金樂軒雞煲魚鍋

Open Now

Now Closed

今次撞正食癮，同友人兜風北角搵食。見得「金樂軒」燈光閃閃，人流絡繹，心諗：試過先至知！🤤先黎個椒鹽鮮魷魚，外皮炸到金黃脆口，攪起一陣椒鹽香，味蕾直接興奮起上嚟！入口果下，魷魚嘅彈性恰到好處，正到彈牙，每咬一口都有魷魚嘅鮮甜湧出，款款嘆為觀止。再嚟個椒鹽豆腐，呢段開胃先過癮，每舊豆腐外脆內嫩，熱呼呼嘅，實在令人欲罷不能。緊接住送上薑蔥生蠔煲，蠔仔個個肥美，煲汁香濃得嚟不蓋過生蠔本身嘅鮮味，真係由內而外嘅鮮。😋啫啫通菜煲，通菜質感脆生生，帶啲鮮蝦米嘅鑊氣，真係一絕，塞哂陣陣蝦香進通菜片片青翠之中。試呢幾味已經好滿足，彷彿間餐廳將北角啲好滋味，全都集合響呢張餐枱上。每道菜都令我拍手叫絕，服務又有禮，環境又舒適，下次再嚟必定掃晒佢哋成餐牌，隱藏嘅美食樂園，真係值得一試！👍

呢間舖頭喺北角都幾出名㗎，今次我哋除咗點咗雞煲之外呢，仲試咗其他嘅小炒。第一個係鐵板薑蔥生蠔，有六隻生蠔，我哋兩個人啱啱夠食，而炒出嚟係非常之有鑊氣，好好食。第二個呢，就係椒絲腐乳通菜，我覺得炒出嚟好多水，同埋唔係好夠椒絲味，同唔係好夠腐乳味。至於主打嘅雞煲呢，就梗係好好食啦，我哋叫咗半隻份量啱啱好，食完雞煲呢仲可以加湯打邊爐。我哋加咗萵筍，豆腐卜，同埋牛丸墨魚丸，所以喺咁寒冷嘅夜晚，呢個都一個幾好嘅選擇。

喜歡先食雞煲然後火鍋又得，食魚加火鍋又可以，喜歡只點火鍋又得，只食小菜又得，最緊要一定要食炸魚皮。好耐無食到熱辣辣嘅現炸魚皮！店舖雖然不算大，但店員好禮貌，笑容滿面。一邊食，一邊聊天，唔會催交枱。亦可以包房。價錢又合理，聚會首選

酸菜龍躉魚鍋🍋個人一直都很喜歡吃龍躉，今次就被它的龍躉魚鍋加上檸檬的特別賣相吸引！吃下去竟然有驚喜，酸酸的味道令魚身更為清新！.老重慶奇味雞煲🐔非常惹味的雞煲！上菜的時候已經香氣撲鼻，有少少辣，但很香口！雞件亦有很多份，絕對很飽肚！.黑醋小排骨🐷甜酸度比例適中，而且排骨是半肥瘦，非常可口，很適合一些喜歡酸酸甜甜的朋友吃！.香辣魚皮🐟這道菜的難度在於如何把魚皮煮得爽口彈牙，但是師傅沒有令我失望，而且香辣美味，做前菜一流！

今天放工徒步沿海旁到了北角出名吃雞煲的金樂軒，但我們今次主打 吃 酸菜龍躉， 店內地方歡敞 又是一個享受美食慢談之地朋友同我一樣鍾意比較輕鬆嘅感覺，唔想去咁侷促嘅商場餐廳，呢度係唔錯嘅選擇，最緊要口味都係適合香港人，唔會太辣！一鍋大大肥厚的酸菜龍躉上卓了， 特濃又香又酸甜又鮮味十足檸檬湯底，配料又多更有結實厚厚的龍躉肉，啖啖鮮肉，及伴有很大片的綠色蔬菜及椰菜花。店主力推人氣的墨魚餅及陳醋排骨， 沒有一點點油膩感的墨魚餅及 濃濃的陳醋排骨 ，留下濃濃味在口腔內必試。

