韓珍 (帝國中心) (Closed)

已經兩年無去過韓國，真係超掛住醬油蟹既味道，所以今日專登黎到哩間有得食醬油蟹既韓國餐廳，尋找下韓國既味道。餐廳環境寬敞，檯與檯之間有一定距離。餐牌上既食物選擇非常多，仲有唔同既套餐，而我地除左叫醬油蟹之外，仲叫左燒肉，值得一讚既係店員好勤力幫我地換鐵板，仲會問我地需唔需要幫手燒肉。✨餐前小菜最鍾意啲韓國餐廳會比好多韓國小菜😆哩到既小菜非常豐富，有芽菜、鵪鶉蛋、醃蘿蔔、魚片、沙律、泡菜、洋蔥同生菜，仲要有蛋餅，每一樣都非常好食！🦀️醬油蟹及牛油飯免費 一隻$250醬油蟹完全係我摯愛🥰以前去韓國旅行每次都一定會去食！而哩到既醬油蟹超新鮮，入口味道鮮甜，醬油亦唔咸，唔會掩蓋蟹既鮮味，仲要有唔少蟹膏，食完一啖蟹肉，再食一啖加上滿滿既紫菜同雞蛋既牛油飯，簡直係完美既享受😎超好食推介👍🏻🥩特級牛肋骨 $250🥩雪花牛肉 $250兩款肉都各有特色，特級牛肋骨牛味濃郁，肉質軟稔，而且油脂豐溢，充滿油香；雪花牛肉肉質較結實，入口有嚼勁，大家可以因應自己鍾意既肉質選擇，個人會更推介特級牛肋骨，用生菜包住，加埋洋蔥、蒜頭、泡菜一齊食好鬼正😆整體黎講，餐廳食物有質素，超推薦醬油蟹，如果掛住韓國既味道，真係可以黎

好想食燒肉又想食醬油蟹，係尖沙咀收工就諗起韓珍😛一次過可以滿足晒我兩個願望啦😍環境：7/10喺尖東嘅帝國中心，八點左右去到已經好多人等着入坐，門口掛住張相原來GD都黎食過🤣（冇錯係韓國你諗嗰個🧑🏻‍🎤）食物: 8/101️⃣Pork & Beef BBQ Set 2/pp $580我係強烈推介呢個二人餐🙌🏻首先佢有最多人叫嘅燒肉啦😜佢個調味嘅牛肋骨超推介，而豬肩肉係好似豬扒咁大塊🥩包左一個牛油果生果沙律🥗成件事好fusion，不過呢個沙律可以解咗燒烤嘅油膩中和返😋至於泡菜豬肉湯，個人認為不過不失😉應該落咗好多泡菜所以佢偏酸少少😝2️⃣醬油蟹🦀 $250醬油蟹喺呢度嘅王牌，果然名不虛傳😍，蟹膏勁多完全冇腥味，撈埋大大碗紫菜飯配埋個醬油汁，爽🤓💰性價比 :7/10 ($450/人)，又有醬油蟹又有得燒烤，王牌餐廳仲有GD加持呢個價錢係可以接受嘅🤗

