留家廚房

Open Now

Now Closed

屋企人生日想食中菜，見OpenRice很多好評就訂枱了，訂枱嗰時職員有叫我上網睇吓菜單，因為有啲餸係要預訂，職員話菜單最後幾頁特別菜式先要預訂，之後問問下先發現原來仲有其他菜式可能都要預訂，但菜單有冇寫清楚，其實真係有啲混亂Anyway, 預訂左焗魚腸，煙燻雞，黃魚麵同壽桃去到坐低咗加咗幾個餸，等咗差不多半個鐘先上第一道菜老人家同小朋友都已經好肚餓香酥扣肉卷2件 $80見到$80 兩條春卷我個心真係涼左半截每條份量真係同平時飲茶嗰啲春卷咁上下大細$40一條真係好貴裏面只係好普通嘅肉碎肚餓到連相都唔記得影苔條九肚魚 $128好香口，好味只係有啲貴留家叉燒 $188正正常常薑蔥焗廣島蠔 $168正正常常蝦子柚皮 $168唔錯鳳凰焗魚腸食食吓有個阿姐行埋嚟，話魚腸焗燶咗，所以冇咗，叫我哋叫過第二啲嘢，放低本menu 就走左一啲歉意都冇，真係好厲害👍🏻雪菜野生黃魚麵 $80@呢個係全餐最好食嘅，魚湯好香濃頭菜陳皮蒸金錢𦟌 $188食得出有陳皮味，但調味過咸清炒欖仁河蝦仁$248呢道菜真係好奇怪，清炒河蝦仁明明應該係爽口彈牙的，但佢啲蝦仁係完全冇口感可言，蝦肉未至於霉，但咬落去好似咬粉團咁，完全

多久之前客人帶我到留家午飯，給留家的煙熏雞深深的打動了，雞肉又嫩又滑，淡淡的煙熏味，直情是嗅覺及味覺的享受。那餐之後，心中一直想帶家人前來一試。家人慶生，特別提議到留家廚房，一個月前訂枱，充滿期待，希望家人都可食到煙燻雞的美味。飯局前一天，預訂了煙燻雞及焗魚腸。當日點了太史弋渣，叉燒，大腸釀薯，茄子，腐皮卷等。整體食後感：留家確實係食手工菜，但手工菜就唔一定啱食；正如太史弋渣，我真心唔識欣賞，食落係好似暖嘅雞湯啫哩，焗魚腸都係，味太醒。至於期待已久嘅煙熏雞，之前的好味唔見咗，家人食後感受不大！可惜。成餐飯，最讚的係叉燒！另外一題的是員工服務態度十分一般！

非常喜歡 吃煙燻雞，從青風街店跟到灣仔店，還是忘不了這裡的招牌菜，雞肉嫩滑，雞皮香脆，那味道令人吃過難忘，連煙燻雞汁也不放過，伴一碗香噴噴的熱飯，真是超滿足的感覺。

留家煙燻雞 $208呢度菜招牌菜式有好重嘅煙熏味，甜甜地嘅滷水汁加少少玫瑰花嘅味道留家叉燒$188烤得好香，有焦香嘅味道，肉質軟滑肥而不膩菠蘿咕嚕肉 $138酸甜適中，皮脆肉鬆軟虎掌菌五花腩 $208留家炒飯 $138炒飯好夠鑊氣，高水準

點了灌湯餃，吃了一口巳不想食，因為臭的。其他點心都不合格，不是過鹹就是沒有賣相。衹有麻蓉包有水準。值得一提是招呼，衰過的士佬。唯一可讚衹係坐得舒服。冇下次，請我都唔會再嚟。

