金子半之助 (荃灣廣場)

Open Now

Now Closed

荃灣高質天婦羅丼飯｜金子半之助 日本過江龍天婦羅店🇯🇵下午茶較少人等位😂同朋友Chill下先店員先奉上香濃豆味嘅黑豆茶☕️與天婦羅是絕配😌解解油膩感🍱松花堂御膳🍱新推出，賣相精緻，以六宮格木盒盛載6款日式佳餚，包括天婦羅、刺身、沙律、玉子、豆腐、茄子，當中天婦羅有海老、青椒仔、南瓜、小柱魷魚天婦羅等等…相當豐富，每款都香脆可口，完全唔覺得油膩，御膳仲配有日本珍珠米飯、麵豉湯、醃菜😚🥢迷你天丼&稱庭烏冬(熱)🥢又想食飯又想食麵，呢個套餐絕對滿足到你，有一個迷你天丼、一個稻庭烏冬，唔好睇少係「迷你」二字，份量都充足喔！迷你天丼有海老、南瓜、菇菌、溫泉蛋、海苔等等…稻庭烏冬爽彈，另配5款配料，中意邊款就加邊款😆金子半之助📍荃灣大壩街4-30號荃灣廣場B1樓B111-B113號舖

🚩金子半之助 上個禮拜心血來潮好想食天婦羅🍤其實上次都食過依間餐廳，但感覺上冇話好好食🥹不過由於真係太想食了，所以決定俾多次機會佢‼️〰️〰️〰️〰️〰️〰️〰️〰️〰️〰️〰️〰️〰️〰️🌈江戶前天丼 $138呢個丼就包左麵豉湯同埋漬物先講穴子，應該同鰻魚差唔多東西，好長身🐟仲有兩隻蝦同埋帆立貝餅上次點解話佢麻麻地呢，因為上次嘅食材完全係冇乜味道，主要靠醬汁今次相對來講真係有驚喜🥹食到食材嘅鮮味，唔會有口寡寡嘅感覺而且值得一讚嘅係佢哋所有天婦羅都係即叫即炸，熱辣辣醬汁已經均勻淋喺天婦羅上，好香麻油味🌈迷你天丼 & 稻庭烏冬$118建議女仔要食呢個set‼️滿足晒心大心細嘅願望烏冬記得要叫熱先有寶盒架😌 呢個麵質同平時食嘅唔同，比較幼滑雖然係迷你天丼但都好足料，有蝦蝦架🍤🌈溫泉蛋 $12炸溫泉蛋都少少考功夫㗎用黎撈飯，大讚😎🌈帆立貝魷魚天婦羅餅 $28含粉量好少，裏面好多帆立貝粒感覺似係半生熟狀態，唔會好似食緊瑤柱咁🤭🌈海苔天婦羅 $8🌈菇菌 $18

很久沒跟yu 姐食飯，早幾天yu姐去荃灣買聖誕材料，所以我們就直接在荃灣食晚飯。一見到金子半之助餐牌的炸物天丼就好吸引，所以我就叫了江戶前天丼，yu 姐想食烏冬，所以她就叫了迷你天丼&稻庭烏冬。另外還散叫了兩款小食，分別是海苔天婦羅和白身魚。人均消費175左右。江戶前天丼 $138上面佈滿炸物天婦羅，炸到金黄色的色澤，未食都感覺到香氣撲鼻。其中有招牌的穴子天婦羅，肥美又多肉，軟滑可口，感覺比一把間尺還要長，保守估計有超過25cm，哈哈。另外，炸蛋一切開，裡面的蛋黃液流出，伴飯吃很滋味。炸蝦天婦羅亦食得很滋味，略加伴隨的古早秘傳醬汁，肥膩感減卻，味道變得更可口。迷你天丼&稻庭烏冬$118迷你天丼有炸蝦炸豆炸南瓜這些天婦羅，因為迷你的關係，所以可以當初嘗天丼，食完不會盡飽。然後又可以食稻庭烏冬，一個餐食到兩款口感的飽肚食材，哈哈。海苔天婦羅$8炸到香脆可口，一咬即碎。白身魚$28肉感豐富的白身魚，啖啖肉。

