花木日本料理 (Closed)

近期生日應約左好多生日飯局，但有部分餐廳真的堅伏...花木真的只有環境係好少少之外，不要對佢地既食物有期望，不然跟我一樣的失望...芥辣八瓜魚粒 HK$58磯燒鮑魚 HK$60普通貨色的前菜小食！磯燒鮑魚內臟有d腥...食食下中途有位不速之客！我忙於拍烏蠅...生明太子 HK$98鹹鹹地，口感特別，算ok的...刺身 HK398最失望之作！完全食唔到任何鮮味！真心差過放題！淨係刺身呢個價足以係放題餐廳任食到反艇...牛舌 HK$108屬中規中矩！不夠爽口同有渣的...黑松露鰻魚飯 HK$168味道算是較為好的作品 網燒日本和牛 HK$288冇一件可以完全𡁻到晒的！全部有渣！好鬼韌！牛味又唔濃！索價差不多三百，不是比d甘嘅質素比客人食呀？千幾蚊一餐食呢d真心失望！賣相又不是特別靚！服務又不是特別好！真的只是環境比較好少少而已...

日本料理食材當然要「鮮」，花木係我一再encore 的 餐廳。無論係平時常見的串燒, 活魚刺身定係和式飯食，都製作認真, 款式夠多, 每日由日本新鮮空運生猛食材到餐廳，保證食得夠fresh!!1.磯煮鮑魚60以 前菜磯煮鮑魚去開始這晚晚餐, 著實美好不過。以醬汁及昆布慢火去炆的鮑魚, 一咬下去就feel 到有濃郁的湯汁裹住, 磯煮的口味不會死鹹, 鮑魚肉質保持鮮嫩彈牙, 絕對是夏日必備的開胃菜---2.花木激安刺身盛398呢款花木激安刺身盛, 有齊牡丹蝦、北海道帆立貝, 深海池魚，油甘魚，三文魚, 三文魚籽、金目鯛而且又有受香港人歡迎的日本海膽、拖羅等等, 擺盤擺得美麗不在話下, 睇得出連山葵都係手磨, 一睇就知認真, 油甘魚味道清甜易入口, 拖羅油甘肥美， 而海膽甜得讓人覺得幸福, .絕對係特上的品質。------3.日本和牛炒飯 208用上和牛肉炒飯, 和牛油份滲出來後香氣四溢, 但炒飯同時也炒得乾身爽口，粒粒分明，和牛味道濃郁香氣十足, 油份適中，香到震又有鑊氣, 一句講晒: 炒得好!---4.鹽燒鱈場蟹腳 $188鱈場蟹腳肥美可口, 唔會燒到乾晒水, 鱈場蟹腳烤得紅通通的顏色,

5月尾試過買一送一午餐優惠后，覺得平靚正，於是encore 😆今次個朋友叫咗個極上北海道丼定食。因為今日我唔使趕住返工，可以慢慢食，所以就叫左極上松葉蟹丼試試😋等左一陣，嘢食就嚟鴨胸沙律好好味海鮮丼很新鮮，飯一樣是混了醬油的飯，但上次搓不多，不過鱒魚籽沒了，換了牡丹蝦，其他魚生雖然每款一片，分別有海膽，雪場蟹腳、帆立貝、三文魚、鯛魚、油金魚、吞拿魚等等松葉蟹丼，滿滿的一碗蟹，喜歡食蟹的一定唔好錯過！碗內除了拆好的蟹肉，還有未拆肉的蟹身及蟹腳，仲有蟹膏添,yummy😋😋😋不過食呢個丼要花較多時間半價后，每人200有找，抵👍🏻👍🏻👍🏻

