紅糖

Open Now

Now Closed

生日食好D！要報復式晚市堂食！book位時要求窗邊位，真係冇失望，食好野之餘食埋個景吖我地冇order set menu，散叫幾個想試既餸。第一碟上菜就已經令我地眼前一亮！第一道：欖菜荷葉鹽焗鱈魚球唔好睇佢份量唔多，賣相唔精緻，但係真係好味到笑！魚肉嫩滑，有淡淡荷葉香味，鹹度適中，令人好想送飯食.第二道：酥炸和牛面頰呢道餸應該係必點，我當初都係因為佢而想黎紅糖。果然，完全冇失望！原來和牛塊面咁肥美？？！！加埋個山椒肉汁，脂肪與牛肉既香味真係齒頰留香佢打敗「響」既牛舌，榮升我心目中最好味既牛料理！不過，佢實在太肥美啦，食完第二舊就會開始膩，我就停手等素菜。第三道：燒味雙拼但係唔知係咪個菜漏單，等好耐最尾催先上。然後就黎左呢個叉燒+燒鵝雙拼。配上酸梅汁，味道其實都唔差，但係同上面兩者相比，就顯得有些少平平無奇，所以我只係比四星。第四道：上湯浸時菜好滿足的一餐。下次想試旁邊的Red Sugar，同朋友望住海景摸杯底傾下計應該唔錯

一月一日，用美食展開新一年，實在是美事，很喜歡中菜的我們，又多一個吃飯好去處了👍🏻環境典雅寧靜，燈光較暗，帶點神秘感，是談心吃飯的好去處👍🏻七味椒鹽豆腐好出色的前菜，豆腐豆味香濃、滑口，加上適量的七味粉，帶點點咸味，好吃👍🏻桂花糖脆鱔球鱔肉質鮮嫩，炸得恰到好處，是有桂花清香味的，但仍然略嫌有點太甜，不合我們口味。每人吃一件也覺得很飽肚。酸辣海鮮羹值得推薦👍🏻用料足，辣度適合我們，不算太辣，不用加醋也可以。生拆蟹肉玉米羹吃到蟹的鮮味，但整體味道似家常菜的感覺，沒有驚喜。蜂蜜青胡椒燒排骨很推介的一道菜👍🏻👍🏻👍🏻肉質鮮嫩，調味恰當，即使不加一點蜜糖，味道已不錯。加了蜜糖，令味道更清新，帶點清甜，值這個價錢。沖繩涼瓜炒和牛脷我們喜歡吃沖繩涼瓜，口感爽脆，苦味較強，但我們喜歡吃。和牛脷則沒有甚麼特別。松露南瓜海鮮炒飯份量十分足，配料份量多，令我們很飽。紅糖甜品拼盤這個高質素之作，最喜歡中間的蘋果啫喱👍🏻廚師是根據時令水果而整不同口味啫喱👍🏻很飽足的一頓飯，值👍🏻👍🏻👍🏻

母親大人生日 可惜宜家冇晚市 所以就諗住晏晝搵個別緻小小嘅地方飲茶🫖 呢間中餐廳位於酒店7樓 景觀都算開揚可以望到海景 不過就唔係好遼闊嘅海景 而呢度嘅點心大部份set左三件為一碟 但亦都可以按人頭增加至四件 呢方面都幾flexible˜”*°•紅糖金魚餃($78/位)•°*”˜賣相超級精緻 金魚造型栩栩如生 仲要有埋池塘同綠葉🍃 咬嘅時候都有啲唔忍心 好似真係要生咬一條金魚咁🙈 可惜味道可以話係唔好食 鱈魚同豬肉造嘅餡料口感好霉 味道仲帶腥 食左一半就放棄😢˜”*°•雪山和牛餐包($88)•°*”˜新鮮即製嘅雪山和牛餐包熱辣辣🔥 雪白嘅墨西哥包外皮香甜酥脆 餡料帶黑椒香味 和牛肉粒口感有少少入口即溶 好食😋˜”*°•紅糖蝦餃皇($88)•°*”˜蝦餃細細隻晶瑩剔透 皮夠薄 蝦肉爽彈 唔錯 如果要挑剔就係唔夠熱唔夠香 冇嗰種蝦餃香氣撲鼻嘅感覺˜”*°•松露鵝肝海鮮荔茸盒($78)•°*”˜高級版芋角 外層酥脆 芋茸軟綿 入面食到帶子粒同鵝肝粒 但鵝肝味唔夠突出 比芋頭蓋過 松露味係零 如果當普通芋角食係唔錯嘅˜”*°•X.O.醬豉油皇炒腸粉($72)•°*”˜腸粉非常軟滑 豉油皇煎 香

