羅麥記 (荃新天地) (Closed)

呢排有個朋友唔洗返工，日日揾我出街食嘢，今日兩個人行荃新天地覓食，見到有間新開餐廳，裝修懷舊得嚟又好靚~正好可作晚餐之選地方好大，座位款式好多樣化，卡位同布椅都比較舒適，但由於都多人食，所以要搭枱~我地叫晚市二人套餐，同叫咗個比較特別的磚頭咖喱焗軟殼蟹飯。二人餐可選兩個小炒加兩個小食，跟兩個白飯和飲品。我地揀咗口水雞和菠蘿京都豬扒，而小食就揀咗蝦多士同炸魷魚圈先嚟豬扒，夠酸又入味，甜酸度啱啱好，而且好厚身，啖啖肉，跟住就嚟炸魷魚圈，炸得酥脆香口，魷魚圈夠軟腍，就算炸都不會影響肉質同口感~之後就上焗飯，呢個其實係烤到香脆的方包，再掏空入面D包，放入米飯丶咖喱同炸軟殼蟹焗嘅焗飯，四四方方，因此得名磚頭，軟殻蟹焗後還是脆口，而咖喱是不辣的，有咖喱香味，咸度適中。再來上口水雞，好大碟，半隻份量，灑上香蒜，而且辣度不錯，雞肉入囗嫩滑，而且佢相對街外的口水雞小辣油，不會成口油，最後先到蝦多士登場，佢個多士好厚身，不是薄薄一片的方包，咬下除了鬆脆外，還有鬆軟嘅麵包在內很👍🏻當然小不了飲品，叫咗兩個特別D嘅菠蘿粒粒冰同紅豆粒粒冰咖啡，佢地會用返飲品的用料嚟做冰，令個飲品免卻了因冰溶化而將味道變淡呢個問

兩公婆去左荃新天地 I期嘅羅麥記食晚飯，今日放工時已經同老公講好食乾炒牛河，之後老公諗食乜，突然想起荃新天地方便拍車又多食市多選擇，還有我鐘意的羅麥記添。地下大大個招牌好有氣勢，好易揾到架嗟，卡位都幾舒服環境不錯。乾炒牛河$65炒得有鑊氣，河粉每條都上晒色，牛肉軟淋夠晒惹味。麥 sir乳鴿仔熱辣辣皮香脆，肉質夠結實，連骨都鹹香，yummy, 醮點淮鹽好惹味！ 懷舊雪糕紅豆冰好耐無飲過啦！ 諗起兒時放假爸媽帶我地去開餐都會叫比我同妺妺，好正呀！ 蜂蜜菠蘿冰好滋味濃濃菠蘿香味配蜂蜜嘅甜，好甜蜜蜜一句香甜囉！避風塘鮮尤賣相極豐富，金黃香口不過 d粉漿可以再薄些更好，鮮尤夠厚肉，肉身軟綿一點都無硬，也不錯的選擇。焗住食= 焗豬扒飯好多芝士同豬扒，焗豬用炒飯底更加無得輸，d汁味道偏重蕃茄味，甜甜地，拌勻食就好好味了，芝士香濃拉絲豬扒肉嫩。

逛街時間完結，又係時間醫肚！一眼望過去這間餐廳最大，又有梳化位於是就選擇這間餐廳裝修摩登又有氣派，從瓷磚、傢俱到燈飾，全部都經過精心設計，務求做到懷舊而又舒適的感覺。餐牌上有很多選擇，除了一般茶餐廳食物外亦有鐵板餐叫！蜂蜜鮮牛奶蜂蜜牛奶很少見，以為蜜糖配牛奶一起會搞肚痛，難得menu 有，點了來試試。味道有點特別，牛奶微甜，比一般牛奶多了種清新的感覺。炸魷魚圈魷魚圈炸粉不會太厚，魷魚仍然清晰可見。 魷魚香口，沒有雪味，口感帶點嚼勁，略嫌炸得有點過火，顏色不夠金黃。