日本有8年金賞天丼美譽獎項金子半之助採用日本特製高級胡麻油,胡麻油製成的天婦羅芳香撲鼻及色澤會較深口感鬆脆沒有肥膩感，麻油味香！來到餐廳附近已經有麻油香味. 這地庫分店坐位很大，牆壁大大片櫻花樹海.很漂亮！入座後服務員提供黑豆茶黑豆功效很多補腎補肝去濕去痰利尿😄松花堂 •（軟殼蟹）•御膳 （勁正）👍麵豉湯；沙律（蕃茄和沙律菜很新鮮）；（醃酸子薑，酸蘿蔔）凍醃漬茄子3件，嫩豆腐配蝦仁、本菇、青豆 味道清新；刺身3件：（甜蝦；北寄貝；帶子）鮮甜新鮮！天婦羅軟殼蟹 ;天婦羅尤魚柱貝；天婦羅婉豆；天婦羅茄子；天婦羅蓮藕片。松花堂給人感覺，豐富精緻，而天婦羅入口沒有油膩感薄脆。江戶前天丼•天婦羅盛合💗穴子好驚喜，啖啖魚肉無骨，肉質新鮮彈牙！有30厘米長，天婦羅外皮完全無得輸！咬落仿如無物.一咬即碎。有圖有真相！天婦羅海老超級大隻.手指公粗身，蝦肉粉紅爽口彈牙，口感豐富。 天婦羅粒粒柱貝魷魚餅.口感軟臥清楚看見大大粒尤魚肉。另外天婦羅茄子，天婦羅菇菌，天婦羅南爪，天婦羅蓮藕，天婦羅糖心蛋配珍珠白飯.蛋槳浸入飯中特別香！樣樣不同口感.份量又多，附上蘿蔔蓉天婦羅汁味道完全不咸，浸一下才吃，軟中帶脆口感

食物一般， 點餐時，要求一位帶眼鏡的服務員幫手點餐，她態度十分惡劣表現，極不耐煩。小朋友想要一隻叉，想跟她要求，她倒吸一口氣，表現得不耐煩，其實客人會聽到的，我地其實唔係一個繁忙時間進入餐廳，唔明白佢既態度會咁樣，當中其實有其他服務員幫手 都沒有她態度那麼差。另外小朋友想跟她講唔該，她已經另轉頭就走了，完全沒有理會小朋友。我地點完餐再叫餐飲，想換過另外一款飲品，另外一個服務員態度良好不像她。作為 服務員有呢個態度完全唔合格。

今日去左金子半之助，一間充滿典雅嘅日式裝飾同親切氛圍嘅日式小店，店內擺放木製傢俱同裝飾品，比人一種溫暖舒適嘅感覺，還原返東京店嘅風格。主要食天婦羅嘅丼，叫左個江戶前天丼同埋呢個只係荃灣店限定推出嘅松花堂御膳，係日本家傳戶曉嘅日本懷石料理，田字型便當飯盒分割成多個小格，極具和風特色。食物款式多多，每小格分別有刺身、迷你沙律、玉子燒、天婦羅、豆腐同涼拌茄子，另外配白飯同味噌湯。天婦羅包括南瓜、蓮藕、小柱魷魚天婦羅餅、海老、莢豌豆。天婦羅係採用左日本特製高級胡麻油，所以天婦羅炸得酥脆、更為芳香撲鼻，而色澤亦會較深。天婦羅海老口感結實不會粉，莢豌豆好清甜，小柱魷魚天婦羅餅外脆內軟，口感豐富，每一樣都好好食。日式涼拌茄子，入口清爽，茄子肥美肉厚，好香麻油味，味道帶有少少甜，加入柴魚口感更好。豆腐細膩滑嫩，口感極爲細膩，簡單而美味嘅料理。玉子燒，一道非常傳統嘅日式蛋料理，蛋香味濃。迷你沙律裏面有新鮮嘅蔬菜，而沙律醬汁甜甜酸酸，非常開胃，食完天婦羅再食下沙律菜都係一個非常好嘅配搭。江戶前天丼有穴子、海老、小柱魷魚天婦羅餅、溫泉蛋、海苔、莢豌豆，附送味噌湯，份量都幾大。穴子即係「星鰻｣，同一般鰻魚相比

經常都去荃灣廣場， 但係就冇試過呢間開咗冇耐嘅金子半之助， 餐廳係日本過江龍， 喺東京日本橋排隊天丼名店😍 之前有食過新都會店和奧海城店都唔錯， 今次一於試埋荃灣店🤗 松花堂 - 車海老御膳 ＜追加稻庭烏冬（熱）＞呢個係新加menu， 之前食都冇， 當然要試下啦。 擺盤好精緻✨ 有啲似懷石料理， 六宮格木盒裝著六款精緻美食， 睇到就覺得肚餓😍😍 有豆腐，沙律，玉子，茄子，三色刺身和 海老天婦羅， 南瓜，蓮藕，小柱魷魚天婦羅💖 天婦羅炸得香脆， 炸粉好薄， 唔會食到成口油👍👍 尤其蓮藕和南瓜特別好食😋 特別一提前菜醃蘿蔔， 居然有柚子味， 好特別又好味。 迷你天丼& 稻庭烏冬(冷) 雖然係迷你但係份量一啲都唔少， 天婦羅有海老， 半熟蛋，菇菌，南瓜，豌豆，溫泉蛋✨✨ 迷你天丼既天婦羅炸物一樣鬆化香口， 特別一贊小柱魷魚天婦羅口感一流，白飯再配搭甜豉油＋半熟溫泉蛋＋香蔥＋天婦羅碎＋ 鰹魚絲兜亂之後，好食到停唔到口😋至於稻庭冷烏冬爽口彈牙， 冷麵汁配上自己風格既 wasabi ＋ 鰹魚絲 ＋ 香蔥食就更加有日式風味😋 整體上食物好豐富， 尤其是追加稻庭烏冬（熱）食配上豐富材料既寶盒 （👆 以

