留家廚房

Open Now

Now Closed

8月2日，同家人去慶生，一早已訂了數個菜，當天晚飯6:30到，只有幾枱客，同侍應溝通完，再加道菜，等了20分鐘左右，白肺湯到，好味！之後上了些頭盤，太史戈渣、留家叉燒、酥炸普寧豆腐、豬腳凍、酥炸大腸，不過不失，之後上煙燻雞和柚皮羅漢上素，就停咗，差不多食完但蟹籽海皇炒飯還未上，問侍應check 完，話漏單，ok, 咁咪等下，誰知等了20分鐘都未有，再追，話做緊，ok ,又等了20分鐘，算！唔黎就算，叫上壽包，已問那位好似高級點又上了年紀的男侍應（應該是部長吧）問他壽包要等多久，佢話5-6分鐘，ok10分鐘後，又無，那個男侍應直頭唔理唔跟進，直係火都黎，前後等了50多分鐘，蟹籽海皇炒飯及壽包是幾日前已訂，唔係後加單，投訴咩，佢哋話唔關樓面事，見我哋發火，埋單，就馬上拿碟芝痲卷放枱面加句送你哋食，就即刻閃，我哋已經即刻話唔要，唔好浪費！總括：食物ok, 但服務就太差，不值這個價錢，沒有下次，很差的慶生飯😡😡😡

今日又有中菜愛好者嘅朋友陪我去食中菜啦🤣去呢度食真係波折重重第一次去就係因為無Book到位所以無位入第二次一早Book定但就因為疫情禁咗晚市所以又無得食今次終於成功同朋友夾到又Book到啦！所以要食返夠本太史戈渣 -$100/4件同朋友都覺得個名好特別而且未食過睇個樣好似幾好味咁雖然唔知係啲咩但都決定叫嚟試吓口感有啲似玉子豆腐都幾滑又鹹鹹哋咁但佢又會沾砂糖成個食法都幾特別😂杏汁菜膽白肺湯 -$88成個湯都係奶白色，開心🥰杏味唔算好濃所以好好飲😋豬肺份量都唔少而且好彈牙老火湯 -$45個味都好濃而且重有湯渣係度👍🏼好味🤣啱晒我哋2個湯怪留家煙燻雞 -$208/半隻係乜都無留嘅情況下都叫到隻雞係幾感動🥹因為好似好多嘢都要留定而呢個煙燻雞係有啲驚喜嘅上菜已聞到好香嘅煙燻味食落重有淡淡嘅木味肉質亦唔會好韌鴛鴦魷墨汁蒸鹹蛋肉餅 -$168睇個樣全黑色幾特別食落都唔差咬落仲幾有彈性😂鹹蛋個鹹味唔會太勁反而可以帶岀魷魚個鮮味咕嚕蝦球 -$208蝦球大大粒又爽口炸粉唔會太厚酸酸甜甜咁好開胃72度醉乳鴿 -$138好耐無食過乳鴿了咁啱朋友都鍾意食所以叫咗1隻嚟Share都幾Juicy肉質又幾結實但又未係

今日黎留家廚房食手工菜黎之前梗係要訂啲嘢食，今次就想食慢煮牛肋排同江南百花雞慢煮牛肋排：配上腐乳芝士汁，牛肋肉低溫慢煮左廿四小時，肉質林滑，牛味豐富，配上呢個腐乳芝士汁，初頭覺得會唔夾，但係又估唔到好似食緊西餐牛扒咁夾至於江南百花雞，可能係我唔識食，係用雞皮伴蝦滑，傳統嘅手工菜，但係我覺得食落又唔係傳說中咁好味，蝦膠好食，但係配埋雞皮，暫時唔識欣賞反而我覺得咕嚕蝦球，做得比較出色，蝦頭爽甜，配埋個咕嚕汁嘅酸甜，簡直一絕，好食到我唔記得咗影相

