響 居酒屋 (Moved) New Location

問都唔問就放低啲要收錢嘅前菜，勁冇禮貌。待應又唔想睬人，越叫越走。個場又滴水，張張枱都話唔坐得，搞到換咗好多張枱先話坐得。又貴，冇餐，單點都算，樣樣都話冇。介紹就介紹最貴嗰款，仲要廚師發辦，俾完錢冇得俾你揀。仲要啲sushi兩件叫都冇，要人一件件咁叫。重點係，貴得嚟，仲要勁細份！刺身勁細條，唔好味，有毛，啲飯勁細舊，真係極度過份！！！！！🙄本身一心諗住嚟食下，點知食到一肚火。🤬以後都唔會再嚟！

今日黎到朋友推介嘅居酒屋，食個午餐。環境好舒適，都望到少少海景。午餐有唔同種類嘅食物，而且有前菜、甜品、飲品，價錢都係幾十至一、二百，都算平民化。今日我就揀左佢地嘅特選魚生飯加配巨峰乳酸梳打。前菜有味噌湯，入面有海苔及嫩滑豆腐，味道鮮美。日式南瓜味道清甜，正!特選魚生飯有鮮美嘅甜蝦，油脂飽滿嘅三文魚同油甘魚，蛋、芥末八爪魚，樣樣都味道鮮美，好新鮮，十分十分好味呀😋再配上酸酸甜甜嘅巨峰乳酸梳打，這是一頓十分滿足嘅午餐呢！！

朋友見我暫時去唔到旅行，特登 book 左響居酒屋嘅藍鰭吞拿魚解體宴帶我去玩！等我一解思鄉之愁 😍 今次真係一次非常特別同開心嘅體驗，成個過程我地都勁興奮，回程返屋企都非常意猶未盡 🥰去到坐低之後，就可以出去同條魚打卡影相 🤩 真係唔係成日會有機會同咁大條吞拿魚影相，仲要係咁近距離 😍 餐廳仲準備左 d props 比你影相果陣扮下野，勁好玩！活動當日 6:30pm 入場，解體宴就大約 7:30pm 開始，有曬足夠時間同我地嘅魚主角打卡 👍🏻 餐廳仲好貼心準備左 d 餐前小食比我地，有炸鷄同埋枝豆，非常適合配清酒啊 😋終於到左解體宴 🤩 首先由香港教育大學日本文化講師暨日本領事館「秋祭」文化活動主持 Charles Chen, Jr. 講解關於藍鰭吞拿魚同埋日本飲食文化知識 🙆🏻‍♀️ 由解體開始一直到宴會尾聲，Charles 都非常細心講解藍鰭吞拿魚唔同部位嘅特別之處，同埋各種日本飲食文化 🥰 充分體驗到餐廳對呢次解體宴會嘅用心，唔係只係不停講“好味“、”好珍貴“咁食左一餐飯，而係令到大家知道每一道料理所用到嘅部位點解咁特別、好食嘅地方喺邊度，用唔同煮法會點樣提升到魚嘅味道，絕對係有

若要話係居酒屋，地方大而寬敞，酒有百樣，名符其實…以為食物只有燒物同酒，刺身超正😋如果唔係因為遠，我可能會再黎多幾次😁若要講一點不好，🤔可能服務員不多，要久候

上星期帶師父師母去這間全香港吞那魚解體宴 最多的餐廳，開始時已經有詳細吞那魚的食材資料，什麼是藍選旗，拍賣身價來由。其後就是解體表演同部位口感介紹 ，之後一個個部分送到面前，什麼拖羅赤身食過夠。其中也給食客參與食材採取的工序，氣氛極好。最後抱肚離開。

今日同家姐去左觀塘海濱附近，之後就係呢度覓食。呢棟鴻圖道90號全部都係野食，地方又夠晒大坐得好舒服，所以我地就揀呢間食啦～＊＊＊＊＊🐍🍱A7. 蒲燒鰻魚盒飯 $98🔥🍣B4. 火炙魚生飯 $93-少飯、走薑、走芥辣🍹凍檸茶 +$5-少甜🥤檸水 +$0＊＊＊＊＊午市套餐全部都有得扣減$10-15，仲送前菜、麵豉湯、熱飲同埋甜品！好抵！我叫左個蒲燒鰻魚飯，佢係用好靚嘅日式便當樖裝住架！🤩🤩饅魚肉大大舊又夠厚肉，加爅適量嘅甜饅魚汁，一級棒～😆家姐叫左火炙魚生飯，有三文魚、蟹籽、左口魚邊、章紅魚等等，超豐富！🥰🥰

