Video
Read full review
2020-10-26
1605 views
打電話去 Rosewood 訂Butterfly Room，由於大半年前喺嗰度食過晚餐，覺得幾好，所以再訂，但應該係冇位，職員親切介紹 Holt's Cafe，於是就一試。餐廳係喺Butterfly Room對面，之前冇留意，佢serve嘅嘢食係中西合璧，好似Canteen，格局亦似。我同朋友走番過去Butterfly睇吓點，但menu已冇咗好多想食嘅嘢，得番一啲light food，唯有試Holt's Cafe。同朋友去到 Holt's Cafe 時，覺得好大陣味，因為佢係open kitchen開放式廚房，有味道一定係抽氣唔好，令到成個咁高樓底嘅地方都有一陣食物味，唔係臭味，係煮嘢食嘅油煙味，坐低之後啲梳化其實都會吸哂啲味。酒店氣味好重要，去Marriot、Mandarin、Pennisula、Grand Hyatt 等都有呢種廚房，但坐低之後係唔會覺得有陣食物味浸入哂你坐緊嘅梳化嗰種唔舒服。仲有啲衫都會吸哂啲味。坐喺入面中間位置，係冷氣風口所以會大風，經理話可調細，之後都細風咗少少，因為如果坐正咁樣風口位，啲嘢食嚟一陣都吹凍哂。侍應安排位置嘅原則，唔似係用 social dist
餐廳係喺Butterfly Room對面，之前冇留意，佢serve嘅嘢食係中西合璧，好似Canteen，格局亦似。我同朋友走番過去Butterfly睇吓點，但menu已冇咗好多想食嘅嘢，得番一啲light food，唯有試Holt's Cafe。
同朋友去到 Holt's Cafe 時，覺得好大陣味，因為佢係open kitchen開放式廚房，有味道一定係抽氣唔好，令到成個咁高樓底嘅地方都有一陣食物味，唔係臭味，係煮嘢食嘅油煙味，坐低之後啲梳化其實都會吸哂啲味。酒店氣味好重要，去Marriot、Mandarin、Pennisula、Grand Hyatt 等都有呢種廚房，但坐低之後係唔會覺得有陣食物味浸入哂你坐緊嘅梳化嗰種唔舒服。仲有啲衫都會吸哂啲味。
坐喺入面中間位置，係冷氣風口所以會大風，經理話可調細，之後都細風咗少少，因為如果坐正咁樣風口位，啲嘢食嚟一陣都吹凍哂。侍應安排位置嘅原則，唔似係用 social distancing 嘅 rule，酒店唔會用膠板咁肉酸，見呢度都係盡量隔開啲人客。我星期一嚟時最後揀咗坐卡位，亦因為係星期一，所以好彩有得坐，之後我星期五再嚟食，已冇得坐卡位，佢哋話block咗留俾客人，但我7:30食到9:00都唔見個客人出現，可能預俾VIP。
香煎龍蝦，好食，但星期五嚟再食時已冇貨。
蟹沙律，okay水準。
龍蝦意粉，好食，但份量較少。
黑毛豬扒，okay，比較靱。
星期一嗰餐有order紅酒加香檳，兩個人共2,000蚊。星期五冇飲酒亦冇叫龍蝦 (冇貨)，只係再叫多個意粉及魚柳，兩個人共$1,000蚊多啲。
Weekday夜晚嚟會好啲，冇咁多人，但如果其他酒店嘅餐廳有位，又或者Rosewood 其他dining room有位，呢度唔係首選。
Post
