龍苑中菜廳

Open Now

Now Closed

西日式自助餐就食得多，點心自助餐就第一次食 三十款點心任食，($118/位，另加一服務費) 環境坐得舒適，一日前訂位仲免茶芥 點心種類大致分為餃類，飽類，腸粉類，煎炸類及糖水，全部都係飽肚之選! 入座每位送竹笙灌湯餃一客，但實物同認知嘅大有不同，似係一隻水餃多D........ 之後就到煎炸類出場 : 呢客綠色嘅係叫做迷網黑椒牛粒卷，外皮脆中帶點煙韌感，入面係牛肉粒餡，食一條都相當飽肚! 荔芋角好耐都無食過，呢度水準唔錯，外皮鬆脆，內裏嘅芋蓉相當綿口，好味! 而鮮蝦腐皮卷亦係香脆，內裏多款材料做餡，趁熱入口加埋喼汁一齊食都唔錯! 而佢嘅蝦餃同蝦腸都出色，蝦隻爽口彈牙，而腸粉本身都幾滑溜! 回本必食!! 最後當然要食下甜點，呢碗係椰汁紫米露，食完一啖就已經放棄...................

都有兩個幾星期没有來了，由于匯豐卡做緊七折還有甜品送，所以繼續行使優恵，今天約了友人聚舊，講下時事，天南地北乜都講下啦，說回食物先，點心叫了炸粉粿，浸冧後食落太厚粉，魚翅餃，感覺不掂，另外叫你高湯牛肉球和馬拉糕，前者可以，反而馬拉糕好掂，怪不得要做七折了，點解點心師傳可以咁不穩定，甜品是意米杏仁茶，甜度適中，上次食感覺係冲水的，今次口感像即磨哪款，講多一句，這裡的部長經理服務態度真的很差勁，應重新學習。

服務惡劣，食品太鹹，太油膩蒸排骨偏鹹，炸食品太油，如果比我選擇，我唔會去囉，冇下次，侍應服務態度不好，如果枱面上啲嘢食未食完，佢就唔俾你嗌嘢食，我諗住酒店食品會有品質，原來一啲品質都冇，不知所謂，

今日邀請左爸爸的好朋友及他印尼工人跟我地去龍苑中菜廳食點心放題，途中爸爸的朋友表示點心放題不適宜長者食，因為唔食得多，食得多又食壞黎，食得少又唔抵，所以到酒家的時候改食小菜，有件印尼工人唔食豬，我點左以下菜式：1. 白飯兩碗 - 大家都稱讚這裏的白飯做得非常之好，軟硬適中，粒粒分明，而且有飯香，每款$20。2. 蝦子柚皮扣鵝掌 - 柚皮沒有苦澀味、化口、軟糯及煨味很入味；鵝掌去直骨，好味；另外每人半件灼小棠菜；啱啱好每款每人一件，冇得爭，$298。3. 南乳粗齋煲 - 爸爸的朋友特別喜歡，有很多款菜和齋菜類，有蜜豆、粟米仔、白菜仔、木耳、粉絲、豆腐卜、茄子，我哋覺得全香港最好食嘅藍雨粗齋煲就只有龍苑中菜廳，$198。4. 砵酒焗生蠔 - 同煲仔上的，每一桶美國筒號有五隻，相信每個菜式是用了一桶，每人一隻之外突左一隻俾我食埋，印尼工人姐姐問我知唔知點整嘅，爸爸的朋友話想係屋企整吓，真係好好味，冇渣，$338。5. 餐前小食 - 炸腰果（因為$28，包埋返屋企，味道好，但係要留返個肚嚟食餸）4. 中國茶，每位$20，點左水仙同普洱，質素唔錯，不過水仙茶就唔可以落咁多茶葉，如果唔係苦得滯！埋

今晚同左兩位女舊同事約咗今晚八點喺呢度食晚飯，其中一位表示不想重複以前食過的東西，唯有叫她揸fit點菜，終於除咗不嬲食開嘅南乳粗齋煲之外，佢點左羊肚菌炆雞及黑松露西蘭花炒帶子，會員七折，埋單每人$342，其實好抵下：1. 羊肚菌炆雞 - 這個菜式除咗傳統嘅炆雞料頭包括薑片原粒蒜頭乾蔥頭之外，就是主角 - 原先係歐洲人用來煮餸的羊肚菌，份量不用落得多，因為味道濃郁，而且價錢非常昂貴，啲朋友好鍾意，我也不例外！2. 黑松露西蘭花炒帶子 - 西蘭花炒帶子就久不久會食，但係加埋黑松露煮就第一次，最重要係佢哋唔係用黑松露醬呢啲cheap野，而係用原粒設成很薄的片用來炒，味道更加香濃，齒頰留香。3. 南乳粗齋煲不嬲都咁好。睇嚟下次再有新菜式出的時候都要試一試了！