這間食肆的評價都是偏好的，所以帶着期待來用餐。預先book了位及訂了他們的招牌煙燻雞。到達後，即刻安排我們就坐。餐廳內環境舒適，當晚亦非常之忙碌，不容易先可以叫到侍應來點菜及跟進等。除了煙燻雞，還選擇了咕嚕蝦球及艇曬蝦醬蒸玻璃肉。個咕嚕汁對我來講都幾好味，夠酸夠甜，蝦球都爽口彈牙。平時不吃玻璃肉的我都覺得這味餸還可以的。其他成員都覺得好味。當晚發生了一個小插曲，其實都不小，可以做主題曲😅話說之前預訂的招牌煙燻雞一直未到，詢問了侍應。侍應一的回答：仲燻緊，需要時間再過了一段時間，仲未見到煙燻雞的蹤跡，再次詢問了第二位侍應。他沒有再交待事情….煙燻雞還未到，決定再叫多一味餸：再詢問多一次這煙燻雞的狀況，第三位是應回答：好快到，仲有10分鐘。我本身信他的說話，點知他加咗一句：你們份玻璃肉都嚟緊㗎喇！我哋答佢：我哋已經食完左啲玻璃肉！10分鐘已到，連最後叫的冬瓜都食完的時候，還未見到隻雞出現。我哋決定埋單。還同他們的部長反映件事。他初初加咗句：其實喺廚房，嚟緊㗎啦⋯⋯Sorry mate, we weren’t born yesterday, we’ve had enough of your

菠菜湯顏色做得好靚，好翠綠，味道都唔錯豬腳凍的膠質部分少左啲，食落有啲鬆散，不過味道ok隻煙燻雞真係好好食😋新鮮雞（要預訂）有好多特色菜，九肚魚起咗骨，功夫菜👍🏻太史戈渣幾得意但覺得特別好食，同埋貴左啲$100/4件（未加一）試左一次就算了灌湯餃就真係好食，皮薄湯濃🥟日本番薯釀大腸幾有特色，如果有個醬點下會好啲，就咁食淡味左蝦多士好正，彈牙脆口，唔點沙律醬都好食可惜午餐無叉燒，所以叫左兩件叉燒包試吓，普通啦服務方面可能因為我哋坐喺角落，待應要叫幾次先應，同埋點菜時如果有禮貌啲會更好我覺得某啲菜好食過大班樓同埋大份啲

取消了活動，跟妻子家人一同出發過海來這兒炒飯唔算特別，是因為有小嬰兒在旁所以才叫個炒飯，不過都算夠熱。豬膶燒賣就非常好吃，因為平時酒樓的豬潤燒賣，通常都放了很久，但留家廚房的點心都是即叫即蒸，豬潤剛剛好，底下的又不會太過熟，夠熱剛剛好，美味。據說灌湯餃是這裏的得意菜式，不過平日都沒有怎麼吃灌湯餃的經驗，不知道孰好孰差。這兒的灌湯餃，內裏的湯汁非常杰身，見到好像湯羹一樣的。外皮不算太厚，夠滑身，內裏有些肉和菇，味道夠香濃，熱食都是相當不錯的。麻蓉包，也是外邊的酒樓比較少見的，又是即叫即蒸，因此味道比較好，味道不算太甜，比起蓮蓉包就沒有那麼杰身。這碟豬蹄筋就顯得比較特別，一大碟好像白灼的樣子，旁邊有細細碟豉油，可以加少少豉油以及長荵調味。本身豬蹄筋有少許肉，又有些筋更黏着在旁邊，豬蹄筋夠爽彈，但又有點膠質在內，因此吃落有兩種口感。後來再加一個叫做太史戈渣，據講好像豆腐那種質地，蒸完之後再放上蹀，再可以醮糖來吃，味道不算特別，只係覺得少許像奶類製品，輕微甜味，但質地比較奇怪，試一次就夠，不覺得會是令人非常喜愛的食品。不過這間留家廚房就像私房菜，上到升降機，上到去其實樓面都不太大，因此坐滿曬，