未有得返家鄉，就揀左依間GD都去過既正宗韓國烤肉店食韓國野止下癮先💕 餐廳環境寬敞，入座點菜後，店員會送上一系列色彩繽紛既前菜，係我食過既韓燒店中最豐富既，仲可以無限refill呢～餐廳仲會送一份焗蛋餅比食燒肉既客人，未開始食主菜已經成枱都係食物😍❀ 四色五花肉+牛肉+海鮮 🥩原本想食醬油蟹，可惜賣晒，就叫左依款招牌菜。依個係其中一款既八色珍味拼盤，包括：蒜蓉、咖喱、香草及辣椒醬五花肉、調味烤裏脊、雪花牛肉、大蝦及鮑魚，好多款式，適合3-4個人share～經醃製既五花肉包成一卷卷，份量好多，食落好香口又入味，最鍾意係用生菜包住五花肉及配料一齊食，感覺無咁膩，口感又更豐富！當中最推介咖喱及辣椒醬味，惹味可口！牛肉味道都濃郁，肉質有咬口，充滿油脂香。大蝦好新鮮，肉質彈牙，而鮑魚鮮甜惹味～值得一讚既係店員會主動幫手燒肉及換燒盤，服務唔錯！❀ 葛根水冷麵 🧊食烤肉必叫既水冷麵！冷麵口感煙韌彈牙，配料有青瓜絲、酸蘿蔔、雪梨片及雞蛋，另外仲有芥辣及白醋兩款醬汁可自行調配～味道酸酸甜甜好開胃，而且食落好冰涼，又可以幫助解膩～❀ Kiwi Ade 🥝少見有奇異果梳打就叫黎試下，飲落似係奇異果汁溝雪碧，

同事話呢度啲韓國菜好正宗，今日同朋友特登過嚟叫咗兩份set lunch試吓，我哋叫咗一份烤牛肋條同埋一份燉牛肋骨。餐湯牛胸肉大醬湯，不過不失，味精重啲，飲完會口渴。烤牛肋骨可能已經烤咗一輪，上菜時已經唔熱，因為冇醃過，食落味道一般。燉牛肋骨望落好大份，其實得四舊肉，一塊蘿蔔同一小塊紅蘿蔔。其中兩舊肋骨好大舊，但筋好老咬極都咬唔開…結果咬咗兩啖只好放棄。埋單兩位$271，講真唔值，連鎖店炑八好味過呢度

一向鐘意燒肉今晚就嚟咗食韓燒依間嘅staff好多都係韓國人都吸引咗唔少韓國人嚟食前菜：除咗見開嘅泡菜、蘿蔔、芽菜、腐皮仲有鵪鶉蛋少少似台灣嗰啲滷鐵蛋好入味 好好食同frd每人食咗一碟🤭同埋竟然有一個蛋餅真係好surprised~好fluffy又有蛋香嗌咗一個Pork and Beef Set Menu (2ppl) $580 同一個海鮮煎餅牛油果&生果沙律份量都幾多食落都幾清新大醬湯份量都幾多好多配料牛肉同豆腐都唔錯肉肉：五花肉+豬肩肉+調味特級牛肋骨配埋清新生菜 + 惹味辣醬真係可以食到停唔到口🥺仲被韓國叔叔staff讚我燒得好幾款醬料 食出唔同風味五花肉：肥瘦一層一層相間厚切得嚟 肉質又爽口 然後燒到少少燶邊外脆內juicy豬肩肉：依款肉質比較結實😲食落感覺就無乜特別牛肋骨：最鐘意就係依款肉味好濃好出肉質幾鬆軟 同埋少少油花🤏🏻真係好好食海鮮煎餅 $150脆卜卜香噴噴唔會成口粉雪糕就係普通曲奇味雪糕燒肉配啤酒埋單每人四百幾 食到好飽好滿足

一段日子之前曾經來過吃韓燒，今次重臨，原因只有一個，咪就係因為佢啲嘢食高質囉 以香港韓式餐廳來說，他的前菜一點也不馬虎， 其他韓式餐廳有的，他有， 其他韓式餐廳沒有的，他也有，醬油鵪鶉蛋、煎蛋餅等，淨係食佢嘅前菜已經飽咗三份一， 仲要係好食嘅前菜，我想連泡菜都讚一讚，爽口酸辣度適中海鮮煎蔥餅($150)熱辣辣，厚薄適中，海鮮配料比例平均，幾出色燒魷魚($128)都幾大隻，本身夠新鮮，燒過後嫩中帶脆，口感十足牛五花肉($150)醃得好香，亦都切得夠薄身，燒起嚟好甜入味，不過略嫌真係有點肥鮑魚人參雞湯($128)，人蔘雞湯本身已經好補身，再加上鮑魚，簡直補中之補， 有超多糯米， 唔怕你食唔飽，最怕你食唔曬，雞肉肉質滑，靚雞湯 韓燒配啤酒冇得輸

