伽倻韓國餐廳 (Moved) New Location

之前在雜誌上見到介紹此餐廳, 一早已經想來試一試。尋晚終於有時間可以同老公仔出街食飯,當然要趁機一試啦!環境我地揀坐入廳房, 面對大可以望到時代廣場。(不過抽風系統麻麻, 有d煙煙地, 下次都係坐番出面好d。) 環顧餐廳四周, 有一半以上是韓國人, 已給人一種很地道的感覺。食物呢度最好係夜市都有set。我地最想試係烤牛肋骨(散叫$150), 而兩個二人套餐都有跟烤牛肋骨, 但set B d 野食吸引d, 都只係貴20 蚊, 所以無再諗, 即刻落order! 伴菜有六款, 都ok! 首先waitress 幫我地整果件肉眼扒, 口感同味道都係一般。之後就係祈待已久的烤牛肋骨, 嘩! 好味到唔停得口, 唔洗點醬汁都己經好好味! Waitress 手勢好好, 熟, 又唔un, 正! 人參雞湯都ok, 但炒粉絲就麻麻地, 肥膩少少!服務按韓國傳統, 全程有waitress 燒俾你食, 唔洗你自己黎。而且waitresses 都好有禮貌。後記食完飯本想去尋韓者書室, 可惜原來close 8:30, 去到剛剛8:45, 唯有下次再去啦! (又有機會再黎食XP)

午餐時間同同事食左個set lunch。味道中上, 環境裝修就一流, 服務都幾好。有window位可以望times square景。不過貴左小小。

食物質素一般. 環境勁迫. 五個人訂左枱都要迫係張四人枱(話就話四人枱,坐四個都好迫, 仲要坐五個). 服務態度一般. 門口帶位扎辮講英文果位女士招呼奇差.完全不懂multi-tasking. 不懂同時招呼一位以上客人.尤得客人在門外呆等(必須聲明門外只有兩位客人在等,其中一位係本人,一位正在安排坐位中).門口帶位扎辮講英文果位女士即時顯得手忙腳亂.牛筋- 價錢貴(百幾二百蚊一碟,得六七件1吋x1吋).超唔掂,好似咬柴皮一樣.非常失望.海鮮- 無選擇. 只有蝦同尤魚. 尤魚同蝦都唔係特別新鮮.不過蝦勁貴(成二百蝦只有四隻).總括而言,食物平平無奇.一點不出眾. 價錢勁貴而不合理.與食物質素and服務質素不成正比.搵唔到理由要再去!!!

本人曾經常光顧伽耶韓國料理,也曾在這裡留下正面的食評,但上兩個星期的經歷足以使它成為全港最差勁的韓國餐廳。食物質素是沒有問題,那天是下雨天,我訂了7點鐘2位,侍應話留枱10分鐘,上到去7點05分,門囗的韓國籍扎辮經理話"wait few minutes!" 等了足足10分鐘她走過來說我們遲到,枱已賣了,沒有位啦!我的妻子告訴她: "我們是7點05分到,是妳們沒有招呼我們!白白等了10分鐘!" 那個韓國籍經理憤怒地用英語叫我妻子: "DON'T SHOUT!" 我真係火都黎埋!佢邊度有"SHOUT"呀!似乎是妳呼喝我們喎!一間餐廳的經理對客人如此惡劣,服務態度差,作為經理,給侍應們一個如此負面的待客例子。最不值連家人也俾佢呼喝!唉…執咗去罷了!所以立即奪門而出,出色的韓國餐廳在銅鑼灣多的是…