懷舊冰室最近大行其道！每區至少有幾間大大小小以懷舊做主題的餐廳開業。很久沒有飲過紅豆冰，難得這裏有間佔地超廣的懷舊冰室，就進內試試！蝦多士一碟有五件，比起坊間一直吃到的大很多，十足十厚多士一樣。蝦多士脆卜卜，炸得乾身不太油膩。蝦肉比例不少，啖啖蝦肉。麵包軟殼蟹終於黎到！磚頭上面鋪滿咖喱汁、芝士，軟殼蟹大大隻放在最頂，夠晒吸引。慢慢將麵包切開，裏面充滿飯粒，未食已經覺得超級飽肚。軟殼蟹酥香，配上香氣十足的芝士咖喱汁，惹味非常。咖喱汁味道有點像星洲炒米的那種咖哩粉味道，不太鹹又不太辣。麵包跟飯的份量蠻多，我們特別請侍應替我們拿多一點咖喱汁。除了配炒飯，將麵包切粒，沾咖喱汁同吃，又是另一種吃洗，有點像吃越南菜。來到茶餐廳，當然要點杯紅豆冰！這裏的紅豆冰面頭還有雪糕的。雪糕慢慢溶化在牛奶，令紅豆冰增添軟滑口感。粒粒紅豆飽滿，本身浸了糖水，味道偏甜。

荃灣新開左間羅麥記，走港式懷舊路線，門口招牌霓虹燈式的設計，搭配黑白地磚，仿佛進入七十年代的世界，很有味道。晚市優惠由6點開始，星期一至日都有，套餐系列非常抵食，二人套餐只需要188蚊，就可以揀兩款主菜+兩款小食，另外仲送例湯及白飯，唔洗加一！懷舊經典必飲！紅豆冰粒粒奶茶同菠蘿冰，由紅豆及菠蘿凍成的冰粒實在太吸引了，鐘意懷舊風的朋友一定不要錯過。跟套餐會奉送例湯，很有人情味。涼瓜炆倉魚，現點現整，所以非常新鮮，估唔到用料咁上等，比平時去開的太興的倉魚好太多！肉質非常厚實，不失嫩滑，涼瓜炆煮又超級入味。有魚有雞，過年了....講笑，另一款我地揀左麻辣口水雞，有半隻咁多，皮滑肉嫩，麻較強，辣較弱，惹味之余又很開胃。配上白飯，已經相當滿足。差d唔記得仲有兩款小食了，真系超級超級的豐富！蝦多士同羅麥辣雞翼，不會太油，辣雞翼上有蒜粒，好香口，雞肉嫩滑，大滿足！

羅麥記開到黎荃灣啦，新屎坑黎食下，環境都幾闊落，試左小小小食，有黑汁墨魚同炸乳鴿，黑汁係類似甜豉油同瑞士汁嘅化身，甜甜地都幾好食，但可惜份量太少，唔抵食。而炸乳鴿可以接受，但略嫌肉質唔夠嫰滑較乾身。.另外揀左佢地嘅晚市套餐，包一客小食，可選湯或飲品，比較抵食，試左兩款雞翼，味道濃郁，極為惹味，而當中個人中意羅麥自家雞翼多啲，有辣有唔辣揀。沙嗲金菇肥牛煲都推介比大家，送飯一流。口水雞嘅調味一般，比起口水雞，改名為辣椒油雞更貼切，唯一可取嘅係份量大。仲有一個炒飯叫避風塘炒飯，呢個都幾特別，飯炒得夠乾身，有蝦有魷魚又有炸魚食👍👍辣辣地冇咁卦😝

最近真係少咗出去食飯，因為實在太忙，今次就近近地喺荃灣食個飯就返屋企，諗住喺荃新天地食嘢，見到新開左間羅麥記，地方幾大同埋座位好似都坐得幾舒服，望吓餐牌都唔錯，所以就決定係佢啦餐廳有晚市小菜套餐供應，有一人餐以及二人餐，可以揀一款小菜及一款小食，包括左例湯或者飲品最後我哋叫咗個一人餐，揀咗口水雞配羅麥雞翼，雞雞雞，全部都係雞口水雞個醬汁唔錯，份量都幾多羅麥雞翼可以揀辣或者唔辣，我哋就揀咗辣明，醬汁味道有少少似瑞士雞翼，原來加咗辣都幾好味另外我哋叫咗隻燒乳鴿，即叫即燒，乳鴿都大隻多肉，燒得好香套餐可以加$28配清炒時蔬一碟，我地叫咗蒜蓉炒生菜，抵食呢度嘅飲品都好有特色，當中我最鍾意就係粒粒紅豆冰奶茶，佢嘅特別之處係佢啲冰係紅豆沙嚟㗎，完全唔驚會比冰溝淡左杯嘢飲嘅味道紅牛我都好鍾意，面頭有士多啤梨雪糕，配利賓納梳打及雜果，好味呀餐牌仲有好多其他嘅特色食品，可惜食唔到咁多