隔段時間就會想再光顧的金子天丼，日式味道濃厚，整家店帶溫馨感，進門店員會熱情地歡迎，奉上黑豆茶，點了兩個丼，先送來前菜漬物和濃味味噌湯，暖胃又開胃。👍🏻上天丼 天丼🌟天婦羅滿滿一盤，擺放打卡感十足，舖好舖滿 。蝦🦐大隻彈牙鮮味十足，用優惠價錢多追加了一份蝦，爽滑過癮☺️白身魚魚肉嫩滑保持肉汁，加上粒粒小柱魷魚，有口感帶層次。莢豌豆爽脆，紫菜卜卜脆帶咸香味。枱面貼上最佳食用教學，吃至一半，把整隻煮至剛熟透的溏心蛋加醬汁拌匀，飯粒香味更佳。一邊坐會一邊聽到在滾鍋即炸天婦羅的滋滋聲，加上香味撲鼻飄至整店，每次教令人驚喜的天丼，帶給美好日本的味道。😋😋

今次去左金子半之助食天丼，係比較高質既天丼👍🏻 知道餐廳用既係日本特製高級胡麻油，胡麻油製成的天婦羅芳香撲鼻及色澤會較深，我同朋友一人點左一份天丼，再加個野菜天婦羅盛合江戶前天丼（穴子、海老、小柱魷魚天婦羅餅、溫泉蛋、海苔、莢豌豆）穴子即係「星鰻」，同一般油脂肥美既鰻魚相比，穴子星鰻既肉質纖細而且脂肪較少，口感緊實，食起黎都比較健康。鋪頭更用長達30公分的大尾穴子做主角，一上枱已經覺得佢好吸睛啦～另外，魷魚天婦羅都好彈牙爽口！上.天丼（白身魚、海老、小柱魷魚天婦羅餅、溫泉蛋、海苔、莢豌豆）白身魚就肉質比較清甜同彈牙，含有豐富蛋白質及鈣、鉀等礦物👍🏻 加埋溫泉蛋啲口感就濕潤啲～野菜天婦羅盛合入面有南瓜、茄子、香菇等等，好豐富！另外餐廳更有黑豆茶提供，黑豆味甘甘地，亦非常解膩👍🏻

金子半之助在荃灣廣場也開設了分店, 清雅日式裝修和闊落環境, 予人舒服感覺。餐廳主打食品是天丼, 令人期待。天丼飯面鋪滿美味嘅天婦羅, 菇菌, 海老, 小柱魷魚天婦羅餅, 溫泉蛋, 海苔和莢豌豆等, 天丼嘅天婦羅不算脆口, 味道也很清淡, 但當天婦羅沾有天丼醬汁後, 味道馬上提升。伴菜是酸羗絲和酸蘿蔔絲, 惹味醒胃, 麵豉湯濃郁足料。江戸前天丼是天丼嘅升級版, 包含了天丼嘅天婦羅食材, 再加上招牌穴子天婦羅, 穴子肉質肥美而脂肪少, 口感相對較為清淡爽口。點上天丼醬汁後, 特別滋味。而金子半之助使用古早秘傳醬汁, 鹹中帶甜, 有著日本江戶時代風味。追加了白身魚和帆立貝魷魚天婦羅餅, 同樣吃到醬汁提鮮嘅滋味。

一間日式裝潢主打的餐廳，以淺木製傢俬為主，樸實簡潔，環境舒適，座位闊落。我哋叫咗迷你天丼&稻庭烏冬（冷），烏冬配上冷麵汁，冰凍口感，彈牙爽滑。另外迷你天丼一樣非常豐富，有落菌、海老、南瓜、海苔、莢腕豆、溫泉蛋。但本人覺得份量唔係咁足夠，大食少少的人覺得唔夠飽。江戶前天井 穴子、海老、小柱魷魚天婦羅餅、溫泉蛋、海苔、莢豌豆最喜歡當然是超長的穴子• 咬落外脆内軟腍穴子肥美有彈性．重點係佢果條有成隻手臂咁長。簡直冇得頂。整體來講，食得幾滿足，不過飯的份量有D唔夠。而每一枱都有一壺黑豆茶。

