Liberty Coffee & Wine

Open Now

Now Closed

喺營營役役嘅都市生活中 難免會有想放慢腳步 於忙碌嘅都市裡 享受屬於自己同好友嘅平靜時刻！睇咗好多間cafe 意外發現咗呢間cafe 覺得呢間cafe嘅風景不錯 cafe窗外對望住忙碌嘅車路景色 而客人可以享受悠閒嘅時光 更別有一番風味！於是 就決定同朋友去咗呢間cafe cafe外觀不錯 頗有設計感 大大嗰招牌 淺藍綠色 幾有文藝氣息 店鋪名為 ”Liberty “ 自由解放嘅名稱 更讓人感到輕鬆自在 實在不錯！亦適合打卡！環境乾淨 一共兩層 下層可以睇到路邊風景 適合一個人整理思緒 而當日 我同好友選擇上層 可以放心暢談！我地分別選擇咗卡邦尼意粉同肉醬千層麵 由於係午餐 配上湯同餐飲 首先係湯 我覺得不錯 雖然唔記得係咩湯 但不錯 絕對唔馬虎朋友叫嘅卡邦尼意粉 外觀就非常吸引 配料好多 擺盤精緻！我叫嘅肉醬千層麵 好食 雖然食唔到唔同層次 但味道絕對好食！

繁忙中的一點靜🙂在超多人又嘈吵的旺角油麻地中，有一間可以放慢步伐，輕鬆一下的coffee shop實在難得～除咗咖啡外，重要有wine、beer 、cocktail n mocktail, 唔係間間coffee shop 都有。 試咗cider,chocolate n carbonara, 三樣都好味😋環境裝修服務都不錯👍🏻 Cider 味道特別亦好味，chocolate 上面仲有花紋, carbonara 亦係用心之作😘

放假約左朋友食午餐就揾左呢間咖啡店試下，一去入到去就覺得好有英倫風格感覺同門口外面有兩個世界存在感覺朋友點左三文魚牛角包，我點左set lunch有湯主菜係卡邦尼意粉另外加錢點左 玫瑰latte。個意粉真係值得一試好好味， 玫瑰latte好飲之餘又夠好睇，值得可以再去光顧ge咖啡店

今晚食咩好...行行下發現有個粉紅色座地燈牌，咁就被吸引入去了。環境🌱🌱🌱樓高兩層，舖位較窄，下層燈光暗啲，飲酒有氣氛。我地兩個坐左上層，望到下面，空間感唔錯。乾淨。野食😋😋😋😋兩個人食左個意粉，牛角包，薯條，兩杯smoothie。*西西里魚柳扁意粉*魚柳外脆內軟，有兩大塊！可惜調味較輕。西西里汁酸甜度適中，同意粉嘅比例都岩岩好。*龍蝦沙律牛角包*雖然唔係我食，不過牛角包唔錯，外層酥軟，望落都足料，配有少量沙律菜，整體不膩。*芝士薯條*係粗身嘅薯條，份量都算多。不過芝士味唔夠濃。*Smoothie*1. 夏日女神：bb粉紅好吸睛，飲落酸甜，冇額外加糖，好飲。2. 莓之森林：紫色因為有黑莓，飲落甜啲因為有香蕉。服務🌟🌟🌟🌟態度好兩個人嚟講都要400，野飲係值得去飲，不過食完野之後比較口渴。~個人口味好主觀喔~

<Put a smile on your face?> 第一眼望到呢間餐廳既門面好有我地清萊試過既一間cafe, 一塊橫身大玻璃，後面一張高枱對住條街，好寫意。我地當然二話不說坐高枱喇。店員話如果天氣冇咁熱，個窗可以打開，好有feel, 奈何而家天氣熱，所以要等到秋冬季。呢到既lunch set食到2:30，有10款食物選擇，沙律、牛角包、意粉之類，每個set會跟一個湯加飲品，約$78-$88。我揀咗南瓜蘆筍長通粉，男友揀咗焗牛肉千層麵，各一杯americano。是日餐湯係南瓜湯，飲得出係用鮮南瓜煮，不錯👍而我個意粉都係南瓜汁做base, 意粉口感煮得啱啱好，以為份量好少，食食下都幾多。至於男友嗰個千層麵即焗，牛肉醬唔似出面肉醬意粉咁d肉實，有鮮味，也不錯。整體食物質素十分高，睇得出係誠意之作。嘆住杯咖啡望住個街境真係好chill😌呢間餐廳亦有酒類提供，由日頭既小清新cafe到夜晚既小餐館，值得再次到訪！另外，不得不提，每個員工都非常友善，亦都樂與客人交流，讚👍

