Holt's Cafe

Open Now

Now Closed

全新剛開張，朋友剛租了一間apartment住，所以去探她時，就去了樓下的餐廳5星級高級茶餐廳😀那麼應好有質素😋入到餐廳當然裝修華麗優雅，環境好舒適，服務員d制服都好靚，當服務都好👍🏼我們隨意點了5款菜式食材都好新鮮，烹調味道都有水準，朋友推薦叉燒一定要試😋個鹹蛋黃大蝦都好好味道😋另我叫了杯港式凍奶茶真係幾好飲，因為杯奶茶內d冰都係奶茶做的，所以飲到尾都不會淡；當然食物價錢都係5星星貴🤣但都值得去試試食，因環境+有質素食物👍🏼

📍Holts Cafe 置於全新Victoria Dockside 香港瑰麗酒店 2樓。酒店位置很好，就在維多利亞港星光大道旁。酒店的設計出自設計師季裕棠 ，絕對可以另你有”WOW”嘅感覺。餐廳用上玫瑰金、橡木為主調，靠牆和窗邊座位套上卡位，傢俬配搭走modern classic 風格 。👅 Wine Braised Beef Cheek🥩 ($290)，以法國紅酒將美國穀飼牛面頰慢煮至”fork tender”，入口即溶更帶有香濃的葡萄酒香 😋。King Prawn Salad 🥗($220)，用上牛油果，柚子配citrus dressing，酸酸甜甜都唔錯！其實平日有set lunch- 2 course ($290), 3 course ($320)，每星期都會轉menu!

20190626🌧️Wednesday 🍄生日誌🎂第十三篇，朋友好錫我💋生日由我自己選擇什麼餐廳🍽️我都會揀選大家第一次到既地方，Rosewood Hotel 已於2019年3月17日開幕，瑰麗酒店集團首席行政總裁鄭志雯女士，同時擔任新世界發展有限公司及新世界中國地產的執行董事職務。酒店其中一間中式茶室Holt’s Café, 邀請紐約設計工作室季設計室內裝潢，靈感來自歐洲十九世紀末既咖啡館和小酒館，用了我最喜愛玫瑰金固定裝置和腮紅天鵝絨座椅，感覺富麗堂皇🤩我地選擇A La Carte，Ordered 點心：香煎蘿蔔糕及芝麻蝦多士，主菜：海南雞飯，甜品：Dark Chocolate Ganache, 我地坐個座位有 D 凍，點心已經送上檯，朋友行佐出去影相📸好耐未返，我經常回望出門口👀可能就係這個動作，所以位外籍女經理行過嚟問我👩‍💼你位女朋友有無什麼事？我感覺彼重視😍朋友終於返嚟，我朋友坐低後打個乞嗤🤧外籍女經理立刻問我朋友需唔需要披肩，之後再擺疊紙巾比我朋友，噢！另我地十分感動🥺食材又新鮮🐔感覺用❤️製作👩‍🍳服務態度💯

酒店午餐set$300至$400左右，好合理。食物方面推介「口水雞」超好味一般我好少選， 因為佢係餐入面所以先試。 分量足夠， 味道香濃， 辣味適中， 雞好滑， 好惹味。另外食咗個「大蝦海鮮意大利飯」，味道不錯，夠香濃，不過因為食過口水雞，比起來少左份惹味。但係至於最後再試咗分「越南牛河」， 雖然餐牌寫著推介，但就令我失望了， 湯有牛肉味， 但可粉碎曬 ，牛肉一般， 不值推介。但也有一樣嘢非常之好食， 就是他們的甜品， 芒果布甸以及朱古力tiramisu都做得一流整個用餐體驗非常好，服務員非常體貼， 留意我河粉不夠湯， 主動幫我加。 我不在位不會上菜住。常常加水及湯河不好味要否煮過。如果有揸車嘅朋友， 一定要酒店代客泊車， 自己拍停車場就沒有免費泊車優惠。但整座大樓還未完善，揸車缺乏指示牌，用信用卡出車又出唔道。好麻煩。

位於Rosewood hotel 裡的Holt’s cafe, 裝潢古典華麗，在這裏用膳，有如置身古堡裡。我們點了大蝦牛油果沙律, 龍蝦蕃茄意粉, 炸魚薯條和甜品Tea garden baba。點好餐，暖笠笠的麵包就馬上端上。麵包很香脆鬆軟，新鮮美味。沙律的大蝦肉質很結實，有蝦味，不是軟林林沒口感的那種。沙律汁配合得很美味，沙律份量很大，絕對夠2 -3 人份量，不過沙律菜比例比牛油果多很多，喜歡牛油果的可能會有點失望。龍蝦蕃茄意粉，不是平常一條條的spaghetti, 也不是闊長通心粉，而是幼長煙韌的意粉，吸收了香濃的蕃茄龍蝦汁，美味非常，加上鮮美的龍蝦肉，不錯！炸魚薯條也做得很好味夠脆，和在外國吃到的新鮮炸魚薯條一樣。甜品Tea garden baba，像一個吸收了茶香的軟棉棉凍馬拉糕，口感難以形容，配上新鮮雜莓和sorbet, 很特別。