有個韓國朋友推介我試試呢間韓燒就約左朋友一齊去食晚飯去到真係好多人好在之前book左位職員好快就放左多款前菜有兩款泡菜、芽菜、滷蛋粒、豆乾、洋蔥前菜同其他韓國餐廳有啲唔同，味道唔錯燒肉叫左特級牛肋骨同韓牛肉眼牛扒特級牛肋骨切左花紋燒嘅時候都好熟，肉質好軟韓牛肉眼牛扒厚厚一片油脂滿滿但唔膩，肉味濃好似食緊日本和牛，超好食另外叫左豬肉石鍋拌飯，辣醬會分開上石鍋好熱嘅關係，食到有少少飯焦味道唔錯好惹味呢到嘅職員好熱心如果見你燒得唔好會主動幫手整體食物質素唔錯，值得一試

🎏️ 食盡油尖旺 — 韓珍✨都幾有驚喜幾正宗😎🇰🇷#90cp尖沙咀篇 #90cp韓國篇➖➖➖➖➖食韓國嘢去尖沙咀韓國街就去得多🤔 食食下都想發掘下新嘢 見近排都幾多人介紹呢間韓燒 仲要幾地道 由韓國人主理😏🇰🇷 就夾左女朋友仔嚟同我試😙美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)✨ NA01 八方美人 $588八方美人顧名思義當然有八種食材😤 肉類方面佢有6種肉分別係 牛舌 雪花牛 豬頸肉 護心肉 豬肩肉 醬油雞肉🥩 其實種類同份量都多 而我哋最鍾意嘅就係雪花牛 啲脂肪分布得好均勻 牛味都重🤤 除咗肉類佢仲有海鮮 有兩隻蝦同埋鮑魚 隻蝦仲要勁大隻🦐 跟餐仲送咗個蛋餅 細食啲嘅話其實兩個人叫一份呢個隨時都夠🤪✨ 605 海鮮豆腐辣湯 $98呢個辣湯都好有驚喜 感覺真係好似去咗韓國食咁🤤 食落唔算太辣 而且佢嘅豆腐都好嫩 湯入邊都有唔少蜆肉🤤🙌🏻 絕對係我食過少數嘅高質韓式湯品!! 跟餐仲有碗飯 俾你撈飯食真係一流😆 💰Total: $755💡溫馨提示💡食物質素好好 而且都

這間韓燒店食物一向高質，再次同朋友來到這間餐廳食韓燒！平日晚上去到餐廳也全場爆滿，非常熱鬧！餐牌上有多款不同的燒物可以選擇，亦有不少熟食可以選擇!點餐後店員為我們送上小食，泡菜、芽菜、辣八爪魚等，另外亦送上煎蛋餅！餐廳店員還會幫忙燒，我們點的套餐有蝦和鮑魚，店員逐一幫我們去殻，十分細心！韓珍新鮮套餐，這個套餐有齊豬牛雞，還有蝦同鮑魚，份量都幾多！牛肉包括有牛舌同雪花牛肉，豬方面有護心肉、豬頸肉、豬肩肉，而雞是醬油雞肉！當中雪花牛肉味道濃郁，肉質鬆軟！護心肉、豬頸肉等最適合跟生菜一齊食，能夠減去油膩感！調味特級牛肋骨，這款牛肋骨用上韓式醃料醃製，牛肉特別鬆軟，入口即溶，味道帶甜，十分美味！醬油蟹，醬油蟹都幾多膏，醬汁甜甜的，而且仲送紫菜蛋飯，加入醬汁特別美味！泡菜豬肉湯，豬肉湯酸酸辣辣，十分開胃，有大量泡菜和豬肉，湯料好多，亦配有白飯，拌入湯好快就食完，好惹味呀！Beer Rita，飲品超大杯，係blue lemon加入啤酒，夠哂冰凍又解渴！

