吉勝吉列串揚專門店

Open Now

Now Closed

今日過大角咀搵下有咩好食，呢邊不嬲小店多，時不時就有驚喜☺️見到呢間吉勝吉列串揚專門店，入去試試先先講下叫左咩炸物-日本南瓜、冬菇-粉漿炸得好薄，唔會蓋過南瓜同冬菇嘅鮮味👍🏻黑豚肉韭菜卷-黑豚肉同韭菜配合一齊炸又真係幾好食，豚肉嫩熟得黎韭菜又唔會炸到柴哂👍🏻紫蘇雞肉-呢個堅得😂平時我係唔食紫蘇葉，佢咁樣配搭一齊炸，個味道好得意，真心好食吉列蝦-普通野😂都係炸醬薄咁囉😂吉列黑豬柳1件-略嫌細舊，同埋肉質有點柴🥹泡菜豚肉鍋-份量超多，鍋上既豚肉十分嫩滑，味道亦唔會太濃呢度Cp 值幾高，坐落旺區價錢相宜，另外佢仲有個白酒menu🍶,不過我揸左車無機會試😅

已黎過呢到好幾次食lunch，呢到既lunch set 真係好抵又好食！秋刀魚刺身店員推介，話每年10-12月當造先有得食！岩岩可以趕到尾班車食，咁細條既魚要切成刺身真係好考功夫，點柚子汁同蘿蔔蓉食仲有提鮮既效果，同點WASABI食完全兩回事。炸串揚蓮藕南瓜免治雞肉子持昆布配獨特既醬汁食，一點油膩感都無。特別推薦蓮藕，好爽口！日本吉列豬扒炸粉漿唔厚，豬扒半肥瘦，炸到好酥脆，白飯椰菜絲任添🤤，晚餐都好抵叫！壽喜牛肉鍋湯底較甜，配菜有豆腐、金菇、洋蔥同娃娃菜，食完個烏冬我地仲加左碗飯繼續食🤭。第一次食晚餐，同樣驚喜又實惠！🥰

假日去大角咀搵美食，揀咗呢間居酒屋入去食午餐，店內裝修有日本風格，環境舒適，店員又nice頭盤先呢碟季節限定嘅 [ 原條秋刀魚刺身 $148 ] 真係第一次食，仲要砌得好靚，又𠝹哂花，味道係鮮甜肥美午市定食就叫咗兩份，包括有兩碗麵豉湯及兩碗沙律菜，一份係 [ 牛肉湯烏冬 $78 ] 濃郁湯底，牛肉片份量多，而且肉質細嫩，烏冬口感煙韌彈牙，再飲埋個湯底更暖笠笠另一份定食係炸到金黃色 [ 吉列豬扒定食 - 熊本 $98 ] 又厚實又大塊，咬落口感酥脆，有肉汁有咬口，伴椰菜絲可落胡麻醬一齊食，仲有碗白飯，另外可以磨細碗內嘅芝麻，再加入吉列醬店舖嘅串揚較出名，再配埋秘製醬汁， 即叫即炸，炸到每串都脆卜卜，熱辣辣，一共叫咗2串肉及2串菜，有 [ 免治雞肉 $18 ] 用咗日本南部雞整嘅雞肉串，嫩滑好味、[ 黑豚肉蘆筍 $24 ] 黑豚肉又香嫩滑，蘆筍爽口，咬落爆汁、[ 秋葵 $12 ] 及 [ 雞脾菇 $12 ] 清甜好味，咬落juicy外層香脆，脹卜卜嘅 [ 芝士年糕 $32 ] 內裡熱辣辣，中間位置係流心芝士，最頂仲放有芝士，煙煙韌韌超好食吉勝吉列串揚專門店大角咀大全街48號大同新邨大榮樓地

午飯時間喺大角咀，呢度有好多有質素嘅小餐廳，有啲時間，咁就喺幾條橫街嗰度行吓望吓，見到呢間，乾淨企理，有午餐食，咁就決定入去開餐啦😆叫咗 $78嘅「雜錦魚生飯」同埋 $30嘅「吉列蠔(2隻)」😆先嚟咗個小沙律🥗同埋麵豉湯，簡簡單單兩樣都幾好味😋。好快「雜錦魚生飯」就上，係典型嘅雜錦魚生，包括有三文魚片、吞拿魚片 まぐろ、蟹籽、烏賊、油甘魚、甜蛋 等，全部都新鮮幾好味😋。「吉列蠔🦪」用厚厚嘅脆漿包住，外邊炸到脆卜卜，好香口😋，裏面嘅生蠔🦪就新鮮多汁😋 ；仲配有大量新鮮椰菜絲，食落冇咁熱氣🤩

