木槇料理 (Closed)

位於灣仔的木槇料理 ，是一間高級的壽司餐廳時日由下午茶起便進行我的甜品之旅由尖沙咀三個抹茶甜品，銅鑼灣二個大韓國甜品後，來到灣仔吃回鹹點正餐最愛日本菜的我，決定試試朋友推介的日本餐廳晚餐定食價錢由$298-368，也可選擇坐在廚師台吃貴一點的Omakase。築地三色丼$328三色丼定食包括三包丼飯，前菜，沙律，烏冬作為澱粉系女孩，又飯又麵的組合超適合我。前菜是炸豆腐，配上木魚碎和蘿蔔蓉，甜鹹滑溜。三色丼以海膽，蟹棒，三文魚子，醃蘿蔔，酸薑組成不太愛好海膽的我，竟覺得這四片海膽很好吃哦。海膽滑潤，鮮味無比，啖啖滿足，值得加分三文魚丼被醬汁醃製略鹹，伴上滿飯米飯味道剛剛好我沒嚐味便下醬油，千萬不用下醬油，不然會過鹹哦烏冬是醬油熱烏冬， 烏冬滑溜，入囗順滑，一整碗吃光後，加上米飯，男孩子也有飽足感的。

今日約左同朋友仔去灣仔食lunch, 揀左去QRE嘅木槙料理食日本菜。一入到去環境舒適乾淨，可以一邊望住合和個景，一邊同朋友仔食飯傾計。適合三五知己吹水聚舊。Lunch set 嘅選擇都幾多，成日食都唔洗怕悶。今次叫左北海道三色刺身飯定食，有我最鍾意嘅海膽同三文魚子，定食包一客湯烏冬，沙律同日式蒸蛋。刺身非常新鮮，唔會有腥味，值得一試！尤其係海膽，個人推介。雖然午餐黎講唔算好抵食，但係刺身新鮮，絕對值回票價。

平時路過灣仔利東街，都相重中意呢一帶嘅氛圍，今次有得係呢間木槙料理，都承傳到舒適恬靜嘅感覺。佈置精緻，而餐牌設計亦別出心栽，都完美展示呢間餐廳嘅心思。到最重要嘅食品，都無令到我地失望。分別叫左碎吞拿魚腩海膽定食同埋蒲燒鰻魚飯定食，前菜嘅爽脆沙津菜配上適當嘅麻醬夠清新，麵豉湯味道又唔會太咸，已經令我地一邊食一邊讚。而蒲燒鰻魚醬汁極之惹味，鰻魚魚身又係嫩滑無比、再加上蒲燒所帶嚟嘅香味，質素極之高。碎吞拿魚腩海膽飯，鮮味濃郁嘅吞拿魚配上香蔥，味道提昇左一個層次，再有份量十足而軟滑嘅海膽，真係夠晒豐富。最後嘅朱古力brownies, 朱古力味都幾濃，又有果仁餡料，質素比一般甜品店還要好。

一路都想黎食下呢度既lunch set, 價錢唔平但睇落好吸引，而且人有時就係要放縱下，今日lunch time黎到，見到好多人坐滿哂，就知無黎錯。Set lunch有好多款，主要100-300不等，一場黎到叫左最貴既木愼刺身壽司定食，呢個刺身壽司定食好吸引好豐富刺身好厚切新鮮，有蝦、油甘魚腩、劍魚腩、間八魚,仲有海膽，味道鮮甜唔腥而壽司主要係火炙，仲有吞拿魚腩蓉同三文魚子，壽司偏細件但因為款式多，仲有蒸蛋、沙律同烏冬，所以食完都好飽！烏冬煙韌彈牙，都好味道。甜品有雪米糍～整體好滿足好飽, 係就係貴左d但食完都開心既~

呢排天氣越來越凍但係又心思思好想食日本野不過天氣咁凍嘅時候再食咁多魚生同壽司有時都怕太寒會傷胃所以今晚特登揀咗銀雪魚西京燒套餐因為唔單止有熱辣辣嘅銀鱈魚佢嘅配菜亦都有三文魚刺身食一個套餐完全滿足晒我兩個願望店員一放個套餐上枱見到佢哋個銀鱈魚非常之大塊而且用上厚切嘅方法一間間厚實分明的銀雪魚魚肉一疏疏咁未食落口已經知道新鮮同埋好食不過首先就飲番個味噌湯暖翻個胃先至開餐三文魚刺身都係大大塊而且新鮮食落口三文魚味充斥滿口之後食銀雪魚 銀雪魚煎得非常香脆而且如有濃郁非常淨係睇過魚皮位下面嘅皮下脂肪已經令我流晒口水而且銀鱈魚非常厚實但食落口又滑溜溜而且用上西京燒嘅方法可以將銀雪魚嘅魚油香100%咁釋放再配合粒粒圓潤的日本米呢間餐廳處理銀雪魚嘅方法簡直令人帶拍手掌