放假想去電影中心睇場戲，隨意想找附近的cafe小店食個all day，見到呢間幾多like，加上黃店更加想支持下。餐廳有兩層，用餐地方較細，但可能我去時係中午時段唔多人，坐得舒服，而且望住窗外熙來攘往的馬路，與店內寧静悠閑的格調對比極大。開放式的小水吧，感覺猶如去咗歐洲的cafe。主打要試佢地個all day breakfast，個人對於有薯餅的all day 總會額外加分，牛角包是軟軟的那種，牛油味濃，滑疍加入適量黑松露不會嗆了疍味，炒菇菌、肉腸、煙肉、蕃茄也是真心製作唔係hea造，食材新鮮有質素。近排戒奶，叫了Americano, 加$3有大杯，咖啡味濃但唔苦。價錢不算平，正常食all day 嘅價錢但符合質素。店員後生有禮貌，而且很有活力。希望年青人繼續做好間cafe等多啲人懲罰佢。如想在鬧市中找個地方抖抖氣、飲咖啡，這𥚃值得推薦。

平日晚上來到油麻地食晚飯，選了這間有兩層的餐廳加咖啡店，這裡的環境偏向西式復古風，樓底高，坐得都算舒服。二人點了一份法式香煎羊架和西西里大蝦扁意粉，香煎羊架配了盧筍、冬菇和車厘茄，食落口感和生熟度剛剛好；大蝦扁意粉則味道正常，酸酸甜甜。另外亦叫了一杯這裡有特色命名的cocktail及一份Bagel，Bagel內有濃濃的cream cheese，包身外脆內軟非常好食。晚餐來說這裡的價錢都不算高，是食飯、飲咖啡或酒的一個好選擇。

「街邊太多人與車 繁華鬧市人醉夜......」最先接觸呢間餐廳係有foodie post左張食物相喺門口位影出條街，側邊馬路有唔少車經過，個構圖好靚令我印象好深刻，我決定要黎呢間餐廳感受一下一定要讚讚佢嘅草莓croissant，相機食先食到飽晒，入口依然勁鬆脆其他嘢食都係水平以上一直都有follow呢間餐廳，而且好認同佢哋嘅理念，同路人，你們也懂的💛🇭🇰最鐘意佢嘅歐陸風裝修，樓底夠晒高，多人亦唔會焗促，另一打卡位一定喺門口坐位，果日好好彩坐到

點評:-環境舒適-牆上有掛鈎，俾客人掛袋，夠貼心餐牌:-有分唔同時段嘅餐牌等候時間:-是次幫襯係平日午市，唔洗等直入-亦可預先訂座食物種類:Cafe，花茶，小食，牛角包，西式主食價錢:午餐70-100相:千層麵味道唔錯唔會食食下，食到分開晒一層層炸魚薯條薯條份量ok魚柳口感都唔會係茶餐廳個感覺亦唔會輕易炸皮同魚肉分離唔會散開晒咁餐湯同追加牛角包味道正常，合理餐飲隻杯都幾有心思，幾精緻附上當日午市餐牌

The cafe is a very cozy one with great ambience. Food is very good and reasonably priced. I particularly enjoy my Hungarian beef rice. Don’t miss the handcraft beer! It’s one of the best you could find in HK! Sorry about the pic, I only remembered to take picture after I’d a few bits as they were to irresistible🤣

採用英國入口咖啡豆，歐陸風裝潢，老闆親力親為，服務態度親切，真係好relaxingLiberty Signature ($58)Double espresso & vanilla ice-cream ，底層係蜜糖，老闆話唔夠甜先mix埋一齊飲冇mix蜜糖，唔苦，但係原來冇我想像中咁甜，而且好香同好滑🥰🥰🥰🥰mix左蜜糖，我就覺得會甜左少少，建議唔好mix多過一半Latte ($36)好香，冇酸同苦焗豬肉千層麵($88)一共有四層，好cheesy，creamy同好滑，上枱嗰陣啲芝士仲係熱到起泡泡，口味係比較清淡，雖然chessy但唔會好膩