        大角咀~這個區域自90年代開始進行重建至今已形成一個新舊共存的小社區，區內一帶有不少餐廳，酒吧，火鍋店和不同風味的食店等。 今天下午與朋友剛好在這區，正是午餐時間當然不錯過在這區發掘美食的好機會呢~在大全街發現這間"吉勝吉列串揚專門店"朋友很有興趣，看舖前的Menu都很吸引價錢也合理！因爲我們都愛吃香口食物和日本料理。內望非常人氣！大部分是學生，想應是大件夾抵食那種吧！於是决定內進一試！內進坐下不久見大部分學生食客都用餐完畢開始離開了，是時候我打量一下這家店的環境……一般居酒屋的裝潢，整潔，光線柔柔的坐位舒適，店員招呼有禮。雖然是 串揚燒物專門店，但刺身酒類食品也相當多的選擇。我們點了~吉列豬扒定食  $ 78  包含，沙徤，味噌湯和白飯(可 Refill )飲品一杯等。吉列豬十分大件熱燙燙的！是選用了西班牙白豚肉，所以口感又嫩又滑外層酥脆可口！再配旁邊伴碟的椰菜絲的中和爽口非常，一點膩意也沒有。嫩滑的肉質一試難忘！爲保持芝麻原味，自己即磨後再加上甜甜地的吉列醬味道更上一層樓！味噌湯味道不錯，咸度適中。蔬菜沙律很清爽新鮮，有芝麻醬汁和醋選擇牛肉湯烏冬 $ 78大大

朋友約我到大角咀找美食，居酒屋近來是我的首選❣️氣氛輕鬆的一家店，先點了兩杯啤酒🍻麒麟啤酒，打卡感十足，氣泡打成沙冰狀，芒果味清甜帶淡香，青蘋果🍏酸甜開胃。胡麻菠菜沙律菠菜翠綠，新鮮嫩口，加上胡麻醬，加上芝麻，香氣十足。蟹子沙律滿滿蟹子舖面，蟹柳絲青瓜絲跟沙律醬拌匀，口感清新爽口。唐揚魷魚鬚炸得乾身香脆，魷魚鬚柔韌口感，外酥內嫩！深海池魚薄切擺盤有心機，考師傳刀工的薄切，每塊晶瑩通透，厚薄均勻，帶脂肪油香，入口甘香細膩。油甘魚加州卷油甘魚紋路清晰，滑嫩得來帶膠質口感，味道甘甜，充滿油香和蛋香牛油果配搭，更有層次。🌟炸串 可沾特製醬汁多春魚魚春卜卜脆，蘆筍一大枝，脆身得來不會搶過蘆筍清香，和牛肋肉入口即溶的口感，滿滿油香感帶濃香牛味，黑豚肉韮菜卷嫩滑，韮菜增添口感。壽喜牛肉鍋 配烏冬牛肉片熟度剛好的慢慢加熱，牛肉肉質細嫩，湯頭甘甜濃郁，蔬菜浸淋入味，最後加上烏冬夠飽肚幸福感滿滿，冬天必食😙會再來光顧的一家溫馨居酒屋，食物即叫即做，新鮮熱辣辣上枱，店員主動傾談，跟朋友一邊食一邊嘆啤酒的晚上🍻