朋友邀請嚟呢間日本菜，一嚟到感覺好優雅，木既長走廊設計，感覺好舒服，坐位都好寬敞。叫左前菜枝豆$38，比我平時食既較soft, 而且豆味濃，絕對唔係出面冰凍硬實既貨色。另一前菜，煎餃子$48，皮薄餡juicy柔軟，煎到個底脆脆，yummy!送酒小吃，燒烏魚子$78，咸香魚子加青瓜食，第一次，但又唔錯，互相中和，唔覺得膩。主菜叫左極上壽司丼定食$398，一上碟眼前一亮，全部刺身好肥美，而且超厚切，鋪滿到見唔到飯，有我至愛既大海膽，大拖羅，中拖羅，三文魚籽；其餘的油甘魚腩，三文魚腩，帶子，牡丹蝦，鯖魚等都比平時見到既肥美好多，果然真材實料。值得一提是深海池魚，原來大條既池魚係咁鮮美多魚油。麵豉湯雖然度度都有，但呢度既有鮮味，唔係一味咸，昆布豆腐又多，平時唔多飲麵豉湯既我，今次飲晒，哈哈，呢d先係日本人至愛既麵豉湯定食中仲有豆腐同沙律，整體都好有水準，睇得出佢地對食物，從微小的都好有要求。最後叫左個熱飯作結尾，滑蛋黑豚扒飯，熱辣辣既炸豬扒，脆皮但粉唔厚，豬扒仍juicy唔乾身，配埋滑蛋汁，唔錯!店員介紹呢度雪芭係成個水果的，但今次貪心叫埋好多野，真係食唔落，下次一定要留肚試吓

因為經常去合和，喜愛不斷研究有咩新去處，QRE內日本菜木槙料理 ，網上見佢既壽司飯賣相好吸引，晚市原來有定食，木槙極上壽司丼定食，$398，賣相的確好吸引，全部刺身都好大塊，仲要超厚切，將飯完全掩蓋住，多到擁出嚟既感覺有海膽、大拖羅、中拖羅、油甘魚腩、帶子、三文魚籽、深海池魚、鯖魚、三文魚腩、牡丹蝦同玉子。全部魚片都約3吋長，成1cm厚，好有質感，而且好新鮮。壽司飯係有顏色的，一問之下原來用左赤醋做的，感覺香d，配合肥美的魚生油脂，壽司飯的確係perfect match! 定食配埋粟米沙律，原來係幾好既搭配，食完肥美刺身食呢個沙律，好fresh! 土佐豆腐好滑，仲有麵豉湯。店員介紹的梅酒，原來有打溶左梅肉既入面，飲落雖然沒有粒粒果肉，但好易入口，無出面既梅酒咁酸，亦沒有酒刺喉既感覺，11%酒精，唔太高，同朋友打酒談心啱晒!煎餃子，皮薄煎得香脆，裡面肉好霖滑，呢個質數，$48算抵食燒明太子，$78，燒完切片，用青瓜薄片夾住，係幾好既食法，咸香既燒明太子，夾住清新既青瓜，可中和咸味，明太子好香，口感又帶點爽脆，幾好的送酒小食滑蛋黑豚豬扒飯，$158，剛炸起既感覺，豬扒表面鬆脆，豬扒肉質嫩滑

賣點:1. 好靜2. 影相呃LIKEDinner Set是整個menu最抵食的叫了dinner set最貴的極上一來到個樣好吸引，感覺樣樣都很新鮮。原來外表是不能盡信的，視覺和味覺有點落差。海膽並不鮮，口感是有的。蝦也是。其他正正常常沒有特別的。$398這個價錢這個質素是可接受。

Reception area and sushi bar staff have very bad manner. 不知所謂。開開心心入座，大把吉位，我未坐好只是在幫自己拉好坐椅坐好高高的bar椅，手袋自然地放在旁邊單人位，沒有多佔位置的意思，女侍應在未問未經同意下將袋塞向我，我仍未坐好就要應付該女子的突襲。我不常寫食評但不肚不快。

身邊朋友對這間位於灣仔QRE的日本料理，木槇，反應不一。有朋友說午餐很抵吃，亦有朋友覺得普普通通，沒有特別之處。趁這天中午，對方相約我在這裡午飯之便，一試其虛實。入座不久，差不多全院滿座，雖然索價過百一個午餐，但是依然其門如市，我還對拍檔說：（哈哈，可能係月頭，個個荷包都鬆動，就嚟豪一餐。）仗著對方請客，我厚著面皮，點了價值二百多的碎吞拿魚腩拌海膽飯定食。肥美油潤的吞拿魚腩碎，已經夠挑逗，再加上海膽在魚腩面頭，算點先？把兩者拌勻，不得了，邪惡到無朋友，一大啖放入口，根本不知膽固醇為何物，只覺得好_正。套餐還有不錯的茶碗蒸，沙律，與麵豉湯，吃到差點忘記，我是來傾生意。