這一夜,全因蔡瀾.全港很多韓國菜名店也試過,友人之前在"蔡瀾逛菜欄"節目之中,看到誘人的韓國菜,立刻想吃一頓.順水推舟,不如在今個月的例會,來一局韓國菜吧,地點就選一間大家也未去過的"伽耶".周末夜.門口人龍是必然,一早安排張十人檯,不過最後臨時加入兩位朋友,時間倉黜,安排不到更大的檯,唯有坐得親密一點.橫顧四周食客,韓國人也佔很大比率,相信口味也算是正宗.前菜八小碟兩份上,沒有驚喜,當中的泡菜,辣度不足,好明顯遷就吃不到辣的香港人.這夜模式是先韓烤後韓國料理,席上"牛魔王"佔大多數,牛肋骨實在不可少,再點其他牛腸牛肚,牛胸肉,牛舌,非牛系就魷魚,豬頸肉,豬腩肉等等.牛肋骨腌得出色,在爐上烤一會便成,牛肋骨肉質鮮嫩.味道甜美,吃過多間韓國餐廳之中,這一間的牛肋骨,最有水準.牛肚牛腸也不錯,烤牛腸時經常"爆"火,油份夠之緣故.豬腩肉瘦肉保份爽脆,肥膏位更甘香,牛胸肉無添加,沒有任何腌料洗禮,吃得到牛的原味,不過肉質略齦.豬頸肉爽口,味道亦甜.其他的牛舌,魷魚,也不俗.接下來是一些韓國料理,生牛肉很鮮,沒有太重雪味,伴著生雞蛋,雪梨絲一起吃,份外甜美.結果忍不住再來一碟.什麼細菌,全部當補

伽倻為蒙牛的最受韓國餐廳, 是次又來午膳, 他定必點泡菜炒飯, 但我則捨棄平日的石頭飯, 點了一客辣魷魚飯前菜的泡菜依舊入味又香脆, 魷魚飯的油多得很, 十分恐怖, 蒜頭洋蔥也十分多, 魷魚略為炒得過時, 帶點un的感覺, 而且只吃飯及魷魚好像不太夠飽肚, 而且魷魚又太腥, 吃完很口氣強勁得很………飯後急急到便利店買口香糖試新菜式, 是要有風險及代價的

餞別，有傷感的、有飲得杯落的，是次屬於後者，少隻蝗蟲．少分混亂。揀了Kaya 7成是私心3成是為塞飽以一敵四的蝗蟲，對上一次來已是大半年前的事，與眾食友又「烤」又「煮」，甚是滋味，咸甘桔味的冷麵，記憶猶在．．．靚仔的環境招呼朋友絕不失禮，餐\牌上的菜式大路得緊，悶得差點瞌頭大睡去，想也不想點了炆牛肋骨、海鮮鍋、石頭鍋飯，蝗蟲仍舊的自顧自笑，也闊佬懶理，不夠飽的話再送他個煎餅，$130保證抵食夾大件！招呼失禮、前菜蝦毛幾條，誠意欠奉，笑味十足又看看石頭鍋飯如何？先無香味，可幸熱力十足，侍應拋下大湯羹及一碟辣醬走人，都好，無人招呼，偶影也影得更自在。食味麻麻，不夠香，加了辣醬亦不夠味，可幸用了珍珠米亦夠乾身，若加埋後上的牛肋骨汁來吃，可補味道不足。又說牛肋骨，不理說不錯，但可圈可點的太多，大概是患了骨質疏鬆症，牛肋骨的bone位長度少於5cm，炆後局部地區性軟腍，而大部分地區粗鞋，質素爾爾，與沒有蘿蔔甜味的醬汁混在一起，不懂欣賞。韓式的湯鍋，或者如不理所言，只屬hot pot類，只須煲出鮮味已收貨。經長時間煮過的海鮮，精華盡在湯中，以肉質換鮮味，這個海鮮湯，怕了煮過火的材料，尤其是沒有去腸

I brought my friend there last night and it's her first time ,there was only 2 of us and we had ordered a dish of various kinds of raw beef for bbq which includes ox tongue as well. We only made the reservation at the very last minute , therefore , we need to share the table with another party(2 separate grill) which was fine. This restaurant is always very crowded and the waitresses repsonse were so so, the only positive comment on them is that they carry nice beef. Before we asked them for the