留家廚房上網見到評價唔錯同埋有好多粵式功夫菜，但無論係食材、煮法同調味上都好有問題，真心我食左咁耐粵菜呢間係最難食果間留家叉燒 ($188)上網睇過條片係老闆劉健威測試邊間燒味鋪叉燒最好食，諗著佢啲叉燒應該幾好啦，咁就係訂台果陣留左份試下。叉燒有八成都係瘦既，又乾又鞋冇肉汁，肉味好淡，又唔鬆化，醃料普通，基本上成碟野得剩返果兩成半肥瘦叉燒叫做唔差，不如老闆你試下你廚房啲叉燒先啦留家煙燻雞 ($208/半隻)呢樣係全餐飯最好果樣野，隻雞嫩滑有肉味，雞皮有幾強既煙燻味同滷水味，不過停留係雞皮，雞肉係完全入唔到味既艇曬蝦醬蒸玻璃肉 ($180)豬肉部位係冇問題既，半肥瘦食落爽口，但最大問題係肉味極淡，而蝦醬又可以冇咩咸香味既，其實呢碟餸已經叫做技術含量唔高，簡簡單單用靚小小既豬肉同蝦醬，都唔差得去邊，但$180比咁既質素既肉同醬汁?屋企整都好食過佢啦太史戈渣 ($100)呢個餸係功夫菜黎，煮法複雜所以比較少中菜餐廳肯做，我未食過但上網睇過應該係外脆內軟，內餡大約係高湯咁既味道。呢件野外脆係做到，但入面既餡係完全冇任何味道蒸過火既雞蛋咁，完全就係炸左一舊冇味既野蝦子袖皮($168)蝦子袖皮個蝦

之前聽過留家廚房大名但一直冇機會試，有一個星期六想碰碰運氣點都冇位.今個星期六終於book 到.中午到來已經客似雲來. 首先點了香濃的普洱茶，入口香然後點了醉鲍魚，酒香，鮑魚美味.再來個灌湯蛟，湯鮮味料足，又不咸.之前沒有定义燒那就點了义燒飽，一碟三件非常可愛，當也非常美味，相信在香港水準之作數一數二·最後點了黃鱔蛋白炒飯，飯粒粒分明，乾身，好美味及粉果和腸粉. 可以享受美食是一大樂事.

留家廚房飲茶唔錯架!今次試幾款都好滿意蝦多士, 冬筍鮮蝦餃, 松露燒賣皇 芋頭糕多士上釀蝦膠同原隻蝦肉再炸脆 又脆食到鮮蝦既鮮味 冬筍鮮蝦餃 呢種係好傳統做法,而家出面好少會加筍啦,有筍既蝦餃會更加香!鮮肉燒賣上點上黑松露醬,令到味道香氣再提升一個層次 肉鮮彈牙芋頭黨 煎到好脆口 咬開有臘肉碎同埋粒粒芋頭,又香又惹味灣仔軒尼詩道314-324號 W Square 5樓消費$200

因為掛住佢隻煙燻雞，所以特登再嚟食！不過今次煙燻雞懷疑係返整熟啲，一來等到遲遲都上唔到枱，二來今次啲肉明顯un 啲過佢嗰陣煙燻嘅香氣依然係好正～一提：老闆好好，專登搵人同我去街市睇啲新鮮嘅海鮮仲搵到抵食嘅鷹倉潮式炊倉魚$600點算甜甜幾特別喎呢種整法！不過可能太過期待啦大家🤣試一試之後大家嘅反應係——哦～～冬瓜煲超正！細嘅都可以不到4人x3碗！而且好多秒，入面仲有好多海鮮添有驚喜！子蘿牛肉叉燒勁多舊