回想去4月底，那時剛剛回復生活正常，可以回公司工作。巳經有2.5個月，冇見同事啦，我哋幾個約埋一齊食午餐敘舊一下。其中一個提議食點心，另一個提議嚟呢度食，咁我就負責訂枱啦～留家煙燻雞 (HK$208/半隻)．呢個招牌菜，試過會覺得真係色、香、味俱全．上枱巳經聞到好香，入口雞肉嫩滑，雞皮吸晒啲鹵汁，呈現出金啡色，好吸引雪菜火鴨絲炆米 (HK$108)．米粉入味，一條條的，口感軟腍．鴨肉絲咁滑溜，不過肉不太多大史戈渣 (HK$25/件, 4 件起)．每件看似日式玉子燒，其實係以上湯和雞蛋製成的炸蛋．入口是酥軟口感、蛋香、不過味道會比較淡一點，可以點少少白砂糖一齊食蜂巢芋角 (HK$45/籠)．外表真係好似一個蜂巢😮．內裡除咗芋頭好粉之外，中心仲有驚喜的餡，是粟米粒嗎？🤔筍尖鮮蝦餃 (HK$52/籠)．算大隻，餃皮幾薄，蝦肉新鮮爽彈松露燒賣皇 (HK$48/籠)．驚喜在每一粒面頭都有好多松露，肉厚實彈牙南瓜湯鮮竹卷 (HK$34)．這個配南瓜湯汁真係第一次見，好特別😮．鮮竹卷正，幾多餡料焦糖雞蛋撻 (HK$36/一碟)．餅皮蛋撻上面加上焦糖香，好食，但正常呀～

讚1 部份嘢食的確係好味 豉油街雞香得入味 腐乳牛有肉香又鬆軟 第一刀夠爽口 海角仔都扣得入味 唔係四圍見到既嘢食水準2 環境幾舒服 老闆啱嘴型彈1 部份手工菜係令人失望 戈渣唔夠熱係不能接受 中腸釀番薯好有創意 但大腸過瘦 完全無油香滲入番薯到 兩個味唔夾呢

難得有餐廳主打用本地食材，心思思好耐想試，終於比我早三星期book到。一去到門口，呀部長好醉心如「煲電話粥」。點解我會知？因為聽佢傾計嘅對話同語氣，絕唔係同客人對答，似同女朋友咁款。我企喺門口，佢無望過我同理過我，等咗2-3分鐘，先有裡面啲侍應行過見到我。唔係酒樓應有嘅服務態度。食物一般，招牌雞啲肉偏un同埋層皮好厚，可能我偏愛食淋肉啲，同埋唔鍾意咁厚皮，唔太識欣賞。其他菜式不過不失，唯獨蛋白炒飯炒得好，炒到粒粒分明，可以添食。啲侍應都係趕人走feel，無問我地仲食唔食野就陸續收晒我哋啲餐具，差在未收埋枱布。不過佢中途有自動幫我地換碟，隻碟仲要係暖，哩個位加分。到埋單走果陣，部長都係好忙咁企喺到做吉祥物，見啲客走都唔識講句「多謝晒」/「再見」。其他做細嘅更加唔會，上面果件都咁嘅樣，下面啲人又會好服務得去邊。加上哩間餐廳本身都好難book，好唔休做，都無緣再食。

今次同埋一樣咁鍾意食中菜嘅 foodie朋友 去左一向口碑載道嘅留家廚房💛！留家叉燒 🐖 以豬嘅脢頭嘴部位製作，水準的確拍得住某幾間星級中菜餐廳。叉燒嘅肉質夠腍而不會過實，燶邊位置非常正正，其他位置鬆化易咬，蜜味醃製得剛剛適中，不會過甜。絕對係qualify為留家嘅招牌菜。杏汁菜膽燉白肺 🐽 🫁🍲一拎起🥄就知非常足料，潤一潤、補一補，啖啖都嚐到香濃嘅杏仁味道😌留家煙燻雞 🐓 ，經玫瑰露及豉油醃製後，再煙燻，一上菜就聞到陣陣香味，鮮雞皮薄肉滑，但個人認為整得再入味啲會更加好食🥴最後壓軸出場嘅係蔥油拌竹升麵 🍜 嘩！條條都非常彈牙，亦冇乜鹼水味，再加上惹味的蔥油，教我如何不愛它？😌📍 留家廚房灣仔軒尼詩道 314-324 號 W Square 5 樓全層

