Hungry Monkey (海之戀商場) (Closed)

行完海之戀見到呢間日式居酒屋就去試下～沙律就試咗佢地嘅蕃茄蒜子沙律蕃茄已經處理過，經醋漬後爽口鮮甜。開胃菜另外仲叫咗另一款瑩光魷魚，餐廳擺盤好有心，放成扇形🤣清酒煮蜆，師傅一放上台已經覺得好可愛，完全無想象過清酒煮蜆都可以當禮包咁上菜，一打開絲帶陣陣酒香已經不停四散，配埋蜆肉鮮甜味美，非常滿足～終於到咗最期待嘅燒龍蝦🦞，店員好貼心另外再比咗兩份餐具我哋，龍蝦蝦膏好多，夠新鮮，蝦肉切成小塊混以蝦膏鮮味十足，激讚小食方面叫咗海膽熔岩魚餅，入面有爆醬海膽醬非常濃厚。另外唐揚魷魚鬚，炸得熱辣辣送酒一流豆芽韭菜花炒砂肝筋，差唔多台台都叫咗一碟，可見呢款深得食客歡迎，豆芽好香口香蔥御好燒，非常可愛盒入面原來放咗酸薑絲同埋紫菜碎，比客人隨意加入御好燒中。甜品叫咗朱古力夾餅雪糕同白桃雪葩，朱古力夾餅好有誠意～非常濃厚白桃雪葩酸酸甜甜，桃味十足，岩岩食完鐵板燒甜甜酸酸解哂飽膩感居酒屋飲品都幾有創意，試咗杯17碎半同埋2黃1猴，全杯都偏橘果類味重，唔錯～

荃灣時尚十足鐵板燒，同朋友行完海之戀攰攰地見到三樓有間鐵板燒，非常搶眼，就去試下～前菜有蕃茄蒜子沙律蕃茄，經醋漬後爽口鮮甜。另外仲叫咗另一款瑩光魷魚，口感好得意。小食方面，清酒煮蜆，師傅一放上台已經覺得好可愛，成份禮物咁樣打開✨靚！一打開酒香滲出來，蜆都幾大隻又甜，是日最愛。主食方面燒龍蝦，龍蝦好大隻😛肉質飽滿。切開嘅肉都好厚，更有著豐富的蛋白質。以牛油提起鮮味，龍蝦頭膏煮成嘅醬汁，簡單調味已經好好食。海膽熔岩魚餅，裡面包住鮮甜海膽醬汁，好惹味。唐揚魷魚鬚，雖然好熱氣，但係真係停唔到，炸得金黃香口。豆芽韭菜花炒砂肝筋😛第一次食，見到好多人叫，師傅一直出一直出都係呢碟，豆芽同韭菜都係好適合做鐵板燒嘅蔬菜類，砂肝筋非常少見，可以一試。香蔥御好燒，類似大阪燒，因為本身好鍾意食蔥，所以我好鍾意。和牛炒飯，非常香口，和牛油脂炒到粒粒乾身！甜品有朱古力夾餅雪糕同白桃雪葩，朱古力夾餅好有誠意～白桃雪葩酸酸甜甜，桃味十足有助解油膩。

同朋友慶祝生日揀咗依間餐廳試吓，但整體感覺麻麻地⋯首先一坐低放低咗2碟蕃茄，淨係話喺前菜，之後先發現原來呢兩碟蕃茄係要收錢，我哋都覺得可以講聲，因為其實我哋三個都唔食蕃茄⋯跟住朋友生日我哋講低咗想寫祝佢生日快樂，但出到嚟啲字多咗一個人嘅名⋯有點費解⋯我再檢查多次我send俾佢哋嗰句嘢根本得一個人名⋯冇寫錯⋯搞到有啲尷尬😓之後食物其實全部都非常細碟，味道算中規中矩，質素還可以不過以咁嘅價錢來講CP值麻麻哋⋯而且其實佢有半間餐廳都係吉嘅，唔明白點解佢要我哋三個人坐二人枱咁迫⋯我地應該唔會再幫襯⋯