一向都很喜歡懷舊的餐廳， 本來就比較少去吃一些家常便飯的菜式，因為通常這些餐廳的環境都比較擁擠和嘈雜，但是在荃灣新天地逛了幾個鐘頭的我們無意中看到懷舊的來卻又裝潢華麗的餐廳，頓時吸引住了我們的眼球。 進去坐下來之後，想不到食物不同於一般的茶餐廳， 也有一些自家創作的食物和飲料，例如蝦多士和紅豆粒粒奶茶 ---- 這裡放menu蝦多士-- 油炸過後顏色依舊讓人垂涎三尺，但是我覺得一個人吃一個就足夠了，這樣子才會感覺不油膩，哈哈，才可以繼續吃其他的食物呀。 紅豆粒粒奶茶，這是我第一次聽到紅豆和奶茶混合在一起，覺得非常很新奇，還沒上飲料之前就一直再想究竟嘗起來味道是怎麼樣的呢，因為一向只知道紅豆椰子奶。喝了一口後， 頓時讓我驚喜，也太好喝了吧，紅豆跟黃糖融合在一起形成一個小方塊，而且紅豆非常大顆，真的不愧是本店的招牌特飲！茄子黑椒牛仔骨的份量非常足夠，牛仔骨多汁得來又不會太軟身，帶有一點嚼勁，再加上我平時最愛的茄子，真的是非常有家常菜的感覺，但是又比家常菜特別，因為一般我都覺得茄子是搭配豬肉碎一起煮的，送飯的程度真的可以媲美茄子鹹魚煲，但是感覺更加新鮮。 蟹籽蝦仁炒蛋， 對我們兩個人而言份量

豬小姐一向係茶記忠粉無論古色古香嘅港式茶記定新潮玩味嘅冰室 我都想去食想去試 今晚就尼到羅麥記羅麥雞翼係招牌菜 雞翼色水夠深 望落同食落都夠哂入味 瑞士汁嘅濃甜加上花椒指天椒嘅後勁辣 辣得好過癮 難怪係生招牌不過真心幾辣 唔食得辣嘅朋友可以揀番原味蜂蜜炸魷魚酥大力推介 炸粉薄透唔油膩而且帶微微蜜糖甜 唔似韓國style個種甜到漏又痴笠笠 魷魚爽口彈牙得尼一啲都唔韌 勁易咬 大大碟 好襟食撈丁選擇好多 最後揀左四川香辣口水雞撈丁 口水汁辣香凌厲 質感實在嘅雞肉同偏硬有口感嘅一丁佈滿蒜蓉辣椒同紅油 係惹味嘅 不過少油啲會比較好 腐乳雞球撈丁同喇沙豬頸肉撈丁都好想試避風塘海鮮炒飯好大碟 飯粒乾身炒到粒粒分明 材料有蝦 魷魚 斑塊等等 可惜味道唔夠避風塘 令到炒飯無左特色 加入大量炸蒜成件事應該更美好黑牛簡直係兒時回憶 朱古力雪糕加可樂 飲完人都童真啲紅豆冰粒粒奶茶幾特別 奶茶或咖啡底加入甜綿紅豆 紅豆冰粒令味道更濃郁但又唔太甜 我鐘意豬小姐下次要再食撈丁同魷魚鬚

service： waitress ok. 但收銀冇礼貌．只收現金+八達通！希望有得收visa.------------------------------環境：卡位都舒服．食物：⬆豬頸肉芝士撈麵麵好乾，比較硬．份量少．豬頸肉&芝士普普通通．⬆避風塘炒河食吾出有幾避風塘．吾夠辣．面頭個D紅色一粒粒，食落似花生粒，dislike.⬆叉燒炒飯叉燒超細粒．吾夠多叉燒．但味道還可以．