遲來嘅聖誕快樂🥳聖誕節實在太忙，要到今日先有時間同大家講句聖誕快樂🥺分享一下聖誕節嘅時候，食過一間餐廳，性價比好高，推介一下俾大家🙌🏻呢間位於Kerry Hotel嘅中餐館，酒店大堂嘅聖誕裝飾好靚，好開陽，而且人流唔多，好舒服，直上7樓，去到餐廳門口，門口裝飾都好特別🌟服務都好好，入邊嘅侍應都好多，唔會等好耐😃🍴 冬菇流沙包🍴 一上到嚟係冬菇樣，平時入面應該係黑松露，但呢個係奶黃流沙包，係好食嘅，而且入邊係比較沙，唔會好油👍🏻🍴煎糯米雞🍴 外面脆嘅，但略嫌入邊嘅餡唔夠多，唔係好惹味🍴蠔春卷🍴呢款非常特別，平時春卷入邊多數係蝦，蘿蔔，但呢款入面係蠔加菇，好香蠔味，但唔會好鯹，好特別， 必試系列之一！🍴蘿蔔絲酥餅🍴好特別嘅卡通蘿蔔造型😂個底仲要有芝麻加啡色嘅粉，變咗好似剛剛從泥土拔想嚟嘅蘿蔔一樣樣😂外面個酥皮整得好鬆化，但夾起上嚟唔會散開，入面蘿蔔一條條分明，好有口感，爸爸最喜歡菜式之一☝🏿🍴鮑汁雞粒章魚炒飯🍴用鍋上，攞到上嚟仲煎緊啲飯，到最尾會有一層飯焦，好脆口，又夠熱，特別係個飯唔會好乾，鮑汁亦唔會好鹹，食完唔會口渴👏🏻食完以上嘅點心，另外我哋再加多三個點心，埋單$1100都唔使，以酒

◦•●◉✿✿◉●•◦ 👵🏻👴🏻一向鐘意食中菜，而紅糖就係其中一間👵🏻👴🏻都好鐘意嘅中菜廳～ 餐廳位於黃埔嘅嘉里酒店🏨無論小菜定點心都好出色🥰 今次約埋朋友一齊去食 咁就可以叫多啲款啦🙆🏻‍♀️🙆🏻‍♂️⁡💭桂花糖脆鱔球🐟呢個係👵🏻👴🏻必點嘅菜式❕師傅起咗鱔球肉，用香甜嘅桂花糖包住一齊炸 少少脆嘅糖皮包住鱔球肉 大大啖魚肉 好讚🤤⁡💭楓糖黑豚肉叉燒🐷 呢個係👵🏻👴🏻食過最鐘意食嘅叉燒🥺肥瘦平均～配埋楓糖一齊燒黑豚肉好林而且有肉汁係100分嘅叉燒🙈⁡💭七味椒鹽豆腐 呢個小食👵🏻自己一個都可以KO一碟😆椒鹽豆腐炸得好香口！重點係外面椒鹽皮好脆 入而嘅豆腐仲好嫩滑🥲完美～ 好好味🤤 ⁡💭龍蝦湯西施泡飯🦞 呢個係👵🏻最鐘意龍蝦湯泡飯❕ 因為真係好出色😆清甜嘅龍蝦上湯會令你想食哂成碗飯🤤配埋脆脆一齊食 食完會有幸福嘅感覺😆 ⁡💭紅糖金魚餃🐟 呢條魚仔實在太可愛啦😚 (而且好IGable!)金魚餃入面用咗Cod Fish撈埋芹菜 不過👵🏻👴🏻都麻麻地芹菜所以試過就好啦🤣⁡💭松露鵝肝海鮮荔茸盒 👵🏻一向好鐘意食炸荔茸😙 見到呢個個名有松露鵝肝覺得好吸引 食落唔係好覺有鵝肝味🙈 松露味唔太突出 冇搶到其他

