神虎拉麵 (Closed)

來到灣仔，又好耐無食過日本拉麵，男友揀左呢間神虎拉麵，評價好似幾好，於是去試下!去到店舖門口，排左幾分鐘就入得!店舖細細，但每個位都有位號。我地坐左吧檯位。男友揀左神虎特選，咩都有，有叉燒、糖心蛋、紫菜、荀同木耳。我就揀左加左黑蒜油的黑虎拉麵。一試湯底，就知道我鐘意原味豬骨湯多啲...另外麵的種類都係建議大家食粗麵，好食啲!P.S. 最鐘意係檯面任加的配菜!

Honey愛吃拉麵，過往拍拖都會去銅鑼灣名氣較大嗰兩間拉麵店用膳 。踏入2015年，眼見四周仍不斷有新拉麵館上場，二人就決定要襯熱潮未過，一有機會收早，未見人龍就周圍去試食。上週五為第一炮，我地就揀咗入圍熱店之一o既「神虎拉麵」。「神虎拉麵」位於灣仔修頓球場對面o既廈門街中央，離電車站、巴士站及地鐡站都好近，地點方便得很。其門面o既大紅燈籠喺漆黑o既橫街上頗為搶眼，所以一啲都唔難搵。細小o既店舖入內都有散座，不過XO仔同honey都係鍾情於圍繞住開放式廚房o既吧位，雖然迫迫夾夾，但係可以一面望住師傅仔煮食過程，感覺過隱好多。餐桌上每個位置都放有一張落單紙給食客自行點選麵飯、配料及飲料，似乎規限咗每位客人都要叫一碗麵黎食咁；唔知兩個細食o既人行入去，可唔可以只叫一碗分黎食呢 ？！餐具全為自助式，簡潔企理。餐廳亦有免費提供冰水及三款醃菜，客人可自行斟添 。Honey要咗個節令「海老虎拉麵」，XO就要咗碗「黑虎拉麵」，然後二人再分一客餃子。 黑虎拉麵＋糖心蛋（$78 + $10）：黑虎拉麵o既湯底同隻碗一樣咁黑，其黑蒜味道卻出奇地香濃，可惜湯質過份油膩，只喝下兩口便已漿住個口，連同拉

正所謂天上有長龍，人間有神虎…噢是翔龍和神鳳才對。怎樣也好，這間神虎拉麵的確是一間曾經大排長龍的拉麵店，查一下資料原來是總本店在大阪的拉麵店，這過江龍的銜頭自然會吸到港人朝聖。現在的人龍沒有那麼多，對我來說也是一件好事，總算可以去試味了。本來是看到朋友貼牛筋沾麵的圖而衝的，但原來牛筋沾麵是期間限定，明明只是相差一天，唔通連個天都唔鍾意我？但既然來到，沒理由就這麼走掉，不吃沾麵還是有拉麵的。這裡的湯底是豬骨湯底，口味上跟其他拉麵店大同小異，都是分赤虎、黑虎、白虎，通常男人比較愛白虎…咳，但有一個叫神虎的選擇，通常我都會點用店名作名號的款式。而且看起來和白虎一樣，但比白虎多一隻溏心蛋，吃拉麵又豈能沒有溏心蛋呢？另外一如其他店鋪可以選擇麵的硬度、粗幼、香油等，既然是豬骨湯底，就選幼麵吧，再配合硬身的麵，個人認為這是博多拉麵的最佳配搭。吃拉麵，冰水是不可少的，但這裡沒有顧及水壺水氣凝結的問題，弄得枱面都是水，這問題不難解決吧？然後拉麵到了，看起來還不錯，蔥花和麻油木耳份量不少，叉燒上一小撮紅色是自家製的辣醬。先喝一口湯，豬骨味當然突出，但一喝就知不是純豬骨的湯底，而是加了不少蔬菜和魚介類，避開

為了一口麵, 身為麵怪的小人愛訪不同麵店, 到目前為止不得不認每次到神虎都沒有失望過, 今番亦然。最近可能因為附近開了很多拉麵店, 這天幸運地不用等位, 直入也。限定期間的海老味噌拉麵只能以無窮好味來形容。首先湯底絕非一層油加一層湯; 本身已是極上滋味的味噌湯加上大量櫻花蝦, 每一口都是濃濃的美味! 粗麵條不用多說是高質數, 兩塊义燒又大又肥瘦適中, 還有大白菜, 為拉麵帶來一點清新。最重點的櫻花蝦, 香濃得不得已, 小人檢至最後一隻來吃, 實在令人回味不已!不可不提的是配上的辣醬真箇吸引, 以辣椒及小蝦製作而成的辣醬, 少油而香辣, 吃完碟底是沒有油的, 上品! 後來小人以此辣醬放在餃子上同吃, 超級匹配! 只恨辣醬實在太少了…拉麵$88+餃子$38, 總數$126, 無須加一。吃畢這碗海老味噌拉麵, 令人回味的程度有多高呢? 小人吃完已在盤算著下次何時再來了~~~ *^v^*

