一浩 (Closed)

今日黎到同幾個朋友黃金海岸一浩 地方好大 應該有成萬呎既地方 座位好多樓底都十分高 有bar位 壽司位同爐端燒 我哋首先點左雜錦刺身有七種刺身每款兩塊油甘魚十分新鮮另外刺身屬於厚身食落去好有口感 另外帶子係出邊買帶子嘅三倍覺得自己食完好似係個海度啱啱游完水食完魚生就開始食熟食啦，我地點左5種燒物，第一個燒鱈魚乾 係小食嚟嘅 都幾有童年回憶因為好似以前我哋細細個食鱈魚 再攞去 脆卜卜 加咗沙律醬更加特別 然後上嘅係燒青椒仔好多餐廳都好似冇燒青椒仔 咬落都幾甜另外仲有燒五花腩肉食呢樣野嘅時候覺得自己好似係韓國因為五花腩燒到金黃 油脂逼哂出黎 面燒牛舌成寸口 又彈牙 個醬汁又好好食成件事真係好match食完燒物就嚟咗野菜天婦羅 有茄子南瓜冬菇蕃薯金菇 個天婦羅嘅皮好薄 唔似出邊咁多粉最愛番薯同南瓜然後嚟咗壽司係軟殼蟹牛油果壽司 牛油果解左軟殼蟹嘅肥膩 變咗做好清新嘅壽司 最後食埋一個飯同一個烏冬 烏冬嘅質素驚為天人用咗洞庭烏冬比較扁身 所以更加容易吸收野菜湯汁 勁清甜

一浩 (屯門)屯門青山公路1號黃金海岸商場地下R1號舖係黃金海岸廣場睇完車展見到間有露天向海座位既日本料理餐廳見肚餓就入咗去了 環境闊落 播住流行曲 唔會播得好大聲 好舒服而由餐廳分區清晰有壽司、drink bar、酒櫃等等Drink bar位仲有得掟標 娛樂吓望望吓嗰酒櫃見到有阿櫻有飲開日本酒 一定知佢唔係處處來貨即刻要嗌返枝由於好多款式 都請待應推介一下：麻醬豆腐沙律 $68麻醬同豆腐果然係prefect match 好fresh 沙律菜既份量亦適量清酒煮大蜆 $98淡淡清酒味令蜆變得清新亦掩蓋咗一般蜆既海水味名符其實既大蜆雜錦天婦羅 $178有茄子 蝦 蕃薯 冬茹 南瓜油炸天婦羅 竟可做到唔油口嗰炸蝦好親鮮 外面塊皮唔厚串燒 叫咗雞翼串$48 雞肉棒$38 煙肉串$48煙肉串中間夾住廣島蠔一咬有蠔汁 好滿足雞肉棒同平時既雞肉串大有不同係好似鯪魚肉咁既質地全部都係即叫即炸辣呑拿魚小卷$88唔辣 舊呑拿魚無雜味 純正可口仲叫咗兩杯無酒精drink Tropical $68Crimson Eye $68一種主打草莓 另一杯係啤梨賣相吸引 記住係底搞拌吓先甜 否則太甜或無味

今日同朋友行完黃金海岸，之後經過商場見到有間日本野，喺門口望入去見到環境唔錯就入去試下，入到去個感覺好大好舒服冇逼既感覺，每個位都好闊落，個氣氛都好好。坐低左之後我哋三個人先叫咗啲小食，首先燒鱈魚乾十分有驚喜，本身以為係一塊普通魚乾，點知原來燒到好似薯片咁脆，仲要好有鮮味，值得推薦。然後叫咗幾份串燒，味道都好好，特別一提牛舌串真係好好食，仲要牛舌超厚，入口即溶，真係好難忘！然後叫咗份天婦羅，味道不錯，最重要炸都唔乾身，野菜嘅味道都保留到。朋友叫咗個野菜烏冬，特別一提湯底真係好清甜好好味，一啲都唔油膩。重點來了，我地叫咗份雜錦刺身，一上枱我哋都嘩咗聲，因為每件刺身都好厚，食落好新鮮，三文魚同蝦都好甜，真係物超所值。另外，我哋都叫咗酒水，價錢合理，值得一提佢有個吧位，真係好靚，影相一流。我哋三個人都只係食咗千幾蚊，雖然話唔係好平，但係我覺得性價比好高值得一試。