上網見到呢間中菜好特別 白飯都有4隻米俾你揀作為飯桶 當然要試🤣呢間都好full我係book 星期五 要早一個月先book到位所以大家記得訂枱我仲預留左一份留家叉燒 （老公超鐘意食叉燒）係即叫即整 叉燒係用「梅頭嘴」咬落好軟 好厚燶邊位正 不過我個人唔係好鐘意甜 對我黎講 呢個蜜汁偏甜 除左偏甜 係完美呢間有炸乳鴿 同醉乳鴿 我地揀左72度醉乳鴿 係用酒醃左 再炸咬落都juicy 而且好香酒味👍🏻前菜仲有太史戈渣 係用上湯+雞蛋整第一次食呢樣野配埋砂糖食 好得意 都幾好食 入面係滑既仲有留家香雲吞 呢個真心正🤣🤣 入面係臭豆腐黎 新穎要知道 臭豆腐必須夠臭 呢到既好正 虎掌菌五花腩😋😋個虎掌菌勁好食 比羊肚菌更好食五花腩 夠淋夠肥 入口即溶我最鐘意係係用左辣椒煮 d汁辣辣地 用黎送飯無輸仲有蜆芥鯪魚餅 比較前面既dish 呢個普通d如果蜆芥更多就好😋至於個白飯😂 我落單時佢話得返柬埔寨 or 泰國米日本米sold out柬埔寨米好香 下次都會食返呢個佢Menu 我仲有好多野都想試 而且要提前預訂絕對會再黎😋

未試過嚟呢一種咁高質嘅中菜廳，多謝前輩嚟到慶功請食飯，令我大開眼界，終於有機會試啦！第一次嚟，係高級版嘅酒樓，環境服務價錢美食一流。呢碟腸粉食落好幼滑，正！第一次食蝦多士，原來係咁好食，一食就愛上了！呢款超推介大家嗌呢！蘿蔔糕煎到啱啱好鍾意食牛肉球嘅呢款一定要嗌，好入味劉家煙燻雞整得十分出色，由佢上枱嗰一刻，香味四溢，煙熏味太香了，成隻雞咬落好滑，佢嘅滷汁特別芬香，係我食過最好味嘅煙燻雞！松露燒賣幾好食 最後嚟個燉湯，飲完好舒服，推介大家食完醒返碗！哈哈！整體感覺食完返尋味！

響點心界當中，其中有一款我好鍾意食但係又冇乜地方做到嘅就係灌湯餃，我講緊嘅唔係一盅盅用湯浸住嘅浸湯餃，而係肯點心籠蒸出，皮薄，篤穿左入邊就有湯汁流出黎嘅正宗灌湯餃。之前飲食男女有一個灌湯餃特輯，但由於俾人接埋咗都已經睇唔到，反正其中一間就係留家廚房。灌湯餃嘅皮做得好薄，湯汁味道好好，餡料亦都好足，一人一隻，好有滿足感。蝦多士除咗黑膠仲有蝦肉，雖然唔係好大隻，但查完之後一啲都唔油膩，喜歡食香口野嘅朋友一定好鍾意。劉家廚房老闆劉翁師承江太史一系，其中一道特色菜係太史戈渣，係用雞湯蒸做底左一個糕點，然後再拎去炸，最後點少少糖食，喺呢度嘅其中一款招牌菜。另一道有名嘅小菜係苔條九肚魚，香口而入邊嘅魚肉好滑身，不過我就覺得個燒汁多咗少少。蝦子百花釀豆腐嘅蝦子味道好充足，多口味龍嘅嘢，食少少清淡嘅菜式中和一下。蔥油撈麵睇落好簡單，但越簡單嘅菜式月考功夫，面唔可以太乾唔可以太濕，蔥油要夠味之餘又不能太濃烈，平衡需要做得好好，而呢個絕對做得到。甜品蛋散都好夠鬆軟，有蜜糖同椰絲，不過個人就認為蜜糖唔係好夠啦。呢度嘅環境坐得舒服，侍應服務都唔錯，食物水準更加係一流。但如果要食灌湯餃記得記得記得一定要預訂，唔