路面見到金樂軒係食雞煲、 酸菜魚同小菜， 路見好香， 於是入去試吓。 叫左豬肚雞半份食， 用打邊爐形式食， 份量都ok, 豬肚乾淨爽口又大件， 雞肉淡淡肉。 然後見好多人都叫蝦， 就叫左美極蝦， 蝦好新鮮， 而且蝦都算大隻。 蝦肉彈牙爽口， 這種蝦仲有好多蝦膏， 加上用五美極蝦頭勁多汁好juicy 惹味。 另外粉絲龍躉， 粉絲好入味， 龍躉好滑好新鮮juicy , 斬開一大件方便食， 就算有骨的都斬得大件d 容易睇到， 魚皮都好滑溜溜， 整體都好好食，下次再嚟過。

個日去北角食飯，試咗間叫金樂軒嘅餐廳。佢地點都幾就腳，地鐵站行一陣就到。首先要講下佢嘅招牌菜酸菜魚。我同朋友嗌咗個細既酸菜魚，但係份量都好足夠。魚肉鮮嫩，湯汁酸酸地好開胃，啲酸菜又酸又脆，真係好好味嘅組合。湯汁夠鮮美，正呀！👍另外，黃金蝦球都係佢嘅招牌之一。蝦球炸得好香脆，外脆內軟，蝦肉鮮甜彈牙。而且佢嘅醬汁夠鹹夠香，好好襯返蝦球嘅味道。真係一啖咬落去，好過癮。最後，我仲試咗佢嘅干燒椰菜花煲。椰菜花煮得剛剛好，保持住啲蔬菜嘅鮮甜，又帶有微微嘅焦香味道。佢嘅醬汁好濃郁，有啲微辣嘅感覺，增加咗啲層次。整體嚟講，呢個菜式係一個好好嘅素食選擇。總括嚟講，金樂軒雞煲魚鍋係一間值得推薦嘅餐廳。唔論係酸菜魚、黃金蝦球定干燒椰菜花煲，味道都好好，份量又足夠。如果你鍾意食呢啲菜式，記得要去試下！

北角開業多年的雞煲魚鍋小店始祖，正宗地道風味！店如其名主打雞煲及魚鍋，是夜點了可選辣度的老重慶奇味雞煲😋😋😋，滿滿味覺享受！街坊小店，感覺親切！環境夠親民，無拘無束的 😄😄是夜的心水菜式，款款皆美食，吃得不亦樂乎！先來招牌菜，老重慶奇味雞煲 $188，可選辣度，夠貼心 🥰🥰平日走辣後的菜式，味道即時大打折扣，唯這客奇味雞煲，味道依舊保持香濃；雞件嫩滑入味，還有豆卜、冬菇、洋蔥等配菜，味道甚好！再來燒汁什菌牛頸脊 $148火鍋以外甚少吃到牛頸脊的菜式，當然不會錯過。牛肉份糧甚多，肉質軟滑唔韌，燒汁惹味，好食又抵食！海鮮類點了黃金蝦球 $148，大蝦去殼去腸，乾淨易食！鹹蛋黃滿滿的黐在蝦上，鹹香惹味😋😋😋，蝦肉爽嫩！蔬菜類選了干鍋椰菜花 $98，屬川菜口味！微辣的香料味道，跟花菜融為一體，著實不容易，味道層次豐富，夠鑊氣！好食！地道產物凍檸茶，總是少不了的 😌😌豐盛的一餐，感恩感恩！

北角這間金樂軒真是好吃不貴 份量非常足 服務親切 見我們第一次去推介我們好吃的老重慶奇味田雞煲在香港雞煲就吃得多 田雞煲好少見呀香辣惹味 田雞好嫩滑口感比雞煲更好雖然我們點的是bb辣 但真的會越吃越辣 鮮味香煎墨魚餅這個真的是每枱必叫 老闆沒介紹錯外層煎得香脆 墨魚餅好鮮味好彈牙燒汁什菌牛頸脊有種乾炒牛河的味道😂好夠鑊氣牛頸脊肉味特別香濃 吃起來也蠻嫩的上湯津白吃了太多濃味的菜式 來個清淡些的蔬菜平衡一下竹蔗茅根好清甜 清熱解辣 而且好便宜 一壺才38下次也會一群朋友再來聚餐