有得食之餘又有專人講解飲食文化，不過我左耳入右耳出所以唔好問我講左乜🥹，最深刻係佢話叫刺身嘅源由係因為日本人好忌切腹個切字所以用就用刺去代替，同埋唔係條條吞拿魚都有魚鮫拖羅🥳原來特別部位係要抽籤先有得食，好好彩地我地4款入邊中3款，食到我最期待嘅腦天，有油脂得黎唔油膩。其實我覺得最矜貴應該係魚眼囉，一條魚得2隻眼，咁都比我地抽中😎，佢外邊啲肉係幾好食，都幾肥美，眼窩內籠就完全係生嘅，超級腥🫠🍶 呢部清酒機好多選擇好方便好新奇，只需要登入返佢網頁掃QR Code就可以扣代幣出酒，每次出30ml，夠哂你試，唔洗下下一黎就要開一枝，飲左先發現唔岩口味。部機都會有label係旁邊介紹返隻酒，亦都可以係網頁度睇返呢隻清酒嘅詳細介紹，飲完仲可以係網頁mark底你嘅評價方便自己睇返邊隻酒自己係覺得好飲可以回購。呢部清酒機嘅創辦人阿Ray幫我哋斟左薰爽醇熟4種不同口感，比我地飲佢嘅強烈對比，佢真係好有heart去推廣清酒文化✨。

觀塘抵食魚生飯～心血來潮想食日本菜，見到公司附近呢間響 居酒屋價錢合理，好評頗多，就lunch hour過咗黎試下！餐廳環境好大，環境光猛，枱與枱之間空間十足，坐得舒適！窗邊仲可以眺望街景及公園景，景觀開揚，感覺都幾chill！Lunch set 送前菜、湯、甜品及熱飲，冇加一服務費，抵食！選擇都好多，有刺身又有熟食！前菜有醬油南瓜，南瓜軟綿香甜，不過略嫌醬油太多，調味偏鹹。火炙魚生飯($98)有三文魚、油甘魚、蟹籽及鰈魚邊，每款刺身都有兩三塊，舖得滿滿。三文魚火炙後逼岀油香，鰈魚邊最肥美，入口即溶！飯後一點甜，有甜品食特別開心！呢日有布丁，口感香滑，都唔錯。

星期一晚放工同同事去觀塘工廈揾食，揾到呢間🇯🇵🍱🍣日本既餐廳叫「響居酒屋」!😊🛋️環境：餐廳地方闊落，有好多卡位，坐得舒服，呢度有部品酒機、獨立品酒區、VIP房，適合三五知己Chill住飲酒🍻傾計🗣️。👭我地點咗以下餐點……📝1️⃣佐酒小食🐚田螺$38 : 肉質嫩滑，味道鮮味。🥗枝豆$38 : 粉糯紮實。 2️⃣刺身🐟👨🏻‍🍳廚師推介刺身拼盤(5款)$258💛油甘魚 : 魚肉鮮味，淡淡甘甜。❤️本鮪赤身 : 魚肉呈紅色，脂量少，肉質實，有咬口。💚本鮪大拖羅 : 魚肉比較淺色，油脂甘香，入口即溶。💙深海池魚 : 肉質細緻爽口，味道香甜。 3️⃣炸物（2件）🦀日本蟹肉忌廉卷$48 : 炸到外皮金黃色，外脆內軟。（🫣食咗一半先記得影📸） 4️⃣廚部料理🥗醬油炒雜菜$58 : 落咗黑胡椒去炒好惹味。 5️⃣食事🍚鰻魚炒飯$98 : 鰻魚腍滑，燒汁拌抄，飯炒到粒粒分明，口感軟燸，味道香濃。6️⃣串燒（各兩串）🐔鹽燒雞翼$32 : 燒到外皮香脆，肉質嫩滑。🤎鹽燒白鱔$68 : 燒到外皮香脆，入口即溶。🐷日本味噌豬腸$28 : 燒到外皮香脆，肉質彈牙。8️⃣壽司🍣廚師推介壽司拼盤8點$198❤️油甘魚壽司 : 肉質嫩滑，醋飯甘甜。🧡左

-🔸枝豆 $38🔸串燒 $16起🔸壽司 $18起🔸鰻魚炒飯 $98🔸炸雞軟骨粒 $58🔸醬油炒雜菜 $58🔸廚師推介刺身拼盤 $258-開始放長假期當然要賀一賀佢，收工同男朋喺觀塘食日式料理，嚟依間響居酒屋，平時lunch就食得多，今次係第一次食dinner。先叫咗份刺身拼盤五點二切，有清甜爽口嘅大粒帶子、油脂豐富嘅火炙呑拿魚、第一次試嘅吞拿魚山掛（即係有山藥蓉喺上面）、深海池魚好新鮮，仲有油甘魚好有魚油香味。見刺身咁新鮮就再叫多幾款壽司，油甘魚同火炙中拖羅好有魚油香、火炙左口魚邊係男友至愛、最特別係蔥吞拿魚腩蓉係由廚師切碎，而唔係現成嘅吞拿魚蓉，好有心思。跟住叫咗幾款串燒都好高質，燒得好香，調味剛剛好。仲叫咗枝豆同炒雜菜，配鰻魚炒飯，好豐富非常滿足啊！