小鬼出糧請食飯，極力推薦大角嘴大同新村「吉勝吉列串揚專門店」，非常期待的終於等到收工。甫進店內靚女店員笑面歡迎，並協助我做安心出口，之後帶我們入座。店舖地方寬敞，環境舒適有空間感。我們研究一輪餐牌後，決定先來一杯🤣🤣啤一啤。🍻Kirin 秋之限定版 - 桂花口味 $42太多口味我獨愛花香，所以點了一杯桂花味，好可愛泡泡沙冰，軟綿綿的沙冰更能保持冰凍，喝一口味道清爽甘醇好好飲。🥰🥢胡麻菠菜沙律 $36打頭陣前菜是清爽碧綠高纖維菠菜，混入胡麻醬麻香可口是一道開胃極品。🥢紫芋金栗薯餅 $38香甜紫芋外層薄薄炸漿酥脆可口，甜而不油膩，粒粒栗子增添口感，因其酥香鬆化故佐酒同樣不錯。🥢吉列熊本豬扒 $100金黃酥脆的外層睇得出香脆，急不及先食為敬，口感果然鬆化食落軟稔入味齒頻留香。別忘了椰菜絲，切得超幼嫩配以胡麻醬，口感清爽越食越開胃。🥢黑鯛魚 $138晶瑩剔透刀功細緻厚薄均勻值得一讚， 入口新鮮肥美鮮甜，肉質鮮嫩結實富彈性，剛才靚女店長話可配以薑蓉、辣蘿蔔蓉或者蒜蓉同食有提鮮味道，果然味道加上一層樓。😋😋🥢三文魚牛油果丼 $82三文魚肥瘦剛好有點脂香，配上油牛果加點豉油及胡麻醬，好味到大 Ich

朋友喺奧運站附近返工，今日星期六，約咗佢收工之後一齊食lunch，大角咀呢頭都好多小店，我哋行咗一個圈，之後佢哋嚟食呢一間日本嘢午市定食都有好多選擇，有魚生丼，吉列定食，和風定食，滑蛋丼，燒物定食，最特別係有自選丼定食，可以俾顧客自選喜愛嘅刺身食材，價錢都好親民，$100以內就有好多選擇餐廳裝修風格都非常有日本嘅感覺，有日本街頭畫，富士山🗻同櫻花風景畫，有如置身日本居酒屋嘅感覺✨魚湯海鮮湯烏冬$82朋友想食得清淡啲，就叫咗個海鮮烏冬，湯底呈現奶白色，一啖飲落口非常有驚喜，用大量白身魚煲食湯底，飲落同魚湯一樣冇分別，非常足料，魚肉分別有三文魚同鯛魚，三文魚肉質細嫩鮮美，而且沒有魚腥味，鯛魚魚肉堅實有彈性，口感爽滑，烏冬用咗稻庭烏冬，面條非常煙靭彈牙✨壽喜牛肉鍋$88賣相非常吸引，中間放咗一隻溫泉蛋，牛肉份量都非常多，用咗美國安格斯牛肉，油脂分布平均，肉質嫩滑，壽喜燒湯底有淡淡清酒味道，裡面嘅配菜同豆腐，吸收晒壽喜燒湯汁，非常惹味，溫泉蛋配埋白飯一齊食，簡直一流✨午市定食仲會跟一個麵豉湯同沙律菜，沙律菜非常新鮮，爽脆，枱面上邊已經有芝麻醬比你自己配搭

香港好少有嘅吉列串揚🍢 其實係黎自關西 沾上炸漿然後去油炸的串炸～ 惹味可口 呢間居酒屋就係主打串揚～ 當然仲有普遍居酒屋都有嘅刺身、壽司、料理等等居酒屋飲品當然好重要呢度好特別有期間限定嘅啤酒沙冰～ 不過唔想飲酒就飲梳打白桃梳打、巨鋒梳打 兩杯都好好飲🤭 香甜清爽油甘魚薄切 今餐最愛🫶🏻 油甘魚切得又薄又透 味道鮮甜 魚肉油脂相當肥美 肉質結實爽口 配以酸汁蘿蔔蓉食用 味道鮮爽 醒神又開胃泡菜豚肉鍋湯底甜甜地 各種蔬菜嘅配搭令味道層次更豐富 並配以烏冬 煙韌彈牙 秋冬食一流～ 暖笠笠～店家出名串揚當然嗌咗幾串試試～ 串揚都係$1X~$3X不等串揚配咗個醬汁 類似天婦羅丼嘅醬汁咁 甜甜地嘅醬油味～ 同串揚好夾～串揚都炸得好好 好酥脆又熱辣辣 唔會好油串揚都好特別 有幾款我地都覺得幾好食～～煙肉廣島蠔卷 炸蠔不嬲正～再配搭帶鹹香煙肉～豚肉蘆筍 炸豚肉好香 蘆筍又嫩 幾夾～豚肉韭菜卷 韭菜好香 同豚肉都好夾蟹子沙律$36有大大兜🙈🙈 油甘魚加州卷、三文魚壽司、火灸左口魚壽司面頭擺咗油甘魚刺身嘅加州卷～ 油甘魚都新鮮鮮甜 加州卷都唔錯其他兩款壽司都唔錯架～ 不過舊飯有啲太大🤭