上年黎食過，超好味，上星期係尖沙咀行街時男朋友又提議黎食～今次就叫左啲未食過的，嘗試下啲新野。三文魚&真鯛刺身呢兩款4切刺身好厚身而且好新鮮，三文魚食就食得多，肉質軟腍又鮮甜，而真鯛就更加少係其他日式餐廳食到，當然值得一試。呢款刺身比三文魚更加嫩滑，而且鮮味更出。特選壽司拼盤（10本）賣相相當精美，而且每一件都好少見，唔同種類新鮮魚生、海膽、帆立貝等等。呢到嘅壽司飯睇落都特別唔同，飯粒唔係白色而係有淡淡嘅醋色，食落口感更有黏性。枝豆相當健康又有營養嘅枝豆，一盆份量幾足，入口清新而且香甜，可以好好refresh 一下。沖繩苦瓜炒豚肉呢道菜炒得好香好夠火喉，苦瓜苦得黎又好甘香，搭上嫩滑嘅豚肉同香滑嘅雞蛋，好惹味。日本和牛炒飯和牛好厚身，肉質鮮嫩，牛肉味好出，滲透晒係d飯到，超入味。推介！第二次食一樣咁滿意。空間寬敞服務又好，值得再黎！

每次想食高質嘅日本料理都會諗起花木之前有幾個朋友問我邊間日本料理好食，我都推薦左呢間！因為呢度個環境靚又高級，食物質素高，而且服務態度好。每次嚟到我都必點牛油果鰻魚卷 $168呢個嘅鰻魚真係十級肥美厚肉滿足感100%花木仲買人特選壽司10本 $348每件壽司都精選左肥美部位，好正！刺身厚切！新鮮！肥美！同埋佢哋嘅壽司都係用赤醋飯，米飯煙韌粒粒分明，質素好好今次第一次散點壽司，呢個穴子壽司成$50件，但係超滿足！！本身見佢乾爭爭咁樣，但原來係烤到好脆口，皮又軟滑，鮮甜度十足，好好食！呢件蟹膏壽司又係另一滿足之作超足料！有一半係蟹膏！雖然好似係罐頭蟹膏，但食落好正，係香甜味道！大蝦無花果拌生菜沙律 $128沙律菜好新鮮，入邊有六隻大蝦，口感爽彈，而且微微煎過，食落更香！叉燒拉麵 $128呢碗拉麵價錢就有啲貴，不過味道唔錯，叉燒質素高煎餃子 $58呢度嘅餃子豬肉比例比較多，唔會好多肥膏！食落肉香幾突出，皮薄餡多而且juicy，不過就可以再煎脆D～呢間日本菜我真係好鍾意黎食，希望質素一路保持咁好

今晚朋友生日，問佢有咩想食，佢話想食呢間花木，ok! 生日話事饅魚壽司非常大條又厚切，醬汁剛剛好，好怕醬汁過多搞到飯好濕！饅魚魚質好嫩唔會好膠，好味！見到新出左個炎燒六式珍味蠔，我個人其實比起生蠔更中意食熟既蠔，呢個岩哂我！黎到賣相一流 好岩打卡影相，用左六種配料黎燒既蠔，我最中意芝士海膽，芝士味超級濃郁，啖啖芝士，海膽更加帶出成個鮮味，蠔肉好肥美，蠔味十足，除左芝士海膽，仲有天婦羅既做法，加上白蘿蔔，清爽不油膩！仲有款我都好中意，就係白汁煙肉，西式既做法，煙肉好香，配上creamy 既白汁好正！真係好推薦大家叫呢個食！呢度生日壽星果然無介紹錯，大家都十分滿意

今晚食咗間高級日本餐廳，食物質素非常唔錯先講餐廳環境，頗為清靜。座位之間有足夠空間，傾計都唔使驚俾人聽到哂餐牌嘅食物選擇好多。我哋今晚要咗三文魚子海草沙律、雜錦天婦羅、綠茶冷麵、特選壽司10本同網燒日本和牛。第一個出場竟然係冷麵。冷麵口感唔錯，撈埋鵪鶉蛋汁同埋冷麵汁食幾好味然後三文魚子海草沙律到了呢個沙律口感好豐富，三文魚子脆卜卜，燒熟左嘅三文魚肉油香十足軟腍腍壽司10本賣相精美每件壽司都好有光澤，用料新鮮，其中海膽同埋蟹腳尤其鮮味天婦羅緊隨着壽司出現咗！雜錦天婦羅處理得好好，渣漿夠薄，新鮮炸起係好好味日本和牛係必食推介！雖然價錢唔平，但係份量都幾多。燒左嘅牛肉口感好好，未至於入口即溶，但油份都非常豐富！成枱都係嘢食不過上完壽司咁快就上其他熱食，搞到有少少食唔切啲壽司～今晚食得好飽好豐富！成個人即刻叉咗電咁嘅感覺