每次經過都是排長龍, 今日專誠早些, 可以即刻入座了選定了季節限量版, 濃湯海老味噌拉麵.  上枱那刻己即時聞到好香蝦味, 原來是色澤粉紅的櫻花蝦, 好靚!第一啖當然嚐湯, 味噌香濃, 高濃度湯底並不油膩.  另附上秘製辣醬可加入湯底, 那辣度隨即提升了湯的層次, 越飲越停不了.  麵硬度達到我要求不軟不硬適中, 叉燒薄薄, 只有邊位帶有少量肥膏, 肉質鬆軟.  還有大白菜, 增加爽度.  至於份量個人認為女仕剛剛好, 如男仕可能會不夠飽肚.

地點唔算難搵，服務員都笑面迎人，有點過份親切。叫左2個拉麵，1個係限定既海老味噌湯拉麵，1個係黑蒜豬骨湯拉麵。海老味噌湯出奇都鮮味，應該係櫻花蝦既作用，每一啖湯，拉麵配上櫻花蝦好香好夾，拉麵係粗身，彈牙選擇左軟身，好味! 另1個豬骨湯底係配幼麵，整個感覺同豚王好似，所以冇咩驚喜。

今日初三，灣頭區好多食店未開工。從蘭杜街走到去廈門街，除了Passion by Gerard Dubois ，只有神虎有開門，門外未見人龍。拉麵有幾款，分別是神虎拉麵、黑虎拉麵、赤虎拉麵、白虎拉麵，還有適合大胃王的神虎特選拉麵，價錢由$83至$123。神虎拉麵($83): 麵可以選擇粗麵或幼麵，更可以選擇拉麵的軟度，我選擇了幼麵及軟身的，入口爽滑。麵的份量不少，叉燒屬於瘦的一類，不會太薄。豬骨湯底濃度適中，仍不會過鹹。糖心蛋是原隻上，咬一口，蛋漿非常流心，味道很不錯。餃子($38): 餃子皮微焦，很飽滿，餡料有很多菜，味道不錯。

男朋友特別鐘意食拉麵，同佢一齊排隊試下啦~去到門口有~6-7個人等緊，覺得可以接受就去排下。但附近有好大個地盤，企到差唔多入得去嘅時候，發覺成手都有D灰塵…我叫左款海老 虎賣相好靚，係味噌湯加櫻花蝦，仲有辣椒油另上一上枱就聞到好香，個湯好濃，上面只有薄薄一層油。櫻花蝦落得多，撈勻後好香蝦味，味道同味噌好夾，再嗒下就食到豬骨味，而且一D都唔腥。麵條方面，呢款定左係粗麵，冇得選擇粗定幼麵的。粗麵好有彈性，食得耐都冇變到淋晒叉燒好大塊，唔算肥，但部份淋部份韌，又冇乜味，無食晒另上嘅辣椒油有辣椒粒同細蝦仔，加落D湯度有D似XO醬嘅味道枱上配菜係芽菜，都幾辣，但仍然爽口整體覺得唔錯！會再番黎試其他款

今次係第二次來吃，排著隊邊點選食物，大概排了10分鐘就入座入座後即交表 今次ORDER一碗粗麵一碗幼麵，可以親口比較一下分別.自由隨意加添吃麵時也可以加一些芝麻碎增添芝麻香 !餃子很飽滿，除了肉內裡還有菜，感覺健康一點，不錯!神虎拉麵 (粗) ~ 喜歡粗麵較彈牙，叉燒不錯唔會太薄，湯不會太杰不會過咸。黑虎拉麵(幼) , 另加紫菜和糖心蛋第一時間飲啖湯，正~~~~糖心蛋 ~ 滿意吧!再加一些辣芽菜增添一點點辣和多一點蔬菜幼麵比粗麵幼0.15吧了, 幼麵相對爽身, 粗麵較彈牙 , 兩種麵我夠喜歡粗麵由於麵的份量不少，對兩個女仔來說淨食麵已經非常足夠，再加碟餃子其實食得好勉強。

講真，本人極不喜排個幾兩個鐘頭隊，去食一件野...就算幾好食都係假...如果呢間店唔係係我屋企附近，我都未必去食... 廢話少講...講下碗麵先...湯底：豬骨濃湯確係出色，濃度對我黎講係適中，可惜較油一點，但這算是日本拉麵0既特點之一，喜歡它的便要接受。麵質：唔算特別爽口彈牙，本人較喜歡公仔麵咁0既質感，可能你會喜歡。叉燒：瘦，唔會好似豚王果 D 一塊肥膏咁，但沒什麼味道半熟蛋：講真，我覺得熟左少少，唔夠流心...我食過最好食的，暫時都係以前銅鑼灣 888 拉麵果隻蛋...夠哂入味同流心！荀：鮮嫩夠味，呢個讚！餃子：一般水準，可以不叫。

