韓正屋韓國料理 (海壩街)

Open Now

Now Closed

約左個朋友去食飯 咁岩佢係荃灣番工 就係決定係番荃灣食咁岩大家都想韓國野 就選擇左呢間7:30去到 已經好多排隊 但因為我地得2個人 等左15分鍾就入得其實成個Menu好多都想食 但我地無咁大個胃最後我叫左個飯 朋友叫左拉面 搭多個小食首先黎左個部隊拉面 出奇地好多料 唔好睇張圖得咁小 下面重有好多 碗面好多味道方面好濃 好鍾意 好入味 下次再黎一定要叫之後個石頭海鮮飯 其實食完個面之後都飽 個飯辣度比你自已加 好貼心 個飯勁足海鮮 好多料 好滿足 唔會多肉得黎無菜 都有D菜類既料係入面最後個年糕 第一次係香港食 其實都唔差 但我朋友唔太食得辣 下次叫佢食小D辣整體黎講都好好 記住一定要食個部隊拉面 同埋呢到性價比勁高 2個人除番開$70 唔洗

話說我今日同老媽出去食飯，見到有人蔘雞湯就行入黎啦，喊左個二人餐甘。 其實最主要都係想飲湯。湯係二人份量既，真係好大隻雞，原本諗住話可能係半隻已經不錯，估唔到係原隻煲。 泛著微微油珠的清澈湯水中，嫩白的雞肉更顯光澤。 用筷子扒開雞，可以看見裡面裹住栗子，糯米，紅棗，以及原條人蔘等，非常足料。 不過講甘多冇用，最緊要都係個湯，一飲，入口順滑和暖，味道醇厚，有很厚的雞湯鮮味，亦有幾足既人蔘味，融入在湯裡面，啖啖都很回味，倘佯在舌底久久不去。有個人蔘雞湯打底暖胃，之後既野食就更易入口，鐵板牛肉固然鮮滾熱辣，嫩滑可口，軟腍的洋葱和肉汁用來拌飯十分不錯。 石頭飯也甚有溫度。 飯和辣醬，雞肉及芽菜等撈勻而食十分暢快，飯粒焦脆，整體的份量也十分飽肚。其他食物水準ok, 人蔘雞湯則頗有驚喜

今晚喺愉景新城行左陣街，但係又唔想係商場入面嗰啲鋪頭食喎，就行左出去福來邨嗰度搵嘢食。一落天橋要喺海壩街行左冇耐，就見到呢間韓國鋪頭好多人等，應該幾好食，所以就等埋一份，七點半到去到，等到八點就坐得啦。我哋一行四人，就叫左佢哋個四人餐，都係三百零八蚊，但係就有石頭鍋飯，燒牛肋骨，人蔘雞湯呢啲想食嘅菜式。前菜方面，有蓮藕，泡菜，芽菜，青菜，海帶，蕨菜揀。我哋就叫左泡菜，青菜同埋海帶，個泡菜幾好食，酸酸地，唔太辣，十分開胃。海帶就比較細碎，但係食落啲味道就冇乜問題。之後就上咗度泡菜餃子，雖然佢個菜單上面寫有少少辣，但係我就覺得冇乜辣，啱啲唔食辣嘅朋友選擇，餃子皮炸得好脆，配埋酸醋食，可以去咗油炸嘅油膩感，本身以為四人餐應該得四隻餃子，點知佢有八餐，唔會到喉唔到肺，好高性價比！個人蔘雞湯係用鐵碗上嘅，好處係啲湯上枱嗰陣仲熱辣辣，但唔好處係好快就會比冷氣吹凍，一定要趁熱食，個人蔘雞湯好似係韓國食咁足料，裏面有成支人蔘喺度架，佢哋仲好細心配胡椒鹽送雞肉食，因為隻雞都煲左一段時間，就咁食會冇乜味，配埋胡椒鹽就啱啱好啦。燒牛肋骨用鐵板上，都係上枱嘅時候夠熱，但係都凍得好快，牛肋骨肉夠嫩，汁夠甜，略嫌