有D似居酒屋，有冷盤﹑酒肴﹑御好燒﹑酒精飲品﹑甜品。A5和牛坑腩$198牛肉很有嚼頭，有韌性，耐咀嚼蟹盛御好燒$158有蟹籽﹑蟹膏﹑蟹肉鋪係御好燒既面。不需自己拆殼食蟹，就可以見到鋪滿蟹膏，蟹膏加埋底下既御好燒，配合得岩岩好，不會太過油膩。清酒煮蜆，清酒經過煮熱後味道更加香濃，放入新鮮的蜆實在是絕配，蜆經過處理，一D沙都冇，抵讚！泡菜炒豬肉$78雖然唔知係豬既咩部位，但都冇好韌咬唔開，有泡菜既點綴下，都不失為一個好既菜式

噚(8-1-2023 Sun)晚,同老公預祝今日結婚周年上Openrice book咗6:00PM嚟呢間食,我哋準時嚟到,安排坐一張四人枱,喺睇menu時,女侍應端上一個頭盤,話呢個係收費嘅前菜,俾我哋清一清味蕾至享用食物.之後我至睇到menu,話可以即時唔要.我哋叫完嘢食後,就先食佢呢個$28.00嘅番茄蒜子沙律,已經為客人切開咗,個番茄都幾凍,味道正常,而佢嘅沙律汁係好好味.4分我哋叫嘅有:2. $68.00嘅唐揚魷魚鬚呢個味道溫和,可惜脆漿係硬.2分1. $88.00嘅豬茜卷一客兩條開成四件,裡面充滿芫茜,開頭我食時,食剽到佢有啲苦,之後正常返,豬肉都煎得幾香嘅.5分3. $198.00嘅A4和牛坑腩落單時,女侍應提醒我哋呢個有一半係肥,我哋照要.上到枱睇,係煎到中間仍好生好紅,食落,外面層皮幾韌吓, 中間係好軟腍,但好漏.2分4. $98.00嘅蠔4隻Size唔算好大,食落好滑冇渣,唔錯.5分5. $108.00嘅羊架2件我食到有羶味係正常,但食到肥嗰個位,羶味怪怪,唔似正常嘅羶,我覺得難食,不過佢哋係煎得脆口.1分6. 後加$68.00嘅2黃1猴無酒精雞尾酒成份有芒果同菠蘿汁

在海之戀行完街，見到上次同朋友喺銅鑼灣食過嗰間Hungry Monkey, 原來荃灣都有分店，又要同Ta姨食好嘢啦！居酒屋嘅好處就係一路飲一路食，我哋坐吧枱仲可以睇到師傅即場製作，非常有氣氛先來一杯, 又冰又凍，爽呀！Black and white巨乳黑莓頭盤蕃茄沙律，好清新冰頭漬，原來用醋醃咗三文魚頭軟骨唐揚雞胸軟骨吉列多春魚黑豚餃子清酒煮蜆，好特別成個禮物包蟶子，鐵板燒好嘢味日本原隻帆立貝北寄貝芝士御好燒A5和牛坑腩炒飯， 超好味😋鐵板疏乎厘

平時經過見門面有吸引，日本居酒屋風格，入面暗燈又有bar枱，幾有格調～所以book枱食下晚餐！1915入座，發現2000有八折優惠，不過太餓！等唔到😅😅同朋友2個人叫左成枱野～不過一黎到就局人要碟收費前菜，係一小碟蕃茄沙律，記得唔要就話佢知🫢芥末八爪魚雖然$38 好細碟，但味道特別，似有落酒🤭芝士大版燒 有紫菜比我地自己放上去，味道無話好驚喜～普普通通，個人認為有汁會更好，略乾，稍硬。a5和牛脂炒飯 $158好好味！！份量夠2人share！炒得夠粒粒均勻有色水，而且牛脂好香口香蔥牛肉薄燒 $98最喜歡的一道小菜食落好有口感！而且入面仲有多蒜！！唔鍾意既人要小心🤭🤣🤣

