來佬餐館 (Closed)

未端上喺遠處已經有黑松露嘅香味飛過泥i like the 粗ness完全係啱啱好 can 保持 the 脆ness 之餘又夠薯仲要係 fresh from the kitchen熱辣辣勁香口 of course亦都同熱氣掛勾 naa最加分係薯條表面已經有啲黑松露喺度 隔離嗰durt sauce都有黑松露喺入面 oh gosh 簡直係 rich 上加 rich 啊個 flavour個醬真係一滴不漏咁 yaam 晒 勁 creamy so jeng呢個價錢食到呢個quality 真係happy仔味道：7.5/10來佬餐館 Loyal DiningFrench Fries with Black Truffle黑松露炸薯條$42📍灣仔

食之前無睇過食評，所以三個人決定亂點一通。叫左個餐係加拿大豬胺，蒜香海鮮意粉，黑松露素肉餅煲仔飯和Souffle. 最有驚喜係個素煲仔飯，睇樣完全唔似係素食，食落更加唔覺係，一路食一路問真係齋黎嘅？唔知肉餅係用咩整，但外貌和口感都同真的好似。黑松露的份量剛剛好，撈飯配“肉餅”一流。有飯焦更加係bonus，無諗過係咁西化的來佬餐廳，有煲仔飯食之餘，個飯仲要係有飯焦的。侍應生有笑容又有禮貌，這裏是慢慢食飯傾計的好地方。

1月1號起身去搵嘢食，突然之間老婆提議不如試吓搬了地址的來佬餐廳，加上有半價所以決定一試。今日食午餐，所以未能點太多不同的菜式去試，兩個人點了一個松露牛肉炒飯和炒雜菜，同埋威靈頓牛扒。炒雜菜細碟得可憐，所以連相都冇影。炒飯不錯有鑊氣飯粒亦算乾身，可以一試。至於主菜威靈頓牛扒，講真味道不算最好，份量也算少，而且跟牛扒的燒汁同威靈頓的酥皮好似有啲格格不入。但整體來講都算系一個好味的午餐，下次再來的話，應該會試佢嘅焗飯和炒河吧。威靈頓牛扒應該不會再叫了。

#來佬餐館 其實我每次食都覺得有罪惡感，肥胖指數超標喔！但真係好好味，忍不住又點了😝😝 🔹來佬汁炒牛河 $108 瑞士汁炒牛河d friend. 牛肉幾嫰滑，要趁熱食啦🍴保持到水準👍👍還有一半奶茶一半紅豆冰，啱晒兩樣都想飲既人🔹鴛鴦紅豆冰拼奶茶 $48

之前喺中環見到呢間餐廳，一直未有機會試著，今日boxing day諗住同屋企人食間有水凖又穩陣嘅西餐，於是楝左「來佬餐館」諗住差極有個譜。餐廳環境ok, 五個人坐卡位都算闊落，懷舊裝修又感覺舒服。點左兩個龍蝦餐，再散叫黑松露薯條、威靈頓牛肉、肉醬意粉。前菜：火雞批，凍嘅，個皮做唔到酥脆效果，一切就分開曬又淋曬。湯：龍蝦湯、黑松露菇湯，味道幾好。主菜：西冷扒，六成熟，冇特別，亦冇牛味。主菜：白汁蟹肉意粉，呢個最正常，蟹肉唔多但意粉質地煮得幾好。黑松露薯條：全晚最好食嘅野，唯一安慰😆威靈頓牛：完全出事，呢味心機菜如果冇信心，我建議不如唔好放入餐牌，簡直係失望，牛肉全部係筋咬唔到，好似食緊一舊紅色膠，完全冇味，個酥皮亦失敗。肉醬意粉：不過不失，可以唔試，甜品：梳扶厘，正常之作。整體覺得失望，唔會再幫襯，埋單$1600，完全唔值，好後悔浪費時間食左一餐咁令人失望嘅西餐，又再一次中伏，唔明點解openrice咁多人比like 😝