網上發現荃灣愉景新城有個兒童遊樂場，看來很適合豆丁，所以今天與豆丁到荃灣～玩。豆丁瘋狂玩樂過後，肚子咕咕叫。可是這商場大部份餐廳都客滿！唯有通過商場的天橋，到附近街道尋找餐廳。　　　　天橋直達福來村附近，看到這家餐大大隻中文字：韓正屋，旁邊還有几個韓文。豆丁很興奮地表示：呢度有韓文呀！　　 原來豆丁能認出韓文！！！！ 　還拉我們到這餐廳，其實是豆丁想到這裡～食！　 再看看門口餐牌，價格合理，於是入內就座了。　餐廳地方不算很大，幸好是下午3-4點，客人不多，我們可享受更多的空間。看看餐牌，有２款二人套餐。但鐡板燒牛仔骨及炆牛肋骨煲都很喜歡，唯有散點這２款，當作午市套餐，配白飯再加一份海鮮煎餅吧！櫃桶內有餐具：筷子，銀匙。　　鐡板燒牛仔骨　　這個牛仔骨原件帶骨呈上，還看到骨髓內深紅色的血塊。幸好有刀叉，方便切件。誰叫今天右手不靈光，不能使用筷子，唯有以銀匙一口一口的慢慢享受。牛仔骨肉質上本是無得輸。肉質纖維中帶著一點點脂肪，又軟滑又香又有肉味。　　炆牛肋骨煲　　煲內有原件帶骨牛肋骨，紅白蘿蔔及冬菇。這牛肋骨應該是煮了很長時間，骨髓都變啡色了，没有任何血塊，以肉質纖維為主，肉味當然濃。

在荃灣福來邨附近的食肆, 多是茶餐廳、Cafe 這種種類, 若然沒有走進橫街也不會知道有一間韓國料理店 ~ 開業兩年, 沒有花巧裝飾, 從門面至店內裝修都表現出樸實, 能夠得到客人的信任及讚賞, 售價與廚師手藝當然呈正比 ~ 我及太座決定叫一份 $192 的二人餐 , 由前菜至飲品共有五大項 , 前菜可以任揀兩款 , 泡菜的辣度溫和 , 偏帶酸味 , 口感頗爽脆、涼拌韓國海帶實在是清爽 , 味道清酸也有麻油香氣 ~ 套餐裏的冷飲是無需加錢 , 我們叫了蜂蜜紅棗茶及蜂蜜生薑茶 ~ 主菜要逐一介紹 :石頭傳統雜錦飯 ... 可選配牛 / 雞 / 豬肉 , 再鋪滿菠菜、紅蘿蔔、大豆芽、白蘿蔔、青瓜、蛋等豐富材料, 吃時混入以大廚秘製的甜辣醬, 甜中帶辣, 飯焦香, 越食越開胃, 滋味滿分！ 韓式煎泡菜餅 ... 薄薄一片卻帶點焦香, 每一口都吃得到泡菜的酸香脆口 ~ 炆牛肋骨煲 ... 跟白飯一大碗, 湯頭帶甜香, 因為配料中有紅蘿蔔、白蘿蔔、冬菇, 牛肋骨的油筋較多, 炆成腍化之餘筋位有咬勁, 無需沾醬就很夠味 ! 這裏的菜色味道佳, 價格又合理, 而且服務很親切, 客人的腳步

韓風襲港，韓國食肆大受歡迎，今晚我也來韓風一下。餐廳人客非常多，原因是價錢平，食物質素有水準。餐廳選擇頗多，看到相片胃口大開。韓國壽司。韓國壽司是我最愛，餡料豐富健康，大量蔬菜扎得實實不鬆散，飯粒咬口十足，味道略淡，沾上醬油味道也頗為香口。普通壽司，吃出簡單原始味道。鐵板牛肋骨。香煎牛助骨，肉質軟腍入味，配上醬汁非常咸香豐富。筋部附近肉質頗有咬口，不會韌，頗有嚼勁。肉味不重，但是醬香味濃，非常惹味。韓式泡菜煎餅。香脆煎餅，略微太厚粉，入口厚身不鬆軟。泡菜味道不突出，辣味不夠，味道略微太淡。煎餅味道較為令人失望，但是入口香脆香口，尚算不錯。