韓珍一向以食材新鮮，正宗成名，佢嘅食物亦對得對個價。但服務就有待改善。今次去食網上book位，我哋準時去到，但個店就一直揾唔到我哋個booking，擾攘咗一陣先終於入到去。😵‍💫😮‍💨入到去想揾個店員又係一件難事，舉左5次手，同幾個店員有眼神接觸，但都冇人行過嚟🤔所以如果去呢間，注重喺食物就好了，服務真係一般😳

好耐冇同朋友食韓燒🤤前幾日終於食咗🤣叫咗2人套餐同泡菜煎餅 食到好飽 好滿足😆✨前菜 (💰$0)落單後冇幾耐 店員就會俾幾碟前菜有泡菜 鵪鶉蛋 魚糕 蝦乾🦐魷魚🦑沙律🥗另外仲有一盤生菜🥬用同熱辣辣嘅蛋餅🍳估唔到前菜款式咁多元化 而且味道都幾好😆✨Pork & Beef Set BBQ (💰$580)有3款肉 調味特級牛肋骨 蜂窩五花肉 豬肩肉 牛肋骨食落好香濃 而且肉質軟嫩 正🤤🤤豬肉就肥瘦均勻 沾醬/用生菜包住食都唔錯😋而店員不時都會過嚟幫手燒肉 幾好服務👍🏼套餐除咗有燒肉 仲包埋沙律 湯飯 甜品/飲品我哋揀咗牛油果生果沙律🥗食落幾fresh😆而牛胸肉大醬湯 味道鹹鹹地 配料都幾多有豆腐 翠玉瓜 牛胸肉🐮用嚟撈飯食都ok嘅飲品係細杯柚子茶 酸酸甜甜 用嚟解油膩就啱晒雖然成個餐係2人份量 但俾3個人都夠食🤣✨泡菜煎餅(💰$130)上枱前會預先cut咗做8塊 方便食用👍🏼食落味道就比較淡 但沾啲醬食就會好啲😝臨走時見到張相 發現原來GD都去過呢間餐廳😍

要認識🇰🇷韓國料理，絕對不能不提韓式烤肉。🇰🇷韓式烤肉講求原汁原味，以不同的醬汁蘸食，不會在燒烤時塗抹烤肉醬。大部份韓國餐廳會讓客人親自動手燒烤，增加進餐樂趣。韓式烤肉吃法有別於其他烤肉，吃的時候會包著生菜葉或紫蘇葉吃，一塊烤肉再加點辣椒及蒜片放上生菜葉或紫蘇葉面，抹一點醬，裹成一團吃。另外最討人歡喜就是可隨時補充的韓式小菜，每款都各具特色，大大增加食烤肉的飽足感。🇰🇷調味特級牛肋骨(250g) $250調味過的牛肋骨帶點甜味，沒有蓋過當中的牛味，但略有少少靭。小編很喜歡用生菜葉包著烤肉吃，一口同時吃到生菜葉的清爽和烤肉的香濃，而且生菜可以減輕烤肉的肥膩，帶來說不出口的快感。🇰🇷芝士鮮扇貝$160 芝士的奶香配上扇貝的鮮味融合在一起，口感鮮嫩香醇，味道超棒。🇰🇷醬油蟹 $250被韓國人稱為「米飯盜賊」，是撈飯一流的美食！利用醬油醃製的生蟹，醬油沒有蓋過蟹的鮮味，咸香與鮮味並重，蟹膏帶鮮橙紅色，蟹肉肉質亮麗鮮甜，口感肥美，卻不帶腥味，這種獨特的味道，小編最愛🤩。🇰🇷芝士蛋餅 (免費前菜)芝士洋蔥拌蛋煎烤，芝士味不太濃，不過上碟要盡快食，否則煎煱餘溫會令蛋餅變老。