無敵海景，舒服寬敞的環境嘆點心，點心賣相非常精緻，味道亦好出色，睇得又好食，主食都不容錯過，絕對值得一試！「金魚餃」係招牌菜，金魚外型做得好細緻，連魚的鱗片紋理都整到，再擺上去靚靚的碗中真係栩栩如生，絕對唔係得個樣，餃皮好出色，豬肉餡好味加埋下面的高湯芡汁超好食。其他餃類點心都各有特色，包括「魚子金箔帶子餃」、「松露野菌餃」、「雙籽鱈魚蟹肉餃」。炸物的賣相同樣有心思，好高質。「一口燒鵝酥」酥皮超鬆化完全唔油膩，燒鵝餡好香好好味。「香梨鹹水角」香脆亦帶軟糯。「日本大根蘿蔔絲酥餅」個酥餅同樣出色。「雪山和牛餐包」個雪山皮鬆脆裡面黑椒和牛餡勁惹味！「XO醬炒蘿蔔糕」帶辣勁但又夠鹹香，蘿蔔糕有先輕輕炸過再炒，所以外脆內綿，非常推薦。楓糖黑豚肉叉燒 $338定價都幾貴，$338厚切8塊，一塊都$42🙈 但的確好好食，半肥瘦肉質非常軟腍亦鎖住肉汁，外面有微焦香楓糖漿唔會過甜，係高質既但值唔值得$388就見仁見智🙈龍門炒鴛鴦米 $248另外炒米都非常出色，米粉炒得好乾身一點都不油膩，有叉燒有蝦仁好足料，味道亦調教得好好。

在網上看到這家餐廳的點心很精緻，離我家也很近，所以這天就訂了座，希望來到這裏試一試。這裏位於酒店的七樓，環境舒適，大部份的座位都能夠看到維港海景，冷氣溫度好，不會太冷，令人坐得舒服。坐下後試應先送上三款點心醬及茶水，服務貼心，現在去酒樓飲茶基本上要三催四請才會給你醬汁，這裏就已經自動自覺地放在枱面。三款醬汁分別是辣椒醬、醬油及自家製XO醬，以自家製XO醬最為惹味。由於是自己一個人來吃，這天就不吃點心了，反而單點了一些菜式，想試一試他的招牌。雖然說不吃點心，但看到如此可愛的金魚搞，忍不住來了一客。金魚餃($78)這條金魚做得非常細緻，可以用胃肖胃妙來形容，金魚甚至有漸變的不同顏色，右邊身比較偏白，左邊就比較紅，完全像一條真正的金魚，不多多拍照簡直是對不起它。廚師非常細心，把金魚浸在湯內，湯是透明的，在湯的表面畫上綠色的荷葉圖案來模仿金魚在荷塘內游泳，整個賣相都非常美麗。味道方面，餡料是鱈魚肉及蝦，充滿着海鮮的香味及鮮味，也有一點蔬菜的甜味，美中不足是餃子皮比較厚，可能是為了遷就如此美麗的賣相，有點迫於無奈。如果只吃金魚，餡料的味道會被餃子皮的厚度蓋過，但連着湯吃就剛好。湯是冬瓜湯，充滿着