一直着開屯門，都知屯門嘅黃金海岸有好多嘢食，所以今日就同屋企人嚟到黃金海岸，享受一下呢間日本菜地方歡堂又大，而且分開咗室內同室外，坐室外可以聽到海浪聲，望住個月亮，可以話係人生大享受。呢度吧枱都有，而且座位好多，播放着潮流嘅音樂，同朋友傾吓計飲返兩杯，訴說一下心中嘅情緒，果然係人生嘅樂事雞泡魚干，燒至乾身，充滿甜甜嘅醬汁味，入口煙銀有口感，點上沙律醬，作為餐前小食，果然開胃。目仁奈刺身，淨係買相已經令人食指大動，魚生最考師傅刀工，師傅刀工簡直係神筆之作，入口鮮甜，肉質充滿口感，配上特有嘅酸汁，味覺更勝一籌。大蝦天婦羅飯卷，天婦羅新鮮脆口，上枱依然感覺到佢嘅餘溫，反卷放入口，感受到天婦羅炸蝦嘅香脆，滋味絕不平凡。燒雞翼，唔會好乾身，雞皮香脆可口，肉質鮮嫩，點上兩滴檸檬汁，味道更勝一籌。淨係睇牛肉都已經令我流晒口水食指大動，黃牛係最肥美嘅位置，肉質粉嫩，而且下油分極重，入口牛味濃郁，富有質感，令人一試難忘。而且服務員10分細心，幫我地將呢個壽喜燒全程煮好，單單係服務員嘅態度就已經好足夠，而且豆腐香滑蔬菜有新鮮，對住過海享受着美食嘅豐富，人生何求

在黃金海岸附近的這家日本料理真心高質，不得不寫一篇食評向大家推薦～先不說這家的餐廳很大又靠近海邊很有feel,戶外的用餐位很是浪漫，還有一個很萌的家貓會特意守在那等食客喂食。室內的裝潢更是用心，飲品吧台和Omakase（廚師發辦）的吧台都十分「高大上」。前菜叫了軟殼蟹沙律，好大一碟，底好深，軟殼蟹有成5、6隻，炸得好而不滲油，蟹籽亦多。蒲燒鰻忌廉芝士卷，淡芝士跟鰻魚簡直絕配，芝士味並沒有蓋過鰻魚的鮮味，反而和青瓜一起有提鮮之作用。日本直送黑目張刺身，呢個係首選推薦菜色，魚肉片片得十分精緻，可見師傅的刀工！配上建議的醬汁，更加突顯目張刺身的鮮甜，而且十分爽口，真係啖啖肉都好滿足！黑豚肉湯烏冬，比味噌湯香既湯底，黑豚肉幾嫩口。而且係比較貴價既扁烏冬。雞翼同雞軟骨串燒都做得唔錯，我地叫左比較甜味既白酒🥂再加上餐廳播好多歐美歌既cover songs，成餐飯食得好輕鬆好歎～最後要讚一下呢度既waiter,因為我坐輪椅既關係，特登開平時唔開放既門口方便我，免去一級既梯級，好細心～

黃金海岸的景緻一流，而且地方很寬敞，好舒服. 加上夜色和秋意，很享受. 飲品選擇很多，價錢也合宜，與景色很配合.不過，食物質素和份量嚴重欠奉. 昂貴的價格背後，竟然是不好味又極之少份量的食物. 不能滿足之餘，感覺很不愉快. 200多元的牛柳，只有10小塊，大大的碟子四分三全是劣質的雜菜. 劣質不是誇張，是廚餘式的雜菜. 100多元的時令炒雜菜也是如此. 至於200多元的魚生飯，迷你得來，味道不算太差，只是份量與超市盒裝魚生飯雷同. 服務態度兩極化，入座點餐時很熱情. 之後就很難找到侍應了. 不過只是小事，無傷大雅. 不會有下次了. 以昂貴的價錢，換來質素和份量都嚴重欠奉的食物，我不會選擇這類餐廳.

—餐廳有露天同室外嘅座位 環境好舒服 幾有格調炸軟殼蟹沙津($88)原隻斬件軟殼蟹墊滿生菜 沙律菜 蕃茄仔 青瓜加上酸酸嘅salad dressing 食完好開胃加洲卷($88)有花瓣點綴 令樸實嘅加洲卷顯得格外優雅欣賞卷物入面嘅配料係粗條狀食落特別crunchy鰻魚忌廉芝士卷($128)鰻魚塊包住個卷 整成一口size食完仲有陣陣芝士香一啖接一啖鮪魚三色丼($298)顧名思義有三款吞拿魚鮮甜肥美 仲要厚切😍 軟腍到唔洗點咀嚼已經吞到而且醋飯個酸度啱啱好稻庭烏冬($88)餐牌有推薦呢款呢度嘅烏冬係幼身 簡單配上細蔥 昆布食完壽司 可以嗌個烏冬暖返個胃雖然個場大 侍應都夠且平均分佈不時來回巡枱 睇下客人有咩需要————————————————————一浩屯門青山公路1號黃金海岸商場地下R1號舖