今日約左朋友係灣仔食飯，我地最近都好多鎖碎煩事，所以今日諗住食餐好啲嘅， 我就要負責諗下食乜。但灣仔呢區每逢lunch時間都人頭湧湧， 想搵間好啲啲坐得舒服但又唔係天價嘅餐廳一啲都唔易！上網search左一輪，決定嚟試來佬餐廳， 佢當日係中環開時我就一直想嚟試架喇， 但一直都陰差陽錯搵唔到機會， 今日佢搬到灣仔，我終於可以嚟試喇👍。我訂了12：30pm, 可能附近啲人都放1：00掛，所以我到時都唔算多人， 不過到落完單之後就陸續填滿客人。我想食飯， 所以點了濶佬雞蛋义燒飯，而朋友就要左份有得鋸扒嘅午餐。餐湯是磨菇湯， 味道唔錯， 都認真食到磨菇蓉嘅。呢個义燒飯果然係濶佬先會點， 事關價錢一點也不便宜，如果加錢要埋塊鵝肝就仲名貴添，好似我咁😝。义燒的而且確好好味，肉質鮮嫩，味道適中，而且义燒件嘅份量亦算多，但米飯就較硬身同有點凍，太陽蛋就冇 理由會出事。另外加錢加嘅鵝肝，雖然質素同味道都唔錯，但乾爭爭咁上碗，一點油水或醬汁都冇，感覺有點差🙄！朋友嘅午餐牛扒 🥩烹調煎法都OK, 但牛扒肉味道偏淡口。最後餐飲沒特別，咖啡有點差。總括黎講這餐飯味道只屬不過不失，但性價比就有點低。

同朋友諗住來佬餐廳食d野先，跟住去睇戲，餐廳位置位於灣仔red MR，要上一樓，會先見到Red Mr reception,然後再轉右就會見到餐廳既招牌，感覺上有少少好似位於red MR內既餐廳，餐廳外亦設有影相位置，亦放置左一部好耐無見既體重機，入到餐廳，廳內裝潢唔錯，細緻簡潔，以白色墨綠色作主調，店內主打港式風味，選擇亦唔少，龍蝦濃湯，味道唔錯，來佬汁炒牛河($108)，即是瑞士汁牛河，味道不過不失，牛河會有一碟余均益辣椒醬伴上，非常加分，雪糕紅豆冰，紅豆未至於太棉，而且雪糕裏面都充滿冰粒，陽光焗黑毛豬扒飯（$128），正常，豬扒好食，而且係炒飯底，但又未至於好驚艷，來佬汁雞要翼（$88），呢個反而係最好食，雖然要等25分鐘左右，但雞翼滑而且個汁都幾好。總括店內裝修唔錯，食物味道亦都算中上，而且staff都好有禮貌，係一個適合同朋友舒服坐底傾計食飯既地方，雖然店鋪位置都易搵方便，但開左係red Mr裏面略嫌有d隱蔽，有d浪費左間食店~值得再來~

依間多元化嘅餐廳走懷舊路線📽一入到去見到啲裝修走懷舊風，一打開餐牌原來有好多驚喜菜色😱咖哩野菜梳孚里幾特別，咖哩唔係配飯而配梳孚里🤔🤔變左個鹹嘅🤣但我自己就覺得都係配飯多啲😂利申 飯桶/而威靈頓66 牛好淋加上酥皮好夾🐮/另外，椰皇雪葩係特別菜單，因為menu上面無嘅，係經理走過黎問我地有無興趣！🥥真係原隻椰子嘅雪葩，好好食！唔係睇咁好似好heavy菜單上仲有素食揀架！好食指數：😋😋😋😋（5個😋為最高）抵食指數：👍🏻👍🏻👍🏻👍🏻（5個👍🏻為最高）

