本生雞蛋🥚簡直是絕配當食完牛肉之後啲面就會提供一大盤蔬菜，就變成左壽喜燒火鍋。值得一讚👍🏻侍應主動添茶，每道菜亦會主動介紹。

「竹壽司定食🍣(折後價：$84)」嘅壽司係師傅👨🏻‍🍳按當日食材而定 刺身鮮甜原身 最鍾意佢件帆立貝同白色個件(求神人解答🥺)仲有巑歧烏冬🍜麻醬沙律🥗好是料嘅滑lulu茶碗蒸🍵同新鮮甜橙🍊咁嘅質素 半價 好歡欣🥳提示⚠️：可以bk位or walk-in❗️-This Sushi Set 🍣(After discount: $84) is served with 5 pieces of sushi, a salad with sesame dressings🥗, a bowl of udon🍜, eggs 🍵 and 2 pieces of orange🍊. The sashimi is fresh with umami. I love the scallops one and the white round one(can anyone tell me the name plz🥺)Have a try during the promotion!🥳Reminder⚠️ : make a booking or walk-in to enjoy the discount❗️-價錢price：$100

同幾個姊妹去食生日飯,環境唔錯,但坐落個感覺好似去左屋企樓下間大排檔咁囉是咁的一入門口,就見到個老闆SHOW晒紋身,一睇就知佢係果D退隱大佬可能就係因為咁,D侍應由外到內,再由內去返外都各有特色再加上我地坐得近門口囉,成日聽到個知客嗌呢樣嗌果樣,又落漏幾樣野食,個傳菜仲離譜,我真係驚左佢囉,每次拎野食埋黎都成個猥瑣佬咁想𥄫野咁By the way D 野食又真係幾好食既,值得再幫襯,不過就真係要等冬天囉

今日去咗尖沙咀食lunch，朋友介紹下去咗呢間花木日本餐廳，因為佢話lunch買一送一，所以就去試吓。一行三人，就去咗食lunch。我本身唔食生野咪食熟野.就叫左個網燒牛肉眼扒好味好淋.無要飯.個麵豉湯好足料，因為又有蟹樓又有秋葵，幾好味。仲有個沙律兩三塊番茄，同埋沙律菜。跟住再叫咗個雞扒定食個皮好脆.同埋鯖魚都不錯.都比較大件.另外仲叫咗個五粒壽司加烏冬.隻蝦好新鮮都幾大隻。yummy!最抵係買一送一，三個人都係食咗$380 ，每人都係百零蚊。呢個價錢可以再去食。同埋個環境係好靚，啲擺設都好細緻，今次去仲有房包埋比較舒適。