星期六同男朋友黎左黃金海岸玩，夜晚揀左呢間環境好靚既日本餐廳食晚飯😍餐廳環境有氣派，走時尚黑色風，係一間集合左bar同restaurant既餐廳，有飛標玩。有露天同室內。露天地方可以飽覽海景。👍🏻✨前菜：蟹籽沙拉🥗雜錦壽司🍣刺身好新鮮👍🏻由其係魚子、帶子同左口魚，好食到想encore我男朋友中意食軟殻蟹，所以壽司我地仲叫左軟殻蟹牛油果卷，total有成6件，適合多d人食🙈🙈正餐我地點左吉列日本黑豚西冷，外脆內嫩，黑豚肉香而不膩😋另外叫左個黑豚湯烏冬，用既係扁身烏冬👍🏻again黑豚肉片冇得輸。飲品：Crimson Eye飲品：Tomoro Land

魚生很新鮮，食物質素高，價錢合理。但服務真的不夠專業，我和朋友坐了出面的位置約一小時都沒有任何waitor出過唻同執野。有隻烏蠅飛左入我碗未食過的淨烏冬，我問個waitress可否換，佢用警告式口吻話「你地坐番入邊啦，如果再有烏蠅飛入你D野食我地係唔會再換架！」其實餐廳範圍內有昆蟲原來是顧客要負責的？有烏蠅係好少事，不過佢咁既反應真係有D surprise, 唔講以為自己去左茶餐廳，作為$200 per head 的午餐真的有待改善，難度換一碗價值不大既淨烏冬，比得失兩位客人更重要？

地方寬敞，星期日2:00一坐底叫什錦魚生丼$108就無晒，改叫其他魚生壽司定食$148，+$15叫了凍檸樂.服務員送來一支最細玻璃樽裝可樂，倒入杯後⋯連檸檬連冰都只有半杯，感覺好不爽，先問一下服務員，我叫一杯凍檸樂，但結果是得一半，服務員回應是我們沒有罐裝可樂....我再講明一點給服務員，咁我叫一杯凍飲，你不如用隻日式茶杯盛載啦...我叫服務員同公司反映，佢回應好，但我杯凍檸樂依舊只有一半.食物可以，但一杯正常份量凍飲都未攪好.

過萬呎的地方，座位當然多，樓底也高，但怎麼都是選擇壽司吧桌的位置。先點了碗熱湯暖暖胃，預備接下來的魚生冷菜。魚清湯不熱，豆腐中心還是冷的。兩碗都只是還可以。師傅擺盤好有心呀，看著都高興。日本的醃漬菜我很愛，好像只是白蘿蔔差一點。雞泡魚乾大路貨，正常。枝豆泡水太久了，軟爬爬。左右魚刺身，肉質軟中帶勁，魚香魚油欠奉。軟軟糯糯的魷魚刺身，還不錯。超正超脆口的三文魚子，咸香度剛剛好！鮮甜滿分。泡菜炒豬肉也不錯吃，豬肉香不乾柴，泡菜酸辣咸，互相配合好好。

經理態度很好, 但整體餐廳服務極慢。餐廳未滿座，熱茶也要等上半個鐘。服務生叫多次也不回應。Omakase 收1500HKD一位但一點也不合水準。魚生還算新鮮但其他食品極少和普通。去吃碗熱烏冬還可以。其他的不用試了

一浩地方很大和裝修地好靚，還有露天茶座，可以睇日落，非常浪漫😁天婦羅食落一D都冇油淋淋嘅感覺👍🏻龍蝦肉配上金泊，令菜色高貴不少，龍蝦肉仲很彈牙👍🏻刺身全部都好新鮮，由其海膽非常鮮甜😋白子很肥美，而且嫩滑帶甜，沒有腥味😋餐廳地方很大，但服務員就比較人手不足，不過直得一讃的是，每位服務員都很有禮貌😊👍🏻

一進入餐廳，靚女經理提議坐室外，微微嘅海風比室內更為舒服☺️☺️☺️先來生蠔刺身做頭盤🦐，非常新鮮，外觀100分。再來是串燒，作為父親的下酒菜。最後再上一鍋壽喜燒一行5人都非常飽非常滿足，價錢合理，比預算還要便宜，食物質素好，環境浪漫舒服，飯後可以在附近來一個小散步幫助消化🚶🏻‍♂️🚶🏻‍♂️，服務態度很好，點餐時很難選擇，靚女經理都會為我們耐心推介我甚少寫食評，今次第一次讚！值得再來！

雜錦刺身丼 配前菜 沙律🥗 麵豉湯沙律配上麻醬 食落更滋味 刺身全都是厚切👍🏻 配上粒粒大蟹子 鮮味無窮😋刺身丼上亦附上一塊凍豆腐 冰爽嫩滑❤️ 值得一讚但服務員人手略嫌不足 等待需時