今晚行完街見到有間日本餐廳5使等位，所以就揀左呢間做今晚嘅飯堂🤣，見到冇乜人食都幾驚係中伏😅，打開餐牌見到我最鍾意食嘅冷麵，非常之好5洗諗我就order左迷你天丼&稻庭烏冬(冷)$118，入面有溫泉蛋天婦羅、蝦天婦羅、紫菜天婦羅、南瓜天婦羅、日本菇仔天婦羅、除左菇仔天婦羅咬落比較多油之外，其他全部都係少油同炸得好鬼脆🤣，至於朋友就選擇左熱嘅烏冬、其他全部1樣，如果食熱烏冬就會有個調味盒比你自己加配菜，座位都算坐得舒適

「過江龍」金子半之助位於荃灣廣場地庫。整體環境佈置簡單大方,主要以木頭色調為主,店內空間乾淨明亮,設計簡約但溫馨有特色,讓人感覺溫暖舒適。用餐區域並不擁擠,桌與桌之間有適當距離,就算都是大群人一起吃飯也不會感到吵雜。店員很快就為我奉上熱騰騰的黑豆茶,讓我先暖暖手喝點熱茶。桌上有七味粉,如果覺得天丼的味道不夠可以適量添加。我點的是招牌「江戶前天丼」,份量非常足,整個天丼都鋪滿了各式天婦羅,令人驚喜。其中有長條的脆炸穴子魚,魚肉輕盈;還有彈牙的炸蝦;口感豐富的小柱魷魚海天婦羅餅。炸半熟的玉子是這道菜的重點,我戳破蛋黃,半熟的蛋液流出來跟飯混在一起,味道更美。每一口都有不同體驗。最重要的是,秘制醬汁散發食欲,又將各種天婦羅和飯粒結合,非常惹味開胃。金子半之助選料考究,分量十足,味道令人回味無窮,絕對是天丼愛好者的不二之選。

要食好味道嘅天婦羅唔係甘容易架，呢間都算係好味嘅推介之一。首先我最愛喺佢地小店嘅黑豆茶，黑豆味甘溫平,好飲又有益仲可以抗衰老、去濕同去水腫，真係要飲多幾杯先得😆今次帶朋友嚟食，建議咗兩款好味嘅推介比佢⭐️牡蠣車海老天丼 $168- 牡蠣、車海老、小柱魷魚天婦羅餅、莢豌豆、海苔同溫泉蛋⭐️江戶前天丼 $138穴子、海老、小柱魷魚天婦羅餅、溫泉蛋、海苔、豌豆兩個天丼餐嘅天婦羅炸得好香脆，一啲都唔油膩，食物又夠新鮮，而且份量好夠又非常足料，食到我同朋友都非常滿足😃-以家凡惠顧江戶前天丼、上天丼或天丼加$38升級車海老(2隻)真係超抵又好食😋而且地方又夠寬敞，座位數目都好多，店內非常乾淨整齊!朋友都讚我冇介紹錯，下次到佢會帶朋友嚟食☺️

今日約咗朋友食晚飯去咗荃灣廣場，有一間專食天婦羅，舖頭裝飾好有日本格調。首先就叫咗一個車海老帆立貝天井，井飯size都好大足夠一個人份量。井飯裏面啲天婦羅蝦炸得外脆而且肉質非常彈牙，一碗有兩隻足以遮蓋成碗井飯，其次帆立貝肉質非常新鮮，雖然是炸咗但係都掩蓋唔到外脆內嫩嘅口感。 還有小柱魷魚天婦羅餅，雖然魷魚粒炸成一個餅狀， 但仍然有鱿魚新鲜嘅味道。最後加埋溫泉蛋，啲蛋漿流落去啲飯一齊食真係非常滿足。還有迷你天井加稻庭烏冬，這款最啱想吃井飯又想吃烏冬嘅客人。迷你井飯有菇菌，海苔，海老，南瓜，莢豌豆和溫泉蛋雖然大部分都係蔬菜類經過烹調味道大大提升，我加咗$38叫咗個天婦羅軟殼蟹，啲蟹唔會炸到好乾身 所以口感上唔會就係得啲炸漿。而稻庭烏冬，啲烏冬口感上唔會太軟但入口好似即溶。雖然係一個簡單個烏冬但餐廳好有心，配咗好多配料可以加落烏冬度吃。