當佢開左之後，基本上聽到長期都要排隊消息，今日終於去試，星期日下午唔洗等位，即刻有得坐，order左煎餃子，叉燒飯，2碗神虎拉麵，結果真係好好食，係用心製作，所以先咁多人排隊等咁耐都要食煎餃子： 皮薄餡靚，夾起都無穿到，重有汁漏出嚟神虎拉麵：湯濃味，不過真係好正同日本食嘅拉麵無分別叉燒飯：我第一次係拉麵店食叉燒飯，結果又唔錯，好飽ps:店員服務態度好，有咩都幫你，亦會推介同介紹唔同麵分別 😍😍😍

Lunch去灣仔做嘢，就算門口哂排隊，難得响正“神虎”附近，梗係去朝下聖。要咗“白虎”，主要比“神虎”少咗溏心蛋同筍。可能排咗一陣隊又已過下晝兩點好肚餓，碗麵好好味。湯底稍鹹又有啲肥脂浮浮下但好夠豬骨味，叉燒幾軟腍有肉味，要硬麵又夠硬。

話說十二月係畢業禮盛行既時間小女子都唔例外~係灣仔行完畢業禮就煩惱緊去邊到食夜晚好~突然醒起不如去有一排有好多人去排既神虎拉麵未到七點就去到門口，唔使排隊！正~入到去坐門口嗰排，一行四人岩岩好阿份Menu好簡單兩隻手數晒咁多款，要落單就晝紙仔小女子就簡咗黑蒜嗰款加隻蛋睇住師傅煮好似就特別快就有得食咁黎啦黎啦，飲啖湯先~為食得滯冇留意個湯多油，唔小心辣親條脷湯底簡咗普通係幾濃味但唔會得個咸字，幾好但身為愛蒜份子就覺得蒜味唔太濃，有啲唔夠喉連討厭蒜既同行者C都唔怕我食完有陣味D:麵質就簡咗普通，師傅煮得岩岩好，冇過龍變晒冧身亦要埋叉燒，份量都算較多，三到四塊，唔會好薄，一入口就唔見咗嗰種，肉食者表示喜歡總括而言呢碗拉麵值7/10份量同質素都唔錯價錢亦同其他有名既拉麵店相若如果第時順路都會番頭食，但佢未去到令我要排隊食既地步

第1次黎食，星期五中午12：25去到，門外有大約6人排隊等位中，心諗應該15分鐘左右可以入座，點知等左20分鐘後荒謬事情發生當時我排第2（我只係1個人），前面都係1個人等入座，店員竟然安排我後面果3位外藉人先入座，我完全來不及反應，果3個外藉人就入左去喇！十分不滿店員有咁嘅入座安排，明明有兩個1位喺前面排先，竟然先安排後面3位入先，咩道理？！想出聲，但佢地已經行左入舖，怪自己反應慢了 ；我好想知道如果後面又有1 group 4個人，而店内又岩岩有連住4人嘅枱，咁又比後面group人入座先呀？真荒謬！！再等多5分鐘後終於入到去喇，我點左赤虎＄78，因為聽聞佢重味d，但無紫菜+＄10有4塊。總括味道係ok，不太spicy，但入座安排荒謬令人不滿

如果你繼續要排「豚王」，即管繼續排，毋需要理會市面上其實有其他更好的拉麵，譬如灣仔這間「神虎拉麵」。有十個counter 位，一張大枱，一張細枱，有人行過唔會被人揩到，唔駛打側身行，今時今日的拉麵店來講算十分寬敞。 湯底主打豚骨，麵有好幾款，甚麼黑虎、白虎、赤虎，我要了當店之定番「神虎拉麵」＄83，已包了兩片叉燒、蔥、木耳，唔係得幾條嗰啲，係一大箸，仲有一隻半熟蛋，忽然間覺得抵。 湯底好濃，好有豚味，唔算太油，麵，我揀幼麵，硬，都做出個水準；叉燒鞋鞋哋，可能因為切得厚，要讚係個湯，有成200度，冬天食，一流。個麵餅都幾大，應該係一蘭的1.5個份量。最出色係隻半熟蛋，試這好多次都被欺騙感情，話半熟，一點流心都冇，呢隻一𠝹開，心花怒放。 成件事本來都冇乜敗筆，不過大家睇吓個湯，啲一粒粒嘅油脂粒，係咁浮吓浮吓，係，我知豚骨湯就梗係肥㗎啦，但係都唔駛咁肉騰騰嘅，撇咗佢得唔得呀？