光顧留家廚房，一定要有準備，由於全部都係心機菜，所以訂位嘅時候已經訂埋菜式。鎮店之寶留家煙燻雞，據稱用足 100 日大嘅靚雞先以鹵汁浸熟，再用片糖，甘蔗同乾玫瑰花蕾煙燻而成，平時最鍾意食煙燻食物嘅我當然覺得勁正，一放入口就聞到朕煙燻香味🤤。另一樣我覺得好好食嘅係留家叉燒，據稱係採用較為罕有嘅梅頭咀，並以廖孖記醬料醃製，即叫即燒，肥瘦均勻，蜜汁香甜肉味濃，仲有我最鍾意嘅燶邊，💯分。蝦子柚皮平時好少食，今次一食又係愛上，兩大塊柚皮炆得好腍，差啲入口即溶，據聞係用金華火腿鮮雞湯炆，難怪咁入味；芡汁口感偏稠，入面有我最鍾意嘅蝦籽，好正。冬瓜盅又係我嘅至愛，用料豐富，湯汁鮮甜，飲一碗其實唔係好夠喉😂。梅菜蒸芥膽又係第一次食，重點係鹹香嘅梅菜，芥膽反而變咗配角。最後係製作勁需時嘅太史戈渣，呢個原本係北京街頭小吃，主要以上湯，雞蛋同粟粉製成，食落味道有啲似玉子豆腐，幾特別，但唔算得上好好食。值得一提係呢度嘅白飯，同伴話係用好貴嘅日本電飯煲煮，特別好味，我唔係飯控，其實唔太食得出個分別😂。

慶祝生日約咗朋友嚟食留家廚房，本身約夜晚，但又停晚市堂食，唯有改食午市變咗飲茶。餐牌上選擇都好多，第一次嚟所以嗌咗啲招牌菜留家煙燻雞同太史戈渣。叉燒都係招牌菜，我哋都好有興趣，但侍應只答一句「而家無喎」。唔知係嗰日賣晒，還是午市無供應，唔明佢咩意思…首先上枱嘅係留家煙燻雞，一上枱就聞到好香煙燻味食落帶煙燻味嘅滷水非常香。雞皮薄，脂肪唔會太多，雞肉嫩滑，就連雞胸位都好滑完全唔鞋用上新鮮雞所以有埋雞肝同雞腎，雞肝甘香，雞腎爽口，兩樣都好食另一招牌菜 - 太史戈渣，以高湯加雞蛋再上粉炸成，係個好花功夫嘅菜式。食時加啲白砂糖喺面，表面酥脆，味道好似玉子豆腐，同樣口感滑溜，但就多咗高湯嘅味道。苔條九肚魚粉漿夠薄，炸得非常酥脆，而且唔油膩內裡九肚魚嫩滑鮮味，帶點海苔嘅香味。炸到金黃色嘅蝦多士賣相好靚，食落多士酥脆唔油膩，蝦肉鮮味有彈性星期日限定嘅三色帶子餃造型精緻，表面橙色係蟹籽，黃色綠色分別係粟米同菜粒。內餡除咗有帶子仲有蝦肉，蝦味比帶子味道更突出。火鴨絲腸粉皮厚薄適中，中間夾住好多火鴨絲，好足料芋角比起一般無咁油膩，內餡芋泥綿密，好好味鳳凰煎米雞係煎嘅糯米雞，表面煎到微燶，口感同煲仔飯飯焦相似

一班人食飯要食中菜嘅話最近都成日去搵留家廚房，去酒店收費又太貴，去普通酒樓食物好多時真係又凍又無味，留家廚房無論係午市點心或者係晚市小菜都非常可靠。沒有太多嘅花巧，扎扎實實既粵式點心，食得滿足又開心！推介潤腸卷同煎糯米雞，其他地方好少見到。而每次必叫的有佢地既茶燻雞，燻得很入味，唔只皮香，肉也滲透煙燻味，食過好幾次水準都穩定。仲有必試佢嘅炒麵，炒得乾身又彈牙，同平時酒樓炒嘅完全係兩回事，配上辣椒醬，食得好飽都要忍唔住食多兩啖！

留家廚房：另一間傳統手工粵菜之選太史戈渣： 我諗除咗七福、文華廳之外，佢應該係其中一間有呢道菜嘅粵菜店個人最鍾意煎釀龍牙豆，食完就知道佢嘅功夫非同凡響，即係鯪魚釀豆角，爽脆。蔥油蝦子麵，就算我知道佢喺長沙灣坤記入貨，我都做唔到佢嘅功價，炒出每條銀絲，爽而不油臭豆腐雲呑又去令一度10分少有的菜式價錢公道、值得一去