今日落住大雨，7點幾8點去到都見到有人等位，舖頭唔算太大，但由個佈置睇得出主人都想客人坐得舒服，舖頭坐滿哂，4個人去都安排到張卡位比我扡坐，打開餐牌見到上面都有好多選擇，石頭飯，拉麵，冷麵都有好多款，我地叫左個四人套餐，再散叫左其他野，四人套餐有五樣野，三款小菜，再有四杯餐飲，$308其實唔貴，而且佢上菜速度好快。(套餐)石頭傳統雜錦雞肉飯其實可以揀雞/豬/牛，豬就係辣嘅，因為之後都會叫牛，所以就揀左雞，個飯有好多菜，紅蘿蔔絲，白蘿蔔絲，青瓜，芽菜，仲有我諗係波菜同埋雞肉，韓國辣醬就一碟咁你，自己鍾意幾多就落幾多，撈埋一齊食，同係韓國食過嘅拌飯味道一樣，同埋個煲好保暖，d飯無咁快凍。(套餐)韓式煎海鮮葱餅個餅好薄，好易咬開，海鮮好似唔係好食到，但係塊餅真係煎得好香口，金黃色咁好吸引。(套餐)人蔘雞湯個湯蔘味唔重所以唔會苦，係真係有條人蔘係入面嘅，湯好夠味，隻雞細細但都有好多肉，煮到已經好淋，用筷子好輕易就可以撕開d肉，個湯配埋大大碗白飯，索左湯汁嘅飯好香好食。(套餐)鐵板燒牛仔骨突然一堆韓式食物出現左個牛仔骨好似好奇怪咁，但呢到就係驚喜位，燒得真係幾好食，隻汁好香，連骨都可以咬好耐，因

每逄星期六我都要返工，  趁週末總會喜歡四出尋找美食！ 那個星期六，為了方便好友到屯門返 Part time，於是，我建議到荃灣食 lunch! 食完大家可搭西鐵返屯門，她有她返工，我有我到 V City shopping 買化妝品！ 荃灣海壩街是一條食街，我們由愉景新城行沿天橋行過來很方便！  找到一間韓國料理餐廳 <韓正屋韓國料理>，見到門外的餐牌，幾十元有交易！看來相當抵食！  一於試試吧！ 這裡位於福來邨，靜中帶旺，食客以街坊客為主！ 裝潢簡樸以木色為主，地方細小！較為迫夾！ 女店員殷勤有禮又有笑容！給我們留下良好印象！ 供應：韓式傳統美食供應：韓式傳統美食包括：石頭窩飯、拉麵、鐵板燒、湯年糕、韓式煎餅、小食等，街坊食店的價位已是大眾化！  亦可選二人或四人套餐！豐儉由人！  依上桌次序：韓國麥芽玉米茶 $10入口熱燙！  散發獨特的麥芽香，味道清然淡雅！韓式海鮮湯年糕 $54湯年糕的配料滿滿的很足料！  海鮮包括：蝦、青口、蜆及魷魚...等，還有金菇、椰菜、雞蛋...等食材。清湯味清而略帶鮮甜不錯喝！  海鮮大致上是急凍貨色，鮮味稍

雖然交通唔算好方便, 如果搭地鐵去到荃灣, 都仲要行7分鐘左右先去到...但一間地方細細既韓國菜小店,都吸引唔少食客山長水遠前去用餐~今晚我就同朋友一齊去睇下, 究竟有咩咁吸引咁多人去?!原來, 價錢平民化之外, 食物質素又真係有返咁上下! 兩個人食餐韓國菜, $300有找~~~真係抵到爛!------------------------------C. 二人套餐 HK$215二人套餐包括自選兩款前菜, 兩杯飲品, 同三款小菜【韓國柚子茶】清甜柚子茶...【韓式泡菜, 涼伴芽菜】很地道既泡菜, 味道似韓國市區韓國人醃製既泡菜味道, 唔算好辣, 岩香港人既口味...自選兩款前菜 - 如果想單一order前菜, 每碟只需HK$10【鐵板燒牛仔骨】好味指數: 9/10牛仔骨以鐵板上,慢慢食都keep到下溫度。牛仔骨肉質鮮甜,而且好嫩口,好易就咬開~~~值得推介Encorn!【海鮮純豆腐湯】好味指數: 8.5/10呢個泡菜湯好足料, 有好滑既豆腐, 仲有蝦仔, 蜆, 翠玉瓜, 金菇, 魷魚仔, 泡菜~ 泡菜湯味道好濃, 成個湯辣辣地, 飲落好開胃...而且仲跟埋一碗珍珠米既飯, 夠哂飽啊!【石