位於紅磡灣 嘉里酒店7樓 紅糖 由著名中菜行政總廚 余偉經 師傅主理 主打新派粵菜 為紅糖設計 全新餐單 重新演繹 新派中菜 🥢🥢自從吃過好幾間 米芝蓮中菜點心 及專門製作 精緻手工點心食肆 感覺對點心的要求 比以往高 每每想尋找一些 隱世高手 品嚐更精緻 美味的點心料理 🫖🫖紅糖這名字 間中會在 OpenRice 食評中看到 看照片是絕對的吸睛 就像精緻藝術品 當然要試試 是否跟外表一樣棒 🥟🥟我們二人訂了座位 剛開店便抵達 侍應很貼心 給安排了 全海景位置 坐 6 人的圓桌 舒適 因為有長者 更給了咕靠背 很週到 👍👍我們點了紅糖 金魚餃 🐡🐡用鱈魚蒸熟 加入調味 配料做成 像金魚一樣的餃子 蒸熟後放入 水晶茨汁內 外觀就像金魚在游動 但吃起來口感偏軟 沒有一般蒸餃的爽脆 鮮嫩感 雖然高質 但不太合我口味 🥢🥢雙籽鱈魚蟹肉餃 🦀🦀這個蟹肉餃 蟹肉鮮甜 口感脆嫩 上面放上魚籽及蟹籽 極致美味 好好吃 😋😋蒜香排骨陳村粉 🧄🧄濃濃蒜香味 新鮮排骨口感扎實 像自已在街市買回來煮無異 調味恰當 陳村粉爽口彈牙 把排骨的鮮甜味吸收 非常討喜 個人特別偏愛 🍖🍖香梨鹹水角 🍐🍐口感精緻細膩

遊車河去紅磡，我哋一早去到，點知佢開11點。環境好舒適，好relax，可能早又無乜人，望住個海食lunch。叫咗啲點心同泡飯同甜品。鮑魚燒賣，隻鮑魚好大隻，好好味。茘茸盒好值得推介，入面有鵝肝同松露。仲有帶子餃賣相滿分，全白但有蘆筍、魚子、金箔點綴，無得輸。龍蝦泡飯佢有問分開落爆米定佢落，我哋叫佢一次過落，但原來係有原因，食到第二碗就淋晒，但都仲係好好味😋。青蘋果菊花又好清新。原來HSBC credit card 有discount, 值得去食。

Nice food and night view. A privilege to have this quiet and decent place to chat with friends for hours~

✨紅糖金魚餃 賣相精緻 係欖菜鱈魚餃 呢個配搭幾新鮮餃皮偏厚 帶少少煙韌欖菜鱈魚餡 口感嫩滑 味道偏清淡✨魚子金箔帶子餃餃皮厚薄適中 帶子鮮味 蘆筍清甜✨日本大根和牛絲酥餅外層酥皮 層次豐富口感酥脆鬆化蘿蔔絲幼身 味道清甜 和牛冇乜存在感 味道唔錯✨香梨咸水角外層香脆 口感帶軟糯餡料滿滿 味道鹹鹹甜甜 但比起其他點心相對普通✨脆蝦紅米腸粉腸粉皮薄 米網皮夠脆 蝦鮮味彈牙✨兩儀炒方脷方脷起肉炒球 肉質嫩滑 蘆筍菇菌爽脆 調味好惹味魚骨炸得香脆 夠乾身 唔油膩 名符其實連骨都食埋✨楓糖黑豚肉叉燒叉燒厚切 啖啖肉好滿足半肥瘦 肉質結實 口感鬆軟 有咬口味道方面 用上楓糖所以冇咁甜 少左份蜜味 多一份楓糖香 味道唔錯 只係我自己偏好食甜d 但Mr.H就覺得呢個已經夠甜✨金果青檸明蝦球外層有層薄薄起沙嘅鹹蛋黃包住蝦球蝦球每隻都大大隻 鮮味 口感爽脆醬汁味道酸甜 幾醒胃✨脆炸鮮奶紫薯盒蜂巢外層鬆脆 內餡外層 滿滿嘅紫薯蓉 幼滑綿密中間 鮮奶流心 流心程度唔錯整體味道唔太甜 唔好甜嘅可以一試我自己就覺得唔夠甜 但Mr.H話夠甜喎✨奶黃小柑桔外皮軟糯 但略嫌有少少黏餡係傳統奶黃餡 質感偏實 唔夠香滑食