金樂軒雞煲魚鍋好少去北角區～朋友約食飯 而認識依間餐廳✨白烚海中蝦 🌟🌟🌟🌟不要驚訝咁 白烚海蝦 都可以出食評 往往最簡單嘅野 可以睇得出廚師對於食材既了解 同食材的新鮮程度 蝦身呈現C型 係完美嘅7分熟 海蝦 鮮甜 彈牙～ 每隻都帶蝦黃享受海蝦鮮味期間 手已不期然已經搣緊下隻蝦殼😛✨黃金炸大腸 🌟🌟🌟🌟個賣相 好吸晴呀～～每次聽到炸大腸 第一時間諗到嘅係 油膩 ？ 如何從香口同油膩 中達致平衡？ 廚師巧妙地告訴咗你！係京蔥 ！每節炸大腸中間用京蔥去除油膩 同時間多左層次感 大腸面脆內嫩京蔥爽 另外不得不提 底下嘅福建特色小食‘’菜粿‘’ 表皮呈金黃微焦一口咬下，內餡潔白，質地柔軟鮮美、清甜的蘿蔔嘴入面回甘😝✨水魚湯 🌟🌟🌟🌟本人心裏萬個不想飲😂 朋友們誠意邀請 經過重重嘅心理考驗 終於嘗試咗人生頭一碗 水魚湯..入口重重的藥材香 同一般嘅湯水不同 湯有厚度不油膩 體驗到一碗暖全身🤣 到水魚 .. 為免大家不適 不想過多形容食咗邊個部位..水魚口感 超粉嫩的瘦肉同滿滿的骨膠原 最後，熱底的我 足足飲咗三碗 .. 報平安報平安 冇流鼻血 證明

今晚太太去康怡花園探舅母病，相約在北角碰面，知道這裏有間不錯的雞煲、酸菜魚專門店，便來到了。酸菜龍躉魚小鍋$308，問店員小鍋和中鍋有什麼分別，他說如果兩個人吃，小鍋的魚片份量已經足夠。龍躉片鮮甜美味，龍躉魚皮爽滑彈牙，加上酸菜魚湯的味道非常鮮甜，令到這個龍躉片的味道層次更佳。酸菜魚湯除了酸菜魚之外，還有椰菜花、蘿蔔、津白。白鱔片細$128 ，白鱔片放在湯內數十秒，便可好爽口彈牙的鱔片，如果再想吃腍一點，可以放在湯內數分鐘。酸菜魚湯非常配合海鮮。墨魚滑$78，爽口彈牙，偶然都會吃到墨魚嘴的軟骨。🥰🥰🥰🥰🥰魚腐$40，吸湯能力一流，放在鍋裏時間要長一點，味道更佳。萵筍$38，爽甜可口。大青島$28。