今時今日，香港人食嘢要揀顏色油蔴地呢間小型咖啡店，連名都係「Liberty（自由）」位置近馬路，而且近鬧市，但走入室內環境同外面截然不同室內樓底好高，採歐陸式風格，無侷促感，基本分上下兩層下層半開放式設計，門口仲有個小窗台打吓卡上層閣樓更舒服同寫意，適合傾吓偈由上而下可望到水晶吊燈同下層環境最啱周末歎返個Brunch，因為All Day Breakfast全日供應抗疫期間做足措施保障店員同客人1. 量度體溫2. 提供紙袋存放口罩3. 有消毒用品提供4. 餐具有放入盒內5. 每張枱保持1.5米距離，有膠片分隔英式早餐 Classic London $98  All Day Breakfast材料有煙肉+迷你牛角包+腸仔+蕃茄+磨菇+薯餅+黑松露炒蛋黑松露唔太多，只係點綴，唔太濃郁我反而覺得薯餅炸成金黃色，表皮香脆，影完相仲熱辣辣薯蓉好綿密有少少顆粒感，似M記薯餅早餐，但比M記明顯好Mini Lobster Croissant 龍蝦沙律牛角 $78 珍寶牛角包幾特別，好吸睛！其實All Day Breakfast都有迷你牛角包，但珍寶Size就大幾倍份量十足之餘，好有烘焙味牛角包等嘅時間較

原來近油麻地果邊開佐間cafe😍 今日就同朋友黎試下🥰 小店分佐兩層，主要行文青清新既路線，好記得佢部咖啡機係粉紅色🤭 除佐有晚餐，仲有多款小食，bagel，all day breakfast，手工啤等🙆🏼‍♀️.奧地利忌廉芝士條 $68好似細個成日食既炸魚柳手指既條狀😍 注意！！真係新鮮熱辣炸出黎～炸到金黃色，外脆內軟，入面啲酸忌廉仲咬到拉絲🤤好邪惡但會忍唔到口🙈送啤一流🤭.牛油果bagel $58好似依家好多間都鐘意咁樣包裝啲包類🍞除佐靚啲之外就可以無咁易散，拎黎食又方便啲🙆🏼‍♀️ 不過我地些牙食最後都係散鬼晒😂 佢個cream cheese醬好好食🤤 不過個牛油果🥑就好似生佐少少～.燒帶子黑松露蘑菇意大利飯 $128食落好香黑松露味好creamy，不過我覺得有少少好似太濕🤔 燒帶子大大粒彈牙好味🙆🏼‍♀️.Hong Kong brewed craft beer $68/300ml兩款都有佢唔同既特點，我覺得黑啤易入口啲，但另一隻就真係有清新既柑橘味好清爽🙈.總結，店員勁nice不停主動同我地講野同介紹，仲叫我地下次黎試下啲咖啡🤭 食得出係一間好花心思既cafe🥰食物同飲品既選擇都幾多

下午一點去到，諗住幫襯下黃店試下佢最出名既開心果凍餅，點知咁早就賣晒，勁失望！之後叫左個千層麵，真係好一般！無咩芝士味，d千層麵有d厚，整到d麵都有dd硬，杯凍mocha 聲稱70% chocolate....但係真係感受唔到有幾濃，d朱古力一粒粒，又唔溶，可以話呢杯叫齋啡加朱力碎粒，唔可以叫mocha！之後本來坐緊張枱，坐左陣就話張枱有人book，又要我同朋友換枱，換左張枱又矮，搞到食野要嗚低身，勁辛苦，仲要上菜又上錯，最慘係隔離枱話book左枱既客人帶左兩隻狗黎，又吠又周圍行黎行去，兩個呀姐講野又大聲，真係勁騷擾，想傾下計都唔得，即刻食完即走！no next time！

非常高質黃店💛😋食物方面 牛角包超鬆軟  仲要牛油香隱隱透出嚟 超襯火腿嘅微甜蜜糖煙薰😍💕個沙律就係正常沙律  配芝麻醬味道就不過不失  但係買相真係超靚 未食已經心動❤️ 跟餐americano 唔算大杯但係有獨特微酸果香 幾消滯 啱夏天on  rocks 咁飲😋送嘅南瓜湯勁高質💛藍色杯配南瓜湯  加埋香草碎點綴  真係aesthetic 到爆  未飲已經加分  賣相之外味道亦都一流 🤤濃厚嘅南瓜蓉令texture 滿分 💕味道亦都適中  唔會太鹹太甜環境方面亦都💯藍色牆配金色燈同餐具好襯，音樂+lighting 令氣氛好chill 個人覺得適合拍拖或做嘢，店員都好nice 🥺 筆者坐係到做功課做咗成個晏晝都無趕人/pressure 買嘢，加埋學生9折，溫書性價比遠超star*ucks(咖啡價錢差唔多  但個人覺得食物質素遠超starb*cks