四個人追月晚上到這裏晚膳, 叫了2客生牛肉, 牛肋骨, 牛脷, 烤豬肉, 牛肉石頭飯, 炒粉絲, 奄青瓜, 生的雜菜, 很快便上菜了.生牛肉加上雪梨絲, 雪梨絲太長而且太少, 生牛肉好像雪得太久, 涷了一點, 口感扣了分, 相信這裏的牛肉質素應該安全吧…………牛肋骨有3大件,味道調得不錯, 少許的甜味, 肉味雖不太濃, 但肉質非常腍又有咬口, 不錯不錯~~牛脷不錯, 薄片又快熟, 非常爽口, 烤豬肉切得太過散爛, 碎濕濕的, 烤得有點麻煩, 味道又是跟牛肋骨的一樣, 甜味的, 是不是全部都用同一醬料奄的??牛肉石頭飯size一般, 可分到3碗多一點, 但是牛肉的量少得很, 而且飯的味道很淡, 少量飯焦, 菜跟芽菜都不多, 不抵食…….炒粉絲不算太油, 但料很少而且粉絲太過腍, 水準只屬一般. 奄青瓜不夠入味, 一堆泡菜粒, 只得咸字, 青瓜的顏色仍未變, 雖爽脆但是淡味, 不好吃. 餐前送上的泡菜, 菜雖脆口, 但辣味不夠咸味十足, 豆腐乾又鞋又不入味, 甜蕃薯甜甜軟軟, 還算可以,service的人叫極不應, 叫白飯時又漏單, 服務不太好.環境嘈了點, 坐得令人不太舒服.....

再咁搞落去，其實去邊度都一樣，一班「嘩鬼」由頭「嘩」到尾，食左咩都唔係好知，又有邊味打邊味又唔係好記得番，在個人而言，是少見的。星期二晚，全場爆滿，尤幸早早訂位，十六人還可以勉強的安排在一間對街的房間中，一張長檯排排坐，都幾歸一。人多點菜也相應的輕鬆一點，問了大家想吃什麼，隨隨便便的點來十幾味，包括幾款韓烤、生牛肉、泡菜煎餅、海鮮煎餅、牛肋骨煲、炒泡菜豬肉伴豆腐、炒豬腸雜菜腸、生牛肉飯、辣冷麵、水冷麵、炒年糕、辣八爪魚窩及珍寶餃子窩，單數都已有十幾款，長長的大檯也擺滿食物，奇觀。原本也想吃辣蟹，主理人「老實的」說已雪藏了幾天的，成功的令我打消叫辣蟹的念頭。前菜八碟一份，一來三份廿四碟，看似幾多，但十六人一下子已「清理」得七七八八。最好還是泡菜，又辣又鮮，不過份量過少，如C小姐在席上也問「這就是一份？」亦只可添吃四碟，人多也不能通融，唯有全要了泡菜。打頭陣的是韓烤，要了牛舌、豬什、魷魚及牛肋骨。當中最好的要算是牛肋骨，醃料偏淡，但肉積鮮嫩，同檯食友皆讚好。要了一客「珍寶」的份量，16人都勉強夠食，是這裡必試的韓烤項目；牛舌太薄，豬什又硬了一點，始終魷魚是最穩陣，還有大量的泡洋蔥及蔥段同醃

一向都以為伽耶係馬拉菜, 蒙牛帶我上去才知道它是韓國菜, 店內的裝修乃一貫銅鑼灣食肆look, 有點似樓上的魚一丁呢~~週六的set lunch仍有供應, 叫了一客泡菜炒飯加一客石頭飯, 等了一會才有得吃, 前菜的泡菜認真一流, 味唔咸辣味又適中, 不錯不錯~ 其他的前菜的一般水準啦~泡菜炒飯的portion認真大, 有一只又大又靚的煎蛋在上面, 泡菜得爽口, 辣的有味道又不過份,有些豬肉及雞肉在入面, 肉不會un, 炒飯炒得不夠散, 但正在飯的油不多,起碼不會見到碟上有層紅色的油吧, 哈哈~~南亞人士的service一般, 慢了一點, 又不算誠懇, 唉....點解店主要為了平而請他們呢...令水準下降...