這天突然橫風橫雨，但相約了朋友在大角咀吃飯。一進餐廳便感覺到店員的貼心，會先讓客人安頓好。值得一讚靠牆座位背面有些弧度，另一貼心的地方。🐟原條飛魚刺身 | $158第一次食飛魚刺身，它便是飛魚子的由來。加酸汁、洋蔥粒， 刺身爽口，點酸汁鮮味更突出。而且可以兩食，把骨都炸得脆卜卜。🌼原條沙甸魚刺身 | $98又是一款特別的刺身，沙甸魚罐頭就食得多，刺身還是第一次食。沙甸魚味道更濃郁，有些似秋刀魚，刺身上碟砌成花，可觀性高。🍻麒麟啤酒 | $42 250ml有不同口味的選擇，玫瑰、芒果、菠蘿、黑加倫子等，我們選擇了桂花及白桃味，厚厚的一層泡大啖飲時可造成白鬍子🧔🏻。香港已經得好少餐廳可以飲到麒麟啤，值得一試。來到串揚專門店，當然要試試。串揚一盆上，每一串都炸得脆卜卜，好欣賞它炸得不燶，感覺油溫控制得好好。另配上醬汁可自行調味。🎣多春魚 | $12燒多春魚好多時會散或燶，但串揚可以食到完完整整一條，多春又爽口。🍄雞脾菇 | $12咬下時仍有水份，外層脆內裡清甜。🦐大蝦 | $24去頭剝殼大蝦啖啖肉，蝦有鮮甜味。🍄冬菇 | $12外觀好日式，留有水份，不會太乾身。🍠日本紫薯 | $12一串有兩

老公今晚帶咗我去大角咀吉勝吉列串揚專門店食晚餐，餐廳環境裝修好有日本居酒屋風格。餐牌主打多款日本料理 ，有各式炸串、炸物、刺身、燒物、丼物、沙律等,亦有多款酒類及飲品提供 。山葵汁凍蕃茄：蕃茄好新鮮，味道酸酸甜甜，十分醒胃！金綫鯛刺身，魚非常新鮮，廚師刀工精湛，起肉去骨切片，片片厚薄均勻，肉質鮮甜，結實有彈性。配蒜蓉、薑蓉、辣蘿蔔蓉，能令味道提升。蒜香日本雞肝炒韭菜：日本雞肝來自無添加激素的雞，含豐富鐵質及維他命A。加上蒜蓉和韮菜炒得香噴噴，口感腍滑有蒜香味！鹽燒油甘魚鮫：外層香脆而內裏的魚肉仍保持香嫩，魚質肥美甘香，佐酒一流！日本青椒仔、免治雞肉、芝心竹輪卷、豚肉蘆筍、豚肉韭菜卷、紫蘇雞肉梅汁、日本南瓜、日本茄子、子持昆布、日本富士蘋果肉桂粉、日本迷你甜薯、日本紅薑炸串好有水準，炸漿薄身，食材炸得金黃香脆，乾爽唔油膩。芝心竹輪卷：一口咬破獅子狗卷的外層，就是流心的芝士，芝士夠多夠香。子持昆布 ：子持的意思就係有魚子包住，當一咬下去有很多粒粒飛魚子，卜卜聲相當爽口。黑豚肉韭菜卷：使用日本韭菜，所以特別香口，豚肉嘅肉味好甘香。黑豚肉蘆筍 ：兩者配合得很好！豚肉多汁，蘆筍也能鎖住水份好爽脆

全自費用餐體驗，真心想推介🇯🇵好耐無食食評😀因為無乜舖頭值得推廣今次同親人慶祝生日話要食日本野。為左避開旺區，加上深信小區非鐵路區食肆更具質素嘅迷思下🥸自己係開飯search到吉勝。我都幾肯定會再訪，亦有推薦朋友去🫰🏻：平日約7pm用餐真心我比滿分💯整個用餐體驗係好愉快且滿意👍🏻👍🏻⭕️環境裝潢簡簡單單，用上木系牆身，掛牆啲手寫餐牌都好靚⭕️座位闊落(超重要)⭕️細節睇得出對出品、食物嘅尊重，滿滿的儀式感，自己出街食好怕食肆比膠器皿裝食物，可以話你聽吉勝每一款料理，上枱時都會配合相關風格嘅碟、碗、杯、吉列食物用上隔油架、串揚用上不鏽鋼盆，我好欣賞💟⭕️服務十分十分好+細心1️⃣服務員小姐好友善2️⃣食物上枱感覺係有配合食客進食速度而送餐，唔會將你order一次過推哂上枱，唔會食唔切啲食物就凍哂，呢點好多高級餐廳都做唔到3️⃣餐廳空調溫度適中⭕️價錢合理，性價比高，每一個餐點味道都很好鐵板燒牛舌($98)認真講句，98蚊提供到8塊厚度不薄，又適度調味嘅牛舌，係高質嘅，加上明火鐵板燒好有儀式感🥰非常好玩。牛舌用牛油煎完真係好香，爽彈好食✌🏻燒油甘魚鮫($98)熱辣辣送上美味油甘魚鮫😚送酒一流一百蚊都唔使，好抵食