襯住平日放假人少少，決定去試下Rosewood既餐廳。今次去左Holt's Cafe食午餐，如果唔係搭車去到大門口，其實要行過去都幾遠下，第一次去又搵唔到個酒店門口喎，行左少少冤枉路。終於黎到酒店大堂，話就話間餐廳喺2樓，其實大堂嗰層已經係2樓，唔使搭電梯嫁。去到餐廳個邊，好華麗呀！左手邊係食cake既餐廳，右手邊入就係Holt's Cafe！有Set Lunch的，前菜我地要哂2款試下，主菜我要左Risotto，朋友要左牛腩。奇怪地我發現有好多人都叫A La Cart menu上既單品而非個個都叫會Set Lunch，唔通散叫個啲好食啲🤔？呢間係食多國菜既普通餐廳，絕對唔係fine dining！有中式點心，海南雞飯，越南湯河，叉雞飯，炸魚薯條，漢堡包etc.真係咩都有。Setting都偏向中式，因為枱上嘅醬料係豉油，浙醋同豆瓣醬。叫咗set lunch，會有餐前麵包，麵包係熱嘅，不過2個包都好普通，牛油應該只係unsalted，都係普通野，麵包個底仲燶咗少少添....有少少失望。呢碗係是日餐湯👇🏻個名大概係海參鮑魚羹，我作嘅，因為服務員都介紹唔到佢個名係咩。入口充滿好香既冬菇味，有

白飯偏硬，無飯味，但未至於散開曬，叉燒切得太厚，肉質亦偏鞋，成個飯既溫度唔夠暖，似擺左好耐先攞出黎，溫度唔夠自然帶唔出叉燒汁既香氣，成百陸蚊個，好辛苦先食曬成碗。

見酒店新開就約左個姊妹黎食lunch,坐低佢無主動提供 set lunch menu 就主動問佢拎， 叫左個帶子芹菜頭忌廉湯同埋法式油封鴨腿，首先上咗個餐包，個餐包暖暖地，幾好味而個帶子芹菜頭忌廉湯就普普通通啦，個帶子overcook左，唔滑，真可惜！法式油封鴨腿就真係麻麻，又乾又咸，但佢個cherry 醬就幾好味。可能個waiter 都覺得個set lunch 麻麻，所以menu 都費事俾雖然價錢正常，但都未必有下次。

🥗煙三文魚柚子沙律 - 煙三文魚上配fennel，另外柚子伴碟，再加埋honey mustard dressing , 成個感覺好refreshing 🦐香煎西班牙紅蝦意大利飯- 紅蝦爽甜，好新鮮，個意大利飯汁好好食🍵宇治抹茶雪糕新地配柚子醬好有驚喜同誠意既甜品，冇揀錯，三大球宇治抹茶雪糕，夠濃，仲配埋杞子，味道又幾夾喎，雪糕底層仲有些西柚菓子，質地好似啫喱咁，岩哂呢個咁熱既天氣食🥖麵包有兩款：法包和甜包都好味

抱着興奮嘅心情，相約老友到新開業的Rosewood Hotel Holts Cafe 午餐。餐廳佈置古典簡約，氣氛悠閒恬靜，不愧為五星級酒店！我們分別點了沙律、香煎鱈魚、紅酒燉牛頰肉、芒果布甸和朱古力撻。沙律非常新鮮，主菜煎鱈魚和燉牛頰肉味道鮮甜，配菜一點也不馬虎，非常好吃！端上甜品，我們已心花怒放🥰，甜品是極上等級 - 朱古力味濃郁，內有薄脆，甜絲絲帶點酸果味，很特別，芒果布甸不過不失！每位$320（未計加一），真是超值之選

一日去2次Rosewood Hotel 食飯係咩玩法? 真係有好多巧合同偶遇... nice food and great ambience! 肥叉同黃金魷魚鬚超邪惡 🤣🤣🤣It’s a pity that servers are not experienced enough to handle proper customer enquiries ........ 🤣🤣🤣 Rosewood 同鄭氏家族冇關係咩玩法, 點解鄭家Sonia小姐會係Rosewood Hotel Group 嘅CEO?

尖東海滂開了間新酒店，一定要參觀和看看有什麽好吃的。選了這裡的多國菜餐廳。今天是復活節假期尾，這裡不太多人，餐點了復活節的特餐，有蕃茄沙津，好新鮮的感覺，主菜選了羊鞍，七成熟，汁多肉嫩，還有特式甜品，甜品有三只復活蛋，提高節日歡樂，配上凍凍的糕點，有種幸福的感覺。還點了龍蝦沙律和牛柳，配幼薯條，真好食。這裡環境好有氣派，待應生笑容親切又殷勤地接待我們，十分滿意。廚房是開放式的，讓客人可以看看廚師的工作。

Rosewood hotel 剛開業，所以試新野！breakfast 在於Holt’s cafe, 不設訂座。 我們大約9:30到，沒有太多人。 早餐分兩款$280 和$350。 $280 是continental breakfast buffet （ 各式麵包， danish , cold cut , cheese， salmon, cereals) , 包果汁和free refill 咖啡或茶$350 的是continental breakfast buffet 和 á la Carte. Á la carte 餐牌也有中西款式的選擇， 包括點心炒麵和粥都有。西式有各款雞蛋的煮法， waffle 和pancake我們點了炒麵，粥和香蕉pancake. 我覺得樣樣都好食， 只是炒麵略帶點油。不過buffet 的三文魚是必食！食完早餐後，順便遊覽下新酒店

同阿女下午時路過Rosewood，佢話想食蛋糕，就盲中中入左去。酒店新開第二日，個場未有咩客，蛋糕櫃員工好細心同我地介紹每款蛋糕口味同材料，侍應又熱心簡介所點中國茶最佳的品嚐方法，可見為開店隆重其事，準備得宜，訓練有素，非臨時搵炒散湊場。個女揀左朱古力撻同黑森林蛋糕，兩款賣相滿分，唯一有d美中不足係杯蘋果汁麻麻地。酒店環境好靚好舒服，好多靚靚打卡位，可惜要湊住女趕返屋企無閒好好坐耐d慢慢enjoy，下次要同朋友再黎。