睇食評好似唔錯，就去食。荃灣福來邨直入，位置都唔多起眼。入到去比較滿，我叫左個泡菜餃子豆腐湯配飯。雖然整鍋都係紅色，但我唔食得辣既人都覺得岩岩好，唔太辣。一啖豆腐連湯，一啖飯食落去，真的好配。心諗如果有埋紫菜就更加好。餃子淋左少少，但整體不錯，價錢同味道超值。另外，朋友叫左k9牛肉凍喬麥麵，佢果個冇影相，但亦都好好食。我試左d黎食，個麵好冰凍，適合天氣食，食完好涼快，令人舒服。2個野食都好有份量，所以都係食唔晒，好飽。最後，我拿左數條喬麥麵，放進泡菜湯裡浸，再拿起食，味道也不錯，可試試，好吃可值得一試，店還有好多款選擇。環境一般，人手太少，不過還接受到。我個餐，餸黎先，個飯等左6分鐘先黎。。。（侍應話岩岩冇晒飯要等一陣）唯一不足，差不多食完竟然叫我地調位。其他大把位，點解淨係調我地，我諗應該係想要6人台，但一早應該分好些或我地d野食未黎前調位。原本想比滿分，都攪到我心情唔好，想亨受片刻都唔得，比多2分鐘等我食完嘛。2分鐘都唔等得，趕我地走。這裡真的不滿，為左2分鐘得失客。

早兩日行開荃灣，見到一間幾多人食的韓國餐廳，試試也無妨看一下餐單，價錢非常親民及選擇也很多石頭芝士香辣豬肉飯喜愛芝士一定不可以錯過，大量芝士相當吸引，整個味道配搭不錯。鐵板燒牛仔骨+白飯超好食，份量十足，吃起來很惹味，配白飯一流炆牛肋骨煲味道清甜，牛肋骨的肉質蠻嫰口，每吃一口再喝一口湯，真的非常滿足

路經荃灣以前工作的地方，見到好多新食肆進駐，決定一試>>>韓正屋韓國料理<<<。沒有一般韓國食肆的前菜，但餐具也是韓式風格。一個人沒能吃很多，只點一客海鮮年糕。表面看來海鮮不多，但細心一看，還是找到四隻蝦、青口、蜆及魷魚等食材。海產泰半是急凍品，鮮味欠奉，不要抱太高期望就好。年糕看似不多，然而體積不大卻又出奇飽肚，一碗份量足以令冰捧著肚子離開。清湯拌以蛋花，味道清淡，吃後不見口渴，還算不錯。五十多元，一頓裹腹晚餐，還算可以。周日晚市，人氣旺盛，全場滿座，冰被安排餐廳盡頭一個小房間，和另一檯食客搭檯。小房間由一匹分體式冷氣機調控溫度，但冷風直吹至冰的頭頂，已不敢久留，但亦被吹至頭痛噢。