今次試$468的2人餐(原價$568，Openrice訂座平$100)餐湯，前菜x2，主菜x2都有得揀。餐湯：黑松露湯：creamy，味道適中，配一片香軟蒜蓉包，開胃。前菜1：田螺焗薯：4隻田螺，配焗到香脆的薯蓉在底，唔錯。前菜2：來佬雞翼：4隻瑞士雞翼，是招牌菜。個來佬汁真係好好味呀！主菜1：焗魚：條魚比較薄的，無骨，幾入味，配少量菇和菜。主菜2：焗豬扒飯：我食過最正的焗豬扒飯，豬扒好鬆軟，飯乾身一粒粒，推介！甜品：招牌梳乎厘：唔多講，呢個必食啦。飲品：雪梨生薑圓肉茶(+$18/杯)：剛剛好，唔會好甜，薑都唔會好辣。入面有好多新鮮的圓肉，有薑有梨肉。午餐只係+$10就有得飲，想試晒全部呀，哈哈。環境：餐廳很寬敞，燈光柔和，好啱談心。有懷舊的裝修，比較特別。服務：逐道菜上，每食一道菜都換隻碟。職員有禮貌。鍾意每道菜都夠熱，證明係即製，有誠意。利申：大眾消費者的真心評價，希望和大家分享。

來佬這個名字同「來路」這個諧音好相似，因為在六，七十年代香港引入唔少外國品牌，小時候經常聽成年人講「來路」這兩個字，由此可見，「來佬」既老闆對這個年代情有獨鍾，餐廳好多時播放五，六，七十年代英文歌曲🎷我好喜歡呀❤️亦有香港市民認識既垃圾蟲人形公仔，有相為證，我由中環食到去年2017搬到灣仔杜老誌道，誓要追隨🏃‍♀️因為大廚水準高👍隨佐廚藝高👍亦都要選擇食材方面了得👍亦感受廚師用心❤️去製作，其實香港真係越嚟越少「來佬」這類餐廳，我意思係有良心既餐廳，我付出咁多💰可成正比例，比足料，希望可以保持這個精神💪我相信都會，因為有好多次我去到「來佬」都見到羅老闆在餐廳裏面😍😍😍

黎到星期三 風又打唔成 咁唯有食好d 慰勞自己 咁就去左來佬餐館試下 唔駛等位 餐廳夠大 坐得夠開心😍 睇左陣餐牌 一於嗌泰式太陽蛋香草肉炒飯😍上到菜果陣 即刻篤爆個太陽蛋 等蛋漿充分鋪滿成個飯😂 （唔係要個蛋托咩）之後食啖飯驗下貨先 唔錯bor!!!!😍 少少辣既肉 香草又唔會太勁香草味 飯又幾軟 一匙有哂肉 香草 同飯既 係一種享受 有哂辣 香 軟 咸 😂😂😂 加上已經鋪左蛋漿既飯同肉 係正既😂😂 唯一唔好既係 個蛋太細 唔夠鋪哂成個飯

第一次光顧這間餐廳，每一位侍應服務態度非常好👍🏻 環境寬敞舒適，價錢比想像中便宜。唯一的缺點是，菜心鹹了一點 (我點的是海南雞飯)，但整體食物質素很好。所以我會繼續去光顧的。

港式豉油西餐和鋸扒這兩件事，本來跟素食者已經絕緣，沒想到可以在來佬餐館吃到無肉版本。雖然都以素肉為主，但看起來像真的一樣都蠻有趣，適合剛開始學吃素或是間中搞怪一下的素食者。餐廳以綠色為主調，裝修懷舊，氣氛都幾有趣。黯然銷魂素叉燒飯 HK$108 / 來佬汁炒素牛河 HK$108先來兩道香港茶餐廳名物，厚切素叉燒用真叉燒的方法處理，外層烤得焦脆，也有麥芽糖甜味。不過我喜歡吃半肥瘦叉燒，希望科技再進步一點。干炒牛河看起來比較深色，一般正常牛河用瑞士汁炒，這裡用了自家調製的醬汁，入面有加藥材，吃起來帶甜也有藥香。「牛肉」除了用素牛肉片，也有薄切杏鮑菇偽裝，我覺得杏鮑菇有加分，整個牛河也炒得夠鑊氣。來佬未來漢堡配黑松露薯條 (港式蔥油 / 四川麻辣) HK$98平常吃的未來漢堡都以西式配搭居多，這裡則用了港式蔥油和四川麻辣，竟然有意想不到的效果。港式蔥油是油雞的好拍檔，沒想到也可以跟未來漢堡一起玩，對於很久沒機會吃蔥油的人來說，終於可以重拾往日情懷。四川麻辣實在「辣到阿媽都唔認得」，辣度強勁麻則欠奉，我本身不太能吃辣但吃完覺得蠻爽的，如果實在不能碰辣建議跳過。巨人素鐵板 HK$698可以供4-