“醬油蟹”($250)“特級牛肋骨”($250)“蜂窩五花腩”($150)“Kiwi Ade”($48)“Korean Peach Juice”($20)呢間喺尖沙咀嘅韓國餐廳韓珍聽聞評價幾高仲要好似話老闆係GD嘅爸爸朋友😍連GD都嚟過食嘢!咁就當然要去朝聖吓啦😛去到8點幾仲好爆場有人等緊位,好在有預先book枱🥰入到去發現有唔少韓國人,咁應該冇死啦🤣入座後隨即會送上各款小菜,生菜🥬同沙律🥗呢道嘅小菜款式好豐富,仲有出面比較少見嘅鵪鶉蛋😆另外仲會送一份煎蛋餅🥰好驚喜😆呢道嘢食選擇超級多,本menu勁厚😂韓燒又得,就咁食普通嘅韓式料理又得就連醬油蟹都有得叫🦀😍因為已經好耐冇食醬油蟹所以忍唔住叫咗一隻嚟食🤩啲蟹膏呈鮮橙黃色仲要都幾多🧡食落夠鮮甜🤤話哂醬油蟹個別名係白飯小偷🍚呢道都會免費配個紫菜生蛋飯☺將啲飯同醬油加落去個蟹蓋,撈埋啲蟹膏食真係好正😍我地仲叫咗2款肉嚟做韓燒🔥分別係特級牛肋骨🐮同蜂窩五花腩🐷呢道啲店員超熱心會幫你燒,全程自己都唔駛郁手🤣個牛肋骨仲要係老闆親自幫我地燒😝五花腩燒到個面脆脆地,一咬落去油脂味超香好正😍牛肋骨啲肉夠哂嫩滑juicy,肉味香濃😍有店員幫手燒埋成個感覺係

本身plan好咗嚟食韓式烤肉，因為香港好似比較難搵到正宗嘅韓式菜而且價錢又唔會太貴。朋友推介之下所以就嚟食，點知原來午餐只有定食係冇得烤肉嘅。不過都有意外驚喜。我嘅午餐定食選擇大概就70零至$100鬆啲。好食之餘，又食得飽肚。好彩之前訂咗位，準時開門嚟到，已經排晒長龍等入咗座無虛席。真係有店員係韓國人，樓面同事唔多，但都好快手。今次嗌左韓式炸醬麵，同埋燉牛肋肉。兩樣都好好食，而且都係上枱熱辣辣嘅，尤其是係個牛肋肉，真係同韓國食到嘅一樣。份量十足，唔會剩係得啲骨，味道甜甜地，可以做到骨肉分離嘅效果好方便食用。跟餐佢有配牛肉大醬湯，或者辣海鮮豆腐湯，本身對呢啲同期望都唔太高，點知喜出望外。好足料，真係有海鮮味道鹹辣適中，豆腐又滑！而炸醬麵都好有韓國食到嘅感覺，難得係香港都食到唔太貴又夠正宗嘅韓國菜，非常滿意。

一黎就見到個大Logo，超得意，好似2個人仔咁。呢到出名佢既前菜比較有特色同埋豐富，果然冇失望，前菜們都好食，仲有鵪鶉蛋😍 食完仲可以添。但生菜只有一盤，再要就要另外比錢🤭呢盤蛋都系送架，好香🧡牛油果沙律沙律比較細份，菜都比較小，但味道幾開胃， 用乳酪做醬料，酸酸甜甜。蜂窩五花腩雪花牛肉烤X的海鮮搵唔返個名🙈 呢盤海鮮超大份量👍🏻2人的話其實點呢個加多個肉/小食都差不多。呢隻魷魚烤出黎超靚，可惜完全冇味，要另外點醬食先食到。奇異果汁甜甜地，有奇異果籽係入面，幾得意。