知曉大角咀橋底附近有很多食店，經過看到這家日式料理店，主打的刺身、揚串、燒物價格親民，照片賣相不錯，朋友生日邀請她豪吃一波，爽快又不心痛。胡麻菠菜沙律菠菜新鮮爽脆，胡麻麻香，簡單開胃菜。磯煮鮑魚日式料理店必點前菜，磯煮鮑魚肉質嫩滑彈牙、味道鮮甜、內臟柔軟細膩入口不腥、蘿蔔漬入味咸度剛好。日本真蠔真蠔整隻偏長身透亮、蠔邊爽脆、蠔肉飽滿嫩滑肥美、肉身奶滑，富微微海水味、鮮甜為主。刺身點了最常見的三款刺身，包括三文魚、油甘魚及赤貝。件件厚切肥美，魚類質感糯軟甘鮮，赤貝爽脆清甜。鐵板燒牛舌誠意推介性價比之選，牛舌每片厚肉大塊，在鐵板上兩面各燒幾十秒即可，口感爽口彈牙不韌，柔軟細膩，份量多打卡美。KIRIN一番榨果味啤吃揚物當然要配啤酒，選了荔枝及白桃，泡沫冰凉似雪花冰絲滑口感，入口即化，味道較清新，酒味較濃。啤酒冰凍卻果味濃郁，甘甜爽口。串揚來到串揚部分，我們點了蔬菜及肉類各約八款，蔬菜包括（左起上排）日本茹子、日本青椒仔、秋葵、（左起下排）子持昆布、冬菇、日本紅姜、日本迷你甜薯。以薄薄炸衣裹食材，入口不油乾爽，皮脆內鮮嫩多汁，有別於日常天婦羅口感。肉類（左起上排）芥末牛柳、極黑豚肉豬柳、多春

《吉勝 吉列串揚專門店 – 大角咀》前兩日收工約咗個前同事出嚟飲吓嘢傾偈，我呢個同事又係好鍾意食日本嘢，但係我前幾日先食完壽司又唔想次次都係食魚生，想試吓其他嘢多啲🤔上網搵咗一陣，見到一間應該係食日本炸串嘅餐廳，以前去大阪嘅時候試過一次幾特別，估唔到香港都有🤭唔使諗，即刻過去🥸當日去到都幾多枱客，店舖嘅裝修好有日本風，有一個日本太鼓可以俾人試玩😝但係勁多人喺度🤪我都唔好意思搗亂啦，由於唔太知道佢份量係幾多，我同朋友點得太多嘢食😎最後飽到傻左💁🏻‍♀️金綫鯛 刺身 $168朋友始終都係好想食刺身，問咗店員有咩介紹，佢哋話今日有金綫鯛魚，切嚟做刺身好鮮甜👍🏻由於價錢OK，所以我哋叫咗一份🐟師傅用火槍將個皮輕輕灸燒，食落油脂甘香，可以配搭柚子鹽或者酸酸地嘅醬汁一齊食💁🏻‍♀️秋刀 刺身 $128秋刀魚刺身真係第一次試，本來以為會好腥，點知唔會喎，反而係佢嘅魚油味好重，同埋條秋刀魚都幾肥下，食得出啖啖肉同埋有少少煙熏味😋💁🏻‍♀️串揚拼盤十本 $138炸串係我哋今日嘅目標，但係無從入手，所以就叫咗個廚師發板嘅拼盤，咩都有唔使諗😎拼盤有十串，其實份量都幾多，每人每串都分到少少☺️有鵪鶉蛋、日本迷你甜薯、