今日同朋友都早收工，所以嚟到來佬餐廳諗住飲杯嘢食下佢啲薯條，咁啱佢哋做緊買一送一happy hour，咁就好開心咁一人嗌咗一杯野，另外再嗌多一客黑松露薯條。其實我同朋友一直都好鍾意佢嘅薯條，外脆內軟、亦都唔會太有幼身，但係今晚呢一客黑松露薯條就真係有啲失望，因為實在太軟，有啲似食緊薯蓉嘅感覺不過都唔係難食嘅！ （👆🏿題外話，其實我哋之前都試過佢嘅避風塘薯條，嗰一隻就真係唔太好食因為佢只係加咗好多辣粉，所以就真係食得比較辛苦）鍾意來呢個地方，都係因為佢嘅地點好方便，另外就係侍應都好🤝Friendly, 成日都笑容滿面！好啦咁同朋友傾左個零鐘，都係時候埋單，先至發覺原來買一送一係要飲同一款酒或者飲品！ 果刻其實有啲嚇親因為買嘅時候冇提過，但係侍應都非常之好人話會比兩張coupon我哋，等我哋下次幫襯嘅時候可以飲返呢兩杯野飲！ 嘩，我真係覺得佢哋勁Nice啊! 因為除咗happy hour，佢話任何時段都可以嚟飲番呢兩杯野飲架，我真係覺得呢間鋪頭好有誠意啊一定會再嚟幫襯！不過，如果可以提議，就希望佢哋可以開冷氣開大啲，因為真係飲到有啲熱（不過可能係因為冷氣壞咗、🤔但都成兩個月都咁熱）！ 而嗰

大家都熟悉的港式豉油西餐：鐵板餐、牛河、燒味飯，對於素食者來說是可望而不可即，既不能吃肉，但走了肉就完全沒有了感覺，不如不吃！最近「來佬餐館」提供了這些港式美食的素食版，味道不賴，鑊氣十足，誠是素食人士的福音。 來佬本身就是提供港式食品的餐廳，仿六七十年代的裝修，很有「花樣年華」feel，卻原來只是開業了七年，門口擺放了點唱機，好懷舊，我都來拍照打卡。 來佬未來漢堡配黑松露薯條 ($98) 四川麻辣味 港式蔥油味 先點了兩款Beyond Burger未來漢堡，採用100%全植物製作，主要成分為豌豆蛋白，再加入紅菜頭汁 (仿血水)，吃起來的質感也跟漢堡扒的肉粒相像，像真度超高。我們要了麻辣味和蔥油味，前者對於我來說太辣，後者蔥油香噴噴，充滿港式風味，我更喜歡。 黯然銷魂素叉燒飯 ($108) 來佬汁炒素牛河 ($108) 這兩款主食也是做得似模似樣，「叉燒」以麵筋加上秘製醬汁和麥芽糖烤製，外層烤得脆卜卜，蜜芽糖甜甜的很有蜜汁叉燒感覺；「牛河」以醬油、藥材、陳皮、桂皮、八角、冰糖等炮製成醬汁來炒，甜甜的帶有少許藥材味，「牛肉」則以素牛肉和雞脾菇「扮演」，牛肉很薄，帶點