2021年最後一日，同屋企人嚟食晚飯，之前嚟過幾次，隔咗兩年多無嚟，今日亞哥訂咗呢度食飯。呢度俾我嘅感覺有啲似私房菜館，食物質素唔錯，價錢殉唔算太貴。老火湯亞哥嫌味道寡，但我就覺得幾好飲。類似上海菜水晶餚肉，肉質唔錯，不過水晶就得薄薄一小層煙燻雞係呢度嘅名菜，我哋叫咗半隻，連肝上，雞肉甜中帶住啲煙燻味，幾特別，可惜越食越鹹。我哋叫咗一碗分食，啲米係靚米，個飯好好食黑東星兩食：斑球炒得好，大大件，好食炆腩改做冬菇、廋肉絲古法蒸，但食落有啲腥味送嘅菲林卷同蓮子紅豆糖水都好足料

打去訂位時已經留左叉燒，煙燻雞，冬瓜盅。一路食都無乜服務可言，收茶錢但係唔催都無茶飲，食物普普通通 完全無特別。上菜到尾聲炒麵都到埋 同侍應追我地訂左嗰份叉燒 佢求其應：燒緊啦，係要咁耐架！轉個頭就聽到個黑白衫侍應同部長講 唉我唔話識講大話 你同個客講啦！個部長歉都無道 就咁話有有人漏單 而家整要等半個鐘 你地取消啦⋯⋯咁我地坐低double check落左咩野食嗰陣你唔講？早途追單嗰陣又唔check？無一點值得去既餐廳 唔會再幫襯。

雖然我唔係住港島區，但都會每隔一兩個月就要過來食個飯，因為真係太高質，太好味。佢既招牌菜煙燻雞同埋叉燒，今次我都無叫，係因為真係想試吓佢地唔同既菜式。季節限定奄仔蟹（$2xx@）見到佢地某社交平台話有奄仔蟹，作為一個蟹痴，專登book枱時留埋呢隻蟹。當見到隻蟹就知道，今次一定好滿足，啲蟹油流哂出嚟。一食落口，除左蟹膏好香之外，連蟹肉都好鮮味！，如果你鐘意食蟹，真係一定要試吓！花旗蔘燉竹絲雞（$88）一打開，花旗蔘既香味即刻衝入果鼻到。再飲一啖，完全感受到果股甘香味（老人家至愛）牛肝菌竹笙燉雞（$88）呢個湯同花旗蔘湯完全唔同，呢個湯既清甜，令你會忍唔住飲完一啖又一啖雙冬羊腩煲（$6xx)坦白講，呢個羊腩煲有少少過貴。不過佢標明係新鮮羊腩，所以我估係令成本高左。講返食物，其實係好好味，亦都有好多件羊腩，唔係話食兩舊就無哂同埋每一舊都肥瘦均勻

是次一行4大2小，到呢間樓上舖慶祝友人生日。點了4個菜式，人均$350，屬貴價，但高質之餐廳。走進餐廳，內裡有些裝修，環境唔錯，枱頂還有一缸金魚，效果獨特。打開餐牌，有好多菜式都想點，尤其係陳皮鴨腿湯，可惜朋友嫌貴，沒法試，有點遺憾。最後點了叉燒，鹽焗雞（雞鴨類要一天前預訂），魚湯什菜煲及薑葱蝦籽竹昇面。看似普通的菜，意想不到是每道菜都用心煮，比出面酒樓好味好多，不在一個檔次的。（1）先講叉燒，是即場燒制，所以等得比較耐，而入口鬆軟但有咬口，入味而味厚，個個爭住食。（2）鹽焗雞，非常嫩滑，又好入味，而家都好大隻，餐廳還很貼心，分開2碟，每碟半隻，方便大家夾黎食。（3）什菜煲，雖說是幾種菜灼熟，再加粉絲蝦米煮出黎，不過，用料上乘，蝦米是厚身大粒，食起上黎口感好好，加上魚湯濃郁，令到啲菜味道也濃厚，最後連湯都飲哂。（4）最後係蝦籽面，看似簡單，但面爽，無鹼水味，蝦籽份量適中，不太咸而味道足，配上薑葱，就成了又香又有口感，又爽口好味既蝦籽撈面了。因成餐都唔係飲好多水，證明無乜味精。總結： 以味道層面看，是十分值得推介。但一分錢一分貨，價格也跟質素一樣是高。如果想食好野既你，就值得一試了。