觀塘工厦有一所店舖隱世居酒屋(響居酒屋)，環境和食物非常“正”👍，悠悠閒品嚐一頓午餐，令人非常relex。晚上三五知己暢飲🍶閒談，有包房和酒吧區，任君選擇😊午市定食價錢大眾化。＜前菜＞❣️味噌湯~材料豐富海苔和嫩滑豆腐，濃厚香氣，鹹中帶甘而不是死鹹，味道鮮美。❣️日式南瓜~味道清甜，口感香糯南瓜，超好味😋😋❣️蒲燒鰻魚燒飯~甜口醬汁每店都有其獨特的味道，刷抹在燒鰻魚肉身上，帶甜味醬料搭上油脂豐厚鰻魚，滋味無窮。同時鰻魚配濃香蛋絲和香甜軟糯白飯。裝在四方漆器制容器中，「鰻魚盒飯(鰻重)」好精緻🥰❣️角切三文魚飯~壽司飯配油脂飽滿三文魚，還有甜蝦、甜蛋、青瓜和蟹子……等，好……好味😋😋❣️是日甜品(奶凍)~濃郁奶香滑嘟嘟帶微甜溫馨提示🫶每日有不同精美甜品。

係觀塘附近行街，見到有一座大廈，全部都係餐廳。而有一間去食日本嘢嘅。二話不說上咗去試一下。裏面環境好大，窗口位可以望到公路，光線充足。前菜 漬物 有青蘋果、蕃茄仔、蜜瓜。用醋醃過的水果，好開胃！而湯係麵豉湯，有滑豆腐及海帶。味道不鹹，但濃👍🏻火炙魚生飯 $98裏面有三文魚，油甘魚，鰈魚邊，蟹籽。火灸咗嘅三文魚入口即溶，充滿如有未在口腔裏遊走。好正呀👍🏻油甘魚亦都好香魚油味。好香及好軟綿綿嘅魚！加埋魚子再送埋一啖飯，簡直係一流。飯亦都好煙韌，加埋壽司醋酸酸的好開胃。熱奶茶，香濃奶滑。跟餐亦都有餐飲包埋。甜品：奶凍好滑，好香濃👍🏻👍🏻推介指數：⭐️⭐️⭐️⭐️⭐️

🍱 #觀塘 #響居酒屋相信好多觀塘打工仔都有喺鴻圖道食過嘢，今次我就同同事嚟咗鴻圖道嘅呢間「響居酒屋」🏮食lunch😚每個午餐都會配埋餐湯同前菜水果🍉 亦配餐飲，同牛乳布甸作為甜品🍮🐥 照燒九洲雞扒飯配溫泉蛋 （$98）呢個雞扒好juicy，食落去嘅時候咬嗰層皮有啲汁颷出嚟，啲油喺個口入面浪吓浪吓，舊雞超滑超嫩，唔似坊間嘅雞扒咁鞋洽洽，係高級嘅享受😎🐮 日式烤肉定食 （$118）（澳洲牛舌,美國頂級牛小排,阿根廷肉眼粒）呢個定食有成三種即叫即燒嘅牛肉😚 牛舌咬落去好彈口，每啖都索索聲，食落好有咬感；牛小排軟腍適中，燒得好香，好味；肉眼粒都夠晒軟腍唔會韌，牛味香濃，仲有啲蒜蓉吊起個牛味更香！

我最近去了觀塘的「響居酒屋」，環境很舒適，裝潢簡約而雅致，港式音樂讓人感到放鬆。套餐有前菜，仲可以加錢有飲品，最後仲有甜品送。咖喱吉列豬扒飯 $78咖喱醬味道香濃，但唔會太辣，啱晒唔太食辣嘅人。豬扒煮得啱啱好，有啲微微咬口，同埋啱啱啱好熟，唔會太乾或者太嫌煮唔夠。照燒九州雞扒飯 $78有白飯、照燒雞扒、拌飯素，份量都好足夠。照燒醬汁好香甜，唔會太濃或者太甜，雞扒好嫩好多汁，唔會太乾。份量又夠，配咗溫泉蛋更加增加咗口感，蛋黃好滑好濃郁。響 居酒屋 (觀塘)觀塘鴻圖道90號6樓

位於觀塘的日式居酒屋，於工廈樓上的餐廳，地方寬敞，空間很大，也有舒適的卡位，望著出面天橋及車景，還有聚會房間。午餐時間供應午市套餐，供應熟食便當或是刺身丼飯的選擇，而且免收加一，成為不少附近上班族的飯堂。午市套餐：特選魚生飯套餐附送前菜、湯及熱飲。前菜有蕃茄及哈蜜瓜，有酸又有甜，蠻開胃的。湯是熱熱的麵豉湯，入面有豆腐、海帶，十分足料。魚生飯方面，分別有三文魚、油甘魚、甜蝦、芥末八爪魚及玉子，賣相不俗，色彩繽紛。兩片玉子是甜甜的；芥末八爪魚爽口，已經醃好醬料；其餘幾款刺身味道則較鮮味。午市套餐：蔥吞拿魚腩魚生飯三選一款搭配的刺身，這份是蔥吞拿魚腩配油甘魚刺身，還有甜玉子，份量蠻大一碗，而墊底有日本珍珠米，是加了壽司醋的飯。蔥吞拿魚腩蓉跟飯粒拌勻，加點壽司豉油及山葵，特別下飯。油甘魚刺身粉嫩，入口帶點油脂。