一行八人，七大一小，每年都會在這裏興生日。出色的點心（🦐餃、燒賣丶春卷），自家制半肥瘦的义燒丶燒腩仔，新嘗試的酸子薑生炒骨，每次都令你樂而忘返。片皮鴨二食（包括菜包鴨粒）丶干燒伊麵丶白滑桶裝豆腐花丶豉汁煎斑塊丶金銀蛋浸莧菜及有點失色壽包（不甜），真的好好味，雖然🦐餃及燒賣，每人一件，但其他菜式是足料及洽當，食得非常飽飽，大滿足。環境是古樸點，食客多是常客；當然尖沙咀酒店是高檔，客人多是醫生丶律師及遊客等。大家不妨去試試吧。

有優恵就梗係要試多次，點了幾款點心，有芋角，魚翅餃，蝦腸，高湯牛肉球，以前係牛肉燒賣，现在改了，牛肉燒賣又少一間有得食，乾炒牛河，味道不錯，但牛肉就有少少過火，有啲un但都可以接受，上次試過紅豆沙，今次試下合桃露，唉！中伏了，開水的，衰收尾，好心吾好慳呢啲啦，做得7折吸客，差嗰少少做好佢嘛，説到服務態度，侍應好好禮貌，反而有一兩個部長，黑口黑面。

無啦啦打開匯豐網頁，大大隻字七折起，信用卡優恵＋送甜品，咁着數點都要試下嘅，蝦腸有六隻蝦，重要係大大隻，食佢好過食蝦餃，灌湯餃是我必叫的，之後没有口乾，相信無乜味精啩，見有牛尾就叫一煲試下，内有四件，每人兩件，自己整就麻烦，燉得好夠冧，吃了一件都有點腻了，好在無乜叫其它點心，甜品是紅豆沙，吾算行货。

每逢母親節、父親節等需要一家人食飯的時節，又頭痛要搵既有素也有葷又體面的中菜廳聚會，這次就幫你們找到尖沙咀金域假日酒店地庫的龍苑中菜廳，來看看有甚麼美味的素菜餐點吧！餐廳地理位置超方便，搭巴士搭地鐵都很容易到達。來到酒店落地庫就搵到龍苑中菜廳，門口超級華麗夠貴氣。餐廳有圓檯、有卡位也有獨立房，幾多人來食都合適。 胡麻茄子 HK$118 / 竹笙上素燉菜膽湯 HK$288去皮的茄子浸在日式胡麻醬之中，清涼爽口，我一個人轉眼就吃完一碟。這個湯以竹笙和菜膽做主菜，再加了一些黃耳雪耳，一滴油都沒有超清淡。 黑松露野菌炒蘆筍 HK$208 / 羅漢上素手制千層 HK$208色彩繽紛的菇菇炒蘆筍，蘆筍吃起來脆脆的好爽口，菇菇有雞脾菇、秀珍菇和香菇。手制千層即是將一塊又一塊腐皮疊起，再切成長條拿去炸，都是廚房手工制吃得放心。我覺得這個有像中式千層蛋糕。 紅棗糕打開蓋就一陣紅棗香湧過來，這個糕只黏碟不黏牙，最適合女孩子補血養身。

星期六放假同爸爸媽媽飲茶，經過尖沙咀，選了Holiday Inn 的中菜廳龍宛。希望吾好同其他人迫,可以傾到計。今次我坐了卡位特別清幽方便閒談。我order 了菜苗餃、砵仔魚腸蒸蛋、腸粉及。個人特別推介菜苗餃，芋角及砵仔魚腸蒸蛋。菜苗餃皮薄透明賣相不俗，而且口感不錯。芋角外脆內軟，現在很少食到芋角這老牌點心。砵仔魚腸蒸蛋，手工工序多，最近很少食到。下次可以約埋朋友星期六日到龍宛飲下茶傾下計。

昨天約了朋友在尖沙咀飲茶，是Holiday Inn Golden Mile的龍苑，今次叫了蝦餃、燒賣、黑松露包、素菜餃。另order 了花菜，同個friend 傾了二個小時。一邊吃一邊吹水。雖然食的看起來是一般點心，但味道卻非一般呢✌️就先講一下個蝦餃，蝦肉多又新鮮，個素菜餃非常有口感，又鮮甜，而且兩個餃的皮，晶瑩剔透，完全不是什麼中央廚房出品。特別一提：就是個黑松露包，㚈表已贏了一條街，至於味道更加無得彈，黑松露的香味，配上鬆軟的蒸色，恰到好處🈵💯

朋友gathering, 方便，好坐，嘢食味道是很重要，今天又去龍苑 Holiday Inn Golden Miles.我一向最 like sweet and sour, 今次用蝦代替排骨, yummy 到飛起。魚翅蚊支竹火腩，魚又滑又香，味道無得頂，脆皮雞是招牌菜，好味到無朋友😂✌️甜品記得 order 桶裝豆腐花，配黃糖，滑嘟嘟，正😘，仲有蛋撻仔✌️🥂但因為太好味，忘記 take photo, 但不重要，好嘢就是好嘢，成日去都唔厭！