係尖沙咀尖東一帶食飯，最怕就係人多坐得又逼又澀， 而且啲嘢食仲要唔好食。 所以有陣時我寧願行遠啲， 去d食物質素高， 又坐得舒服的餐廳。 我諗起係位於天文台道的 花木。餐廳環境大，位置寬敞，位於位唔會好擠迫， 四個人分到張八人枱， 而且想要私隱度仲可以book埋廂房坐， 私隱度夠高。1. 豐洲精選壽司拼盤8本 $300深海池魚，油甘魚， 赤貝拖羅 , 金目鯛， 牡丹蝦 ，北海道帶子，玉子 全部都有齊， 一睇啲刺身就知道係新鮮， 最重要係啲飯係餐廳用自家赤醋調味，一吃就知道餐廳對食物的執著。--------鍋物2. 鍋物沖繩黑豚麵豉鍋388沖繩黑豚五花腩肉質滑嫩，鮮美柔嫩。麵豉鍋配搭大量日本新鮮蔬菜，包括南瓜冬菇金菇娃娃菜 大蔥洋蔥豆腐等等，配搭順口細緻的 麵豉湯， 湯頭鮮甜 濃郁 ，讓人不住不住的添湯呢。------3. 叉燒拉麵128叉燒拉麵，那幾塊五花腩 叉燒 燒得甘香， 肉骨湯底味道濃厚， 拉麵麵條 彈牙有口感， 吃下去有驚豔的感覺。配菜半熟溏心蛋 非常滑溜， 水準十分高。---4. 雞腎串燒 &  雞軟骨串燒雞腎燒至至八成熟，肉嫩多汁；雞軟骨味濃帶嚼勁， 同朋友吹水，一路食一路

繼續享受訂位 app 的優惠。今次輪到這家「花木」。今天有時間，不揸車改搭地鐵。食店位於天文台道，與地鐵站有一段距離。我們留意到一位非常非常高大的黑人朋友，一路與我們以同一速度，由地鐵站月台開始，行至天文台道8號。進入大樓，更與我們一齊入電梯，按同一樓層！最後他居然跟我們一起進入餐廳⋯⋯然後⋯⋯在控制台簽到！好奇問了店員，原來他是隔離鋪，同一集團的 club 的保安。真係咁「橋」～Anyway，食嘢！前菜吞拿魚蓉米通。米通熱辣辣，加上冰凍吞拿魚，正。後面見到的是蟹子沙律，正常。再來磯燒鮑魚。亦係餸酒一流。坐在吧台，看到很多陳列海鮮。最後都係選了「三色刺身薄切」。點酸汁食，幾好。串燒，做得好好。特別是雞肉丸，點生蛋食，好嫩滑。雞泡魚乾，ok。雪場蟹天婦羅。味道較清淡，都食到鮮味。如果早啲上菜會好啲。最後加埋叉燒拉麵。湯底、麵質始終唔可以同明星拉麵店比，但叉燒燒得好好味，搽了燒汁，好惹味。飽晒。自帶 Alsace Riesling，食日本嘢一流。開瓶費$100合理，提供不錯的冰桶及合格的酒杯。附帶一提，可能我們已經去得比較晚，廚房已經冇乜壓力，熱食出得非常快，可以話係「一擁而上」。刺身反而