平時好少去荃灣，真係唔知有咩好嘢食，行行下商場頂層見到有間日本嘢，個招牌都幾吸晴，就同女朋友一齊試下。我地就坐吧枱，睇完menu無耐好快就嗌晒嘢食，坐喺度等食。我就嗌咗杯17碎半$78，應該係荔枝青檸梳打，荔枝味幾重，飲落都幾gur。首先就有明太子奄列$98，個明太子辣辣地咁，而個蛋都煎得唔錯，入面仲好嫩。跟住就係唐揚魷魚鬚$68，炸粉薄薄一層，唔會太厚，調味亦都恰當嘅。和牛都食唔少，但和牛坑腩$198真係好少食，脂肪豐富但絕對冇筋，而且牛味重，唔需要太多調味。真係估唔到日本餐廳都有鵝肝$108食，而且都想當滋味，少少臊味咁加埋個脆包喺底，水準都唔差。平時喺屋企都會買啲鱈魚乾$58整嚟食，呢度都有，份量唔少而且價錢都合理。冰頭漬$38即係三文魚頭前嘅軟頭，凍盤咁食，相當煙靭但又不乏魚香。呢個原隻活北寄貝$88真係師傅由一隻北寄貝燒香後剪碎，鮮味又幾有咬口，用嚟送酒都幾正。沙律嚟講，呢個比目魚沙律$78都幾出色，而且價錢唔貴，嘅魚油同沙律一齊食，加少少醋同車厘茄，都幾開胃。之後就到主食之一芝士御好燒$98，平時好少食御好燒，但呢個芝士御好燒真係啖啖芝士，都幾飽肚。之後就有松葉蟹肉海膽炒飯

早排同男朋友專登嚟到荃灣西睇嘢，行到肚餓，就決定就喺附近到食嘢。見到呢間嘅門口好似幾吸引咁，就去咗食。比目魚沙律比目魚有輕輕燒過，好香魚油味，加埋酸酸嘅汁，非常開胃。冰頭漬食落爽爽地咁，啲汁亦都係酸酸地，令人食唔停口。唐揚魷魚鬚唔會皮大舊過魷魚鬚，炸到啱啱好，幾好食。鵝肝食落好香油脂，入口即溶咁，果然冇嗌錯！明太子奄列好香蛋香味，再加埋明太子嘅辣辣哋咁，好夾，我男朋友都話好好食。燒鱈魚乾呢個鱈魚乾燒到好似餅乾咁，幾好食，甜甜味咁。原隻活北寄貝食落好鮮甜彈牙，好食到我哋都要喺到爭食！🤣A5和牛坑腩好重牛味，油脂豐富，真係做到入口即溶！食到想再嗌！芝士御好燒唔算好突出，有啲普通，但都有啲芝士味。鍾意食芝士嘅朋友都可以嗌吓。松葉蟹肉海膽飯好多蟹肉同海膽，幾足料，食完個飯都已經好飽。鐵板梳乎厘坐bar枱可以睇到師傅整，梳乎厘好有空氣感，好好食！呢到嘅飲嘢名都好得意，我哋嗌咗綠帽俠同17碎半，都幾好飲。整體食物都唔錯，有機會嚟荃灣西一定會再食。