之前一班人食過韓正屋DINNER覺得好正, 所以今日諗住帶好朋友黎試試兩個人既LUNCH日頭好光猛, D位都滿左不過禁時又唔見人要排隊, 但我諗出門食好野book定位就無輸既LUNCH都幾抵食,主食會免費送個野飲~Order左個石頭芝士香辣豬肉飯（＄６２），個辣汗係自己落既，口味先決，唔洗怕太辣食唔到最衫我地落左一半，不過食落因為芝士解辣我地都一致認同落晒最ＹＵＭＹＵＭＤ芝士愈搞愈拉絲！視覺上已經吸晒眼球，當我食埋落口更加要推薦俾大家：好重芝士香，ｍｉｘ埋好韓國口味既豬肉同圓米，令到我呢個平時係屋企唔食飯既人都食唔停口，一碗接一碗之後仲叫左個人蔘雞湯（＄８６）食開韓國野既人都知韓國ｄ一隻雞、人蔘雞貌不驚人，但入口就有幾濃雞味架啦。。ｍｉｘ埋ｄ雞肉食，係有好補好養生既感覺，而且味道剛剛好，如果你唔洗送飯就連鹽都唔洗落條人蔘都ｏｋ唔失禮架～係尖咀果ｄ韓國街，gur到你一頸血都見唔到蔘條毛。。。lunch兩個人叫兩個set咩都夠，不過作為為食之人，我忍唔住order多個韓式壽司其實韓國野我最like就係食kimbap，不過平時出面都要五六十蚊，我一般就會忍耐，但呢到$28咋！比出面平一倍！即

約左兩個月 終於約到姐妹食飯啦佢呢期係荃灣返工 近近地荃灣搵食啦上OP睇下有咩介紹 見到韓正屋好紅喎 go!係福來村近工廠方向 唔難搵嘅除非散叫 否則一定叫套餐😂7點去到唔洗等位 但比想像中多人喎叫左牛仔骨二人套餐 先來前菜 好凍😅今時今日 好少見餐廳會俾咁大塊牛仔骨喎就算有都收勁貴 不過食落先知咩料子嘅估佢唔到 <業>得勁入味之餘 好香牛味有咬口友人唔食又食 食左兩塊囉😑😑😑海鮮豆腐鍋 眼見紅色以為會好辣結果原來得個色 少少辣易入口嘅足料架 有我最愛嘅豆腐 超滑😍😍😍海蝦有蜆仔同蝦 重有金菇做伴菜石頭鍋未上到枱都已經感受到熱力加入辣醬拌勻 牛肉味唔算太濃但蘿白絲 芽菜十分爽口 反而更吸引好多飯焦 可惜我同姐妹都不太愛😂見到隔離枱叫雞翼同鮫子 我地又叫飽到呢⋯鮫子外層炸到金黃色 好脆但食落普通 淡淡的食唔到泡菜⋯反而雞翼比相像中好食 甜甜嘅外層肉質嫩滑 但略嫌太細隻埋單$271 超抵食飽到暈 重要唔洗加一！

係荃灣個頭行街，又唔想係商場食d連鎖店，所以去左福來村附近既地舖食。間舖係香車街街市附近，唔算近地鐵站，不過為左搵好野食行下又冇咩所謂。舖頭唔算好大，不過坐落唔會好逼。打開menu食物選擇都幾多，心大心細唔知揀咩好。最後嗌左韓式壽司、板燒飯泡菜炒豬腩肉、韓食泡菜冷面、韓式煎雞翼，後加個柚子豆腐沙律。首先，主食黎到先。韓式壽司賣相都唔錯，幾足料。不過，味道就冇咩特別，中規中距。板燒飯泡菜炒豬腩肉賣相望落幾吸引，份量都唔少。泡菜炒豬腩肉食落微辣， 豬腩肉肥瘦岩岩好，又唔會un，Vi就幾鐘意啦。不過豬腩肉既份量再多 d會更好，食食下會發覺泡菜淨好多。Vi既朋友話要減肥又話熱熱地，所以嗌過冷面。冷面份量同樣唔少，不過佢話食落淡左少少，真係健康之選。然後就到雞翼啦！新鮮煎好熱辣辣上碟，外表睇落冇咩特別，但隻隻都幾飽滿有肉。食落有蜜糖甜甜地，又冇雪藏同血腥味，Vi都幾滿意 。最後，朋友話想嗌個沙律試下。柚子汁酸酸甜甜好開胃，同豆腐又好 match。豆腐好滑又涼涼地好岩夏天食。碟沙律睇落細細碟，但都幾多豆腐。呢間韓食價錢都平，份量又夠，雖然食物唔算好特別同岀色，但可以一試。