難得男朋友早放工，這麼好的機會，當然要讓他請我吃一頓好好吃的吧哈哈哈～所以就拉他到我之前想吃的花木，光是看整個餐廳就覺得很專業很日本的感覺～點了一個壽司拼盤、豚肉炒麵、單點了幾款tuna和海膽壽司。老實說如果不是男朋友喜歡吃tuna，我也不會故意點tuna來吃，後來才發現跟我以前不喜歡吃海膽我道理一樣！我不喜歡只是因為還沒有吃到好吃的，然後今天吃的tuna，好像是有中tuna大tuna，我也不太懂這些名字，但就是可以入口即浴而不膩，超級好吃，跟我以前吃我tuna完全是兩個世界！整個拼盤也好好吃，除了海膽不太新鮮有點失望以外，其他也很好吃，而且最讓我驚喜的是他們的飯是用醋來弄的飯，呈深啡紅色，跟別的普通壽司店白色的醋飯是截然不同～最後豚肉燒麵也很好吃，我不知道他我麵是什麼麵條，但就感覺跟平常吃的燒麵不一樣，很QQ很好吃！！！！！所以花木！我一定會再來的～下次來想試一下他們家的飲酒放題惹！

母親節出TRIP關係，於是想跟契媽食餐好補祝。契媽於尖沙咀上班，來天文台道食就方便了。一入門，感覺舒適優雅，高質和食店既裝潢。枱與枱之間很有距離感，固此言談間既私隱度都高。打開menu，林林總總好多款式，原本有興趣試下和牛壽喜燒，見到隔離枱的和牛雪花比例好靚不過契媽本身唔多食牛，就此作罷。刺身花木海膽杯$128海膽無比鮮甜，完全沒有腥味，同日本食的一樣!!三文魚籽粒粒彈牙，咸度恰到好處。前菜磯燒鮑魚$60炆得軟身而且很入味，亦不失彈牙壽司/卷物大拖羅壽司 $68 肉質鮮嫩，而且大拖羅完全遮蓋著整件壽司，油脂比例分佈平均，很滿足!深海池魚腩壽司 $27彈牙爽脆，鮮甜美味牡丹蝦壽司$38大大隻，肉質新鮮，鮮甜多味，滋味!酥炸軟殼蟹卷$138有6大件，軟殼蟹皮脆內軟，啖啖肉穴子$50外表似鰻魚，但比鰻魚更嫩滑，肉質更林身。串燒鹽燒牛舌$108厚切彈牙，檸檬汁加上胡椒粒更顯得鮮味，不油膩甜品綠茶白玉丸子$78丸子煙韌彈牙加上香甜軟熟既紅豆，令人很幸福既感覺。綠茶蕨餅比較林身，而我個人口味喜歡糯米質感。蜜桃雪葩$88意想不到地這個充滿驚喜，雪葩滿有蜜桃味，是很真實既蜜桃味!!而且甜而不膩，很清新

前排有個同事食飯時講起天文臺道新喜嘅呢幢商業大廈有好多食肆，其中一間叫做花木日本料理，佢講到讚不絕口，所以我都心思思決定今晚黎試吓食晚飯。搭lift上到3樓，見到門面好似好高級咁，以木為主體嘅和風設計，優雅氣氛令到你入到黎都唔敢大聲講野，耳仔都覺得舒服左。咁既環境亦令我有啲擔心會唔會好貴，但一睇餐牌成個人鬆哂！估唔到呢度既食品價格都好相宜。揀咗一個沙律、天婦羅、炸雞，主席就揀咗一份特選壽司，再加多一客明太子燒飯團。最驚喜就係佢嘅飲品好抵，梳打都係28蚊杯，完全係良心價格，抵讚！而且仲要係大大杯，又有果肉，滿分💯落單冇幾耐就先黎沙津，最驚喜就係佢有好多隻大蝦，而且大蝦肉質非常爽脆，咬落去有「確」一聲！如果可以再冰鎮一下口感就會更好。沙津菜份量都幾多，2-4人食都啱。而且我鍾意佢沙津入面有無花果，除左青菜仲有多一種果香味。炸雞又係超超值之選！58蚊咁大份，而且佢都炸得剛好，雞肉都仲有肉汁！炸粉又唔會太厚。壽司拼盤同樣好有驚喜，由海膽到拖羅、牡丹蝦同埋帆立貝樣樣都新鮮，配上漬左既飯做壽司係比較少見既造法，但都好食啊！其實飯既份量可以再少啲，因為佢咁多舊份量真係唔少！個人就最鍾意隻牡丹蝦同帆立