怡東酒店會藉完咗後，青蛙就入咗假日酒店會藉有7折及有現金券，以前佢不喜歡受约束，為咗佢阿媽方便近地鐵站，老人家有好嘢食。農歷年初六來，就不能用現金券：南瓜紫薯包， 外形好似嘅大吉，皮軟熟，內裏紫薯蓉，特別為過年而設。蟹子韭菜帶子餃，韭菜夠臭，皮晶瑩煙韌，黄色蟹子點缀，像白花中花蕊，賣相清雅。鮮拆蟹肉炒粉絲，正，牙菜爽甜，粉絲又不會黐埋一餅，蟹肉夠鮮味，份量少些，2人份量剛剛好。不夠一個月又來：蘆筍帶子腸粉 ，一片露荀都好香，帶子夠大粒。竹炭菠菜餃，菜少，多蝦。紅菜頭水晶粿， 紅菜頭汁做皮，豬肉及紅菜頭粒為餡，好有營養。叉燒包少汁,皮不黐牙， 漿汁不多帶甜，肉香。嘆茶中，首入俗，看openrice, 找新餐廳， 看兄弟姊妹打面書笑吓，等紅棗糕超過十五分，無聊又啍歌，叫青蛙點歌，點白光魂縈舊夢，細味歌詞：露滴梧桐（上海最多梧桐樹），泣訴青春流逝； 石榴殷紅，形容女子年青貌美，回味白光妹妹磁性幽怨 低嘆的聲音，尤其那段獨白！夢終於送到，好有紅棗味，煙煙韌韌，三層，中間略透明，甜度適中，正！入到洗手間，彈奏中樂，一聽就知周旋鳳凰于飛，又夢。離開後，入九龍公園，尋找紫禁城，延禧宮，又入夢！

今日約咗兩位同業好友嚟食午餐，不經不覺我已經是金域假日酒店的會員超過12年，年費不過$2000，除咗特定假期之外，喺龍苑中菜廳食晚飯有七折，還有一些餐券及現金代用券接近$2000。我哋三位女士今日午餐點了以下小菜：1. 滷水豬腳仔$118: 比很多酒店和酒樓都做得好，不會太鹹，嚼勁適中，我很多時都會叫這個小食，比較難做，而且在坊間不容易買到豬腳仔。2. 砵酒焗生蠔$338:之前我食過這個菜式去到烹飪班之後跟老師說，才知道一盒筒蠔總共有五隻，即是酒店用了一盒美國筒蠔做一客，肥美好味！香噴噴！不過有一個人就要犧牲少少食少一隻。3. 南乳粗齋煲$198: 暫時來說在香港只有這裏的南乳粗齋煲是最好吃的，比阿鴻小吃的招牌菜「南乳粗齋」的還要好吃很多，有不同的蔬菜及齋，例如白菜仔、紅蘿蔔、雲耳、茄子、豆卜、粉絲、粟米仔；南乳汁不知還落了什麼醬汁很有層次，不會死鹹，雜菜和齋的配搭得宜，想不到是怎樣整的！4. 栗子滑雞煲仔飯$256（三中號碗飯），服務員講明點都要等最少25分鐘，香噴噴！有適中的飯焦，一流。5. 糖水是免費的，每人只限一碗，點了兩碗紅豆沙及一碗合桃露，味道唔錯！埋單$1097.8，因為

一向喜歡蟹的菜式但又覺得拆蟹肉不容易，所以在揀選大閘蟹宴時便傾向原集上只得一隻蟹的菜單，研究了五六間餐廳後，覺得龍苑中菜廳最合心意，便和另外幾位朋友一同品嚐。1. 蟹肉雞蓉燕窩羹 : 蟹肉不多，反而燕窩和雞肉份量不少，味道不錯。2. 生拆蟹粉小籠包 : 小籠包皮薄汁多皮肉香，雖然蟹粉不多，依然好吃。3. 紫蘇蒸大閘蟹 : 大閘蟹比較細隻，除了蟹鉗外，拆得出來的蟹肉都比較細碎，至於蟹膏就味道一般。4. 花雕蛋白蒸蝦球 : 一上枱已聞到花雕香，蛋白好滑，蝦球爽口，值得推介。5. 蟹皇醬吉列龍躉塊 : 吉列外皮脆薄，龍躉肉鮮，配合蟹皇醬好好食。6. 香檳汁海皇蟹粉焗飯 : 用芝士焗，內裏有蝦粒，味道不錯。7. 黑糖薑茶湯丸 : 有兩粒芝麻湯丸，皮搓得薄，芝麻亦香，薑茶薑味十足。整體來說，每道菜式都滿意，環境舒適，服務亦佳。