海之戀商場間日式居酒屋「Hungry Monkey」，被它門面裝修風格吸引，黃光燈映影下，裝置擺設的霓虹燈風格十分形格，有吧台及私人派對房，內有發光的啤酒乒乓遊戲桌，坐在吧台位置可以看見魚缸養着海鮮，座位舒適，環境滿意。☺️精美食物相片十分吸引，主打海鮮，小食、大阪風味燒，甜品及清酒等，選擇豐富。👍🏻頭盤蕃茄沙律原個上碟的頭盤，蕃茄清甜帶微酸，味道清新又開胃。梅水晶賣相吸引，鯊魚軟骨加入梅子醬汁，吸收得夠入味，口感爽脆，驚喜之選。芥末紫蘇章魚芥末及紫蘇味道突出，章魚切粒更加爽脆有嚼感，口味甘甜又刺激。煎明太子外皮烤得香脆煙韌，明太子又脆又軟，配上蒜片更加惹味。明太子御好燒🌟我的最愛，大片芝士燒得半溶化，拌上醬汁以鐵板燒方法製成，充滿日本風味，口感軟绵又夠熱。燒白鱔燒得夠火候，魚肉不會覺得乾身，邊位有微微的魚脂很香，魚肉細嫩，醬汁更能提鮮，十分喜愛！芝士蛋奄列芝士燒得半溶化，濃郁的芝士加上蛋香濃烈，可以拉得出絲的效果，口感富層次感連綿。酥炸雞心外皮酥脆金黃，入口有韌勁，送酒一流跟黃芥末配搭更有風味，值得推介。松葉蟹肉海膽炒飯🌟鐵板炒飯入口滿滿的海鮮風味，海膽份量夠多，每粒飯粒也有海膽及蟹肉

多謝家姐之前請我食咗餐勁正嘅Omakase來洗塵，今次輪到我請客。行完荃灣Donki Donki，去呢間新派居酒屋飲番杯啤酒，食下鐵板燒。重點係飛起個仔，就可自由自在，連飲兩大杯啤酒🍻爽爆！居酒屋嘅好處就係每樣分量細細地，但係可以不停嗌，食暈好多款小食。前菜最有特色係冰頭漬，好爽口彈牙開胃，原來係三文魚頭軟骨。每一款海鮮都可以只嗌一隻來試，幾正。燒蟶子皇、日本原隻帆立貝、北寄貝都好鮮甜，爽口又彈牙。清酒煮蜆好趣怪，上枱時用一個袋袋住，好似拆禮物咁，啲蜆非常鮮甜，啖啖肉而且一啲沙都冇，個湯仲好香清酒同蒜味，我都飲咗好多。個芝士御好燒非常濃芝士味，好鍾意食重味芝士嘅先好叫。鐵板疏乎厘幾有特色，坐吧枱就可以睇住師傅喺鐵板度燒俾你食。

和朋友到荃灣海之戀Hungry Monkey 🙉食鐵板燒，餐廳環境幾有特色，可直接看到廚師煮鐵板燒，感覺好好。豆芽韭菜花炒砂肝筋，看著廚師🧑‍🍳在鐵板上即炒，聞到陣陣香味，韭菜豆芽很爽口，砂肝筋亦爽脆，十分香口🤩。炒蟶子，原隻蟶子即炒即食，相當新鮮，入口彈牙，很惹味。吉列多春魚，炸得很酥脆，魚肉卻能保持嫩滑，有肉汁，鬆脆香口。比目魚沙律🥬，比目魚🐟煎得很嫩滑，有鮮味，沙律菜爽脆新鮮，兩者配合得很好。A5和牛坑腩炒飯，和牛坑腩🐂嫩滑，比一般和牛食味更濃郁，炒飯🍛炒得很香，選用優質日本米，十分有水準。唐揚雞胸軟骨🐥，比雞軟骨美味，更爽口，炸得酥趣但不會太乾，十分惹味香口。辣酒凍風螺🐚，螺肉爽脆，辣酒汁十分香，微辣惹味，想不到凍食比熱食更美味。松葉蟹肉🦀甲羅燒，蟹味濃郁，配上麵包條，入口甘香，令人回味。鐵板梳乎厘🥞，在鐵板上即製，外熱內滑，口感相當不錯，不甜，配上水果，更感清新美味。特色飲品🍹，點了17碎半和綠帽俠，名字頗有趣，各有特色。