位於合和對面的QRE Plaza 的木槙，這裡午餐價位達中環級數，最貴的壽司刺身定食要$288, 最便宜的山野菜烏冬也要$108, 故對她要求也達中環級。店設計以黑色木為主調，走型格路線，壽司檯設在正門位置，客人一進入店即聽到歡近語。坐在梳化位置，朋友說梳化較矮，不夠舒適。上菜速度頗快，下單後不用5分鐘，即送上季節刺身定食，約8分鐘便來 toro 蓉伴海膽飯。兩份定食的份量十足，刺身定食的內容跟餐牌相片相同，有海膽、牡丹蝦、藍色天使蝦、帶子、炙金目鯛、醬油漬章紅魚等，刺身外表新鮮，溫度適中，海膽味道濃郁，沒有腥味，配紫菜同吃更佳；牡丹蝦肉質爽脆，蝦膏豐膄；炙金目鯛配上汁醬夠醒胃。朋友的toro 蓉拌海膽味道出色，朋友說toro 蓉油脂夠，加上海膽就「無得輸」！服務尚算不錯，不時添茶，我們用餐後沒有狂收拾或不斷問你要不要加甜品之類。刺身定食$218，toro 蓉拌海膽$188, 性價比算不錯，可以當作稿賞自己時來享受一下！

Took my uncle, aunts and two teens here. Service was great. Spent about a month so far in HK and have gotten used to getting the dinner check right after you order and this place is definitely a no-rush bring the check at the end kind of place. We got the house special sushi set, beef udon, eel over rice, grilled shark fin, fried chicken, a few hand rolls, and a few other rice plates and rolls. Everything was great. I would come back again.

Helen從美國回來數天, 是日大家則來過re-u. 地點點選了木槙. 在它剛閧張的時候吃過一次, 印象中配菜不錯, 但主菜一般. 朋友訂了枱, 週五晚上七時半到達, 只有一成滿, 非常冷清.環境不錯, 燈光柔和, 也適合chit-chat.點選了最貴的刺身飯set. 等待一會, 侍應送上食物, 很令人失望. 刺身色澤暗淡. 一點光澤也沒有. 試一口, 果然意料之內, 刺身一點鮮味也沒有, 海膽更有一陣臭渠味, 連放入口也不能, 索價五百多元, 絕對沒有下一次.

When we were having lunch at grandma's last Sunday, she said that my uncle was going out for dinner, and she didn't want to have dinner alone.  So, my aunt suggested that we go to a restaurant at QRE Plaza since she had a coupon for the East which would expire soon.  Grandma hasn't had Japanese food for a while, so I called Kimaki to book a table for the 4 of us for 7:30.We were seated at a booth, and I got the seat next to the window.  Upon inspection, I saw that the window sill was quite dusty

自從多了B女後，每次揾餐廳都要為她著想，再不能只考慮自己的喜好。如果想去食壽司，就要揾間有熱食的日本料理才能滿足B女。銅鑼灣的日本料理都試得七七八八，在評語上見有間在灣仔QRE Plaza內的「木槙料理」熱食選擇多而且價錢實惠，立即打電話訂枱。「木槙料理」只開星期一至六，明顯迎合上班一族。甫進餐廳，壽司枱正正在當眼位置，但不見太多食客坐在壽司枱。「木槙料理」不是由日本師傅主理，因此號召力不大？實在這裡的唐師傅曾効力於「稻菊」及「見城」，因此手勢都應該不錯。穿過這頗有氣勢的木牌坊及迴廊，引領食客到達地方寬闊的座位區，店方設有活動式間隔及垂簾，給客人更多私隱及空間；另外，店內放上不少盆栽，為客人提供舒適用餐環境。加上自然光充足，難怪食客大多選擇坐於這裡。這裏午市主攻定食並以熱食為主，選擇超過20多款，有雜錦魚生飯、魚腩海膽丼、炸雞、燒魚、鍋物等。大部分定食附上一客肥美的三文魚腩刺身、和風野菜沙律、飲品及甜品，價錢只需百多元，難怪當日不少一家大細到來光顧。一貫日本料理店的做法, 午市定食供應日式蒸蛋及沙律作餐前小食。兩者味道中規中矩, 沒有太突出的地方。＜吉列黑毛豬扒定食 $148＞套餐有幾