原來荃新天地都開左羅麥記，諗住黎到求其入一間開餐，就佢啦！次次我都必點瑞士汁雞翼，實在太好味，令人回味。羅麥雞翼撈通粉 $63雞翼隻隻都非常入味，好正，炆到好林，通粉都吸晒瑞士汁，次次黎都食。蝦多士 $60聽聞哩度都出名蝦多士，今次第一次叫黎食。個包好香脆，面頭蝦滑爽口，個沙律醬都好正加左酸瓜，好食。美綠牛奶包 $38哩個超好味呀，好多練奶，包仲夾左花生醬嫁，最特別係加左美綠朱古力粉，好中意。焗豬扒飯 $65賣相相當吸引，大大碟，豬扒好林，飯底加左蛋炒過，但茄汁味唔夠出，個人中意食多茄味既豬扒飯。其實真係抵食，食到咁飽人均一百左右。

上星期五過咗荃灣搵舊同事聚舊，佢帶咗我去呢間度食，話有個磚頭焗豬扒飯幾特別，就同佢去試下。餐廳唔算好大，但都坐咗九成人，好彩仲有張雙人枱先唔駛等位。餐牌上都有幾多選擇，大部份都係小食，唔覺唔覺都點咗幾多野😅磚頭焗豬扒飯：原來係用麵包皮入面包住個飯，炒飯底粒粒分明，豬扒切開都有好多件，果然係主打食物，唔錯唔錯！避風塘魷魚鬚：炸粉唔厚，魷魚都幾彈牙，必點。蝦多士：正正常常啦，略嫌油過多。流心粟米西多：呢個甜品有驚喜，因為有除咗粟米仲有蛋黃，啱晒我呢啲蛋黃控。整體嚟講今餐都幾滿意，食物有質素，最緊要價錢合理，會encore！

好耐之前就係屯門試過呢間餐廳，嗰陣覺得呢度又好味，食物又夠特色。不過比較少入屯門，呢排先知原來荃灣都開咗，所以今日放工就同朋友嚟食啦。好彩時間夠早，仲食到下午茶餐。我哋就叫咗個雞翼通粉，仲有三文治同炒蛋同埋野飲送添，真係好抵呀。呢個雞翼通粉最出色嘅就係啲雞翼，整得好入味，而且雞肉好嫩滑，我認為佢比其他專食雞亦既餐廳更加出色。而且炒蛋都整得夠香夠滑，非常好味。最重要嘅梗係要叫呢一個磚頭飯啦，我哋就叫咗黑椒雞扒飯，食落個辣味好香，雞扒都好夠多，估唔到黑椒汁同麵包又幾夾喎，我同朋友都忍唔住係咁食，本身以為兩個女仔會食唔晒，但因為太好味所以最後都清晒。飲品方面，我叫咗杯蜂蜜牛奶，好彩唔係太甜，蜂蜜同牛奶估唔到咁夾，飲落感覺好健康。荃灣開咗呢間餐廳真係好啦，以後我都一定會成日黎食啊。

天氣咁熱，大家都係比較多行商場，今日我同女朋友行荃灣荃新天地，行到攰就搵野食，發現左呢間向商場入面既茶餐廳😂 而且重好抵食👍🏻呢間餐廳叫羅麥記，商場鋪，面積大，坐位多，如果要等位都吾駛等好耐👍🏻我同女朋友叫左個二人餐，好抵喎$188有兩個小菜，天個小食同埋加$28有個炒菜，價錢吾算貴。我地叫左口水雞同埋菠蘿京都豬排，小食叫左水牛芝牛炸雲吞同埋羅麥雞翼。點解會話抵食，因為小菜份量出奇地大份而且重係好好味😋京都豬排真係色香味俱全，餸飯一流。佢地個汁做得好好味，酸酸甜甜👍🏻👍🏻個口水雞都做得好好，吾太辣但又入味既，如果再多啲汁會更好。雞肉都好滑，吾會乾晒，茶餐廳水準已經非常好😋餐湯方面都好好味，老火湯黎嫁，岩晒成日出街食飯，無湯水飲既香港人👍🏻兩個小食都吾錯，但因為主菜太好味，所以小食變左吾係重點😂我重叫左杯黑牛，勁有兒時回憶既感覺🥺大家如果想食到咁好味既小菜，快啲去試下啦，真係抵食👍🏻

試新餐廳，有啲都唔錯女仔黎講好大份量。中午食飯都多人，諗住出餐應該唔會太耐就試下佢個芝士撈麵，口感唔錯，唔會太軟林林啲麵。睇下下次同朋友試下佢啲小食有冇驚喜。。