媽媽鍾意食酸菜魚，去開北角搵左呢間雞煲魚鍋試下。魚鍋有分大中小，適合不同人數食用，睇餐牌仲有火鍋配料可加點，將酸菜魚鍋變打邊爐，所以都無叫其他小菜。① 酸菜龍躉魚鍋（小）$308同桂花魚相差$30，一於豪少少試下龍躉。上枱望見都算幾多魚，無骨，嫩滑，魚皮位比較膠質有點嚼口。因為放響電磁爐上加熱，方便加添其他食材烚下烚下，強烈建議一滾就撈起啲魚，因為煮太耐魚就會過熟（是常識吧）老闆娘好熱情，介紹個湯底係魚湯好鮮甜，本身個鍋有大量時蔬，蘿蔔，椰菜花，大白菜等，聽落都好鮮甜，至於酸菜魚最重要既酸，除左酸菜之外，仲有幾片檸檬！湯底同食物唔會只有酸菜的鹹酸味，反而加添一點清新檸檬酸味，飲落個湯酸酸甜甜好開胃，好特別。② 桶蠔 $158③ 魚皮餃/墨魚丸 雙拼 $68④ 萵筍 $38⑤ 紅薯粉 $33六大隻桶蠔好肥美，墨魚丸彈牙，萵筍爽脆，薯粉份量多，特別薯粉本身都煮熟左，所以放湯烚一陣就食得。⑥ 香辣魚皮 $78小食黎講，其實我就想食椒鹽鮮魷，椒鹽豬手，炸大腸，煎墨魚餅果類，不過同阿媽兩個人都無叫呢啲熱氣野，淨係叫左呢個魚皮，因為媽媽唔食得辣所以叫走辣，有薑絲芫茜麻油豉油醋，同樣幾開胃，食落幾爽

同朋友👩🏻‍🌾一齊喺北角，佢👩🏻‍🌾比較熟悉呢區，我話想食啲地道小菜，朋友👩🏻‍🌾就帶咗我嚟呢間餐廳開餐🤣$188「老重慶奇味雞煲」：要咗BB辣，不過味道已經好濃郁😋；雞肉肉質都幾嫩滑🤩；其他配料就包括 豆卜、洋蔥、蔥頭、蒜頭、紅辣椒 等，都幾豐富🤩$88「椒絲腐乳通菜」：通菜新鮮爽脆，落咗大量腐乳去炒，好惹味🤩$98「椒鹽小排骨」：小排骨係 bite-size 可以一啖一粒，食得好方便🤣；用椒鹽炒，香口兼味道濃郁🤩$208「蒜蓉蒸龍躉」：龍躉肉質軟滑，幾鮮甜😋，加大量蒜蓉去蒸，好味😋$18「烏龍茶」：配合濃味嘅食物，凍冰冰，好解渴😋

餐廳係一般街坊茶餐廳/小菜館格局，每張枱上邊都預備咗電磁爐。因為餐廳係主打雞煲，魚鍋，食完仲可以加配料打邊爐。一坐低，就有職員過嚟介紹招牌菜，除咗雞煲同埋魚鍋之外，仲介紹咗幾款招牌小菜。聽到啲小菜覺得好吸引。所以叫咗四款小菜食：黄金蝦球 ＄148一碟有好多，而且每隻都好大，鹹蛋黃醬好香口，仲食到一粒粒鹹蛋黃，味道調校得好好，蝦爽口彈牙。香煎墨魚餅 ＄138好足料，又唔會好多油。千鍋椰菜花＄98呢個煲超大，比我想像中大好多，佢雖然淨係寫椰菜花，不過裏面係有啲豬肉，少少辣，好惹味。蒜蓉蒸龍躉＄208好似平時酒樓或者海鮮菜館清蒸龍躉頭腩一樣，食得出係好新鮮。估唔到小店都有咁嘅質素，份量又多，超抵食。總結：每樣小菜都做得出色，廚師應記一功。冇咩味精，食完唔會口渴。雖然係街坊小店，冇咩裝修可言，因為好食，一定會再幫襯。

朋友相聚最好就係去打邊爐食雞煲，今晚去開北角就選左金樂軒先點左一份細雞煲、一份細烤魚，份量剛剛好，雞煲味道香濃，雞滑。烤魚魚肉嫩滑，仲有酸菜豆腐卜茹類做配料，入味👍🏻食完雞煲梗係打埋邊爐啦，個湯底有驚喜，並非一搬的白湯而係老闆秘製👍🏻安格斯牛肩脊，牛味香濃，入口牛味充滿整個口腔，正👍🏻特級黑豚豬，好大一塊，唔會有豬酥味，抵食白鱔片，入口好有驚喜，油脂剛剛好，彈牙爽口雙拼雲吞，雲吞最重要係新鮮👍🏻，足料冰豆腐，濃味湯底梗係要叫個冰豆腐去吸精華，必點之選