上次行過海之戀，咁啱見到呢間餐廳，之前一直都想試不過未有機會。辣酒凍風螺惹味涼盤前菜，辣度剛好，唔會太嗆喉，醬汁濃郁得來好有層次，但亦唔會蓋過螺肉本身獨有嘅鮮味。餐廳仲俾埋手套同叉仔，螺肉好易起，確實方便客人享用。鐵板海鮮今次試咗幾款，分別有蟶子同原隻活帆立貝。兩者嘅Size都幾巨型，啖啖肉不在話下，師傅功架好，煎煮得外脆內細嫩，熟度剛好。建議一定要即時上枱就食，咬落仲會有啲汁保留喺入面緩緩流出嚟，十分鮮美！小食海膽熔岩魚餅兩者味道好夾，墨魚汁嘅味道唔會太淡，海膽味幾出，相對濃郁得來口感綿滑，仲有流心效果，值得一試。唐揚魷魚鬚魷魚本體絕無欺場，一貫多肉，啖啖鮮甜，配搭炸嘅煮法，食嗰陣沾上少許沙律醬同檸檬汁真係無得輸。最欣賞係份量不少，算得上係必選佐酒小食。唐揚豆池魚小編鐘情煎炸物，估唔到魚仔都可以咁有肉地。咬開豆池魚肉身都幾嫩滑，連骨都可以直接食，經炸過再加上少許辣粉，十分香口，一啖接一啖食唔停。A5和牛坑腩炒飯望住師傅係鐵板到炒，米飯一粒一粒跳起，乾身得來又唔會太硬，保留到嚼頭，食落充滿油脂香氣。A5和牛坑腩份量好多，肉質偏肥但煎得香脆，仲帶點筋牛味濃郁，加入飯食大滿足。飲品方面，叫

久違嘅周圍食，今次去到荃灣海之戀，見門面幾有格調，決定試下佢。餐廳主要以鐵板煮食，坐Bar檯一邊欣賞師傅烹調一邊享用美食確係別具風味。蕃茄蒜子沙律原隻光滑番茄，入口有種淡淡蒜香，配合埋番茄爽脆口感，同淋咗濃郁得來又好refreshing嘅醬汁，帶俾人一種醒神開胃嘅感覺。冰頭漬比較少試嘅菜式，佢係三文魚頭軟骨。咬落有點嚼頭，友人覺得口感似海蜇，味道酸爽，食完隔陣仲有陣油腔，絕對係特式開胃前菜鐵板蟶子肉質十分爽彈，肉地好厚，調味唔需要太多已經品嚐到十分鮮甜。鐵板帆立貝有種酒香，口感剛好，唔會太熟，少許辣味同脆身炸蒜絕對能令鮮香提升。A5和牛坑腩炒飯鐵板鍋氣十足，上檯香氣四溢，食落米粒分明，牛嘅精華完全滲入飯內，有股牛脂香包裹住每一粒飯。最後仲叫咗啲甜品，馬卡龍口感好好同酒店水準可以媲美，鐵板疏乎厘好有特色，鬆軟唔會過甜，食完都無咩負擔。

今晚第一次到Hungry Monkey 食晚飯，感覺餐店很有特色，頗為時尚，可看到廚師即席做鐵板燒，即煮即食，特別有風味。辣酒凍風螺，味道香辣，相當入味，螺肉爽脆，原來凍食的辣酒風螺比熱食更有口感。芥末紫蘇章魚，章魚鬚很粗，肉質爽口軟滑，一點也不韌，與平日吃的章魚不同，配菜也很美味，一定要試試。松葉蟹肉甲羅燒，賣相吸引，蟹肉加上脆多士條，甘香可口，蟹肉濃郁惹味，蟹香在口腔內徘徊。A5和牛坑腩炒飯，飯粒分明圓潤，選用上等的日本米，和牛坑腩比一般和牛不同，很有口感，牛味濃郁，入口回香，真是不一般的炒飯。日本原隻活帆立貝，煎得十分香，看著廚師在鐵板上煎煮，已感到好味，入口果然沒有失望，肉質鮮甜嫩滑，不是雪藏的可比。鐵板梳乎厘，看著廚師又煎又焗，感覺很有趣，店員把梳乎厘端上，賣相一流，入口十分軟滑，很難形容，很好味，而且不太甜，是一款很有特色的甜品。飲品亦很有特色，我點了綠帽俠，光聽名字已覺幾有趣，外貌與名字都幾配合，有淡淡青蘋果味，幾清新，青蘋果亦爽口，不錯。