家人響外地返香港，一齊食吓點心，傾吓偈! 我揀咗質素一向好好嘅嘉里酒店紅糖中菜. 呢間嘢日日爆, 要早一兩個禮拜book..首先今日去嘅時候，我哋有5個人, 佢哋好好, 安排咗長枱放一塊板響中間比我哋… 坐落發現枱面有D食物殘餘物資… 😓心一沉! 點解咁樣…. 投訴後, 佢哋快手快腳清理咗, 同埋say 咗sorry… 咁就算… 衞生今次扣D分! 平日好乾淨嘅之後叫嘢食, D嘢食都係同以往一樣好超班! 樣靚味道好..尤其要讚下佢D XO醬, 超香同多蝦米同瑤柱, 好好味!叉燒燒肉拼魚子帶子餃蘿蔔絲酥餅+XO 醬黑松露素菜餃鮑魚燒賣帶子腸梨型咸水角最後想讚下shangrila集團, 佢哋D服務一向好好, D服務員真心好人同有禮貌, 大家食得好開心!

五星級酒店的中菜廳，景靚加上食物出色嘅中菜！出名楓糖黑毛豬叉燒🤤我地今次雙拼燒腩仔，七味椒鹽豆腐好似每次都必叫呢個餸，薄脆嘅外皮包住熱辣辣豆腐！見到山藥浸時菜即叫配莧菜非常好味，欖菜荷葉鹽焗鱈魚塊，淡淡嘅香荷葉味，咸咸嘅欖菜配上鱈魚塊，而且肉質嫩滑仲鎖住肉汁！最後係龍蝦🦞湯泡飯，好味😋雖然話係4位用，但有我地喺度點會食唔哂😂首先裡面有大大舊嘅龍蝦肉，湯非常正！重龍蝦味加上脆米連湯一齊食卜卜脆口感😍yummy

嘉里酒店景色靚就好多人都知🥰而佢入邊嘅中菜廳亦係望住個咁靚嘅海景～不過窗口位就要提早book定啦...京烤片皮鴨 $788片皮鴨有兩道菜，侍應會先喺客人面前即席片皮，餘下嘅肉會整成鴨崧。片皮鴨皮脆卜卜，肉質好嫩，亦無任何羶味。另外亦有好足夠嘅青瓜、京蔥、蜜瓜同山楂提供。只不過整好後薄皮已經凍左，如果保溫方面做好啲就好啦。.鴨崧份量都唔少，炒得超惹味！就咁食有少少咸，但配埋生菜包就岩岩好！真係兩道菜都一樣咁好味.香麻海蜇手撕雞 $148手撕雞唔算好出色，麻油味唔係好夠之餘海蜇亦唔太彈牙。同平時普通中菜廳既唔太同🤭不過可能係食完片皮鴨太飽啦😛😛

香格里拉集團的嘉里酒店擁有無敵海景，今次來到酒店的中菜廳《紅糖》吃飯，坐在窗邊位置看著大海景吃精緻點心，非常寫意😌紅糖金魚餃：美得說不出話來😍金魚造型栩栩如生，還有碧綠的湯汁伴著，造型絕對100分~外皮雖然有點小厚，但連同湯汁一起吃味道卻不錯；餡料用上鱈魚肉配搭欖菜，竟然出奇地match一品燒鵝酥：天鵝造型很精緻，外層酥皮據說有約150摺🤩酥皮鬆脆可口，燒鵝肉充滿油香，必試松露鵝肝海鮮荔茸盒：本日最好吃的點心😋香酥的外層包著芋茸、松露、鵝肝餡料，松露味好香濃，炸芋茸夠綿滑且完全不覺膩！香梨鹹水角：鹹水角金黃色的外皮夠脆而不油膩，入面是滿滿的蝦米、肉碎、菇菌等餡料，呈上時熱辣辣，好吃原隻鮑魚燒賣：每粒燒賣上配一隻鮑魚，鮑魚煮得軟腍，燒賣豬肉肥瘦適中，正👍🏻碧綠帶子腸粉：味道略淡，較為普通甜品拼盤：拼盤有青蘋果菊花凍、奶黃小柑桔和琥珀合桃酥三款甜品；最喜歡青蘋果菊花凍，微酸甜的青蘋果配上清熱的菊花，夏天吃一流😋奶黃小柑桔煙韌的外皮包著香濃的奶黃，甜而不膩；琥珀合桃酥餡料是蓮蓉及朱古力，好特別的口感《紅糖》📍紅磡紅鸞道38號香港嘉里酒店7樓