係OpenRice見到呢問舖評價唔錯，所以決定試下佢嘅午餐見呢度嘅午餐好抵，有買一送一優惠，所以孖埋個好朋友一齊去上到去環境好舒服，裝修好別緻，雖然客人坐滿了半間餐廳，但好寧靜，好似去咗日本餐廳咁，大家細細聲傾計，靜靜地喺度食野我哋兩個不約而同叫咗個極上北海道丼定食，價錢$228我哋傾吓計，等左一陣，嘢食終於嚟到！沙律很驚喜，竟然有鴨胸海鮮丼很新鮮，飯是混了醬油的飯，魚生雖然每款一片，但勝在款式多，分別有海膽，雪場蟹腳、醬油漬鱒魚籽、帆立貝、三文魚、鯛魚、油金魚、吞拿魚、立魚等半價后，每人150有找

朋友升職加薪請食飯, 帶左我去呢間日本餐廳, 裝修好高格調, 侍應招呼也很熱情有禮佢地有幾款二人前, 價錢都算合理, 不過我地都係揀左自己話事, 由友人全權發板小食選了芥辣八爪魚, 我很喜歡這個前菜, 因為我喜歡 wasabi 攻鼻既感覺!佢既 wasabi 好足, 八爪魚亦彈牙!刺身叫了一份花木激安刺身盛, 佢有十款時令刺身由餐廳安掛, 全部都非常新鮮, 不過有三款只有一片, 不足二人瓜分要贊一下個壽喜善, 因為材料新鮮無味出, 帶出了湯裡面既鮮甜, 豚肉份量也很多!

週年紀念就自然要搵間好嘅餐廳食飯慶祝。餐廳裝修富有日式文化，又好有現代感覺。坐位闊落而且寧靜，提供一個優質嘅飲食環境去品嚐食物。餐廳嘅食物種類豐富，壽司、刺身、火鍋、串燒、定食等等一應俱全。最後選擇最後揀咗二人前， 一於食餐豐富嘅日式料理。首先係前菜，分别有酒盜芝士、鮟鱇魚肝同日本澤蟹。黃菊菠菜油揚沙律菠菜入面加入左腐皮同黃菊，再拌入芝麻醬，食落清甜又開胃。刺身分別有深海池魚薄切、平政魚、中拖羅、牡丹蝦。由白食到紅， 刺身都非常新鮮，入口嫩滑又鮮甜。特別一讚中拖羅，聞落充滿油脂香氣，油脂分明入口即溶。串燒盛合基本上有齊曬我哋想食嘅野。牛肉露筍卷燒得恰到好處，牛肉唔會太乾充滿肉汁，露筍仍保持水分，食落爽口。本來以為燒過嘅鵪鶉蛋會變硬，但呢度嘅蛋食落仍然好彈牙。串燒盛合另外仲有雞翼、黑豚肉、大蔥同雞肝。沖繩一口雞一口雞炸得香脆又可口，而且每件大小適中，配搭沙律醬一齊食落更滋味。蒜香安格斯肉眼肉眼唔會燒得過熟，食落充滿肉汁又好重牛肉味。揀左吞拿魚腩同埋海膽壽司。 海膽壽司份量十足，食落非常鮮美。吞拿魚腩同樣係油脂味香濃，食落入口即溶。最後精選甜品係綠茶蕨餅同埋綠茶奶凍。綠茶奶凍加入左優質牛奶