好耐冇去灣仔銅鑼灣區，適逢書展，所以到此一遊。為了避開午飯擠擁時間，決定兩點鐘オ去覓食。天氣實在太熱，所以冇乜頭緒，於是走到Time Square嘅食通天，可惜都係冇心水嘅食肆，喺搭子彈lift落樓時，見倒對面嘅﹙魚一丁﹚好多人食自助餐，又見倒﹙伽耶﹚個招牌，突然想起網頁中曾經介紹過呢間餐廳，所以好有興趣去試吓。去到已經兩點多，個知客都唔見咗，於是揾侍應攞位，好好彩被安排坐窗邊位，望出窗外陽光柔和，店內祇得幾枱客，所以不大嘈雜，環境總算寧靜，坐得舒服，幾小時腿步運動嘅倦意，即時消除不少。我地叫咗石頭飯& 海鮮湯年糕，都等咗一段時間才上菜，分兩盤上，上菜後Ｄ侍應逐漸消失，所以冇人同我地加蔴油辣醬拌飯，要自己動手，幸好有碟辣醬跟菜上，蔴油就欠奉。我地因為唔食牛，所以飯中的牛肉改豬肉，可惜餐湯都喺用牛肉煮，好羶，所以都喺飲番個海鮮湯好Ｄ。個飯好熱，飯焦好脆，但之前我喺韓國食倒嘅石頭飯，祇不過喺素菜加蛋，都冇加蔴油辣醬，飯冇咁熱，飯焦冇咁脆，但喺好香，一個人幾乎清晒一鍋，所以一直回味至今，但今次食倒嘅飯，味道冇乜特別，唔知喺咪同個蛋有關呢？至於個海鮮湯，好鮮，因為用蜆來煮，清淡得嚟有鮮味，值得

好期待的一餐，終於可以去伽耶食啦，佢個menu D相好鬼吸引，真係樣樣都想食。前菜種類好少，6個人只有7碟，每碟分量又少，而且只可refill兩碟，真係唔多夠喉。當中以泡菜最好食，refill o左一次，是我食過韓菜中之最辣的一間，真係好刺激呀。牛肉炒粉絲-粉絲又滑又爽口，味道稍甜。炆牛肋骨-鍋細細，原來份量不少，足夠我們兩件。顏色較淺，但炆得好腍好腍，又甜又勁入味。韓式醬豬手-完全唔肥，有點似燻蹄。海鮮煎餅-size有大有細，我o地叫了個細剛好6個人食。煎得唔夠脆，有少少腍身，口感似蠔仔餅。石頭飯-是我推介之一，因為勁多又脆又大又厚的飯焦，不過飯有少少過腍。辣冷麵-我認為唔算太辣，好多醬汁，蘿蔔、雪梨亦不少，麵身較一般的幼細，較易咬開。湯麵-湯底好清，麵身有點似米線，但較米線彈牙爽口。講番服務方面，真係一流，非常有禮貌，笑容又好、又唔怕麻煩，我要俾5分滿分。平日星期三非常滿座，門口仲有唔少人等位，一定要預先訂食。雖然我o地有6 個人，大家都係細食之人，好多野都試唔到，好期待下一次再食過。

聽朋友講好多次好味, 終於自己試了, 最基本的泡菜，不會太辣，我們全部食哂，簡單的紫菜味道很好。Menu好豐富，人多可以試多些菜，人少就略為貴。所有食物都調味得非常好，款式十分特別。一定要試！

話說星期五同男朋友係無訂枱o既情況下貿然走去Time Sq. 諗注食韓燒，7：15上到去個waitress話比我o地聽最快要等到9點，心諗，有無咁旺場呀~ 就係呢個時候，望到對面大廈個招牌，唔洗諗即飛奔過去睇下有無位~ 雖然要等下，但係個漢籍waitress話大約20分鐘就有位，無所謂啦，等一陣o者。利用等位o既時間刨定本menu，一入去就可以叫，yeah~當晚叫o左：燒烤類："秘製牛肋骨"，個waitress話係用麻油&鹽醃，其實係無醃過o既牛肋骨肉，燒完點個麻油加味鹽(味道好似我o地o既華鹽，但係海鹽咁粗)。可能因為係雪藏貨，無乜肉味，我都係覺得平時食開用醬油醃個隻好味D。不過試下無妨~ 其他地方都無~小食類："煎豆腐"，又係好普通o既菜，豆腐無豆味，煎得死實，最攪笑係個"韓式汁"係豉油+辣椒絲!主食：泡菜豬肉煎餅，呢個酸酸辣辣o既pancake物體個樣就唔係好吸引，但味道就唔錯，食完一份想追加多份~ 正!值得一讚係呢度服務態度好好，不停有人加茶，D waitress/waiter 都好有禮貌。